1 Reyes 11:4 - Li Santil hu

⁴ Nak ac ti̱x chic laj Salomón quijala xcꞌaꞌux xbaneb li rixakil ut qui-oc chixlokꞌoninquil li jalanil dios. Ut incꞌaꞌ yo̱ chixba̱nunquil li ti̱quilal chi anchal xchꞌo̱l chiru li Ka̱cuaꞌ joꞌ quixba̱nu laj David lix yucuaꞌ.

Q'eqchi Bible

⁴ Sa' chik li xtiixilal, eb' li ixq ke'po'ok xch'ool laj Salomón re xloq'oninkileb' li jalanil yos, ut li xch'ool moko kiwank ta junes cho'q re li Qaawa' li xYos, jo' naq kiwank laj David li xyuwa'.

1 Reyes 11:4 ပူးပေါင်းရင်းမြစ်များ

1 Reyes 9:4

Chatcua̱nk saꞌ xya̱lal chicuu joꞌ nak quicuan laj David la̱ yucuaꞌ. Chaba̱nu saꞌ ti̱quilal chixjunil li naxye saꞌ li chakꞌrab.

1 Reyes 8:61

Joꞌcan nak cheqꞌuehak e̱chꞌo̱l chicua̱nk saꞌ ti̱quilal chiru li Ka̱cuaꞌ li kaDios. Chexcua̱nk saꞌ xya̱lal ut cheba̱nuhak li cꞌaꞌru naxye saꞌ li chakꞌrab joꞌ yo̱quex anakcuan.—

1 Crónicas 28:9

Ut la̱at, at Salomón, at cualal, chapa̱b li Ka̱cuaꞌ lix Dios la̱ yucuaꞌ ut chatcꞌanjelak chiru chi anchal a̱chꞌo̱l ut saꞌ ti̱quilal. Li Ka̱cuaꞌ, aꞌan naxnau cꞌaꞌru cuan saꞌ xchꞌo̱l li junju̱nk ut naxnau chanru lix naꞌleb. Cui la̱at ta̱sicꞌ li Dios, aꞌan ta̱tenkꞌa̱nk a̱cue. Cui ut ta̱tzꞌekta̱na, aꞌan tatxtzꞌekta̱na ajcuiꞌ la̱at chi junaj cua.

1 Reyes 11:6

Laj Salomón quixba̱nu li incꞌaꞌ us chiru li Ka̱cuaꞌ xban nak incꞌaꞌ quixpa̱b li Ka̱cuaꞌ chi anchal xchꞌo̱l joꞌ quixba̱nu laj David lix yucuaꞌ.

2 Crónicas 34:2

Laj Josías quixba̱nu li us chiru li Ka̱cuaꞌ Dios joꞌ quixba̱nu laj David lix xeꞌto̱nil yucuaꞌ. Cha̱bil xnaꞌleb nak quicuan chokꞌ rey. Ut incꞌaꞌ quixcanab xba̱nunquil li us.

2 Crónicas 17:3

Li Ka̱cuaꞌ cuan riqꞌuin laj Josafat xban nak saꞌ xticlajic lix cuanquil quixba̱nu li us joꞌ quixba̱nu laj David lix xeꞌto̱nil yucuaꞌ. Incꞌaꞌ quixlokꞌoni li yi̱banbil dios Baal.

1 Reyes 11:2

Aꞌan eb li tenamit li quixye li Dios reheb laj Israel nak incꞌaꞌ ta̱ru̱k teꞌxcꞌam chokꞌ rixakileb xban nak eb li tenamit aꞌan nequeꞌxlokꞌoni li jalanil dios. Quixye li Dios chi joꞌcan xban nak ac naxnau nak cui teꞌxcꞌam chokꞌ rixakileb eb li ixk aꞌan, teꞌoc chixlokꞌoninquil lix dioseb aꞌan. Abanan laj Salomón quixcꞌameb chokꞌ rixakil eb li ixk aꞌan.

Deuteronomio 17:17

Chi moco naru ta̱cua̱nk nabalak rixakil xban nak naru naxjal lix naꞌleb xbaneb. Chi moco naru nacuan nabalak x-oro ut nabalak xplata.

2 Crónicas 25:2

Laj Amasías quixba̱nu li us chiru li Ka̱cuaꞌ. Abanan moco anchal ta xchꞌo̱l nak quixba̱nu.

1 Crónicas 29:19

Nintzꞌa̱ma cha̱cuu nak ta̱tenkꞌa laj Salomón li cualal. Ti̱cak taxak xchꞌo̱l re nak tixba̱nu li cꞌaꞌru naxye saꞌ la̱ chakꞌrab. Tixba̱nu taxak chixjunil li cꞌanjel ut tixyi̱b taxak la̱ templo li ac xincauresi chixjunil li cꞌaꞌak re ru re xyi̱banquil, chan laj David.

2 Reyes 20:3

—La̱in nintzꞌa̱ma cha̱cuu, at Ka̱cuaꞌ Dios, chijulticokꞌ taxak a̱cue nak la̱in xincꞌanjelac cha̱cuu chi anchal inchꞌo̱l ut xinba̱nu li us joꞌ nacuulac cha̱cuu, chan. Ut quiya̱bac chi kꞌaxal ra saꞌ xchꞌo̱l.

