1 Reyes 5:1 - Li Santil hu

¹ Laj Hiram lix reyeb laj Tiro quirabi resil nak laj Salomón quixakaba̱c chokꞌ rey chokꞌ re̱kaj laj David lix yucuaꞌ. Joꞌcan nak quixtakla lix takl riqꞌuin. Laj Hiram junelic naxra laj David.

Q'eqchi Bible

¹ Naq laj Jirán, awab'ej re Tiro, kirab'i resil naq laj Salomón kixaqab'aak cho'q awab'ej sa' xna'aj laj David li xyuwa', kixtaqlaheb' li xtaql rik'in, xb'aan naq laj Jirán q'axal ramiiw laj David naq kiwank chi junelik.

1 Reyes 5:1 ပူးပေါင်းရင်းမြစ်များ

1 Crónicas 14:1

Laj Hiram lix reyeb laj Tiro quixtaklaheb lix takl riqꞌuin laj David. Ut quixtaklaheb ajcuiꞌ laj tzꞌac ut eb laj pechꞌ joꞌ ajcuiꞌ li cha̱bil cheꞌ chacalteꞌ re nak teꞌxyi̱b chi cha̱bil li rochoch.

2 Crónicas 2:3

Li rey Salomón quitzꞌi̱bac riqꞌuin laj Hiram lix reyeb laj Tiro ut quixye re: —¿Ma incꞌaꞌ ta̱ru̱k ta̱takla caꞌchꞌinak incheꞌ chacalteꞌ joꞌ caba̱nu riqꞌuin laj David lin yucuaꞌ nak quixyi̱b li rochoch aꞌan?

2 Samuel 5:11

Laj Hiram, li rey re li tenamit Tiro, quixtaklaheb lix takl riqꞌuin laj David. Quixtakla ajcuiꞌ li cha̱bil cheꞌ chacalteꞌ ut quixtaklaheb laj pechꞌ ut laj tzꞌac. Queꞌxyi̱b chi cha̱bil li rochoch laj David.

1 Reyes 5:10

Joꞌcan nak laj Hiram quixtakla chixjunil li cheꞌ li quiraj laj Salomón. Quixtakla li cheꞌ chacalteꞌ ut li cheꞌ ciprés.

Amós 1:9

Ut quixye ajcuiꞌ li Ka̱cuaꞌ: —Nabal sut ac xincuy xma̱queb laj Tiro. Anakcuan incꞌaꞌ chic tincuyeb xma̱c xban nak numtajenak cuiꞌchic li ma̱usilal yo̱queb chixba̱nunquil. Queꞌnumta saꞌ xbe̱neb li tenamit ut queꞌxkꞌaxtesiheb saꞌ rukꞌeb laj Edom. Ut incꞌaꞌ chic quijulticoꞌ reheb li contrato queꞌxba̱nu re xcꞌambaleb rib saꞌ usilal.

Salmos 45:12

Eb lix rabin laj Tiro teꞌcha̱lk chixqꞌuebal la̱ ma̱tan. Ut eb li biom teꞌsahokꞌ xchꞌo̱leb cha̱cuilbal.

1 Reyes 5:13

Saꞌ chixjunil li naꞌajej Israel laj Salomón quixchꞌutub ruheb laje̱b xcaꞌcꞌa̱l mil (30,000) chi cui̱nk ut quixtaklaheb chi cꞌanjelac.

2 Samuel 8:10

Joꞌcan nak laj Toi quixtakla laj Joram li ralal re nak tixqꞌue xsahil xchꞌo̱l laj David ut ta̱a̱tinak riqꞌuin saꞌ xya̱lal. Laj Toi quipletic nabal sut riqꞌuin laj Hadad-ezer. Joꞌcan nak quisahoꞌ xchꞌo̱l nak laj David quinumta saꞌ xbe̱neb. Ut quixtakla lix ma̱tan laj David yi̱banbil riqꞌuin oro, plata ut bronce.

Isaías 23:1

Aꞌan aꞌin resil li cꞌaꞌru teꞌxcꞌul li tenamit Tiro. Chexya̱bak la̱ex li cuanquex saꞌ eb li jucub re Tarsis xban nak quisacheꞌ ru li tenamit Tiro li texxic cuiꞌ. Quilajeꞌtꞌaneꞌ chixjunileb li ochoch. Toj Quitim qui-abi̱c resil.

Génesis 15:18

Aꞌan aꞌin li retalil nak saꞌ li cutan aꞌan li Ka̱cuaꞌ Dios quixba̱nu jun li contrato riqꞌuin laj Abram. Ut li Dios quixye re laj Abram: —Li naꞌajej aꞌin tinqꞌue chokꞌ a̱cue ut chokꞌ reheb ajcuiꞌ la̱ cualal a̱cꞌajol li teꞌcua̱nk. Li naꞌajej li tinqꞌue reheb naticla chak cuan cuiꞌ li nimaꞌ re Egipto ut nocoxrakekꞌ cuan cuiꞌ li nimla nimaꞌ Éufrates, chan.

