1 Reyes 3:3 - Li Santil hu

³ Laj Salomón quixra li Ka̱cuaꞌ Dios ut quixba̱nu li cꞌaꞌru naxye saꞌ li chakꞌrab li xakabanbil xcuanquil xban laj David lix yucuaꞌ. Abanan naxmayeja li xul ut naxcꞌat li incienso saꞌ eb li artal li yi̱banbil saꞌ li tzu̱l.

Q'eqchi Bible

³ Laj Salomón naxra li Qaawa' ut naxpaab' li chaq'rab' k'eeb'il re xb'aan laj David li xyuwa'. Ab'anan toj namayejak ajwi' sa'eb' li xninqal tzuul ut nak'atok chaq pom aran.

1 Reyes 3:3 ပူးပေါင်းရင်းမြစ်များ

1 Corintios 8:3

Abanan li ani narahoc re li Dios, li Dios naxnau nak aꞌan li ralal xcꞌajol.

Salmos 31:23

Cherahak li Ka̱cuaꞌ che̱junilex la̱ex li ti̱c e̱chꞌo̱l xban nak li Ka̱cuaꞌ naxcoleb li ti̱queb xchꞌo̱l ut kꞌaxal cuiꞌchic ra teꞌxcꞌul li nequeꞌxnimobresi ribeb nak li Ka̱cuaꞌ tixqꞌueheb chixtojbal lix ma̱queb.

Deuteronomio 30:16

Anakcuan yo̱quin chixyebal e̱re nak te̱ra li Ka̱cuaꞌ le̱ Dios ut te̱ba̱nu li cꞌaꞌru naraj aꞌan. Cheba̱nu le̱ taklanquil xban ut te̱ba̱nu li cꞌaꞌru naxye saꞌ lix chakꞌrab. Cui te̱ba̱nu aꞌan, ta̱cua̱nk le̱ yuꞌam ut teꞌcua̱nk nabal le̱ ralal e̱cꞌajol. Ut li Ka̱cuaꞌ le̱ Dios ta̱osobtesi̱nk e̱re saꞌ li naꞌajej li oc e̱re chire̱chaninquil anakcuan.

Deuteronomio 6:5

Te̱ra li Ka̱cuaꞌ le̱ Dios chi anchal e̱chꞌo̱l, chi anchal e̱cꞌaꞌux ut chi anchal e̱metzꞌe̱u.

1 Reyes 3:14

La̱in tinnajtobresi rok la̱ yuꞌam cui ta̱ba̱nu li cꞌaꞌru tinye a̱cue ut cui ta̱ba̱nu li cꞌaꞌru naxye saꞌ li chakꞌrab joꞌ quixba̱nu laj David la̱ yucuaꞌ, chan.

1 Reyes 3:6

Laj Salomón quixye re: —Junelic cacuuxta̱na ru laj David lin yucuaꞌ, laj cꞌanjel cha̱cuu xban nak junelic quixqꞌue xchꞌo̱l chi cua̱nc saꞌ xya̱lal cha̱cuu. Aꞌan ti̱c xchꞌo̱l ut quixba̱nu li us. Joꞌcan nak catenkꞌa ut caqꞌue li ralal chokꞌ rey chokꞌ re̱kaj aꞌan.

Deuteronomio 30:20

Te̱ra taxak li Ka̱cuaꞌ le̱ Dios ut te̱ba̱nu taxak li cꞌaꞌru naxye aꞌan. Ti̱cak taxak le̱ chꞌo̱l chiru ut me̱jal taxak e̱cꞌaꞌux. Li Ka̱cuaꞌ ta̱qꞌuehok re le̱ yuꞌam re nak najt texcua̱nk saꞌ li naꞌajej li quixyechiꞌi riqꞌuin juramento reheb le̱ xeꞌto̱nil yucuaꞌ, laj Abraham, laj Isaac ut laj Jacob, chan laj Moisés.

Deuteronomio 30:6

Chanchan nak te̱ba̱nu li circuncisión nak li Ka̱cuaꞌ ta̱risi saꞌ le̱ ra̱m li incꞌaꞌ us, joꞌ tixba̱nu reheb le̱ ralal e̱cꞌajol re nak te̱ra li Ka̱cuaꞌ le̱ Dios chi anchal e̱chꞌo̱l ut chi anchal le̱ ra̱m ut ta̱cua̱nk le̱ yuꞌam chi junelic.

Deuteronomio 10:12

¿Cꞌaꞌru naraj li Ka̱cuaꞌ le̱ Dios e̱riqꞌuin nak nequecꞌoxla la̱ex aj Israel? Li cꞌaꞌru naraj li Dios, aꞌan nak la̱ex te̱xucua ru li Ka̱cuaꞌ le̱ Dios, ut texcua̱nk joꞌ naraj aꞌan. Te̱ra ut texcꞌanjelak chiru chi anchal le̱ chꞌo̱l ut chi anchal le̱ ra̱m.

