1 Reyes 21:2 - Li Santil hu

² Saꞌ jun li cutan li rey Acab quixye re laj Nabot: —Qꞌue cue lix naꞌaj la̱ cuacui̱mk uvas. Nachꞌ cuan riqꞌuin lin palacio. La̱in nacuaj raubal li cuacui̱mk aran. Tinqꞌue jun chic li naꞌajej chokꞌ re̱kaj malaj ut tintoj cha̱cuu riqꞌuin tumin, chan.

Q'eqchi Bible

² Sa' jun kutan laj Ajab kixye re laj Nabot: “K'e we laawawimq uub', xb'aan naq wank chi xk'atq li wochoch. Twaj rawb'al li wawimq aran. Cho'q reeqaj tink'e aawe junaq chaab'il ch'och'; malaj ut tintoj chawu rik'in tumin”, chan.

1 Reyes 21:2 ပူးပေါင်းရင်းမြစ်များ

1 Samuel 8:14

Tixmakꞌ che̱ru li cha̱bil chꞌochꞌ ut li uvas li kꞌaxal cha̱bil, joꞌ eb ajcuiꞌ li cha̱bil cheꞌ olivo. Ut tixqꞌue reheb li nequeꞌcꞌanjelac chiru.

1 Timoteo 6:9

Abanan eb li nequeꞌrahoc ru li biomal, nequeꞌxqꞌue rib chi a̱le̱c ut nequeꞌxba̱nu li yibru aj naꞌleb. Aꞌan napoꞌoc ru lix cꞌaꞌuxeb ut riqꞌuin chixjunil li incꞌaꞌ us nequeꞌxba̱nu, nequeꞌxsach lix pa̱ba̱leb.

San Lucas 12:15

Ut quixye ajcuiꞌ reheb chixjunileb li cuanqueb aran: —Qꞌuehomak retal li cꞌaꞌru te̱ba̱nu. Incꞌaꞌ yo̱kex chixrahinquil ru li biomal, xban nak moco riqꞌuin ta kabiomal yoꞌyo̱co, chan.

Jeremías 22:17

Abanan li cꞌaꞌru nacacꞌoxla la̱at, caꞌaj cuiꞌ xra̱bal ru li cꞌaꞌak re ru ut li cꞌaꞌru nacacꞌul riqꞌuin balakꞌic. Nacarahobtesiheb li ma̱cꞌaꞌeb xma̱c ut nacacamsiheb, chan li Ka̱cuaꞌ.

Cantares 4:15

Li yuꞌam haꞌ li cuan saꞌ li naꞌajej aꞌan naxtꞌakresi li acui̱mk. Na-el chak chi nabal saꞌ eb li tzu̱l re Líbano.

Eclesiastés 2:5

Ut quinyi̱b ajcuiꞌ xnaꞌajeb li cuacui̱mk ut quicuau nabal pa̱y ru li cheꞌ li nau̱chin. Ut quinyi̱b ajcuiꞌ xnaꞌaj li cuutzꞌuꞌuj ut quicuau li utzꞌuꞌuj aran.

2 Reyes 9:27

Laj Ocozías lix reyeb laj Judá quiril li quicꞌulman. Joꞌcan nak quie̱lelic toj Bet-hagan. Abanan laj Jehú quixta̱ke ut quixye reheb lix soldados nak teꞌxcamsi laj Ocozías. Queꞌxcut chi tzimaj saꞌ lix carruaje saꞌ li taksi̱nc Gur li cuan chixcꞌatk Ibleam. Abanan laj Ocozías co̱ toj Meguido ut aran quicam.

1 Samuel 29:6

Ut laj Aquis quixbok laj David riqꞌuin ut quixye re: —Saꞌ xcꞌabaꞌ li yoꞌyo̱quil Dios, la̱in ninye a̱cue nak la̱at ti̱c a̱chꞌo̱l. Ma̱cꞌaꞌ a̱paltil chicuu chalen nak xatcꞌulun cuiqꞌuin. Nacuaj raj nak tatxic chicuix saꞌ li ple̱t aꞌin. Abanan eb li nequeꞌtaklan saꞌ xbe̱neb li soldados incꞌaꞌ nequeꞌraj nak tatxic kochben.

1 Samuel 8:6

Ut laj Samuel incꞌaꞌ quicuulac chiru nak queꞌxtzꞌa̱ma xreyeb. Joꞌcan nak quitijoc chiru li Ka̱cuaꞌ.

Deuteronomio 11:10

Li naꞌajej li xic e̱re chire̱chaninquil, aꞌan moco joꞌ ta li naꞌajej Egipto li quex-el cuiꞌ chak. Nak quexcuan chak saꞌ li naꞌajej aꞌan, la̱ex nequex-au. Abanan toj nequetacuasi e̱rib xtꞌakresinquil.

Deuteronomio 5:21

Me̱ra ru rixakil le̱ ras e̱ri̱tzꞌin, chi moco li rochoch, chi moco lix chꞌochꞌ, chi moco lix mo̱s cui̱nk, chi moco lix mo̱s ixk. Me̱ra ru lix bo̱yx chi moco lix bu̱r. Ma̱cꞌaꞌ cꞌaꞌak chic re ru, re le̱ ras e̱ri̱tzꞌin te̱ra ru”, chan li Ka̱cuaꞌ.

Éxodo 20:17

Me̱ra ru rochoch le̱ ras e̱ri̱tzꞌin. Me̱ra ru rixakil le̱ ras e̱ri̱tzꞌin chi moco lix mo̱s cui̱nk, chi moco lix mo̱s ixk. Me̱ra ru lix bo̱yx chi moco lix xul nai̱kan. Ma̱cꞌaꞌ cꞌaꞌ chic re ru re le̱ ras e̱ri̱tzꞌin te̱ra ru.

Génesis 16:6

Quichakꞌoc laj Abram ut quixye re: —La̱at nacanau nak la̱ mo̱s cuan rubel a̱takl. La̱at yal a̱cue cꞌaꞌru ta̱ba̱nu riqꞌuin, chan laj Abram. Cꞌajoꞌ nak quijoskꞌoꞌ lix Sarai saꞌ xbe̱n lix mo̱s ut cꞌajoꞌ nak quixchꞌila. Tojoꞌnak lix Agar quie̱lelic.

Génesis 3:6

Ut li ixk quiril nak li ru li cheꞌ sa xloubal. Chꞌinaꞌus na-iloc ru li cheꞌ. Ut quixra ru xloubal re nak cua̱nk chic xnaꞌleb. Quixsicꞌ ru li cheꞌ. Quixlou ut quixqꞌue ajcuiꞌ re lix be̱lom. Ut chi xcabichaleb queꞌxlou ru li cheꞌ.

1 Reyes 21:3

Abanan laj Nabot quixye re: —Incꞌaꞌ taxak chixqꞌue inlese̱ns li Dios chixcꞌayinquil a̱cue li naꞌajej aꞌin xban nak la̱in xcue̱chani riqꞌuin lin xeꞌto̱nil yucuaꞌ, chan.

1 Reyes 21:6

Laj Acab quixye re: —Xina̱tinac riqꞌuin laj Nabot, Jezreel xtenamit. Xinye re nak tixcꞌayi chokꞌ cue lix naꞌaj lix uvas, malaj ut tinjal chiru. Abanan aꞌan xye cue nak incꞌaꞌ tixqꞌue cue, chan.