1 Reyes 17:1 - Li Santil hu

¹ Quicuan jun li profeta aj Elías xcꞌabaꞌ. Lix tenamit, aꞌan Tisbe li cuan saꞌ xcue̱nt Galaad. Laj Elías quixye re li rey Acab: —Saꞌ xcꞌabaꞌ li Ka̱cuaꞌ, lix Dioseb laj Israel li nincꞌanjelac chiru, la̱in ninye a̱cue nak chiru cuib oxib chihab incꞌaꞌ chic tixqꞌue li hab toj tinye la̱in, chan.

Q'eqchi Bible

¹ Toja' naq laj Elías, Tisbé xtenamit, sa' xteepal Galahad, kixye re laj Ajab: “Sa' xk'ab'a' li Qaawa', xYos laj Israel, li yookin chi k'anjelak chiru, ninye aawe naq chiruheb' li chihab' a'in maak'a'aq xchu'ke chi moko li hab', wi ink'a' laa'in tinyehoq re”.

1 Reyes 17:1 ပူးပေါင်းရင်းမြစ်များ

Santiago 5:17

Li profeta Elías, aꞌan yal cui̱nk joꞌ la̱o. Quitijoc chi anchal xchꞌo̱l ut quixtzꞌa̱ma chiru li Dios nak incꞌaꞌ tixqꞌue li hab. Ut incꞌaꞌ quixqꞌue li hab saꞌ ruchichꞌochꞌ chiru li oxib chihab riqꞌuin cuakib po.

San Lucas 1:17

Aꞌan xbe̱n cua ta̱xic chiru li Ka̱cuaꞌ chixchꞌolobanquil lix ya̱lal. Cua̱nk li Santil Musikꞌej riqꞌuin ut cua̱nk xcuanquil joꞌ li cuanquilal li quiqꞌueheꞌ re laj Elías xban li Dios. Ut saꞌ xcꞌabaꞌ aꞌan teꞌxcꞌam cuiꞌchic rib saꞌ usilal li yucuaꞌbej riqꞌuineb li alalbej. Eb laj kꞌetol a̱tin teꞌxjal xnaꞌleb ut teꞌxtzol ribeb riqꞌuineb li ti̱queb xchꞌo̱l. Tixcauresi li tenamit chixcꞌulbal li Ka̱cuaꞌ, chan li ángel.

1 Reyes 22:14

Abanan laj Micaías quixye: —Saꞌ xcꞌabaꞌ li yoꞌyo̱quil Dios, la̱in tinye reheb li cꞌaꞌru tixye cue li Ka̱cuaꞌ, chan.

2 Reyes 3:14

Li profeta Eliseo quixye re: —Saꞌ xcꞌabaꞌ li yoꞌyo̱quil Dios li nincꞌanjela ru, la̱in ninye e̱re cui ta incꞌaꞌ ninqꞌue saꞌ xnakꞌ cuu li rey Josafat li cuan e̱rochben incꞌaꞌ raj tina̱tinak e̱riqꞌuin chi moco texintenkꞌa.

Apocalipsis 11:6

Eb li cuib chi cui̱nk aꞌin qꞌuebileb xcuanquil chixba̱nunquil re nak incꞌaꞌ tixqꞌue li hab chiruheb li cutan nak yo̱keb chixyebal li cꞌaꞌru ta̱cꞌulma̱nk. Ut cuanqueb xcuanquil re xsukꞌisinquil li haꞌ chokꞌ quicꞌ ut cuanqueb ajcuiꞌ xcuanquil re xrahobtesinquileb li cuanqueb saꞌ ruchichꞌochꞌ riqꞌuin chixjunil li raylal aꞌ yal jarub sut teꞌraj xba̱nunquil.

Romanos 11:2

Li Ka̱cuaꞌ Dios incꞌaꞌ quixtzꞌekta̱na lix tenamit, li quixsiqꞌueb ru junxil chokꞌ ralal xcꞌajol. ¿Ma incꞌaꞌ nequenau cꞌaꞌru tzꞌi̱banbil saꞌ li Santil Hu chirix laj Elías nak quitijoc chiru li Dios chixjitbaleb laj Israel? Quixye:

San Lucas 21:36

Joꞌcan ut yoꞌon cua̱nkex ut junelic chextijok re nak cauhak e̱chꞌo̱l chixcuybal xnumsinquil li raylal li ta̱cha̱lk saꞌ e̱be̱n, ut re nak ta̱ru̱k texcuulak cuiqꞌuin la̱in li Cꞌajolbej, chan li Jesús.

