1 Reyes 8:57 - Li Santil hu

⁵⁷ Chicua̱nk taxak li Ka̱cuaꞌ kiqꞌuin joꞌ nak quicuan chak riqꞌuineb li kaxeꞌto̱nil yucuaꞌ. Ut incꞌaꞌ taxak toxtzꞌekta̱na chi moco toxcanab kajunes.

Q'eqchi Bible

⁵⁷ “Chiwanq taxaq qik'in li Qaawa' li qaYos, jo' naq kiwank chaq rik'ineb' li qana' qayuwa'. Ink'a' taxaq tooxkanab' chi moko tooxtz'eqtaana,

1 Reyes 8:57 ပူးပေါင်းရင်းမြစ်များ

Josué 1:5

Ma̱ ani ta̱ru̱k ta̱numta̱k saꞌ a̱be̱n joꞌ najtil yoꞌyo̱kat xban nak la̱in cua̱nkin a̱cuiqꞌuin cha̱tenkꞌanquil joꞌ nak quintenkꞌa laj Moisés. Incꞌaꞌ tatincanab a̱junes. Cua̱nkin ban a̱cuiqꞌuin junelic.

Deuteronomio 31:6

Cacuubresihomak e̱chꞌo̱l ut chicua̱nk e̱metzꞌe̱u. Mexxucuak chi moco texcꞌoxlak xbaneb, xban nak li Ka̱cuaꞌ incꞌaꞌ texcanab e̱junes. Cua̱nk ban e̱riqꞌuin chi junelic, chan laj Moisés.

Hebreos 13:5

Me̱ra ru li tumin. Checꞌojobak ban e̱chꞌo̱l riqꞌuin li joꞌ qꞌuial cuan e̱re xban nak li Dios quixye: Junelic tatintenkꞌa, ut ma̱ jokꞌe tatincanab a̱junes. (Deut. 31:6)

Josué 1:9

La̱in li yo̱quin chi takla̱nc a̱cue. Yal a̱kꞌe ut cacuubresi a̱chꞌo̱l. Matxucuac chi moco ta̱chꞌina̱nk a̱chꞌo̱l xban nak la̱in li Ka̱cuaꞌ la̱ Dios cua̱nkin a̱cuiqꞌuin yalak bar tatxic, chan li Dios.

Deuteronomio 31:8

Li Ka̱cuaꞌ ta̱cua̱nk a̱cuiqꞌuin. Aꞌan ta̱cꞌamok be cha̱cuu. Incꞌaꞌ tatxcanab a̱junes chi moco tatxtzꞌekta̱na. Joꞌcan nak matxucuac chi moco ta̱chꞌina̱nk a̱chꞌo̱l, chan laj Moisés.

Romanos 8:31

¿Cꞌaꞌru takaye chirix aꞌin? Cui li Dios cuan kiqꞌuin, eb li xicꞌ nequeꞌiloc ke incꞌaꞌ teꞌnumta̱k saꞌ kabe̱n.

San Mateo 28:20

Te̱cꞌut chiruheb xpa̱banquil chixjunil li xinye chak e̱re. Chenauhak nak la̱in cua̱nkin e̱riqꞌuin chixjunil li cutan chalen toj saꞌ rosoꞌjic li ruchichꞌochꞌ.— Joꞌcan taxak.

San Mateo 1:23

Aꞌan aꞌin li quixye: Jun xkaꞌal toj ma̱jiꞌ cuanjenak riqꞌuin cui̱nk ta̱cua̱nk lix cꞌulaꞌal chꞌina te̱lom. Ut Emanuel ta̱qꞌuehekꞌ chokꞌ xcꞌabaꞌ. (Isa. 7:14) Chi jalbil ru Emanuel naraj naxye “Li Dios cuan kiqꞌuin”.

1 Crónicas 28:9

Ut la̱at, at Salomón, at cualal, chapa̱b li Ka̱cuaꞌ lix Dios la̱ yucuaꞌ ut chatcꞌanjelak chiru chi anchal a̱chꞌo̱l ut saꞌ ti̱quilal. Li Ka̱cuaꞌ, aꞌan naxnau cꞌaꞌru cuan saꞌ xchꞌo̱l li junju̱nk ut naxnau chanru lix naꞌleb. Cui la̱at ta̱sicꞌ li Dios, aꞌan ta̱tenkꞌa̱nk a̱cue. Cui ut ta̱tzꞌekta̱na, aꞌan tatxtzꞌekta̱na ajcuiꞌ la̱at chi junaj cua.

1 Samuel 12:22

Saꞌ xcꞌabaꞌ lix lokꞌal, li Ka̱cuaꞌ incꞌaꞌ textzꞌekta̱na, xban nak aꞌan naraj nak la̱exak lix tenamit.

Isaías 41:10

Joꞌcan nak mexxucuac xban nak la̱in cua̱nkin e̱riqꞌuin. Mexcꞌoxlac. La̱in le̱ Dios. La̱in ninqꞌuehoc e̱metzꞌe̱u ut la̱in nintenkꞌan e̱re. La̱in tin-ilok e̱re chi junelic riqꞌuin xnimal incuanquil ut riqꞌuin inti̱quilal.

Isaías 8:10

Usta te̱cꞌu̱b ru chi us li cꞌaꞌru te̱ba̱nu, abanan incꞌaꞌ us tex-e̱lk. Usta tex-a̱tinak chi nabal, abanan ma̱cꞌaꞌak aj e li cꞌaꞌru te̱ye xban nak la̱o cuan li Ka̱cuaꞌ kiqꞌuin.

Salmos 46:11

Li Ka̱cuaꞌ, li kꞌaxal nim xcuanquil, aꞌan li cuan kiqꞌuin. Aꞌan lix Dios laj Jacob. Ut aꞌan ajcuiꞌ li nacoloc ke.

Salmos 46:7

Li Dios li kꞌaxal nim xcuanquil, aꞌan li cuan kiqꞌuin. Aꞌan lix Dios laj Jacob ut aꞌan ajcuiꞌ li nacoloc ke.

Deuteronomio 31:17

Saꞌ li cutan aꞌan la̱in tinjoskꞌokꞌ saꞌ xbe̱neb ut tintzꞌekta̱naheb. Tincanabeb xjuneseb ut teꞌsachekꞌ ruheb. Nabal li raylal ut li chꞌaꞌajquilal ta̱cha̱lk saꞌ xbe̱neb. Ut eb aꞌan teꞌxye: —Yo̱co chixcꞌulbal li raylal aꞌin xban nak li Ka̱cuaꞌ li kaDios xoxcanab kajunes, chaꞌkeb.

Josué 24:23

Ut laj Josué quixye reheb: —Cui ya̱l nak te̱raj cꞌanjelac chiru li Ka̱cuaꞌ, tento te̱risiheb chi junaj cua chixjunileb li jalanil dios li cuanqueb saꞌ e̱ya̱nk. Ut chi anchal le̱ chꞌo̱l te̱kꞌaxtesi e̱rib chi cꞌanjelac chiru li Ka̱cuaꞌ li kaDios la̱o aj Israel, chan.