1 Reyes 2:1 - Li Santil hu

¹ Nak ac ca̱mc re laj David, quixbok laj Salomón riqꞌuin ut quixchakꞌrabi riqꞌuin li a̱tin aꞌin:

Q'eqchi Bible

¹ Naq ak kamk re laj David, kixtaqla xb'oqb'al laj Salomón li ralal, re xchaq'rab'inkil:

1 Reyes 2:1 ပူးပေါင်းရင်းမြစ်များ

Génesis 47:29

Nak yo̱ chi cuulac xkꞌehil lix camic, laj Israel quixbok laj José riqꞌuin ut quixye re: —Anakcuan la̱in tincuaj ta̱ba̱nu junak usilal cue. Qꞌue la̱ cuukꞌ rubel cuaꞌ joꞌ cꞌaynakeb chixba̱nunquil li katenamit nak nequeꞌxba̱nu li juramento. Tintzꞌa̱ma cha̱cuu nak incꞌaꞌ tina̱muk arin Egipto.

Deuteronomio 31:14

Li Ka̱cuaꞌ quixye re laj Moisés: —Cuulac re xkꞌehil nak tatca̱mk. Ta̱bok chak laj Josué ut saꞌ cuibal texxic saꞌ li tabernáculo re nak tinxakab laj Josué saꞌ xcꞌanjel, chan. Ut laj Moisés ut laj Josué queꞌco̱eb saꞌ li tabernáculo ut queꞌxakli chiru li Ka̱cuaꞌ.

2 Timoteo 4:6

Ut la̱in, saꞌ xcꞌabaꞌ li Ka̱cuaꞌ ta̱osokꞌ lin yuꞌam joꞌ jun li mayej chiru. Yo̱ chi cuulac xkꞌehil nak tincamsi̱k.

2 Timoteo 4:1

Nintzꞌa̱ma cha̱cuu saꞌ xcꞌabaꞌ li Dios nak ta̱chꞌolob lix ya̱lal. Ut nintzꞌa̱ma ajcuiꞌ saꞌ xcꞌabaꞌ li Ka̱cuaꞌ Jesucristo, li ta̱rakok a̱tin saꞌ xbe̱neb li yoꞌyo̱queb ut li camenakeb nak ta̱cha̱lk cuiꞌchic riqꞌuin lix nimal xcuanquil.

1 Timoteo 6:13

Saꞌ xcꞌabaꞌ li Dios li naqꞌuehoc yuꞌam, la̱in nintzꞌa̱ma cha̱cuu nak ta̱ba̱nu la̱ taklanquil. Ut nintzꞌa̱ma ajcuiꞌ cha̱cuu saꞌ xcꞌabaꞌ li Jesucristo li quichꞌoloban xya̱lal chi ma̱cꞌaꞌ xxiu chiru laj Poncio Pilato.

1 Timoteo 1:18

At Timoteo, chanchanat li cualal chicuu nak nacatcuil. Tinqꞌue a̱cue la̱ taklanquil joꞌ queꞌxye li profeta cha̱cuix junxil. Li a̱tin queꞌxye, aꞌan ta̱qꞌuehok xcacuil a̱chꞌo̱l chixba̱nunquil li cꞌanjel qꞌuebil a̱cue. Joꞌcan ut nak yal a̱kꞌe chi cꞌanjelac chiru li Ka̱cuaꞌ.

Deuteronomio 31:23

Ut li Ka̱cuaꞌ quia̱tinac riqꞌuin laj Josué li ralal laj Nun ut quixye re: —Cacuubresi a̱chꞌo̱l ut chicua̱nk a̱metzꞌe̱u xban nak la̱at tatcꞌamok reheb laj Israel saꞌ li naꞌajej li xinyechiꞌi reheb riqꞌuin juramento. Ut la̱in tincua̱nk a̱cuiqꞌuin, chan.

Deuteronomio 3:28

Ta̱xakab laj Josué chi cꞌanjelac. Ta̱qꞌue xcacuilal xchꞌo̱l ut ta̱qꞌue xnaꞌleb xban nak aꞌan li ta̱cꞌamok be chiruheb li tenamit nak teꞌxic jun pacꞌal li nimaꞌ chire̱chaninquil li naꞌajej li yo̱cat chirilbal anakcuan”, chan cue.

Números 27:19

Ta̱cꞌam riqꞌuin laj Eleazar laj tij, ut ta̱xakab chiru ut chiruheb ajcuiꞌ chixjunileb laj Israel. Ut la̱at ta̱qꞌue li cꞌanjel saꞌ xbe̱n.

Deuteronomio 33:1

Laj Moisés, li sicꞌbil ru xban li Dios, quixtzꞌa̱ma li rosobtesinquileb laj Israel chiru li Dios nak toj ma̱jiꞌ nacam.

2 Samuel 7:12

Nak ta̱cuulak xkꞌehil nak tatca̱mk, tatxic chi hila̱nc saꞌ xya̱nkeb la̱ xeꞌto̱nil yucuaꞌ. La̱in tinqꞌue chokꞌ a̱cue̱kaj jun reheb la̱ cualal. Ut tinxakab saꞌ xnaꞌaj lix cuanquilal.

1 Reyes 1:53

Ut li rey Salomón quixtaklaheb li cui̱nk re teꞌxcꞌam laj Adonías riqꞌuin. Queꞌco̱eb li cui̱nk cuan cuiꞌ li artal ut queꞌxcꞌam laj Adonías riqꞌuin li rey. Laj Adonías quixcuikꞌib rib chiru li rey Salomón ut laj Salomón quixye re: —Ayu saꞌ la̱ cuochoch, chan.

1 Crónicas 22:6

Laj David quixtakla xbokbal laj Salomón li ralal ut quixye re nak aꞌan ta̱yi̱ba̱nk re lix templo li Ka̱cuaꞌ, lix Dioseb laj Israel.