1 Reyes 5:3 - Li Santil hu

³ —La̱at nacanau nak laj David lin yucuaꞌ incꞌaꞌ quiru xyi̱banquil lix templo li Ka̱cuaꞌ lix Dios xban nak junelic yo̱ chi pletic riqꞌuineb li xicꞌ nequeꞌiloc re toj retal nak li Ka̱cuaꞌ quixkꞌaxtesiheb saꞌ rukꞌ.

Q'eqchi Bible

³ “Laa'at nakanaw chi us naq laj David linyuwa' ink'a' kiru xkab'lankil li rochoch li Qaawa' li xYos, xb'aan naq junelik yo chi yalok rik'ineb' li xik' neke'ilok re, toj reetal naq li Qaawa' kixq'axtesiheb' sa' ruq'.

1 Reyes 5:3 ပူးပေါင်းရင်းမြစ်များ

1 Crónicas 28:3

Abanan li Dios quixye cue, “Ma̱cuaꞌ la̱at li tatyi̱ba̱nk re lin templo xban nak la̱at nabal li ple̱t xaba̱nu ut nabaleb xacamsiheb,” chan cue.

1 Crónicas 22:8

Abanan li Ka̱cuaꞌ quixye cue, “Nabal li ple̱t xaba̱nu ut nabal li camsi̱nc xaba̱nu saꞌ li ple̱t. Joꞌcan nak la̱at incꞌaꞌ naru ta̱yi̱b lin templo”, chan cue.

1 Corintios 15:25

Li Cristo cua̱nk xcuanquil chi takla̱nc toj retal tixqꞌueheb rubel rok chixjunileb li xicꞌ nequeꞌiloc re.

Malaquías 4:3

Saꞌ li cutan aꞌan, la̱in tinqꞌueheb li incꞌaꞌ useb xnaꞌleb rubel le̱ cuanquil la̱ex. Chanchanakeb chic li poks li nequeyekꞌi saꞌ e̱rok.

Salmos 110:1

Li Dios quixye re li Ka̱cuaꞌ: —Tatcꞌojla̱k saꞌ innim ukꞌ toj retal tincanabeb rubel la̱ cuok li xicꞌ nequeꞌiloc a̱cue, chan.

Salmos 8:6

Ut xaqꞌueheb xcuanquil saꞌ xbe̱n la̱ cꞌanjel li xaba̱nu riqꞌuin la̱ cuukꞌ. La̱at xaqꞌue chixjunil li cꞌaꞌak re ru rubel xcuanquileb aꞌan.

Josué 10:24

Nak ac cuanqueb li rey riqꞌuin laj Josué, quixtakla xbokbaleb chixjunileb li cui̱nk aj Israel. Quixye reheb li nequeꞌcꞌamoc be saꞌ xya̱nkeb nak teꞌxxakab li rokeb saꞌ xbe̱n lix cuxeb li rey. Ut joꞌcan queꞌxba̱nu.

Efesios 1:22

Li Dios quixqꞌue chixjunil rubel xcuanquil li Cristo ut quixqꞌue li Cristo chi jolomi̱nc reheb laj pa̱banel ut aꞌan chic yal re saꞌ xbe̱neb.

1 Reyes 8:19

Abanan ma̱cuaꞌ la̱at tatyi̱ba̱nk re li cab aꞌan. La̱ cualal ban ta̱yi̱ba̱nk re li cab re tineꞌxlokꞌoni cuiꞌ,” chan li Dios.

1 Crónicas 28:2

Li rey David quixakli chiruheb ut quixye reheb: —Ex cuas cui̱tzꞌin, la̱ex lin tenamit, cherabihak li tinye e̱re. X-ala saꞌ inchꞌo̱l nak tinyi̱b lix templo li Ka̱cuaꞌ bar takaqꞌue cuiꞌ li Lokꞌlaj Ca̱x li ta̱hila̱nk cuiꞌ li Dios, bar xocxo cuiꞌ li contrato li quixyi̱b. Ac xincauresi chixjunil li ta̱cꞌanjelak re xyi̱banquil.

Deuteronomio 14:5

ut li qꞌuila pa̱y ru li quej ut li yuc, joꞌ ajcuiꞌ li carner li nacuan saꞌ qꞌuicheꞌ.

2 Crónicas 9:4

Ut quixqꞌue ajcuiꞌ retalil li tzacae̱mk li queꞌxtzaca joꞌ ajcuiꞌ lix naꞌajeb li nequeꞌcꞌanjelac chiru laj Salomón. Quixqꞌue ajcuiꞌ retal li rakꞌeb li nequeꞌtaklan, joꞌ ajcuiꞌ li rakꞌeb li nequeꞌcꞌanjelac. Ut quixqꞌue ajcuiꞌ retal li cꞌatbil mayej li naxqꞌue saꞌ lix templo li Ka̱cuaꞌ. Riqꞌuin chixjunil li quiril, quisach xchꞌo̱l.

Nehemías 5:17

Jun ciento riqꞌuin mero ciento laj judío li nequeꞌcuaꞌac saꞌ li cuochoch. Saꞌ xya̱nkeb aꞌan cuanqueb li nequeꞌcꞌamoc be saꞌ li tenamit. Ut ma̱cꞌaꞌeb saꞌ ajl li nequeꞌchal chak saꞌ eb li tenamit li cuanqueb chi nachꞌ kiqꞌuin.

Nehemías 5:18

Chixjunil li nasachman rajlal cutan re li katzacae̱mk, aꞌan aꞌin xqꞌuial: jun cuacax, cuakib cha̱bil carner xcomoneb li sicꞌbil ruheb, ut queꞌxyi̱b ajcuiꞌ caxlan. Rajlal laje̱b cutan nequeꞌxcꞌam chak chi nabal li vino. Usta nabal li nasachman, abanan ma̱ jun sut xinpatzꞌ reheb li tenamit li cꞌaꞌru tento raj xincꞌul la̱in, joꞌ li queꞌxcꞌul li queꞌcuan chi takla̱nc saꞌ li tenamit nak kꞌaxal nabal li i̱k cuan saꞌ xbe̱neb li tenamit.