1 Reyes 13:1 - Li Santil hu

¹ Nak laj Jeroboam yo̱ chixcꞌatbal lix incienso saꞌ li artal li quixyi̱b aran Bet-el, jun li profeta quichal chak Judá taklanbil xban li Dios.

Q'eqchi Bible

¹ Naq laj Jerobohán xaqxo chiru li artal, ak ok raj re chi xk'atb'al pom, kiwulak aran Betel jun li propeet aj Judá taqlanb'il xb'aan li Qaawa'.

1 Reyes 13:1 ပူးပေါင်းရင်းမြစ်များ

2 Reyes 23:17

Ut li rey quixye: —¿Cꞌaꞌru chi mukleba̱lil li yo̱quin chirilbal? chan. Eb li cui̱nk queꞌxye re: —Saꞌ li mukleba̱l aꞌan mukbil lix profeta li Dios li quichal chak Judá. Li cui̱nk aꞌan quixye resil chixjunil li cꞌaꞌru tixcꞌul li artal Bet-el. Ut aꞌan ajcuiꞌ quiyehoc resil chixjunil li cꞌaꞌru yo̱ chi cꞌulma̱nc anakcuan, chanqueb.

1 Ts 4:15

Aꞌin ra̱tin li Ka̱cuaꞌ Jesucristo nakaye e̱re, nak cui la̱o toj yoꞌyo̱ko saꞌ lix cꞌulunic li Ka̱cuaꞌ Jesucristo, ma̱cuaꞌ la̱o li tocꞌamekꞌ xbe̱n cua. Aꞌ li ac camenakeb, aꞌan eb li teꞌcꞌamekꞌ xbe̱n cua riqꞌuin li Ka̱cuaꞌ.

Jeremías 25:3

Ut quixye reheb: —Chalen nak yo̱ oxlaju chihab roquic chokꞌ xreyeb laj Judá laj Josías li ralal laj Amón ut toj anakcuan li Ka̱cuaꞌ yo̱ chi a̱tinac cuiqꞌuin. Ut chiru oxib xcaꞌcꞌa̱l (23) chihab la̱in rajlal yo̱quin chixyebal e̱re li cꞌaꞌru quixye li Ka̱cuaꞌ. Abanan la̱ex incꞌaꞌ xex-abin.

Jeremías 32:29

Eb laj Babilonia teꞌcha̱lk chi pletic saꞌ li tenamit aꞌin ut teꞌre̱chani. Teꞌxcꞌat li tenamit ut teꞌxcꞌat ajcuiꞌ eb li cab li queꞌxlokꞌoni cuiꞌ lix dios Baal nak queꞌxcꞌat lix pomeb chiru. Ut queꞌxhoy li vino chiruheb li jalanil dios. Joꞌcan nak queꞌxchikꞌ injoskꞌil.

Jeremías 11:12

Eb li tenamit li cuanqueb Judá ut eb li cuanqueb Jerusalén teꞌxic riqꞌuineb li yi̱banbil dios li nequeꞌxcꞌat pom chiru. Teꞌxtzꞌa̱ma xtenkꞌanquil chiruheb, abanan incꞌaꞌ teꞌtenkꞌa̱k xbaneb lix dioseb nak cuanqueb saꞌ raylal.

2 Crónicas 26:18

Queꞌxye re li rey nak incꞌaꞌ us li yo̱ chixba̱nunquil. Queꞌxye re: —At rey Uzías, ma̱cuaꞌ a̱cue la̱at xcꞌatbal li pom chiru li Ka̱cuaꞌ. Eb li ralal laj Aarón, aꞌaneb laj tij. Aꞌaneb li sicꞌbil ruheb chixcꞌatbal li pom chiru li Ka̱cuaꞌ. At rey, elen saꞌ li santil naꞌajej aꞌin. La̱at xakꞌet li ra̱tin li Dios. Ut incꞌaꞌ ta̱qꞌuehekꞌ a̱lokꞌal xban li Dios, chanqueb.

2 Crónicas 9:29

Chixjunil li quixba̱nu li rey Salomón chalen saꞌ xticlajic toj saꞌ rosoꞌjic tzꞌi̱banbil retalil saꞌ eb li hu li queꞌxtzꞌi̱ba li profeta Natán, li profeta Ahías Silón xtenamit, ut li profeta Iddo li quiyehoc re li cꞌaꞌru tixcꞌul laj Jeroboam li ralal laj Nabat.

1 Reyes 20:35

Jun lix profeta li Dios quixye re jun li rech profetil joꞌ quixye li Dios re: —China̱yocꞌ riqꞌuin la̱ chꞌi̱chꞌ, chan. Abanan li profeta jun chic incꞌaꞌ quiraj xba̱nunquil.

1 Reyes 13:32

Li profeta quixye li cꞌaꞌru quiyeheꞌ re xban li Dios. Chꞌolchꞌo nak ta̱cꞌulma̱nk li cꞌaꞌru quixye chirix li artal li cuan arin Bet-el ut chirixeb li naꞌajej re lokꞌoni̱nc li najt xteram li yi̱banbil aran Samaria, chan.

