1 Reyes 11:7 - Li Santil hu

⁷ Ut laj Salomón quixtakla xyi̱banquil lix naꞌajeb li jalanil dios Quemos ut Moloc saꞌ li tzu̱l li cuan jun pacꞌal li tenamit Jerusalén bar na-el cuiꞌ li sakꞌe. Laj Quemos, aꞌan lix dioseb laj Moab. Ut laj Moloc aꞌan lix dioseb laj Amón, li kꞌaxal yibru nequeꞌxba̱nu nak nequeꞌxlokꞌoniheb.

Q'eqchi Bible

⁷ Chiruheb' li kutan a'an, laj Salomón kixk'e chi yiib'aak x'artalil laj Kamós, xtz'eqb'eetalil yos eb' laj Mohab, aran sa' xb'een li tzuul li wank chi xk'atq Jerusalén. Kixk'e ajwi' chi yiib'aak x'artalil laj Milkón, xtz'eqb'eetalil yos eb' laj Amón.

1 Reyes 11:7 ပူးပေါင်းရင်းမြစ်များ

Números 21:29

Raylal xchal saꞌ e̱be̱n la̱ex aj Moab. Xsacheꞌ e̱ru la̱ex lix tenamit li yi̱banbil dios Quemos. Quichapeꞌ le̱ tenamit. Eb le̱ ralal queꞌe̱lelic ut eb le̱ rabin queꞌcꞌameꞌ chi pre̱xil xban laj Sehón lix reyeb laj amorreo.

Jueces 11:24

Cui ta laj Quemos le̱ dios tixsi e̱chꞌochꞌ, ¿ma ma̱cuaꞌak ta biꞌ e̱re? Joꞌcan ajcuiꞌ la̱o. Chixjunil li xsi ke li kaDios, aꞌan ke ajcuiꞌ la̱o.

Hechos 7:43

¿Ma ma̱cuaꞌ ta biꞌ le̱ yi̱banbil dios Moloc ut Renfán quelokꞌoni? La̱ex queyi̱b li jalam u̱ch aꞌin re te̱lokꞌoni. Joꞌcan nak texincanab re nak jalan tenamit ta̱numta̱k saꞌ e̱be̱n ut texcꞌamekꞌ chi najt saꞌ jun li naꞌajej li cuan jun pacꞌal li tenamit Babilonia, chan li Ka̱cuaꞌ. (Amós 5:25-27)

Hechos 1:12

Chirix aꞌan eb li apóstol queꞌcube chak saꞌ li tzu̱l Olivos ut queꞌco̱eb cuiꞌchic Jerusalén. Li tzu̱l aꞌan nachꞌ cuan riqꞌuin li tenamit Jerusalén, jun kilómetro tana xnajtil, joꞌ xnajtil li naru nequeꞌxbeni saꞌ li hiloba̱l cutan.

Hechos 1:9

Nak quirakeꞌ xyebal chixjunil aꞌin quicꞌameꞌ saꞌ choxa li Jesús xban li Dios. Yo̱queb chirilbal nak quichal jun li chok ut quimukun saꞌ li chok. Ut incꞌaꞌ chic queꞌril ru.

San Mateo 26:30

Nak ac xeꞌrakeꞌ xbichanquil jun li bich re xlokꞌoninquil li Dios, queꞌco̱eb saꞌ li tzu̱l Olivos.

Zacarías 14:4

Saꞌ eb li cutan aꞌan li Ka̱cuaꞌ ta̱xakli̱k saꞌ xbe̱n li tzu̱l Olivos li cuan jun pacꞌal li tenamit Jerusalén saꞌ releb sakꞌe. Ut li tzu̱l Olivos ta̱jachekꞌ saꞌ xyi ut tixjecꞌ rib. Ta̱ticla̱k saꞌ releb sakꞌe lix jachalal ut ta̱cuulak bar na-oc cuiꞌ li sakꞌe. Jun nimla ru takꞌa ta̱cana̱k saꞌ xyi li cuib jachal. Jun jachal li tzu̱l ta̱cana̱k saꞌ li norte ut li jun jachal chic ta̱cana̱k saꞌ li sur.

Daniel 12:11

Nak acak xnumeꞌ oxib chihab riqꞌuin cuakib po (1,290 cutan) xcanabanquil li mayejac saꞌ li Templo, tojoꞌnak teꞌrocsi li kꞌaxal xiu xiu rilbal saꞌ lix Templo li Ka̱cuaꞌ.

