1 Reyes 7:2 - Li Santil hu

² Quixyi̱b jun li cab ut quixqꞌue chokꞌ xcꞌabaꞌ “Qꞌuicheꞌ re Líbano”. Aꞌan aꞌin lix nimal: o̱b roxcꞌa̱l (55) metro xnimal rok, cuib xcaꞌcꞌa̱l metro riqꞌuin media xnimal xsaꞌ ut oxlaju metro riqꞌuin media xnimal xteram. Ca̱hib tzol li rokechal. Li ca̱hib tzol chi okech, aꞌan chacalteꞌ joꞌ ajcuiꞌ li tzꞌamba. Ut saꞌ xbe̱neb li okech aꞌan queꞌhilan li tzꞌamba.

Q'eqchi Bible

² Kixyiib' ajwi' li rochoch, “K'iche' re Líbano” xk'ab'a', kach'in chik maa waqxaqib' xka'k'aal moqoj li roq, kach'in chik maa kaalaju moqoj li xnimal ru ut numenaq waqxaqib' moqoj xteram, k'ojk'o sa' xb'een kaahib' tzol chi xche'el li yaw; ut sa' xb'eeneb' li oqech neke'hilank li tz'amb'a yiib'anb'ileb' ajwi' rik'in yaw.

1 Reyes 7:2 ပူးပေါင်းရင်းမြစ်များ

1 Reyes 10:17

Ut quixqꞌue ajcuiꞌ chi yi̱ba̱c oxib ciento li cocꞌ chꞌi̱chꞌ li nequeꞌxcol cuiꞌ reheb xchꞌo̱l. Numenak oxib libra li cha̱bil oro li queꞌxyi̱b cuiꞌ li junju̱nk chi chꞌi̱chꞌ. Chixjunileb li chꞌi̱chꞌ aꞌin quixoqueꞌ saꞌ li palacio “Qꞌuicheꞌ re Líbano” xcꞌabaꞌ.

2 Crónicas 9:16

Ut quixqꞌue ajcuiꞌ chi yi̱ba̱c oxib ciento li cocꞌ chꞌi̱chꞌ li nequeꞌxcol cuiꞌ reheb xchꞌo̱l. Numenak cuakib libra li cha̱bil oro li tenbil li queꞌxyi̱b cuiꞌ li junju̱nk chi chꞌi̱chꞌ. Chixjunileb li chꞌi̱chꞌ aꞌin quixoqueꞌ saꞌ li palacio “Qꞌuicheꞌ re Líbano” xcꞌabaꞌ.

Cantares 7:4

La̱ cux chanchan jun li cab najt xteram yi̱banbil riqꞌuin marfil. Ut lix nakꞌ a̱cuu chanchaneb li xnaꞌaj li haꞌ li cuan aran saꞌ li tenamit Hesbón chire li oqueba̱l Bat-rabim xcꞌabaꞌ. Ut la̱ cuuꞌuj chanchan li cab najt xteram li cuan aran Líbano saꞌ xjayal li tenamit Damasco.

1 Reyes 10:21

Chixjunil lix secꞌ li rey Salomón, aꞌan junes cha̱bil oro, joꞌ eb ajcuiꞌ chixjunil li secꞌ li cuan saꞌ li palacio “Qꞌuicheꞌ re Líbano” xcꞌabaꞌ. Ma̱cꞌaꞌ li secꞌ plata riqꞌuin xban nak li plata saꞌ eb li cutan aꞌan ma̱cꞌaꞌ xtzꞌak.

1 Reyes 9:19

Ut laj Salomón quixtakla ajcuiꞌ xyi̱banquil eb li tenamit li xocxo cuiꞌ li tzacae̱mkeb, ut li tenamit li xocxo cuiꞌ lix carruajeb, li tenamit li cuanqueb cuiꞌ lix soldados li nequeꞌxic chirix cacua̱y. Quixtakla xyi̱banquil li joꞌ qꞌuial quiraj xyi̱banquil aran Jerusalén ut Líbano ut saꞌ eb li naꞌajej li cuanqueb rubel xcuanquil.

1 Reyes 7:3

Li o̱b roxcꞌa̱l chi tzꞌamba queꞌhilan saꞌ xbe̱n li o̱b roxcꞌa̱l chi okech. Saꞌ li junju̱nk tzol cuan oꞌlaju chi okech. Ut queꞌxtzꞌap li xbe̱n riqꞌuin li tzꞌalam cheꞌ chacalteꞌ.

1 Reyes 9:1

Laj Salomón quixchoy xyi̱banquil lix templo li Ka̱cuaꞌ joꞌ ajcuiꞌ lix palacio ut chixjunil li quiraj xyi̱banquil.

Isaías 22:8

Quilajeꞌpoꞌeꞌ chixjunil li cꞌaꞌak re ru li quecol cuiꞌ raj e̱rib la̱ex aj Judá. Nak queril nak ma̱cꞌaꞌ chic e̱colbal, querisi chak le̱ chꞌi̱chꞌ re pletic, li quexoc saꞌ li cab li cuan saꞌ qꞌuicheꞌ.