1 Reyes 16:9 - Li Santil hu

⁹ Laj Zimri, li nacꞌanjelac chiru laj Ela, quixcꞌu̱b ru chanru nak tixcamsi. Laj Zimri, aꞌan li nataklan saꞌ xbe̱neb yi jach lix carruaje laj Ela. Saꞌ jun li cutan laj Ela cuan saꞌ rochoch laj Arsa, li na-iloc re lix jun cablal. Qui-ucꞌac ut quicala.

Q'eqchi Bible

⁹ Ab'anan laj Simrí, aj k'anjel chiru ut xjolomileb' laj b'eresinel b'eleb'aal ch'iich', kixk'uub' xkamsinkil. Sa' jun kutan naq laj Elá yo chi kalaak sa' rochoch laj Arsá, laj ilol re li junkab'al aran Tirsá,

1 Reyes 16:9 ပူးပေါင်းရင်းမြစ်များ

1 Reyes 18:3

Li rey Acab quixbok riqꞌuin laj Abdías, li na-iloc re li cꞌaꞌru cuan re saꞌ li palacio. Laj Abdías, aꞌan cꞌajoꞌ nak naxxucua ru li Ka̱cuaꞌ ut naxqꞌue xlokꞌal.

Génesis 39:4

Ut quixqꞌue ajcuiꞌ retal nak laj José naxqꞌue xchꞌo̱l chixba̱nunquil lix cꞌanjel. Joꞌcan nak quixqꞌue chokꞌ xbe̱n mo̱s ut quixkꞌaxtesi saꞌ rukꞌ chixjunil li cꞌaꞌru cuan re.

Génesis 24:2

Cuan jun xmo̱s cui̱nk laj Abraham. Najter na-oc riqꞌuin. Aꞌan tzꞌakal na-iloc re chixjunil li cꞌaꞌru cuan re. Saꞌ jun li cutan laj Abraham quixye re: —Takaba̱nu jun li juramento saꞌ xcꞌabaꞌ li Ka̱cuaꞌ Dios. Qꞌue la̱ cuukꞌ rubel li cuaꞌ joꞌ cꞌaynako chixba̱nunquil nak nakaba̱nu li juramento.

San Lucas 21:34

Chenauhak xcolbal e̱rib. Me̱qꞌue e̱rib chi a̱le̱c riqꞌuin li numcuaꞌac ut li cala̱c, chi moco riqꞌuin xcꞌoxlanquil chanru te̱numsi li cutan junju̱nk. Ma̱re anchal ta̱cuulak xkꞌehil li cutan aꞌan chi ma̱cꞌaꞌ saꞌ e̱chꞌo̱l.

Nahum 1:10

Osoꞌjenakex chi cala̱c. Chanchanex li qꞌuix li naxbaqꞌui rib. Tex-osokꞌ joꞌ nak nacꞌat li chaki qꞌuim.

Daniel 5:30

Ut saꞌ ajcuiꞌ li kꞌojyi̱n aꞌan, quicamsi̱c laj Belsasar lix reyeb laj Caldea.

Jeremías 51:57

Aꞌin li naxye li Ka̱cuaꞌ: —La̱in tinqꞌueheb chi cala̱c li nequeꞌtenkꞌan re li rey ut eb li cuanqueb xnaꞌleb joꞌ eb ajcuiꞌ li nequeꞌtaklan saꞌ xbe̱neb li soldados ut eb li cuanqueb saꞌ xcuanquil, joꞌ eb ajcuiꞌ li soldados. Teꞌcua̱rk chi junaj cua ut incꞌaꞌ chic teꞌajk ruheb, chan li Rey li “nimajcual Dios” xcꞌabaꞌ.

2 Reyes 15:30

Nak yo̱ junmay chihab roquic chokꞌ xreyeb laj Judá laj Jotam li ralal laj Uzías, laj Oseas li ralal laj Ela quixcꞌu̱b ru chanru nak tixcamsi laj Peka li ralal laj Remalías. Nak quixcamsi qui-oc chokꞌ xreyeb laj Israel chokꞌ re̱kaj.

2 Reyes 15:25

Laj Peka li ralal laj Remalías, aꞌan jun reheb li nataklan saꞌ xbe̱neb lix soldado laj Pekaía. Laj Peka quixcꞌu̱b ru rochbeneb laj Argob ut laj Arie chanru nak teꞌxcamsi li rey Pekaía. Cuanqueb ajcuiꞌ rochbeneb laje̱b roxcꞌa̱l (50) li cui̱nk aj Galaad. Queꞌxcamsi li rey saꞌ li palacio aran Samaria ut aꞌ chic laj Peka qui-oc chokꞌ xreyeb laj Israel chokꞌ re̱kaj.

