1 Reyes 18:2 - Li Santil hu

² Joꞌcan nak laj Elías co̱ riqꞌuin laj Acab. Yo̱ chi us li cueꞌej aran Samaria.

Q'eqchi Bible

² Koho laj Elías rik'in laj Ajab ut kixk'ut rib' chiru. Yo chi us li we'ej aran Samaria.

1 Reyes 18:2 ပူးပေါင်းရင်းမြစ်များ

Jeremías 14:18

Nak ninxic saꞌ cꞌaleba̱l nequeꞌcuil li queꞌcamsi̱c saꞌ li ple̱t. Ut saꞌ eb li tenamit, nequeꞌcuil li yo̱queb chi ca̱mc xban cueꞌej. Eb li profeta ut eb laj tij xeꞌcꞌameꞌ saꞌ jun tenamit li incꞌaꞌ xeꞌxnau ru,” chaꞌakat.—

Isaías 51:12

Li Ka̱cuaꞌ quixye: —La̱in li Ka̱cuaꞌ ninqꞌuehoc xcacuilal a̱chꞌo̱l. ¿Cꞌaꞌut nak nacaxucua ruheb li cui̱nk li nequeꞌcam? Eb aꞌan teꞌosokꞌ joꞌ li pim.

Proverbios 28:1

Eb li incꞌaꞌ useb xnaꞌleb nequeꞌe̱lelic usta ma̱ ani yo̱ chi a̱lina̱nc reheb. Abanan eb li ti̱queb xchꞌo̱l incꞌaꞌ nequeꞌxucuac. Cꞌojcꞌo̱queb ban xchꞌo̱l. Chanchaneb li cakcoj.

Salmos 51:4

Xinma̱cob cha̱cuu. Caꞌaj cuiꞌ cha̱cuu la̱at xinma̱cob ut xinba̱nu li incꞌaꞌ nacuulac cha̱cuu. La̱at xatrakoc a̱tin saꞌ inbe̱n saꞌ ti̱quilal ut ma̱ ani ta̱yehok re nak incꞌaꞌ us li nacaba̱nu.

Salmos 27:1

Li Ka̱cuaꞌ, aꞌan nacutanobresin re lin cꞌaꞌux, ut aꞌan nacoloc cue. Ma̱ ani ninxucua ru. Li Ka̱cuaꞌ, aꞌan na-iloc cue. Joꞌcan nak incꞌaꞌ ninxucuac.

2 Reyes 6:25

Ut xban nak sutsu li tenamit qui-osoꞌ lix tzacae̱mkeb saꞌ chixjunil li tenamit. Queꞌxterkꞌusi xtzꞌak chixjunil toj retal queꞌxcꞌayi xjolom li bu̱r chi ca̱cꞌa̱l chi tumin plata. Ut o̱b chi tumin plata xtzꞌak li mero libra li pim, li “xcꞌot mucuy” xcꞌabaꞌ.

Levítico 26:26

Incꞌaꞌ chic ta̱cua̱nk chi tzꞌakal le̱ tzacae̱mk. Laje̱b chi ixk teꞌxyi̱b li caxlan cua saꞌ jun chi horno. Ajlanbil chic li caxlan cua li te̱cꞌul. Ut nak ac xecuaꞌ chixjunil, incꞌaꞌ ta̱tzꞌaklok e̱re.

1 Reyes 18:1

Mokon chic nak yo̱ rox chihab li cueꞌej li Ka̱cuaꞌ quixye re laj Elías: —Tatxic cuiꞌchic riqꞌuin li rey Acab ut ta̱ye re nak la̱in tintakla cuiꞌchic li hab, chan.

1 Reyes 18:3

Li rey Acab quixbok riqꞌuin laj Abdías, li na-iloc re li cꞌaꞌru cuan re saꞌ li palacio. Laj Abdías, aꞌan cꞌajoꞌ nak naxxucua ru li Ka̱cuaꞌ ut naxqꞌue xlokꞌal.

Levítico 26:20

Ma̱cꞌaꞌak aj e nak te̱tacuasi e̱rib chi cꞌanjelac xban nak incꞌaꞌ chic ta̱e̱lk li acui̱mk saꞌ le̱ naꞌaj ut incꞌaꞌ chic teꞌu̱chi̱nk li cheꞌ.

2 Reyes 1:4

Ta̱ye reheb nak teꞌxye re li rey nak ta̱ca̱mk ut incꞌaꞌ chic ta̱usa̱k, chan li ángel. Ut laj Elías quixba̱nu joꞌ quiyeheꞌ re xban lix ángel li Ka̱cuaꞌ ut co̱.

Salmos 56:5

Rajlal cutan nequeꞌxnimobresi ru lin raylal li xicꞌ nequeꞌiloc cue. Junes incꞌaꞌ us nequeꞌxcꞌoxla saꞌ inbe̱n.