1 Reyes 5:5 - Li Santil hu

⁵ Joꞌcan nak la̱in tinyi̱b li templo li ta̱lokꞌoni̱k cuiꞌ li Ka̱cuaꞌ lin Dios xban nak li Dios quixye re laj David lin yucuaꞌ, “La̱ cualal, li tinxakab chokꞌ rey chokꞌ a̱cue̱kaj, aꞌan li ta̱yi̱ba̱nk re li templo re tinlokꞌoni̱k cuiꞌ,” chan.

Q'eqchi Bible

⁵ Jo'kan naq twaj xkab'lankil li rochoch li Qaawa' linYos, jo' chanru kixye re laj David linyuwa': «A' laawalal li tinxaqab' chi awab'ejink sa' laak'ojarib'aal, a'an taakab'lanq re li ochoch sa' ink'ab'a'», chan.

1 Reyes 5:5 ပူးပေါင်းရင်းမြစ်များ

1 Crónicas 22:10

Aꞌan li ta̱yi̱ba̱nk re lin templo li tinlokꞌoni̱k cuiꞌ. Aꞌanak li cualal ut la̱inak lix yucuaꞌ. La̱in tinxakab saꞌ xnaꞌaj lix cuanquil saꞌ xbe̱neb laj Israel chi junelic,” chan li Ka̱cuaꞌ.

1 Crónicas 17:12

Aꞌan li ta̱yi̱ba̱nk re li templo li tineꞌxlokꞌoni cuiꞌ li tenamit. Ut la̱in tinxakaba̱nk re saꞌ xnaꞌaj lix cuanquil chi junelic.

1 Crónicas 28:6

Ut li Dios quixye cue, “Laj Salomón la̱ cualal, aꞌan li ta̱yi̱ba̱nk re lin templo ut eb li neba̱l. La̱in xinsicꞌ ru re nak aꞌanak li cualal ut la̱inak lix yucuaꞌ.

1 Crónicas 28:10

Qꞌue retal. Li Ka̱cuaꞌ Dios, aꞌan li xsicꞌoc a̱cuu re nak ta̱yi̱b lix templo li Ka̱cuaꞌ re ta̱cua̱nk cuiꞌ lix Lokꞌlaj Ca̱x. Cauhak a̱chꞌo̱l ut ba̱nu li cꞌanjel, chan li rey David.

1 Reyes 8:19

Abanan ma̱cuaꞌ la̱at tatyi̱ba̱nk re li cab aꞌan. La̱ cualal ban ta̱yi̱ba̱nk re li cab re tineꞌxlokꞌoni cuiꞌ,” chan li Dios.

Levítico 25:18

Cheba̱nu chixjunil li chakꞌrab li quinqꞌue e̱re ut chepa̱b le̱ taklanquil inban re nak ma̱cꞌaꞌ ta̱chꞌiꞌchꞌiꞌi̱nk e̱re saꞌ le̱ naꞌaj.

Levítico 25:19

Ta̱e̱lk chi us li acui̱mk saꞌ le̱ chꞌochꞌ ut ta̱cua̱nk chi nabal le̱ tzacae̱mk. Ut texcua̱nk chi tuktu le̱ chꞌo̱l saꞌ li naꞌajej aꞌin.

Deuteronomio 33:28

Joꞌcan nak la̱ex li ralal xcꞌajol laj Israel texcua̱nk chi tuktu le̱ chꞌo̱l. Ma̱cꞌaꞌ ta̱chꞌiꞌchꞌiꞌi̱nk e̱re la̱ex li ralal xcꞌajol laj Jacob. Kꞌaxal nabal li ru le̱ racui̱mk ut kꞌaxal nabal li vino saꞌ le̱ naꞌaj li ta̱tꞌakresi̱k riqꞌuin li hab li nachal saꞌ choxa.

Jueces 20:1

Quilajeꞌxchꞌutub ribeb chixjunileb li cui̱nk aj Israel saꞌ li naꞌajej cuan cuiꞌ li tabernáculo aran Mizpa. Eb aꞌan queꞌchal chak saꞌ eb li naꞌajej li naticla chak Dan ut nacuulac Beerseba ut toj Galaad.

2 Reyes 18:31

Me̱pa̱b li ra̱tin laj Ezequías. Aꞌan aꞌin li naxye e̱re lix reyeb laj Asiria, “Cꞌamomak e̱rib saꞌ usilal cuiqꞌuin. Cui te̱cꞌam e̱rib saꞌ usilal cuiqꞌuin, chi ju̱nkal te̱tzaca li ru le̱ uvas ut te̱tzaca li ru le̱ higo ut naru ajcuiꞌ te̱rucꞌ li haꞌ li na-el saꞌ le̱ jul haꞌ,

Miqueas 4:4

Ut talajeꞌcꞌojlak chi xju̱nkaleb rubel xto̱nal li uva ut rubel lix cheꞌel li higo ut ma̱ ani chic ta̱seꞌbesi̱nk reheb xban nak joꞌcan quixye li Ka̱cuaꞌ li nimajcual Dios.

Zacarías 3:10

Nak ta̱cuulak xkꞌehil aꞌan, sa chic texcua̱nk chi ribil e̱rib. Ut naru textzaca̱nk saꞌ comonil saꞌ xmu li cheꞌ olivos ut saꞌ xmu li cheꞌ higo, chan li Ka̱cuaꞌ li nimajcual Dios.