1 Reyes 3:12 - Li Santil hu

¹² Joꞌcan nak la̱in tinqꞌue a̱cue li cꞌaꞌru xatzꞌa̱ma. Kꞌaxal nabal la̱ naꞌleb tinqꞌue. Ma̱ ani junak ta̱cua̱nk xnaꞌleb joꞌ la̱ naꞌleb la̱at. Chi moco anakcuan chi moco mokon ta̱cua̱nk junak joꞌ la̱at.

Q'eqchi Bible

¹² jo'kan naq tinb'aanu jo' xapatz' we: tink'e aachoxahil na'leb' ut xtiikilal laach'ool, jo' maajun wanjenaq chawu chi moko toxwanq chik moqon jo' laa'at.

1 Reyes 3:12 ပူးပေါင်းရင်းမြစ်များ

Eclesiastés 1:16

La̱in quinye saꞌ inchꞌo̱l nak kꞌaxal nim incuanquil ut kꞌaxal cuan innaꞌleb chiruheb li queꞌcuan chokꞌ rey aran Jerusalén xbe̱n cua chicuu la̱in. Ut quinqꞌue inchꞌo̱l chixtaubal nabal chic innaꞌleb.

San Mateo 12:42

Li ixk li quicuan chokꞌ reina saꞌ li tenamit li cuan saꞌ li sur ta̱cuacli̱k chak saꞌ xkꞌehil nak ta̱rakekꞌ a̱tin saꞌ e̱be̱n ut tixye nak cuan e̱ma̱c xban nak incꞌaꞌ nequexpa̱ban. Aꞌan quichal chak toj saꞌ xmaril li ruchichꞌochꞌ chirabinquil lix naꞌleb laj Salomón. Ut la̱in kꞌaxal cuiꞌchic cuan innaꞌleb chiru laj Salomón ut cuanquin arin saꞌ e̱ya̱nk. Abanan incꞌaꞌ nequepa̱b li cua̱tin.

1 Reyes 5:12

Li Ka̱cuaꞌ Dios quixqꞌue xnaꞌleb laj Salomón joꞌ quixyechiꞌi re. Li rey Salomón ut li rey Hiram queꞌxcꞌam ribeb saꞌ usilal ut queꞌxba̱nu li contrato chi ribileb rib.

1 Reyes 3:28

Nak eb laj Israel queꞌrabi resil li cꞌaꞌru quixba̱nu li rey, chixjunileb queꞌxqꞌue saꞌ xnakꞌ ruheb. Queꞌxqꞌue retal nak li Ka̱cuaꞌ quiqꞌuehoc xnaꞌleb re nak ta̱rakok a̱tin saꞌ ti̱quilal.

San Lucas 21:15

xban nak la̱in tinqꞌue e̱naꞌleb ut tincꞌut che̱ru cꞌaꞌru te̱ye. Ut eb li xicꞌ nequeꞌiloc e̱re incꞌaꞌ teꞌru̱k chixcuechꞌbal rix li cꞌaꞌru te̱ye, chi moco teꞌxnau xsumenquil.

Isaías 65:24

Nak toj ma̱jiꞌ nequeꞌtzꞌa̱man chicuu, la̱in tinqꞌue reheb li cꞌaꞌru teꞌraj. Toj yo̱keb ajcuiꞌ chi a̱tinac nak la̱in tinsume lix tijeb.

2 Crónicas 2:12

Lokꞌoninbil taxak li Ka̱cuaꞌ lix Dioseb laj Israel, li quiyi̱ban re li choxa joꞌ ajcuiꞌ li ruchichꞌochꞌ. Aꞌan quiqꞌuehoc re li rey David jun li ralal cha̱bil ut cuan xnaꞌleb. (Li ralal aꞌan, aꞌan la̱at.) La̱at ta̱yi̱b lix templo li Ka̱cuaꞌ ut ta̱yi̱b ajcuiꞌ la̱ cuochoch.

Colosenses 2:3

Riqꞌuin li Cristo naru nakatau li kanaꞌleb xban nak caꞌaj cuiꞌ riqꞌuin li Cristo cuan li tzꞌakal ya̱l ut aꞌan naxnau chixjunil.