San Lucas 9:30

Ut queꞌril nak cuibeb li cui̱nk yo̱queb chi a̱tinac riqꞌuin li Jesús. Aꞌaneb laj Moisés ut laj Elías.

San Mateo 7:29

Queꞌsach xchꞌo̱leb xban nak quixcꞌut chi tzꞌakal lix ya̱lal chiruheb riqꞌuin xcuanquil ut moco joꞌ ta eb laj tzꞌi̱b.

1 Reyes 18:1

Mokon chic nak yo̱ rox chihab li cueꞌej li Ka̱cuaꞌ quixye re laj Elías: —Tatxic cuiꞌchic riqꞌuin li rey Acab ut ta̱ye re nak la̱in tintakla cuiꞌchic li hab, chan.

Deuteronomio 10:8

Saꞌ eb li cutan aꞌan li Ka̱cuaꞌ quixxakabeb li ralal xcꞌajol laj Leví chi cꞌanjelac chiru li Ka̱cuaꞌ ut chixpakonquil li Lokꞌlaj Ca̱x li cuan cuiꞌ lix contrato li Ka̱cuaꞌ, ut chixtzꞌa̱manquil li rosobtesinquileb li tenamit. Ut joꞌcan queꞌxba̱nu toj chalen anakcuan.

Hechos 27:23

Saꞌ li kꞌojyi̱n aꞌin xcꞌutbesi rib chicuu jun x-ángel li Dios laj e̱chal cue, li nincꞌanjela ru.

San Lucas 1:19

Ut li ángel quixye: —La̱in li ángel Gabriel li nincꞌanjelac chiru li Dios. Ut aꞌan xtaklan chak cue xyebal a̱cue li cha̱bil esilal aꞌin.

1 Reyes 18:15

Laj Elías quixye re: —Saꞌ xcꞌabaꞌ li nimajcual Dios li nincꞌanjela ru, la̱in ninye a̱cue nak saꞌ ajcuiꞌ li cutan aꞌin, la̱in tina̱tinak riqꞌuin li rey Acab, chan.

1 Reyes 18:10

Saꞌ xcꞌabaꞌ li Ka̱cuaꞌ la̱ Dios la̱in ninye a̱cue nak ma̱cꞌaꞌ junak tenamit chi moco junak naꞌajej incꞌaꞌ ta quixtakla cuiꞌ a̱sicꞌbal li rey. Nak xeꞌxye nak ma̱ anihat, li rey quixpuersiheb chixba̱nunquil li juramento re nak teꞌxye li ya̱l.

Jueces 12:4

Ut laj Jefté quixchꞌutubeb chixjunileb li cui̱nk li cuanqueb Galaad. Queꞌpletic riqꞌuineb li ralal xcꞌajol laj Efraín ut queꞌnumta saꞌ xbe̱neb. Queꞌxba̱nu chi joꞌcan xban nak eb li ralal xcꞌajol laj Efraín queꞌxye nak eb laj Galaad, li cuanqueb saꞌ xya̱nkeb laj Efraín ut laj Manasés, queꞌxtzꞌekta̱naheb li ralal xcꞌajol laj Efraín, li rech tenamitil.

San Juan 1:25

Queꞌxye cuiꞌchic re laj Juan: —¿Cꞌaꞌut nak nacatcubsin haꞌ cui ma̱cuaꞌ la̱at li Cristo, chi moco la̱at laj Elías, chi moco la̱at li profeta? chanqueb re laj Juan.

San Juan 1:21

Ut queꞌxye cuiꞌchic re: —Ye ke anihat la̱at. ¿Ma la̱at laj Elías?— Quichakꞌoc laj Juan ut quixye: —Moco la̱in ta, chan. —¿Ma la̱at li profeta li ta̱cha̱lk? chanqueb cuiꞌchic re. —Incꞌaꞌ, chan laj Juan.

San Lucas 9:54

Nak laj Jacobo ut laj Juan queꞌxqꞌue retal nak incꞌaꞌ quicꞌuleꞌ li Jesús saꞌ li tenamit aꞌan, queꞌxye re: —¿Ma ta̱cuaj nak takatzꞌa̱ma nak ta̱cubek chak xam saꞌ choxa re nak ta̱cꞌatekꞌ li tenamit aꞌan joꞌ quixba̱nu laj Elías? chanqueb.

San Lucas 9:33

Nak ac oqueb re xcanabanquil li Jesús li cuib chi cui̱nk, laj Pedro quixye re li Jesús: —Ka̱cuaꞌ, cꞌajoꞌ xchakꞌal ru nak cuanco arin. Xkayi̱b ta oxibak muheba̱l arin. Jun a̱cue, jun re laj Moisés ut jun re laj Elías, chan. Quixye chi joꞌcan xban nak incꞌaꞌ quixtau ru lix ya̱lal li quiril.

