1 Reyes 11:2 - Li Santil hu

² Aꞌan eb li tenamit li quixye li Dios reheb laj Israel nak incꞌaꞌ ta̱ru̱k teꞌxcꞌam chokꞌ rixakileb xban nak eb li tenamit aꞌan nequeꞌxlokꞌoni li jalanil dios. Quixye li Dios chi joꞌcan xban nak ac naxnau nak cui teꞌxcꞌam chokꞌ rixakileb eb li ixk aꞌan, teꞌoc chixlokꞌoninquil lix dioseb aꞌan. Abanan laj Salomón quixcꞌameb chokꞌ rixakil eb li ixk aꞌan.

Q'eqchi Bible

² A'aneb' li tenamit b'arwi' kixye li Qaawa' reheb' laj Israel naq ink'a' taaruuq te'xsik' rixaqileb': “Wi teelaq'ab' eerib' rik'ineb' a'an, ch'olch'o naq te'xb'alaq'i leech'ool chi xloq'oninkil li xyoseb'”, chan li Yos. Ab'an laj Salomón kixk'ameb' cho'q rixaqil xb'aan naq kixraheb':

1 Reyes 11:2 ပူးပေါင်းရင်းမြစ်များ

Éxodo 34:16

Cui la̱ex te̱sumub le̱ ralal riqꞌuin lix rabineb, aꞌan ajcuiꞌ ta̱cꞌamok xbeheb le̱ ralal chixlokꞌoninquil lix dioseb xban nak eb aꞌan nequeꞌxlokꞌoni li jalanil dios.

1 Corintios 15:33

Me̱qꞌue e̱rib chi balakꞌi̱c xbaneb li nequeꞌa̱tinac chi joꞌcan. Me̱junaji e̱rib riqꞌuineb li incꞌaꞌ useb xnaꞌleb xban nak li incꞌaꞌ useb xnaꞌleb nequeꞌxpoꞌ xchꞌo̱leb li cha̱bileb xnaꞌleb.

Romanos 12:9

Mexrahoc chi yal xcab rix e̱chꞌo̱l. Chera ban e̱rib chi ribil e̱rib chi anchal e̱chꞌo̱l. Chetzꞌekta̱na chi junaj cua li incꞌaꞌ us ut cheqꞌuehak e̱chꞌo̱l chixba̱nunquil li us.

Apocalipsis 2:4

Abanan cuan jun e̱paltil chicuu. La̱ex incꞌaꞌ chic niquine̱ra joꞌ nak xine̱ra chak junxil.

Romanos 1:32

Ac chꞌolchꞌo chiruheb li cꞌaꞌru quixye li Dios. Nequeꞌxnau nak lix tojbal rix li ma̱c, aꞌan li ca̱mc. Aban toj yo̱queb ajcuiꞌ chixba̱nunquil li ma̱c. Ut ma̱cuaꞌ caꞌaj cuiꞌ aꞌan nequeꞌxba̱nu. Nequeꞌsahoꞌ ajcuiꞌ saꞌ xchꞌo̱l chirilbaleb li ras ri̱tzꞌin nak yo̱queb chixba̱nunquil li incꞌaꞌ us.

Malaquías 2:11

Eb li ralal xcꞌajol laj Judá yo̱queb chixba̱nunquil li ma̱usilal aran Jerusalén joꞌ ajcuiꞌ saꞌ chixjunil Israel. Queꞌxmux ru li templo li raro xban li Ka̱cuaꞌ xban nak yo̱queb chi sumla̱c riqꞌuineb li ixk li nequeꞌxlokꞌoni li jalanil dios.

Salmos 139:21

At nimajcual Dios, la̱in xicꞌ nequeꞌcuil li xicꞌ nequeꞌiloc a̱cue. Cꞌajoꞌ nak nachal injoskꞌil chi rilbaleb li nequeꞌxkꞌetkꞌeti ribeb cha̱cuu.

Esdras 9:12

La̱at caye nak incꞌaꞌ takasumubeb li karabin riqꞌuineb li ralal eb aꞌan chi moco li kalal teꞌsumla̱k riqꞌuineb lix rabin eb aꞌan. Ut caye ajcuiꞌ ke nak incꞌaꞌ tocua̱nk chi sum a̱tin riqꞌuineb chi moco takatenkꞌaheb re nak us teꞌe̱lk. Incꞌaꞌ takatenkꞌaheb re nak cauhako ut takatzaca li cha̱bil tzacae̱mk li ta̱e̱lk saꞌ li chꞌochꞌ ut re ajcuiꞌ nak li kalal kacꞌajol teꞌe̱chani̱nk re li naꞌajej aꞌin chi junaj cua.

2 Crónicas 21:6

Laj Joram quixba̱nu li ma̱usilal joꞌ queꞌxba̱nu eb li rey li queꞌcuan Israel xban nak quixcꞌam chokꞌ rixakil lix rabin laj Acab. Ut quixba̱nu li incꞌaꞌ us chiru li Ka̱cuaꞌ.

2 Crónicas 19:2

Li profeta Jehú li ralal laj Hanani co̱ chixcꞌulbal li rey Josafat ut quixye re: —Nacatenkꞌaheb li incꞌaꞌ useb xnaꞌleb. Nacaraheb li xicꞌ nequeꞌiloc re li Ka̱cuaꞌ Dios. Li Dios xjoskꞌoꞌ saꞌ a̱be̱n xban li cꞌaꞌru xaba̱nu.

Génesis 34:3

Riqꞌuin li cꞌaꞌru quixba̱nu laj Siquem, cꞌajoꞌ nak co̱ xchꞌo̱l chirix lix Dina, lix rabin laj Jacob. Ut qui-oc chixkꞌunbesinquil.

Génesis 2:24

Joꞌcan nak li cui̱nk tixcanab lix naꞌ ut lix yucuaꞌ. Ut tixlakꞌab rib riqꞌuin li rixakil. Ut junajakeb chic chi ribileb rib.

Éxodo 23:31

La̱in tinqꞌue retalil bar ta̱numekꞌ li nuba̱l re li naꞌajej li tinqꞌue e̱re. Li nuba̱l ta̱numekꞌ cuan cuiꞌ li Caki Palau ut ta̱cuulak cuan cuiꞌ li palau Mediterráneo li cuan saꞌ xcue̱nt lix tenamiteb laj filisteo ut ta̱cuulak cuan cuiꞌ li chaki chꞌochꞌ ut toj cuan cuiꞌ li nimaꞌ Éufrates. La̱in tinkꞌaxtesiheb saꞌ e̱rukꞌ li cuanqueb saꞌ li naꞌajej aꞌan, ut la̱ex tex-isi̱nk reheb aran.

Éxodo 34:12

Cheba̱nu cue̱nt ut me̱ba̱nu junak contrato riqꞌuineb li tenamit li cuanqueb saꞌ li naꞌajej li xic cuiꞌ e̱re. Naru nequeqꞌue e̱rib chi a̱le̱c xbaneb.

1 Reyes 11:9

Cꞌajoꞌ nak quijoskꞌoꞌ li Ka̱cuaꞌ Dios saꞌ xbe̱n laj Salomón xban nak quixcanab xlokꞌoninquil li Dios li nequeꞌxlokꞌoni laj Israel, li quixcꞌutbesi rib chiru caꞌ sut.