1 Reyes 3:6 - Li Santil hu

⁶ Laj Salomón quixye re: —Junelic cacuuxta̱na ru laj David lin yucuaꞌ, laj cꞌanjel cha̱cuu xban nak junelic quixqꞌue xchꞌo̱l chi cua̱nc saꞌ xya̱lal cha̱cuu. Aꞌan ti̱c xchꞌo̱l ut quixba̱nu li us. Joꞌcan nak catenkꞌa ut caqꞌue li ralal chokꞌ rey chokꞌ re̱kaj aꞌan.

Q'eqchi Bible

⁶ Kichaq'ok laj Salomón ut kixye: “Laa'at q'axal xara laj David linyuwa', laj k'anjel chawu, xb'aan naq tiik xch'ool chawix, tuqtuuk xna'leb' ut xk'anjelak chi chaab'il chawe chawu. Jo'kan naq laa'at q'axal xawusila ru ut xak'e re jun ralal li tento taak'ojlaaq sa' xk'ojarib'aal, jo' xk'ulmank chiru li kutan a'in.

1 Reyes 3:6 ပူးပေါင်းရင်းမြစ်များ

1 Reyes 9:4

Chatcua̱nk saꞌ xya̱lal chicuu joꞌ nak quicuan laj David la̱ yucuaꞌ. Chaba̱nu saꞌ ti̱quilal chixjunil li naxye saꞌ li chakꞌrab.

1 Reyes 1:48

Li rey David quixye, “Lokꞌoninbil taxak li Ka̱cuaꞌ lix Dioseb laj Israel. Anakcuan la̱in xcuil nak li Ka̱cuaꞌ xxakab chokꞌ rey jun reheb li cualal incꞌajol chokꞌ cue̱kaj,” chan laj Jonatán.

2 Corintios 9:11

Li Dios junelic naxqꞌue chi nabal li cꞌaꞌru e̱re re nak ta̱ru̱k te̱tenkꞌaheb chi anchal e̱chꞌo̱l li ma̱cꞌaꞌ cuanqueb re. Ut nabaleb ajcuiꞌ li teꞌbantioxi̱nk chiru li Dios riqꞌuin li ma̱tan li xetakla chikix.

1 Reyes 2:4

Cui tatcua̱nk saꞌ ti̱quilal chiru li Dios, li Dios tixba̱nu chixjunil li cꞌaꞌru quixyechiꞌi cue. Aꞌan quixye cue, “Cui eb la̱ cualal a̱cꞌajol teꞌcua̱nk saꞌ ti̱quilal chicuu ut cui teꞌxba̱nu li cꞌaꞌru ninye chi anchaleb xchꞌo̱l ut chi anchaleb li ra̱m, junelic eb la̱ cualal a̱cꞌajol teꞌoc chokꞌ xreyeb laj Israel.”

2 Corintios 9:5

Joꞌcan nak xincꞌoxla nak us xtaklanquileb li herma̱n xbe̱n cua nak toj ma̱jiꞌ ninxic la̱in. Textenkꞌa xcauresinquil li mayej li xeyechiꞌi. Ut nak tincuulak, ac xocbilak e̱ban, re nak ta̱cꞌutu̱nk nak moco minbil ta e̱ru chixqꞌuebal. Xeqꞌue ban xban nak nequeraj xba̱nunquil.

Salmos 119:17

Chacuil taxak xtokꞌoba̱l cuu ut chaqꞌue taxak inyuꞌam la̱in laj cꞌanjel cha̱cuu. Ut chinba̱nu taxak li naxye la̱ chakꞌrab.

Salmos 116:7

Chicacuu̱k ta inchꞌo̱l xban nak li Dios quiruxta̱na cuu.

Salmos 15:2

Caꞌaj cuiꞌ eb li nequeꞌxba̱nu li us ut li cuanqueb saꞌ ti̱quilal ut li nequeꞌxye li ya̱l, aꞌaneb li teꞌcua̱nk chi sum a̱tin riqꞌuin li Dios.

2 Reyes 20:3

—La̱in nintzꞌa̱ma cha̱cuu, at Ka̱cuaꞌ Dios, chijulticokꞌ taxak a̱cue nak la̱in xincꞌanjelac cha̱cuu chi anchal inchꞌo̱l ut xinba̱nu li us joꞌ nacuulac cha̱cuu, chan. Ut quiya̱bac chi kꞌaxal ra saꞌ xchꞌo̱l.

2 Samuel 7:5

—Tatxic riqꞌuin laj David laj cꞌanjel chicuu ut ta̱ye re chi joꞌcaꞌin, “Joꞌcaꞌin xye li Ka̱cuaꞌ. At David, ma̱cuaꞌ la̱at li tatyi̱ba̱nk re lin templo re tincua̱nk cuiꞌ.

Números 12:7

Aban moco joꞌcan ta ninba̱nu riqꞌuin laj Moisés laj cꞌanjel chicuu. Aꞌan ti̱c xchꞌo̱l ut aꞌan li kꞌaxal naxqꞌue xchꞌo̱l chi cꞌanjelac saꞌ xya̱nkeb lin tenamit Israel.

Salmos 13:6

Tinbicha la̱ lokꞌal, at Ka̱cuaꞌ, xban nak la̱at junelic nacattenkꞌan cue.

1 Reyes 15:5

Li Ka̱cuaꞌ quixba̱nu chi joꞌcan xban nak laj David quicuan saꞌ ti̱quilal chiru. Junelic quixba̱nu li cꞌaꞌru quixye li Ka̱cuaꞌ toj chalen nak quicam. Caꞌaj cuiꞌ quima̱cob chiru laj Urías laj heteo.

1 Reyes 3:14

La̱in tinnajtobresi rok la̱ yuꞌam cui ta̱ba̱nu li cꞌaꞌru tinye a̱cue ut cui ta̱ba̱nu li cꞌaꞌru naxye saꞌ li chakꞌrab joꞌ quixba̱nu laj David la̱ yucuaꞌ, chan.

2 Crónicas 1:8

Ut laj Salomón quixye re li Dios: —Junelic cacuuxta̱na ru laj David lin yucuaꞌ. Ut la̱at catxakaban cue chokꞌ rey chokꞌ re̱kaj.

Génesis 24:40

Ut aꞌan quixye cue, “Matcꞌoxlac. Li Ka̱cuaꞌ Dios li na-iloc cue, aꞌan tixtakla chak junak lix ángel cha̱cuochbeninquil. Li ángel aꞌan tatxtenkꞌa re nak us tat-e̱lk saꞌ la̱ viaje nak tatxic aran. Ta̱sicꞌ junak rixakil li cualal saꞌ xya̱nkeb lin comon,” chan cue.

2 Samuel 22:21

Li Ka̱cuaꞌ xqꞌue inkꞌajca̱munquil xban nak ti̱c inchꞌo̱l chiru. Li Ka̱cuaꞌ x-osobtesin cue xban nak ma̱cꞌaꞌ inma̱c.

2 Samuel 22:25

Joꞌcan nak li Ka̱cuaꞌ naxqꞌue inkꞌajca̱munquil aꞌ yal chanru xti̱quilal inchꞌo̱l. Naxqꞌue inkꞌajca̱munquil xban nak naxnau nak ma̱cꞌaꞌ inma̱c chiru.