San Mateo 27:49

Ut li jun chꞌol chic queꞌxye: —Kilak cuan ma ta̱cha̱lk na laj Elías chixcolbal, chanqueb.

San Mateo 27:47

Nak queꞌrabi li cꞌaꞌru quixye li cuanqueb aran, cuan li queꞌyehoc: —Abihomak, yo̱ chixbokbal li profeta Elías, chanqueb.

San Mateo 16:14

Eb aꞌan queꞌchakꞌoc ut queꞌxye: —Cuan nequeꞌyehoc nak la̱at laj Juan laj Cubsihom Haꞌ. Ut cuan nequeꞌyehoc nak la̱at li profeta Elías, ut cuan nequeꞌyehoc nak la̱at li profeta Jeremías. Ut cuan cuiꞌchic nequeꞌyehoc nak la̱at junak chic reheb li profeta.—

San Mateo 11:14

Ut cui te̱raj xtaubal lix ya̱lal chirix laj Juan, aꞌan laj Elías li tol-e̱lk.

Jeremías 15:19

Ut li Ka̱cuaꞌ quixye cue: —Cui ta̱yotꞌekꞌ a̱chꞌo̱l ut ta̱jal a̱cꞌaꞌux, la̱in tatincꞌul cuiꞌchic ut la̱at tatcꞌanjelak chicuu. Mat-a̱tinac yal chi ma̱cꞌaꞌ rajbal. Cui la̱at tat-a̱tinak saꞌ incꞌabaꞌ, la̱atak lin profeta. Ut eb li tenamit aꞌin teꞌsukꞌi̱k a̱cuiqꞌuin. Incꞌaꞌ tento nak la̱at ta̱ba̱nu li cꞌaꞌru teꞌraj eb aꞌan.

Isaías 49:18

Ilon cha̱jun sutam. Qꞌue retal nak eb li tenamit yo̱queb chi sukꞌi̱c cuiꞌchic saꞌ xtenamiteb. Relic chi ya̱l la̱in li yoꞌyo̱quil Dios ninye a̱cue nak ta̱sahokꞌ saꞌ a̱chꞌo̱l chirilbal eb li tenamit nak teꞌxchꞌutub cuiꞌchic ribeb saꞌ lix tenamiteb. Aꞌan jun lokꞌal chokꞌ a̱cue. Chanchan nak ta̱qꞌuehekꞌ xsahob ru li tukꞌ ixk li oc re chi sumla̱c.

2 Reyes 5:16

Laj Eliseo quixye re: —Saꞌ xcꞌabaꞌ li yoꞌyo̱quil Dios li nincꞌanjela ru, la̱in ninye a̱cue nak incꞌaꞌ tincꞌul li cꞌaꞌru yo̱cat chixyechiꞌinquil cue, chan. Laj Naamán quixpuersi raj chixcꞌulbal, abanan laj Eliseo incꞌaꞌ quixcꞌul.

1 Reyes 17:2

Joꞌcan nak li Ka̱cuaꞌ quixye re laj Elías:

1 Reyes 17:12

Li ixk quichakꞌoc ut quixye re laj Elías: —Ma̱cꞌaꞌ caxlan cua cuiqꞌuin ac yi̱banbil. Li Ka̱cuaꞌ la̱ Dios naxnau nak ya̱l li yo̱quin chixyebal. Caꞌchꞌin ajcuiꞌ li cꞌaj cuan saꞌ jun li ucꞌal ut caꞌchꞌin ajcuiꞌ li aceite cuan saꞌ lin chꞌina cuc. Ut anakcuan xinchal xxocbal coꞌxibak insiꞌ re nak tinyi̱b li caxlan cua chokꞌ re lin yum ut chokꞌ cue ajcuiꞌ la̱in. Nak takachoy aꞌan, ma̱re toca̱mk xban katzꞌocajic xban nak ma̱cꞌaꞌ chic cuan ke, chan.

2 Reyes 1:3

Abanan jun x-ángel li Dios quia̱tinac riqꞌuin li profeta Elías, Tisbe xtenamit, ut quixye re: —Ayu chixcꞌulbaleb lix takl li rey ut ta̱ye reheb chi joꞌcaꞌin, “¿Cꞌaꞌut nak texxic chi patzꞌoc riqꞌuin laj Baal-zebub lix dioseb laj Ecrón? ¿Ma ma̱cꞌaꞌ ta biꞌ li Dios arin Israel?”