Santiago 2:5

Ex inherma̱n, raro̱quex inban. Abihomak li tinye e̱re. Li Dios quisicꞌoc ruheb li nebaꞌ saꞌ ruchichꞌochꞌ. Abanan li nebaꞌ biomeb chiru li Dios xban nak nequeꞌxpa̱b li Cristo ut teꞌxcꞌul lix nimal xcuanquil li quixyechiꞌi li Dios reheb li nequeꞌrahoc re.

Santiago 1:12

Us xak reheb li nequeꞌxcuy xnumsinquil li raylal ut incꞌaꞌ nequeꞌchꞌinan xchꞌo̱l. Li ani naxcuy xnumsinquil li yalecꞌ teꞌxcꞌul lix ma̱tan li naxyechiꞌi li Dios reheb li nequeꞌrahoc re. Ut lix ma̱taneb, aꞌan li yuꞌam chi junelic.

Romanos 8:28

Li Dios naxsukꞌisi chokꞌ usilal chixjunil li cꞌaꞌak re ru nequeꞌxcꞌul li nequeꞌrahoc re li Dios, aꞌ li bokbileb chixba̱nunquil li cꞌaꞌru naraj li Dios.

San Juan 14:21

Li ani naxcꞌul lin chakꞌrab ut naxba̱nu li naxye, aꞌan li narahoc cue. Li ani narahoc cue naraheꞌ ajcuiꞌ xban lin Yucuaꞌ. Ut la̱in tinra ajcuiꞌ aꞌan ut tincꞌutbesi cuib chiru, chan li Jesús reheb lix tzolom.

San Juan 14:15

Cui niquine̱ra, cheba̱nuhak joꞌ xexinchakꞌrabi cuiꞌ.

San Mateo 22:37

Li Jesús quichakꞌoc ut quixye re: —Li chakꞌrab li kꞌaxal nim xcuanquil, aꞌan aꞌin: Ta̱ra li Ka̱cuaꞌ la̱ Dios chi anchal a̱chꞌo̱l ut chi anchal la̱ cua̱m ut chi anchal la̱ cꞌaꞌux.

2 Reyes 18:22

Ma̱re la̱ex te̱ye cue nak cꞌojcꞌo e̱chꞌo̱l riqꞌuin li Ka̱cuaꞌ le̱ Dios. ¿Ma incꞌaꞌ ta biꞌ isinbil saꞌ e̱ya̱nk chixjunileb li artal xban li rey Ezequías? ¿Ma ma̱cuaꞌ ta biꞌ aꞌan quiyehoc reheb laj Judá ut laj Jerusalén nak chiru jun ajcuiꞌ li artal teꞌlokꞌoni̱nk aran Jerusalén?

2 Reyes 18:4

Laj Ezequías quixjuqꞌui li naꞌajej najt xteram li nequeꞌxlokꞌoni cuiꞌ li yi̱banbil dios. Quixjori li ni̱nki jalam u̱ch Asera xcꞌabaꞌ. Ut quixpuqꞌui li yi̱banbil dios. Ut quixjori ajcuiꞌ li cꞌantiꞌ yi̱banbil riqꞌuin bronce li quixyi̱b laj Moisés xban nak eb laj Israel yo̱queb chixcꞌatbal lix incienso chiru. Nehustán quiqꞌueheꞌ chokꞌ xcꞌabaꞌ li cꞌantiꞌ aꞌan.

2 Reyes 15:35

Abanan li rey Jotam incꞌaꞌ quixjuqꞌueb li naꞌajej li najt xteram. Ut eb li cristian toj yo̱queb chixqꞌuebal li cꞌatbil mayej ut yo̱queb ajcuiꞌ chixcꞌatbal lix incienso re xlokꞌoninquil li jalanil dios. Li rey Jotam quixyi̱b cuiꞌchic li nimla oqueba̱l saꞌ li rochoch li Ka̱cuaꞌ Dios.

2 Reyes 15:4

Abanan incꞌaꞌ quixjuqꞌueb li naꞌajej najt xteram li queꞌlokꞌoni̱c cuiꞌ li jalanil dios. Ut eb li tenamit toj yo̱queb chixqꞌuebal lix cꞌatbil mayej ut yo̱queb chixcꞌatbal lix incienso saꞌ eb li artal aꞌan.

2 Reyes 14:4

Incꞌaꞌ quirisi li naꞌajej li najt xteram li queꞌlokꞌoni̱c cuiꞌ li yi̱banbil dios. Ut eb li tenamit toj yo̱queb chixqꞌuebal lix cꞌatbil mayej ut yo̱queb chixcꞌatbal li incienso saꞌ eb li naꞌajej aꞌan.

