1 Reyes 3:8 - Li Santil hu

⁸ Abanan quina̱xakab chokꞌ xreyeb li nimla tenamit li sicꞌbileb ru a̱ban. Incꞌaꞌ naru rajlanquileb xban xqꞌuialeb.

Q'eqchi Bible

⁸ Wankin sa' xyanq laatenamit, jun tenamit sik'b'il ru aab'aan, k'ajo' xk'ihal, li ink'a' naru rajlankileb'.

1 Reyes 3:8 ပူးပေါင်းရင်းမြစ်များ

Génesis 15:5

Li Dios quixcꞌam laj Abram chirix cab ut quixye re: —Ilon takecꞌ. Il ma tatru̱k rajlanquileb li chahim. Joꞌcan ajcuiꞌ xqꞌuial la̱ cualal a̱cꞌajol li tinqꞌue. Incꞌaꞌ tatru̱k rajlanquileb, chan li Dios.

1 Crónicas 21:2

Joꞌcan nak laj David quixtaklaheb laj Joab ut eb li nequeꞌtaklan saꞌ xbe̱neb li tenamit. Quixye reheb: —Ayukex. Ajlahomakeb chak chixjunileb laj Israel. Naticla saꞌ li tenamit Beerseba ut nacuulac toj saꞌ li tenamit Dan. Ut tole̱ye cue jarubeb chixjunileb re nak tinnau, chan.

Génesis 22:17

Kꞌaxal numtajenak li usilal tinba̱nu a̱cue. Joꞌ xqꞌuialeb li chahim li cuanqueb saꞌ choxa, joꞌcan ajcuiꞌ xqꞌuialeb la̱ cualal a̱cꞌajol li teꞌcua̱nk. Ut joꞌ xqꞌuial li cocꞌ ru li samaib li cuanqueb chire li palau nak teꞌta̱mk la̱ cualal a̱cꞌajol. Ut kꞌaxal cuiꞌchic nimak xcuanquileb la̱ cualal a̱cꞌajol chiruheb li xicꞌ teꞌilok reheb aꞌan.

Génesis 13:16

—Tinqꞌueheb chi qꞌuia̱nc la̱ cualal a̱cꞌajol. Incꞌaꞌ ta̱ru̱k rajlanquileb xban xqꞌuialeb, joꞌ li poks saꞌ chꞌochꞌ incꞌaꞌ naru rajlanquil, chan.

Salmos 78:71

Incꞌaꞌ chic quicꞌanjelac chokꞌ aj ilol xul. Quiqꞌueheꞌ ban xban li Dios chi cꞌamoc be chiruheb lix tenamit. Aꞌan chic aj ilol reheb laj Israel, li ralal xcꞌajol laj Jacob.

1 Samuel 12:22

Saꞌ xcꞌabaꞌ lix lokꞌal, li Ka̱cuaꞌ incꞌaꞌ textzꞌekta̱na, xban nak aꞌan naraj nak la̱exak lix tenamit.

1 Reyes 4:20

Eb laj Israel ut eb laj Judá kꞌaxal nabaleb joꞌ xqꞌuial li cocꞌ ru li samaib chire li palau. Nequeꞌcuaꞌac ut nequeꞌucꞌac chi sa saꞌ xchꞌo̱leb.

Levítico 26:9

La̱in tinba̱nu usilal e̱re. Texcuosobtesi ut texnabalokꞌ. Junelic xakxo̱k xcuanquil li contrato li quinba̱nu e̱riqꞌuin.