2 Reyes 5:20

nak laj Giezi lix mo̱s li profeta Eliseo quixye saꞌ xchꞌo̱l: —Lin patrón xcanab chi xic laj Naamán laj Siria chi ma̱cꞌaꞌ xcꞌul. Incꞌaꞌ xcꞌul li cꞌaꞌru xcꞌam chak re tixsi re. Saꞌ xcꞌabaꞌ li Ka̱cuaꞌ Dios, tinxic chi junpa̱t re nak tixsi bayak cue, chan.

2 Crónicas 6:26

At Ka̱cuaꞌ, cui eb li tenamit teꞌma̱cobk cha̱cuu la̱at incꞌaꞌ chic ta̱qꞌue chak li hab. Abanan cui teꞌilok saꞌ xjayal li naꞌajej aꞌin ut cui teꞌxya̱ba la̱ cꞌabaꞌ xban li raylal li xaqꞌue saꞌ xbe̱neb, ut cui teꞌxcanab xba̱nunquil li ma̱usilal, la̱at ta̱cuabi lix tijeb.

Li xHu LAJ JOB 12:15

Cui aꞌan ta̱raj nak incꞌaꞌ tixqꞌue li hab, incꞌaꞌ ajcuiꞌ tixqꞌue. Chakihak chixjunil. Ut cui aꞌan ta̱raj nak ta̱butꞌi̱nk li ruchichꞌochꞌ, ta̱butꞌi̱nk ajcuiꞌ.

Isaías 5:6

Tintzꞌekta̱na li chꞌochꞌ aꞌan. Tincanab chi pimocꞌ ut tincanab chi ta̱mc li qꞌuix saꞌ xya̱nk. Incꞌaꞌ chic tinsabesi ru, chi moco kꞌunobresinbilak chic ru. Ut incꞌaꞌ chic tintakla li chok re tixqꞌue li hab saꞌ xbe̱n, chan li raro inban.

Jeremías 14:22

¿Ma cuan ta biꞌ junak li yi̱banbil dios saꞌ li xni̱nkal ru tenamit ta̱ru̱k tixtakla chak li hab? ¿Ma naru ta biꞌ ta̱cha̱lk li hab saꞌ choxa yal xjunes? ¿Ma ma̱cuaꞌ ta biꞌ la̱at, at Ka̱cuaꞌ, nacatqꞌuehoc re? Joꞌcan nak caꞌaj cuiꞌ a̱cuiqꞌuin noco-oybenin xban nak la̱at nacatqꞌuehoc re chixjunil li cꞌaꞌak re ru aꞌin, chan laj Jeremías.

Jeremías 28:8

Chalen najter nak toj ma̱jiꞌ ninyoꞌla la̱in ut la̱at, eb li profeta queꞌxye resil nak saꞌ nabal xni̱nkal ru tenamit ta̱cua̱nk li ple̱t ut li raylal ut li caki yajel.

Hageo 1:10

La̱ex quexma̱cob. Joꞌcan nak incꞌaꞌ quintakla li hab saꞌ xbe̱n le̱ chꞌochꞌ ut incꞌaꞌ quimok le̱ racui̱mk.

1 Reyes 8:35

Ut cui incꞌaꞌ chic tixqꞌue li hab xban li ma̱c li teꞌxba̱nu cha̱cuu, ut cui teꞌxjal xcꞌaꞌuxeb ut teꞌxya̱ba la̱ cꞌabaꞌ ut teꞌtijok cha̱cuu, xban li raylal xaqꞌue saꞌ xbe̱neb, ta̱cuabi taxak li cꞌaꞌru teꞌxtzꞌa̱ma cha̱cuu.

2 Reyes 4:38

Chirix aꞌan laj Eliseo quisukꞌi Gilgal. Saꞌ eb li cutan aꞌan yo̱ li cueꞌej. Jun chꞌu̱tal chi profeta queꞌxchꞌutub ribeb riqꞌuin. Laj Eliseo quixye re lix mo̱s: —Qꞌue li nimla ucꞌal saꞌ xam ut yi̱b lix tzacae̱mkeb, chan.

2 Crónicas 21:12

Laj Joram quixcꞌul li hu li quitakla̱c re xban li profeta Elías. Quixye chi joꞌcaꞌin saꞌ li hu: “Joꞌcaꞌin xye li Ka̱cuaꞌ lix Dios laj David la̱ yucuaꞌ. La̱at incꞌaꞌ xaba̱nu li us joꞌ xba̱nu laj Josafat la̱ yucuaꞌ, chi moco xaba̱nu joꞌ quixba̱nu laj Asa li quicuan chokꞌ xreyeb laj Judá.