1 Reyes 6:7 - Li Santil hu

⁷ Nak queꞌxyi̱b lix templo li Dios, incꞌaꞌ queꞌocsin martillo, chi moco queꞌocsin ma̱l, chi moco queꞌocsin chꞌi̱chꞌ xban nak ma̱cꞌaꞌ cꞌaꞌru queꞌxtoj chiru. Li pec li queꞌxyi̱b cuiꞌ li templo ac ti̱cobresinbileb ru chi us nak queꞌxcꞌam chak.

Q'eqchi Bible

⁷ Eb' li pek ke'oksiik re kab'lak, ke'tuqub'amank chaq ruheb' b'arwi' ke'isiik chaq. Jo'kan naq ink'a' ki'ab'imank xyaab' li t'ojleb', xyaab' li maal, chi moko xyaab' junaq ch'iich', naq yo li k'anjelak.

1 Reyes 6:7 ပူးပေါင်းရင်းမြစ်များ

1 Pedro 2:5

Ut la̱ex chanchanex li cocꞌ pec li na-oc saꞌ li tzꞌac. Xban li rusilal li Jesucristo, naru texcꞌanjelak chiru li Dios joꞌ eb laj tij li nequeꞌmayejac chiru li Dios. Li mayej li kꞌaxal lokꞌ, aꞌan nak te̱kꞌaxtesi e̱rib saꞌ rukꞌ li Dios. Ut le̱ mayej nacꞌuleꞌ xban li Dios saꞌ xcꞌabaꞌ li Jesucristo.

Proverbios 24:27

Xbe̱n cua te̱cꞌanjela ru le̱ chꞌochꞌ li cuan saꞌ cꞌaleba̱l. Chirix aꞌan te̱yi̱b le̱ rochoch.

Éxodo 20:25

Cui riqꞌuin pec yi̱banbil li artal li te̱yi̱b chokꞌ cue, me̱tukub ru li pec. Cui te̱pechꞌ riqꞌuin chꞌi̱chꞌ, te̱mux ru li pec ut incꞌaꞌ chic us chokꞌ re lin artal.

Colosenses 1:12

Chebantioxi chiru li Acuabej Dios li quiqꞌuehoc ke chitzꞌako̱nk riqꞌuin li sahil chꞌo̱lejil kochbeneb laj pa̱banel li ac xeꞌxtau xya̱lal.

2 Corintios 5:5

Aꞌ li Dios aꞌan li coxcauresi re nak naru takacꞌul li katzꞌejcual saꞌ choxa. Ut quixqꞌue ke li Santil Musikꞌej re nak takanau chi tzꞌakal nak takacꞌul li cꞌaꞌru naxyechiꞌi ke.

Romanos 9:23

Ut riqꞌuin lix nimal rusilal quiruxta̱na ku ut quixcꞌut chiku lix lokꞌal. Junxil sicꞌbil chak ku xban re nak totzꞌako̱nk saꞌ lix lokꞌal.

Hechos 9:31

Ut incꞌaꞌ chic queꞌrahobtesi̱c laj pa̱banel li cuanqueb Judea, Galilea, ut Samaria. Yo̱queb chi qꞌui̱c saꞌ xpa̱ba̱leb. Nequeꞌxxucua ru li Ka̱cuaꞌ. Ut li Santil Musikꞌej yo̱ chixqꞌuebal xcacuilal xchꞌo̱leb. Cꞌajoꞌ nak yo̱queb chi ta̱mc.

Isaías 42:2

Incꞌaꞌ ta̱cuechꞌi̱nk chi moco tixjap re ut incꞌaꞌ ta̱abi̱k lix ya̱b xcux saꞌ be.

Santiago 1:20

Xban nak cui nocojoskꞌoꞌ, incꞌaꞌ nakaba̱nu li cꞌaꞌru naraj li Dios.

1 Reyes 6:6

Li cocꞌ cab li queꞌxyi̱b oxib tasal xteram. Li xbe̱n tasaleb li cab cuan cuib metro riqꞌuin o̱b xcaꞌcꞌa̱l centímetro xni̱nkal xsaꞌ. Li xcab tasaleb li cab cuan cuib metro riqꞌuin laje̱b xca̱cꞌa̱l centímetro xni̱nkal xsaꞌ. Ut li rox tasaleb li cab cuan oxib metro riqꞌuin oꞌlaju centímetro xni̱nkal xsaꞌ. Incꞌaꞌ mas nim ru li cab queꞌxqꞌue takꞌa re nak incꞌaꞌ coxinak li tzꞌamba chiru li tzꞌac re li templo.

1 Reyes 6:8

Lix puertil li cocꞌ cab re li xbe̱n tasal nacana saꞌ li nim re li templo. Ut li takleba̱l li naxic saꞌ li xcab ut li rox tasal li cab, aꞌan naxkꞌoti rib.