2 Reyes 15:10

Laj Salum li ralal laj Jabes quixcꞌu̱b ru chanru nak tixcamsi li rey Zacarías. Quipletic riqꞌuin aran Ibleam ut quixcamsi chiruheb li tenamit ut qui-oc chokꞌ rey chokꞌ re̱kaj.

2 Reyes 12:20

Eb li nequeꞌcꞌanjelac chiru li rey Joás queꞌxcꞌu̱b ru chanru nak teꞌxcamsi. Ut queꞌxcamsi laj Joás saꞌ li cab li cuan Milo nak yo̱ chi xic Sila.

2 Reyes 9:14

Joꞌcan nak laj Jehú quixcꞌu̱b ru chanru nak tixcamsi li rey Joram. Laj Jehú, aꞌan li ralal laj Josafat. Ut laj Josafat, aꞌan li ralal laj Nimsi. Laj Joram yo̱ chixcolbal li tenamit Ramot cuan saꞌ xcue̱nt Galaad chiru laj Hazael lix reyeb laj Siria. Chixjunileb li soldados aj Israel cuanqueb rochben laj Joram.

1 Reyes 20:16

Cuaꞌleb re cutan queꞌco̱eb laj Acab chi pletic nak yo̱queb chi cala̱c saꞌ lix muheba̱leb laj Ben-adad rochbeneb li cablaju xcaꞌcꞌa̱l (32) chi rey li queꞌoquen chirix.

1 Reyes 15:27

Laj Baasa, li ralal laj Ahías, aꞌan xcomoneb li ralal xcꞌajol laj Isacar. Quixcꞌu̱b ru chanru nak tixcamsi li rey Nadab. Quixcamsi nak laj Nadab ut lix soldados queꞌoc chi pletic saꞌ li tenamit Gibetón. Li tenamit Gibetón, aꞌan xnaꞌajeb laj filisteo.

Génesis 39:9

Ma̱ ani chic nim xcuanquil chicuu la̱in saꞌ li cab aꞌin. Chixjunil li cꞌaꞌru cuan re xkꞌaxtesi saꞌ cuukꞌ. Caꞌaj cuiꞌ la̱at incꞌaꞌ xatxkꞌaxtesi saꞌ cuukꞌ xban nak la̱at li rixakil. ¿Chanru nak tin-oc chixchꞌicbal cuib a̱cuiqꞌuin? Ma̱ jokꞌe tinba̱nu chi joꞌcan. Aꞌan nimla ma̱c chiru li Ka̱cuaꞌ Dios, chan laj José.

Génesis 24:10

Lix mo̱s laj Abraham quixcꞌam laje̱b li camello chirix. Quixcꞌam ajcuiꞌ qꞌuila pa̱y ru li ma̱tan terto xtzꞌak li quitakla̱c xban laj Abraham. Li mo̱s co̱ saꞌ li tenamit Mesopotamia. Aꞌan lix tenamit laj Nacor, li ri̱tzꞌin laj Abraham.

Génesis 15:2

Laj Abram quixye re: —At Ka̱cuaꞌ Dios, ¿cꞌaꞌru aj e nak nabal lin ra̱bal ta̱qꞌue? La̱at nacanau nak ma̱ jun cualal incꞌajol cuan. Ut li ani ta̱e̱chani̱nk re li cꞌaꞌru cuan cue, aꞌan li xbe̱n inmo̱s laj Eliezer li chalenak chak saꞌ li tenamit Damasco, chan.

1 Reyes 16:8

Nak yo̱ cuakib xcaꞌcꞌa̱l (26) chihab roquic chokꞌ xreyeb laj Judá laj Asa, laj Ela, li ralal laj Baasa, qui-oc chokꞌ xreyeb laj Israel. Cuib chihab quicuan saꞌ xcuanquil aran Tirsa.

1 Reyes 16:10

Laj Zimri qui-oc cuan cuiꞌ laj Ela ut quixcamsi. Chirix aꞌan laj Zimri qui-oc chokꞌ xreyeb laj Judá chokꞌ re̱kaj laj Ela. Aꞌin quicꞌulman nak yo̱ cuukub xcaꞌcꞌa̱l (27) chihab roquic chokꞌ xreyeb laj Judá laj Asa.

1 Reyes 20:12

Laj Ben-adad yo̱ chi ucꞌac saꞌ lix muheba̱l rochbeneb li rey li queꞌoquen chirix nak quirabi resil li quixtakla xyebal laj Acab. Laj Ben-adad quixtaklaheb lix soldados chixcauresinquil ribeb chi xic chi pletic. Ut eb aꞌan queꞌxcauresi ribeb.

Proverbios 31:4

At Lemuel, moco xcꞌulubeb ta eb li rey nak teꞌucꞌak vino, chi moco xcꞌulubeb li cuanqueb xcuanquil chi takla̱nc nak teꞌrucꞌ li haꞌ li nacaltesin.