2 Reyes 12:3

Laj Joás us quixba̱nu, abanan incꞌaꞌ quirisiheb li naꞌajej li najt xteram li nequeꞌlokꞌoni̱c cuiꞌ li yi̱banbil dios. Eb li tenamit toj yo̱queb chixcꞌatbal lix mayej ut yo̱queb chixcꞌatbal lix incienso saꞌ xbe̱neb li artal li cuanqueb aran.

1 Reyes 22:43

Laj Josafat quixba̱nu li us chiru li Ka̱cuaꞌ joꞌ quixba̱nu laj Asa lix yucuaꞌ. Incꞌaꞌ quixcanab xba̱nunquil. Junelic ban cuan saꞌ ti̱quilal. Abanan incꞌaꞌ quirisiheb li artal li najt xteram li queꞌxlokꞌoniheb cuiꞌ li yi̱banbil dios. Ut eb li tenamit queꞌmayejac chiruheb li artal aꞌan ut queꞌxcꞌat li pom re xlokꞌoninquil lix dioseb.

1 Reyes 15:14

Usta incꞌaꞌ quixpoꞌ chixjunileb li naꞌajej li queꞌxlokꞌoni cuiꞌ li jalanil dios, abanan laj Asa junelic cuan saꞌ ti̱quilal chiru li Dios toj chalen nak quicam.

1 Reyes 15:3

Laj Abiam quixba̱nu li ma̱usilal joꞌ quixba̱nu laj Roboam lix yucuaꞌ. Incꞌaꞌ quixlokꞌoni li Ka̱cuaꞌ chi anchal xchꞌo̱l joꞌ quixba̱nu laj David lix xeꞌto̱nil xyucuaꞌ.

1 Reyes 11:38

Cui la̱at ta̱ba̱nu li cꞌaꞌru tatintakla cuiꞌ, ut cui tatcua̱nk saꞌ ti̱quilal chicuu, ut cui ta̱ba̱nu li cꞌaꞌru naxye lin chakꞌrab joꞌ quixba̱nu laj David laj cꞌanjel chicuu, la̱in cua̱nkin a̱cuiqꞌuin. Ut tinxakab saꞌ xnaꞌaj la̱ cuanquilal, la̱at joꞌ eb ajcuiꞌ la̱ cualal a̱cꞌajol, joꞌ nak quinxakab xcuanquil laj David.

1 Reyes 11:34

Abanan, la̱in incꞌaꞌ tinmakꞌ chiru laj Salomón lix cuanquil. Ta̱cua̱nk ban xcuanquil joꞌ najtil yoꞌyo̱k. Tinba̱nu chi joꞌcan saꞌ xcꞌabaꞌ laj David laj cꞌanjel chicuu, li quinsicꞌ ru la̱in. Aꞌan junelic quixba̱nu li cꞌaꞌru quinye saꞌ lin contrato joꞌ ajcuiꞌ saꞌ lin chakꞌrab.

1 Reyes 11:6

Laj Salomón quixba̱nu li incꞌaꞌ us chiru li Ka̱cuaꞌ xban nak incꞌaꞌ quixpa̱b li Ka̱cuaꞌ chi anchal xchꞌo̱l joꞌ quixba̱nu laj David lix yucuaꞌ.

1 Reyes 11:4

Nak ac ti̱x chic laj Salomón quijala xcꞌaꞌux xbaneb li rixakil ut qui-oc chixlokꞌoninquil li jalanil dios. Ut incꞌaꞌ yo̱ chixba̱nunquil li ti̱quilal chi anchal xchꞌo̱l chiru li Ka̱cuaꞌ joꞌ quixba̱nu laj David lix yucuaꞌ.

1 Reyes 9:4

Chatcua̱nk saꞌ xya̱lal chicuu joꞌ nak quicuan laj David la̱ yucuaꞌ. Chaba̱nu saꞌ ti̱quilal chixjunil li naxye saꞌ li chakꞌrab.

Deuteronomio 10:13

Te̱ba̱nu li cꞌaꞌru naxye saꞌ lix chakꞌrab li yo̱quin chixyebal e̱re anakcuan. Cui te̱ba̱nu li cꞌaꞌru naxye li Ka̱cuaꞌ, us texcua̱nk.

Deuteronomio 11:13

Joꞌcan nak cheba̱nu li cꞌaꞌru naxye saꞌ li chakꞌrab li xinqꞌue e̱re anakcuan. Te̱ra li Ka̱cuaꞌ le̱ Dios ut texcꞌanjelak chiru chi anchal le̱ chꞌo̱l ut chi anchal le̱ ra̱m.

Salmos 145:20

Li Ka̱cuaꞌ naxcoleb chixjunileb li nequeꞌrahoc re. Abanan tixsach ruheb li incꞌaꞌ useb xnaꞌleb.