Daniel 11:31

Ut eb li soldado teꞌxmux ru lix Templo li Dios joꞌ ajcuiꞌ li tzꞌac li sutsu cuiꞌ. Ut ta̱qꞌuehekꞌ aran saꞌ li templo li kꞌaxal xiu xiu rilbal. Ut incꞌaꞌ chic teꞌru̱k teꞌmayejak saꞌ li templo rajlal cutan lix tenamit li Dios.

Ezequiel 18:12

Ma̱re naxrahobtesiheb li nebaꞌ ut li tenkꞌa̱c teꞌraj ut na-elkꞌa̱c. Incꞌaꞌ naxkꞌaxtesi li cꞌaꞌru quiqꞌueheꞌ re chokꞌ prenda. Naxlokꞌoniheb li jalanil dios ut naxba̱nu li ma̱usilal.

Jeremías 48:13

Saꞌ eb li cutan aꞌan eb laj Moab teꞌxuta̱na̱k xban nak queꞌxcꞌojob xchꞌo̱leb riqꞌuin laj Quemos lix dioseb joꞌ nak eb laj Israel queꞌxuta̱na̱c xban lix dioseb li cuan Bet-el, li queꞌxcꞌojob cuiꞌ xchꞌo̱leb.

Isaías 44:19

Li cui̱nk li quiyi̱ban re ma̱cꞌaꞌ xnaꞌleb. Incꞌaꞌ nacꞌoxlac chi moco naru tixye, “Jun jachal li cheꞌ xincꞌat. Xinyi̱b lin tzacae̱mk ut xinpom lin tib ut xincuaꞌac. ¿Ma tinyi̱b ta biꞌ li dios cheꞌ li ma̱cꞌaꞌ na-oc cuiꞌ riqꞌuin li jun jachal chic? ¿Ma naru ta biꞌ tincuikꞌib cuib chiru jun tokolak li cheꞌ?”

Salmos 78:58

Queꞌxqꞌue xjoskꞌil li Dios xban nak queꞌxyi̱b li artal li nequeꞌxlokꞌoni cuiꞌ li yi̱banbil dios. Xban nak queꞌxlokꞌoni li yi̱banbil dios, cꞌajoꞌ nak quirahoꞌ xchꞌo̱l li Ka̱cuaꞌ.

2 Reyes 23:10

Li rey Josías quixtakla xpoꞌbal li naꞌajej Tofet li cuan saꞌ li ru takꞌa saꞌ lix chꞌochꞌ laj Ben-hinom. Quixpoꞌ li naꞌajej aꞌan re nak ma̱ ani chic tixcꞌat li ralal malaj ut lix rabin chokꞌ xmayej chiru li yi̱banbil dios Moloc.

2 Samuel 15:30

Nak laj David yo̱ chi taksi̱nc saꞌ li tzu̱l Olivos, yo̱ chi ya̱bac. Tzꞌaptzꞌo xjolom ut ma̱cꞌaꞌ xxa̱b chi rok xban xrahil xchꞌo̱l. Ut chixjunileb li yo̱queb chi ta̱ke̱nc re queꞌxtzꞌap lix jolomeb ut yo̱queb ajcuiꞌ chi ya̱bac.

Deuteronomio 27:15

Tzꞌekta̱nanbil li ani tixyi̱b lix jalanil dios ut xjalam u̱ch riqꞌuin chꞌi̱chꞌ ut riqꞌuin cheꞌ usta tixqꞌue saꞌ junak naꞌajej mukmu re tixlokꞌoni xban nak li Ka̱cuaꞌ xicꞌ naril aꞌan. Ut chixjunileb li tenamit teꞌchakꞌok ut teꞌxye: Joꞌcan taxak.

Deuteronomio 13:14

Cui te̱rabi resil te̱tzꞌil rix chi us. Cui te̱qꞌue retal nak ya̱l nak cuan li yo̱queb chixba̱nunquil li ma̱usilal aꞌan,

Números 33:52

te̱risiheb chixjunileb li cuanqueb saꞌ li naꞌajej aꞌan. Te̱sach ruheb chixjunileb lix dioseb li queꞌxyi̱b riqꞌuin pec ut riqꞌuin chꞌi̱chꞌ. Te̱tꞌan chixjunileb li naꞌajej li najt xteram li nequeꞌlokꞌonin cuiꞌ.