1 Reyes 15:14

Usta incꞌaꞌ quixpoꞌ chixjunileb li naꞌajej li queꞌxlokꞌoni cuiꞌ li jalanil dios, abanan laj Asa junelic cuan saꞌ ti̱quilal chiru li Dios toj chalen nak quicam.

1 Reyes 15:3

Laj Abiam quixba̱nu li ma̱usilal joꞌ quixba̱nu laj Roboam lix yucuaꞌ. Incꞌaꞌ quixlokꞌoni li Ka̱cuaꞌ chi anchal xchꞌo̱l joꞌ quixba̱nu laj David lix xeꞌto̱nil xyucuaꞌ.

1 Reyes 14:21

Jun roxcꞌa̱l chihab cuan re laj Roboam, li ralal laj Salomón, nak qui-oc chokꞌ rey aran Judá. Cuuklaju chihab quicuan saꞌ xcuanquil aran Jerusalén, li tenamit li sicꞌbil ru xban li Dios saꞌ xya̱nkeb lix te̱paleb li ralal xcꞌajol laj Israel. Li Dios quixsicꞌ ru li tenamit Jerusalén re nak aran ta̱lokꞌoni̱k. Lix naꞌ laj Roboam, aꞌan lix Naama. Amón xtenamit.

1 Reyes 11:42

Laj Salomón quicuan chokꞌ rey caꞌcꞌa̱l chihab aran Jerusalén ut quitaklan saꞌ xbe̱neb chixjunileb laj Israel.

1 Reyes 11:38

Cui la̱at ta̱ba̱nu li cꞌaꞌru tatintakla cuiꞌ, ut cui tatcua̱nk saꞌ ti̱quilal chicuu, ut cui ta̱ba̱nu li cꞌaꞌru naxye lin chakꞌrab joꞌ quixba̱nu laj David laj cꞌanjel chicuu, la̱in cua̱nkin a̱cuiqꞌuin. Ut tinxakab saꞌ xnaꞌaj la̱ cuanquilal, la̱at joꞌ eb ajcuiꞌ la̱ cualal a̱cꞌajol, joꞌ nak quinxakab xcuanquil laj David.

1 Reyes 9:10

Quinumeꞌ junmay chihab xyi̱banquil lix templo li Dios ut lix palacio li rey Salomón.

1 Reyes 6:1

Li templo quiticla xyi̱banquil nak ac xnumeꞌ ca̱hib ciento chihab riqꞌuin ca̱cꞌa̱l chihab reliqueb laj Israel aran Egipto. Li rey Salomón quixtiquib xyi̱banquil lix templo li Ka̱cuaꞌ nak yo̱ xca̱ chihab roquic chokꞌ rey saꞌ li po Zif, li xcab po re li chihab aꞌan.

Deuteronomio 7:4

Cui texsumla̱k riqꞌuineb, teꞌrisi ribeb le̱ ralal e̱cꞌajol riqꞌuin li Ka̱cuaꞌ ut teꞌoc chixlokꞌoninquil li jalanil dios. Riqꞌuin aꞌan ta̱cha̱lk xjoskꞌil li Ka̱cuaꞌ saꞌ e̱be̱n ut saꞌ junpa̱t ta̱sachekꞌ e̱ru chi junaj cua.

1 Reyes 3:3

Laj Salomón quixra li Ka̱cuaꞌ Dios ut quixba̱nu li cꞌaꞌru naxye saꞌ li chakꞌrab li xakabanbil xcuanquil xban laj David lix yucuaꞌ. Abanan naxmayeja li xul ut naxcꞌat li incienso saꞌ eb li artal li yi̱banbil saꞌ li tzu̱l.

1 Reyes 11:9

Cꞌajoꞌ nak quijoskꞌoꞌ li Ka̱cuaꞌ Dios saꞌ xbe̱n laj Salomón xban nak quixcanab xlokꞌoninquil li Dios li nequeꞌxlokꞌoni laj Israel, li quixcꞌutbesi rib chiru caꞌ sut.

Éxodo 20:3

Incꞌaꞌ naru nacuan jalanil dios e̱riqꞌuin chicuu la̱in.

1 Reyes 11:33

Tinjach ruheb lin tenamit xban nak eb laj Israel quineꞌxtzꞌekta̱na ut queꞌxlokꞌoniheb li jalanil dios, lix Astoret lix dioseb laj Sidón, laj Quemos lix dioseb laj Moab, ut laj Moloc lix dioseb laj Amón. Incꞌaꞌ queꞌxba̱nu li cꞌaꞌru quinye reheb chi moco queꞌcuan saꞌ ti̱quilal chicuu. Incꞌaꞌ queꞌxba̱nu li cꞌaꞌru quinye saꞌ lin contrato ut saꞌ lin chakꞌrab, joꞌ quixba̱nu laj David lix yucuaꞌ laj Salomón.