1 Reyes 5:12 - Li Santil hu

¹² Li Ka̱cuaꞌ Dios quixqꞌue xnaꞌleb laj Salomón joꞌ quixyechiꞌi re. Li rey Salomón ut li rey Hiram queꞌxcꞌam ribeb saꞌ usilal ut queꞌxba̱nu li contrato chi ribileb rib.

Q'eqchi Bible

¹² Li Qaawa' kixk'e xchoxahil na'leb' laj Salomón, jo' kixyeechi'i re. Laj Jirán ut laj Salomón ke'xk'am rib' sa' aatin ut ke'wank sa' tuqtuukilal.

1 Reyes 5:12 ပူးပေါင်းရင်းမြစ်များ

1 Reyes 3:12

Joꞌcan nak la̱in tinqꞌue a̱cue li cꞌaꞌru xatzꞌa̱ma. Kꞌaxal nabal la̱ naꞌleb tinqꞌue. Ma̱ ani junak ta̱cua̱nk xnaꞌleb joꞌ la̱ naꞌleb la̱at. Chi moco anakcuan chi moco mokon ta̱cua̱nk junak joꞌ la̱at.

Amós 1:9

Ut quixye ajcuiꞌ li Ka̱cuaꞌ: —Nabal sut ac xincuy xma̱queb laj Tiro. Anakcuan incꞌaꞌ chic tincuyeb xma̱c xban nak numtajenak cuiꞌchic li ma̱usilal yo̱queb chixba̱nunquil. Queꞌnumta saꞌ xbe̱neb li tenamit ut queꞌxkꞌaxtesiheb saꞌ rukꞌeb laj Edom. Ut incꞌaꞌ chic quijulticoꞌ reheb li contrato queꞌxba̱nu re xcꞌambaleb rib saꞌ usilal.

Santiago 1:5

Cui cuan junak saꞌ e̱ya̱nk ta̱raj xnaꞌleb, chixtzꞌa̱mahak re li Dios, ut li Dios tixqꞌue chi anchal xchꞌo̱l ut chi nabal.

2 Crónicas 1:12

La̱ naꞌleb li xatzꞌa̱ma tinqꞌue a̱cue. Ut tinqꞌue ajcuiꞌ a̱biomal ut tinqꞌue a̱lokꞌal. Ma̱ jun rey ta̱cua̱nk joꞌ la̱at, chi moco junxil, chi moco mokon, chan li Ka̱cuaꞌ.

1 Reyes 15:19

Laj Asa quixtakla xyebal re laj Ben-adad: —Kaba̱nuhak junak li contrato chi kibil kib joꞌ queꞌxba̱nu lin yucuaꞌ riqꞌuin la̱ yucuaꞌ. Xintakla li oro ut li plata chokꞌ a̱cue. Nintzꞌa̱ma cha̱cuu nak incꞌaꞌ chic ta̱qꞌue xcuanquil li contrato li xaba̱nu riqꞌuin laj Baasa, lix reyeb laj Israel, re nak incꞌaꞌ chic toxchꞌiꞌchꞌiꞌi, chan laj Asa.

1 Reyes 4:29

Kꞌaxal nabal lix naꞌleb laj Salomón quiqꞌueheꞌ re xban li Dios. Chanchan xqꞌuial li samaib chire li palau. Naxnau xcꞌoxlanquil li cꞌaꞌru naxba̱nu ut chixjunil naxtau ru.

Génesis 21:32

Nak ac xeꞌxba̱nu li contrato, laj Abimelec rochben laj Ficol, queꞌsukꞌi saꞌ lix tenamiteb. Laj Abimelec ut laj Ficol, aꞌaneb laj filisteo.

1 Reyes 5:13

Saꞌ chixjunil li naꞌajej Israel laj Salomón quixchꞌutub ruheb laje̱b xcaꞌcꞌa̱l mil (30,000) chi cui̱nk ut quixtaklaheb chi cꞌanjelac.

Salmos 127:1

Cui ma̱cꞌaꞌ xcuanquil li Ka̱cuaꞌ riqꞌuineb, ma̱cꞌaꞌ aj e li cꞌanjel li teꞌxba̱nu laj cablanel. Cui li Ka̱cuaꞌ incꞌaꞌ ta̱ril lix tenamit, ma̱cꞌaꞌ aj e nak cuan junak ta̱cꞌacꞌale̱nk re li tenamit.

Proverbios 1:1

Aꞌan aꞌin li a̱tin li quixye laj Salomón, li ralal laj David li quicuan chokꞌ rey saꞌ li tenamit Israel.

Eclesiastés 12:9

La̱in ninnau a̱tinac chi cha̱bil ut cuan innaꞌleb. Quintzol cuib chi us ut quintzꞌil rix li naꞌleb. Ut quinqꞌueheb ajcuiꞌ xnaꞌleb li tenamit ut quinye saꞌ xxiqueb re nak teꞌxtau xya̱lal. Ut nabal li proverbios quintzꞌi̱ba.

Cantares 1:1

Aꞌan aꞌin li lokꞌlaj bich li quixtzꞌi̱ba li rey Salomón.