1 Reyes 22:3 - Li Santil hu

³ Lix reyeb laj Israel quixye reheb li nequeꞌtenkꞌan re: —¿Ma incꞌaꞌ nequenau nak li tenamit Ramot, li cuan saꞌ xcue̱nt Galaad, ke la̱o? Cui ke la̱o, ¿cꞌaꞌut nak ma̱cꞌaꞌ yo̱co? ¿Cꞌaꞌut nak incꞌaꞌ nakisi rubel xcuanquil lix reyeb laj Siria? chan.

Q'eqchi Bible

³ Ut li awab'ej re Israel kixye reheb' laj k'anjel chiru: “Laa'ex nekenaw chi us naq li tenamit Ramot, li wank sa' xteepal Galahad, a'an qe laa'o. Ab'anan maak'a' yooko re risinkil rub'el xwankil li awab'ej re Aram”.

1 Reyes 22:3 ပူးပေါင်းရင်းမြစ်များ

Deuteronomio 4:43

Li oxib chi tenamit, aꞌaneb aꞌin: Beser li cuan saꞌ li ru takꞌa saꞌ li chaki chꞌochꞌ reheb li ralal xcꞌajol laj Rubén; Ramot li cuan saꞌ xcue̱nt Galaad reheb li ralal xcꞌajol laj Gad; ut Golán li cuan saꞌ xcue̱nt Basán reheb li ralal xcꞌajol laj Manasés.

1 Reyes 4:13

Laj Ben-geber quicꞌanjelac aran Ramot, li cuan saꞌ xcue̱nt Galaad. Quicꞌanjelac ajcuiꞌ saꞌ eb li cꞌaleba̱l re laj Jair li ralal laj Manasés li cuanqueb saꞌ xcue̱nt Galaad. Quicꞌanjelac ajcuiꞌ saꞌ li naꞌajej Argob li cuan Basán. Aran cuanqueb oxcꞌa̱l li ni̱nki tenamit, li sutsu̱queb saꞌ tzꞌac ut cuan li chꞌi̱chꞌ bronce saꞌ eb li oqueba̱l.

Josué 21:38

Ut eb li tenamit li queꞌxcꞌul riqꞌuineb li ralal xcꞌajol laj Gad, aꞌaneb aꞌin: Mahanaim ut Ramot li cuan Galaad, li quisiqꞌueꞌ ru re teꞌxcol cuiꞌ rib li nequeꞌxcamsi ras ri̱tzꞌin chi incꞌaꞌ yal nequeꞌraj xchꞌo̱l.

2 Samuel 19:10

La̱o xkaxakab laj Absalón chokꞌ karey ut anakcuan xcamsi̱c chak saꞌ li ple̱t. ¿Cꞌaꞌut nak incꞌaꞌ xeꞌxtzꞌa̱ma chiru li rey David nak ta̱sukꞌi̱k chak? chanqueb.

Jueces 16:2

Eb li cuanqueb Gaza queꞌrabi resil nak laj Sansón cuan saꞌ li tenamit aꞌan. Queꞌxsut li naꞌajej li cuan cuiꞌ ut chixjunil li cutan yo̱queb chixcꞌacꞌalenquil li oqueba̱l re li tenamit. Chiru li kꞌojyi̱n queꞌoc chi hila̱nc. Queꞌxcꞌoxla nak toj ta̱sake̱uk nak teꞌxcamsi.

Josué 20:8

Ut queꞌxsicꞌ ajcuiꞌ ruheb li tenamit aꞌin jun pacꞌal li nimaꞌ Jordán li nacana saꞌ li este re li tenamit Jericó: Beser li cuan saꞌ li ru takꞌa saꞌ li chaki chꞌochꞌ saꞌ lix chꞌochꞌeb li ralal xcꞌajol laj Rubén, joꞌ ajcuiꞌ li tenamit Ramot aran Galaad saꞌ lix chꞌochꞌeb li ralal xcꞌajol laj Gad, ut li tenamit Golán aran Basán saꞌ lix chꞌochꞌeb li ralal xcꞌajol laj Manasés.

1 Reyes 22:29

Queꞌco̱eb ut lix reyeb laj Israel, ut laj Josafat, lix reyeb laj Judá, chi pletic saꞌ li tenamit Ramot li cuan saꞌ xcue̱nt Galaad.

2 Reyes 8:28

Laj Ocozías lix reyeb aj Judá quixjunaji rib riqꞌuin lix reyeb laj Israel re teꞌxic chi pletic riqꞌuin laj Hazael lix reyeb laj Siria. Lix reyeb laj Israel, aꞌan laj Horam li ralal laj Acab. Queꞌpletic aran Ramot li cuan saꞌ xcue̱nt Galaad. Eb laj Siria queꞌrocsi xyajel laj Joram.

2 Reyes 9:14

Joꞌcan nak laj Jehú quixcꞌu̱b ru chanru nak tixcamsi li rey Joram. Laj Jehú, aꞌan li ralal laj Josafat. Ut laj Josafat, aꞌan li ralal laj Nimsi. Laj Joram yo̱ chixcolbal li tenamit Ramot cuan saꞌ xcue̱nt Galaad chiru laj Hazael lix reyeb laj Siria. Chixjunileb li soldados aj Israel cuanqueb rochben laj Joram.

Jueces 18:9

Eb li o̱b chi cui̱nk queꞌxye: —Yoꞌkeb chi pletic riqꞌuineb li cuanqueb Lais. Xkaqꞌue retal chi us li naꞌajej. Aꞌan cha̱bil naꞌajej. ¿Cꞌaꞌut nak tocana̱k chi ma̱cꞌaꞌ takaba̱nu? Se̱bahomak e̱rib. Yoꞌkeb chire̱chaninquil li naꞌajej aꞌan, chanqueb.