1 Reyes 2:9

Abanan, la̱at incꞌaꞌ ta̱cuy xma̱c. La̱at cuan a̱naꞌleb, ut ta̱nau chanru ta̱ba̱nu re nak camsinbil nak ta̱osokꞌ, chan laj David.

Eclesiastés 1:13

Xban nak cuan innaꞌleb la̱in, quinqꞌue inchꞌo̱l chixtzolbal ut chixsiqꞌuinquil xya̱lal chixjunil li cꞌaꞌru nacꞌulman saꞌ ruchichꞌochꞌ. Kꞌaxal cau li i̱k quixqꞌue li Dios saꞌ xbe̱neb li cui̱nk re teꞌxba̱nu.

Salmos 10:17

At Ka̱cuaꞌ, la̱at nacacuabi lix tijeb li tu̱laneb. La̱at nacacuabi li cꞌaꞌru nequeꞌxtzꞌa̱ma cha̱cuu ut nacaqꞌue xcacuil xchꞌo̱leb.

1 Reyes 2:6

La̱at cuan a̱naꞌleb ut ta̱nau cꞌaꞌru us ta̱ba̱nu. Abanan, tento nak camsinbil laj Joab nak ta̱osokꞌ.

Proverbios 2:6

Li Ka̱cuaꞌ naqꞌuehoc kanaꞌleb ut li ra̱tin naxcutanobresi li kacꞌaꞌux ut nocoxtenkꞌa chixtaubal ru lix ya̱lal.

Daniel 1:17

Ut li Dios quixqꞌue xnaꞌlebeb li ca̱hib chi sa̱j cui̱nk aꞌin ut kꞌaxal se̱beb xchꞌo̱l chixtaubal ru chixjunil li cꞌaꞌru quicuteꞌ chiruheb. Ut kꞌaxal cuiꞌchic li naꞌleb li quiqꞌueheꞌ re laj Daniel xban li Dios re xtaubal ru li naxye li matcꞌ ut li visión.

Deuteronomio 34:9

Ut laj Josué li ralal laj Nun quiqꞌueheꞌ xnaꞌleb xban nak laj Moisés quixqꞌue li rukꞌ saꞌ xbe̱n retalil nak aꞌan chic ta̱cꞌamok be chiruheb laj Israel. Joꞌcan nak eb laj Israel queꞌabin chiru ut queꞌxba̱nu joꞌ quiyeheꞌ re laj Moisés xban li Ka̱cuaꞌ Dios.

1 Reyes 5:9

Eb li nequeꞌcꞌanjelac chicuu teꞌxyocꞌ li cheꞌ aran Líbano ut teꞌxcꞌam toj saꞌ li palau. Aran teꞌxyi̱b li poyteꞌ ut teꞌxtakla toj saꞌ junak li naꞌajej li ta̱ye la̱at nak us. Aran teꞌxhit li poyteꞌ ut ta̱takla xxocbal li cheꞌ. Caꞌaj cuiꞌ nintzꞌa̱ma cha̱cuu nak ta̱takla xtzacae̱mkeb li cuanqueb saꞌ li cuochoch, chan laj Hiram.

1 Crónicas 29:25

Ut li Ka̱cuaꞌ quixnimobresi xcuanquil laj Salomón chiruheb chixjunileb laj Israel. Ma̱ jun chic rey quicuan nak toj ma̱jiꞌ na-oc saꞌ xcuanquil laj Salomón quiqꞌueheꞌ xlokꞌal joꞌ laj Salomón.

Nehemías 13:26

La̱in quinye ajcuiꞌ reheb: —¿Ma ma̱cuaꞌ ta biꞌ aꞌan li quiqꞌuehoc re chi ma̱cobc laj Salomón li quicuan chokꞌ xreyeb laj Israel junxil? Ma̱ ani chic rey quicuan xcuanquil joꞌ aꞌan. Li Dios quirahoc re ut aꞌan ajcuiꞌ li quixakaban re saꞌ xbe̱neb chixjunileb laj Israel. Abanan, eb li ixk li jalaneb xtenamit queꞌqꞌuehoc re chi ma̱cobc li rey Salomón.