Levítico 26:30

La̱in tintꞌan li naꞌajej li najt xteram li nequexlokꞌonin cuiꞌ. Ut tinjucꞌ li artal li nequecꞌat cuiꞌ le̱ pom. Ut la̱in tintu̱b le̱ camenak saꞌ xbe̱neb le̱ yi̱banbil dios, li moco yoꞌyo̱queb ta. Ut xicꞌ chic texcuil.

Génesis 33:2

Quixqꞌueheb li cuib chi mo̱s chi ubej rochbeneb lix cocꞌal. Chirix aꞌan quixqꞌue lix Lea rochbeneb lix cocꞌal ut toj chi ixbej quixqꞌue lix Raquel rochben laj José lix yum.

1 Reyes 11:5

Laj Salomón quixlokꞌoni lix dioseb laj Sidón, lix Astoret xcꞌabaꞌ. Ut quixlokꞌoni ajcuiꞌ laj Milcom lix dioseb laj Amón, ut kꞌaxal yibru queꞌxba̱nu nak queꞌxlokꞌoni aꞌan.

1 Reyes 11:6

Laj Salomón quixba̱nu li incꞌaꞌ us chiru li Ka̱cuaꞌ xban nak incꞌaꞌ quixpa̱b li Ka̱cuaꞌ chi anchal xchꞌo̱l joꞌ quixba̱nu laj David lix yucuaꞌ.

1 Reyes 11:8

Joꞌcan quixba̱nu laj Salomón reheb chixjunileb li rixakil, li jalan xtenamiteb. Quixyi̱b li naꞌajej re teꞌxcꞌat li pom ut teꞌmayejak chiruheb lix dioseb.

1 Reyes 15:12

Quirisi saꞌ li tenamit eb li ixk ut eb li cui̱nk li kꞌaxal yibru queꞌxba̱nu chi ribileb rib re xqꞌuebal xlokꞌal lix dioseb li queꞌxyi̱b. Ut quirisiheb ajcuiꞌ chixjunil li yi̱banbil dios li quilajeꞌxyi̱b lix xeꞌto̱nil xyucuaꞌeb.

2 Crónicas 21:11

Ut quixyi̱b ajcuiꞌ eb li naꞌajej li najt xteram saꞌ eb li tzu̱l aran Judá. Ut quicꞌamoc be chiruheb li tenamit li cuanqueb Jerusalén ut Judá chixtzꞌekta̱nanquil li Ka̱cuaꞌ ut chixlokꞌoninquil li jalanil dios.

Jeremías 32:31

Chalen nak quiticla chak xyi̱banquil li tenamit aꞌin ut toj chalen anakcuan junes xqꞌuebal injoskꞌil nequeꞌxba̱nu. Xban aꞌan tinsach ru li tenamit aꞌin.

Jeremías 32:35

Queꞌxyi̱b li naꞌajej li najt xteram re teꞌxlokꞌoni cuiꞌ li yi̱banbil dios Baal saꞌ li ru takꞌa re Ben-hinom ut re ajcuiꞌ nak teꞌxcꞌat chokꞌ xmayejeb eb li ralal xcꞌajol chiru lix dios Moloc. La̱in incꞌaꞌ quinye reheb nak teꞌxba̱nu aꞌan, chi moco quincꞌoxla nak teꞌxba̱nu li ma̱usilal aꞌan li kꞌaxal yibru nak queꞌxcꞌam xbeheb laj Judá chi ma̱cobc.

Jeremías 48:46

Raylal ta̱cha̱lk saꞌ xbe̱neb laj Moab. Queꞌsacheꞌ ruheb li tenamit li queꞌxlokꞌoni li dios Quemos. Queꞌchapeꞌ ut queꞌcꞌameꞌ chi pre̱xil eb li ralal xcꞌajol.

Miqueas 1:5

Chixjunil aꞌin ta̱cꞌulma̱nk xban li ma̱c li yo̱queb chixba̱nunquil laj Israel, li ralal xcꞌajol laj Jacob, ut xban nak queꞌxkꞌetkꞌeti ribeb chiru li Dios. ¿Ani cuan re nak queꞌxkꞌetkꞌeti ribeb laj Israel? ¿Ma ma̱cuaꞌ ta biꞌ li tenamit Samaria? Ut, ¿ani cuan re nak queꞌxlokꞌoni li yi̱banbil dios aran Judá? ¿Ma ma̱cuaꞌ ta biꞌ li tenamit Jerusalén?