1 Reyes 13:26

Nak quirabi li profeta li cuan Bet-el li cꞌaꞌru quixcꞌul li profeta li quicuaꞌac rochben saꞌ rochoch, quixye: —Aꞌan li profeta li xkꞌet ra̱tin li Dios. Li Ka̱cuaꞌ xkꞌaxtesin re li cakcoj. Li cakcoj quixchap ut quixcamsi joꞌ quiyeheꞌ re xban li Ka̱cuaꞌ, chan.

1 Reyes 13:9

xban nak joꞌcan taklanbilin cuiꞌ xban li Ka̱cuaꞌ. Aꞌan quixye cue nak incꞌaꞌ tincuaꞌak, chi moco tin-ucꞌak, chi moco tinsukꞌi̱k saꞌ li be li xinchal cuiꞌ, chan li profeta.

1 Reyes 13:5

Saꞌ ajcuiꞌ li ho̱nal aꞌan li artal quijacheꞌ ut li cha cuan saꞌ xbe̱n quipajeꞌ joꞌ quiyeheꞌ re li profeta xban li Dios.

1 Reyes 12:22

Abanan li Dios quia̱tinac riqꞌuin laj Semaías laj cꞌanjel chiru, ut quixye re:

Números 16:40

Quixba̱nu laj Eleazar joꞌ quixye li Ka̱cuaꞌ re laj Moisés. Aꞌan jun retalil chiruheb laj Israel nak juneseb li ralal xcꞌajol laj Aarón naru nequeꞌxcꞌat li pom chiru li Ka̱cuaꞌ. Jalan incꞌaꞌ naru ma̱re anchal tixcꞌul joꞌ queꞌxcꞌul laj Coré ut eb li queꞌoquen chirix.

Apocalipsis 8:3

Quichal jun chic li ángel ut quixakli chiru li artal yi̱banbil riqꞌuin oro. Cuan chak saꞌ rukꞌ jun xnaꞌaj li incienso yi̱banbil riqꞌuin oro. Quiqꞌueheꞌ nabal li incienso re, re tixcꞌat saꞌ li artal li cuan chiru li cꞌojariba̱l, re nak cuotz ta̱cuulak toj riqꞌuin li Ka̱cuaꞌ rochben lix tijeb laj pa̱banel.

Malaquías 1:11

Yalak bar saꞌ ruchichꞌochꞌ ta̱qꞌuehekꞌ inlokꞌal xbaneb li cuanqueb saꞌ li xni̱nkal ru tenamit. Ut yalak bar saꞌ eb li naꞌajej teꞌxqꞌue xlokꞌal incꞌabaꞌ riqꞌuin xcꞌatbal li sununquil ban chicuu ut riqꞌuin li cha̱bil mayej li teꞌxmayeja. Nimanbilak lin cꞌabaꞌ saꞌ eb li jalan tenamit.

1 Samuel 9:6

Li mo̱s quixye re: —Saꞌ li tenamit aꞌin cuan jun li profeta naꞌno ru xban nak chixjunil li cꞌaꞌru naxye nacꞌulman. Toxic chirilbal. Ma̱re aꞌan tixye ke bar takatau eb li bu̱r, chan.

2 Reyes 23:15

Quixtakla ajcuiꞌ xpoꞌbal li artal li cuan Bet-el ut li naꞌajej li najt xteram li quixyi̱b laj Jeroboam li ralal laj Nabat. Laj Jeroboam, aꞌan li quicꞌamoc xbeheb laj Israel chi ma̱cobc. Queꞌxcꞌat li artal li najt xteram ut queꞌxcꞌat ajcuiꞌ lix jalam u̱ch li yi̱banbil dios xAsera.

2 Crónicas 26:16

Abanan nak quiniman chi us lix cuanquil laj Uzías, quixnimobresi rib xjunes rib. Ut xban aꞌan quixqꞌue rib saꞌ raylal. Quixkꞌet li ra̱tin li Ka̱cuaꞌ lix Dios ut qui-oc saꞌ lix templo li Ka̱cuaꞌ re nak tixcꞌat li pom saꞌ xbe̱n li artal li nacꞌatman cuiꞌ li pom.

1 Samuel 2:27

Jun lix profeta li Dios quicuulac riqꞌuin laj Elí ut quixye re: —Joꞌcaꞌin xye li Ka̱cuaꞌ: “La̱in quincꞌutbesi cuib chiru laj Aarón, la̱ xeꞌto̱nil yucuaꞌ, nak aꞌan joꞌ eb ajcuiꞌ lix comon cuanqueb chak chokꞌ rahobtesinbil mo̱s aran Egipto.

Amós 7:13

Ut matchal chic arin Bet-el chixyebal ra̱tin profeta xban nak li naꞌajej aꞌin, aꞌan li nalokꞌonin cuiꞌ li rey ut arin ajcuiꞌ cuan li rochoch, chan.

Amós 7:16

Joꞌcan nak chacuabi li ra̱tin li Ka̱cuaꞌ. La̱at incꞌaꞌ nacacuaj tinye li raylal li xchal saꞌ e̱be̱n la̱ex laj Israel, chi moco nacacuaj tinye li cꞌaꞌru xchal saꞌ e̱be̱n la̱ex li ralal xcꞌajol laj Isaac. Joꞌcan ut nak tinye a̱cue li cꞌaꞌru xye cha̱cuix li Ka̱cuaꞌ.