Éxodo 34:24

La̱in tincuisiheb li cuanqueb saꞌ li naꞌajej li xinyechiꞌi e̱re ut tinqꞌue xtzꞌakob le̱ naꞌaj. Ma̱cꞌaꞌak chic e̱cꞌaꞌux chirix le̱ chꞌochꞌ nak texxic chinlokꞌoninquil oxib sut chiru li jun chihab. Ma̱ ani chic ta̱makꞌok che̱ru.

Números 24:7

Cua̱nk tzꞌakal lix haꞌeb. Tzꞌakalak lix haꞌeb re teꞌrucꞌ ut re teꞌxtꞌakresi li racui̱mkeb. Ut nima̱k xcuanquil lix reyeb chiru lix cuanquil li rey Agag. Qꞌuebilak xlokꞌal lix cuanquil.

Deuteronomio 20:11

Cui teꞌxcꞌul xchꞌo̱l ut saꞌ usilal teꞌxte li oqueba̱l re li tenamit che̱ru, chixjunileb li cuanqueb saꞌ li tenamit teꞌcꞌanjelak che̱ru chokꞌ e̱mo̱s.

1 Samuel 10:27

Abanan cuanqueb li incꞌaꞌ useb xnaꞌleb. Queꞌxye: —¿Ma aꞌan li cui̱nk li ta̱colok ke? chanqueb. Ut xicꞌ queꞌril laj Saúl ut incꞌaꞌ queꞌxqꞌue xma̱tan. Abanan laj Saúl incꞌaꞌ quixqꞌue saꞌ xchꞌo̱l li cꞌaꞌru queꞌxba̱nu.

1 Reyes 10:25

Rajlal chihab nabaleb li nequeꞌxic chirilbal laj Salomón nequeꞌxcꞌam xma̱tan. Nequeꞌxsi re li cꞌaꞌak re ru yi̱banbil riqꞌuin oro ut plata, li tꞌicr, li sununquil ban, li chꞌi̱chꞌ re pletic, joꞌ eb ajcuiꞌ li cacua̱y ut eb li mu̱l.

2 Crónicas 9:26

Li rey Salomón, aꞌan li nim xcuanquil saꞌ xbe̱neb chixjunileb li rey li cuanqueb saꞌ eb li tenamit cuan cuiꞌ li nimaꞌ Éufrates ut nacuulac toj saꞌ lix naꞌajeb laj filisteo ut nacuulac ajcuiꞌ toj saꞌ li nuba̱l re Egipto.

2 Crónicas 17:11

Cuanqueb laj filisteo queꞌxqꞌue xma̱tan laj Josafat ut queꞌxqꞌue ajcuiꞌ li plata chokꞌ xtojeb. Joꞌcaneb ajcuiꞌ laj árabes. Queꞌxsi xqueto̱mk laj Josafat. Queꞌxqꞌue cuukub mil riqꞌuin cuukub ciento li te̱lom carner ut queꞌxqꞌue ajcuiꞌ cuukub mil riqꞌuin cuukub ciento li te̱lom chiba̱t.

Esdras 4:20

Eb li rey li queꞌcuan aran Jerusalén kꞌaxal ni̱nkeb xcuanquil. Queꞌtaklan saꞌ eb li naꞌajej li cuanqueb jun pacꞌal li nimaꞌ. Ut queꞌxqꞌue xtojeb ut queꞌxtoj rix li cꞌaꞌak re ru tento xtojbal.

Salmos 72:8

Chicua̱nk ta xcuanquil saꞌ chixjunil li ruchichꞌochꞌ. Naticla cuan cuiꞌ li Caki Palau toj saꞌ li Mar Mediterráneo ut saꞌ li nimaꞌ Éufrates ut toj saꞌ chixjunil li ruchichꞌochꞌ.

Salmos 80:12

Chanchan nak cacuisi lix corralil li uvas ut chixjunileb li nequeꞌnumeꞌ saꞌ be nequeꞌxsicꞌ li ru. Chanchan aꞌan caba̱nu ke nak caqꞌue xlese̱nseb chixba̱nunquil raylal ke li xicꞌ nequeꞌiloc ke.

Ezequiel 19:11

Cau li rukꞌ ut us chokꞌ xxukꞌeb li rey. Quiniman chi us li xto̱nal li uvas ut kꞌaxal najt rok quicuulac. Chixjunileb li tenamit queꞌxqꞌue retal lix najtil rok ut lix cha̱bil ukꞌ.

San Lucas 7:5

xban nak aꞌan nocoxra la̱o aj judío ut aꞌan quitaklan re xyi̱banquil li cab nakachꞌutub cuiꞌ kib, chanqueb re li Jesús.