Levítico 17:5

Li chakꞌrab aꞌin qꞌuebil reheb laj Israel re nak incꞌaꞌ teꞌmayejak yalak bar saꞌ li cꞌaleba̱l. Teꞌxcꞌam riqꞌuin laj tij lix mayejeb re xcꞌambaleb rib saꞌ usilal riqꞌuin li Dios. Ut laj tij tixmayeja li xul chiru li Dios chiru li oqueba̱l re li tabernáculo saꞌ xcꞌabaꞌeb li cristian.

1 Samuel 9:12

Eb li tukꞌ ixk queꞌxye re: —Arin cuan. Caꞌchꞌin chic ma̱ nequexcuulac. Se̱bahomak e̱rib chi xic re nak te̱tau. Xcꞌulun anakcuan xban nak tento nak ta̱mayejak chiru li Ka̱cuaꞌ saꞌ xbe̱n li artal li cuan saꞌ li tzu̱l.

1 Reyes 8:25

Joꞌcan ut at Ka̱cuaꞌ, at kaDios la̱o aj Israel, chaba̱nu taxak li cꞌaꞌru cayechiꞌi chak re laj David lin yucuaꞌ nak caye chi joꞌcaꞌin, “Junelic ta̱cua̱nk junak reheb la̱ cualal a̱cꞌajol li teꞌoc saꞌ li cuanquilal. Abanan tento nak teꞌcua̱nk saꞌ xya̱lal chicuu ut teꞌcua̱nk saꞌ ti̱quilal.”

1 Reyes 8:61

Joꞌcan nak cheqꞌuehak e̱chꞌo̱l chicua̱nk saꞌ ti̱quilal chiru li Ka̱cuaꞌ li kaDios. Chexcua̱nk saꞌ xya̱lal ut cheba̱nuhak li cꞌaꞌru naxye saꞌ li chakꞌrab joꞌ yo̱quex anakcuan.—

1 Reyes 14:8

La̱in xcuisiheb li tenamit aꞌin rubel xcuanquil li ralal xcꞌajol laj David ut xinkꞌaxtesi rubel a̱cuanquil la̱at. Abanan la̱at incꞌaꞌ yo̱cat chi takla̱nc saꞌ ti̱quilal saꞌ xbe̱neb joꞌ quixba̱nu laj David laj cꞌanjel chicuu. Aꞌan quixba̱nu joꞌ naxye saꞌ lin chakꞌrab ut quicuan saꞌ xya̱lal chicuu. Junelic quicuan saꞌ ti̱quilal chicuu chi anchal xchꞌo̱l.

1 Reyes 14:23

Queꞌxyi̱b li naꞌajej najt xteram re teꞌxlokꞌoniheb li jalanil dios. Ut queꞌxyi̱b riqꞌuin pec ut cheꞌ li yi̱banbil dios Asera ut queꞌxlokꞌoni saꞌ chixjunil li tzu̱l ut rubel chixjunileb li cheꞌ li ni̱nk xmuheb.

1 Reyes 15:5

Li Ka̱cuaꞌ quixba̱nu chi joꞌcan xban nak laj David quicuan saꞌ ti̱quilal chiru. Junelic quixba̱nu li cꞌaꞌru quixye li Ka̱cuaꞌ toj chalen nak quicam. Caꞌaj cuiꞌ quima̱cob chiru laj Urías laj heteo.

1 Reyes 15:11

Laj Asa quicuan saꞌ ti̱quilal chiru li Dios joꞌ quixba̱nu laj David lix xeꞌto̱nil xyucuaꞌ.

1 Reyes 22:44

Li rey Josafat quixcꞌam rib saꞌ usilal riqꞌuin lix reyeb laj Israel.

2 Reyes 12:4

Saꞌ jun li cutan laj Joás quixye reheb laj tij: —Te̱xoc ut te̱chꞌutub ru chixjunil li tumin li naqꞌueman saꞌ lix templo li Ka̱cuaꞌ, joꞌ ajcuiꞌ li joꞌ qꞌuial li tento teꞌxtoj li junju̱nk joꞌ ajcuiꞌ li na-ala saꞌ xchꞌo̱leb xqꞌuebal.

2 Reyes 14:3

Laj Amasías quixba̱nu li us chiru li Ka̱cuaꞌ. Abanan incꞌaꞌ quicuan saꞌ xya̱lal chi tzꞌakal joꞌ li rey David lix xeꞌto̱nil yucuaꞌ. Quixba̱nu ban joꞌ quixba̱nu laj Joás lix yucuaꞌ.

2 Crónicas 15:17

Usta incꞌaꞌ queꞌisi̱c chixjunileb li naꞌajej li queꞌxlokꞌoni cuiꞌ li jalanil dios aran Israel, abanan laj Asa junelic cuan saꞌ ti̱quilal chiru li Dios joꞌ najtil quicuan chi yoꞌyo.