1 Reyes 10:5 - Li Santil hu

⁵ Ut quixqꞌue ajcuiꞌ retal li tzacae̱mk li nequeꞌxtzaca joꞌ ajcuiꞌ lix naꞌajeb li nequeꞌcꞌanjelac chiru laj Salomón. Quixqꞌue ajcuiꞌ retal li rakꞌeb li nequeꞌtaklan, joꞌ ajcuiꞌ li rakꞌeb li nequeꞌcꞌanjelac. Ut quixqꞌue ajcuiꞌ retal li cꞌatbil mayej li naxqꞌue saꞌ lix templo li Ka̱cuaꞌ. Riqꞌuin chixjunil li quiril, quisach xchꞌo̱l.

Q'eqchi Bible

⁵ li xq'emal tzekemq naxtzeka, li rochocheb' laj k'anjel chiru, li xtiqib'ankileb' laj jolominel ut chanru neke'k'anjelak, eb' li neke'k'ehok ruk'a' ut eb' li k'atb'il mayej nayeechi'imank sa' rochoch li Qaawa', q'axal kisachk xch'ool chi rilb'aleb'

1 Reyes 10:5 ပူးပေါင်းရင်းမြစ်များ

1 Crónicas 26:16

Laj Supim ut laj Hosa, aꞌaneb li nequeꞌcꞌacꞌalen re li oqueba̱l re Salequet, li cuan saꞌ li taksi̱nc saꞌ li oeste. Ac chꞌolchꞌo jokꞌe teꞌcꞌanjelak li junju̱nk.

Ezequiel 46:2

Li rey ta̱oc saꞌ li neba̱l li cuan saꞌ li este ut ta̱xic saꞌ li nimla naꞌajej li cuan nachꞌ riqꞌuin li oqueba̱l. Aran ta̱xakli̱k chixcꞌatk li okech re li oqueba̱l nak eb laj tij yo̱keb chixmayejanquil li cꞌatbil mayej ut li mayej re xcꞌambaleb rib saꞌ usilal riqꞌuin li Dios. Tixlokꞌoni li Ka̱cuaꞌ chixcꞌatk li oqueba̱l ut chirix aꞌan ta̱e̱lk cuiꞌchic saꞌ li naꞌajej aꞌan. Toj saꞌ li ecuu teꞌxtzꞌap li oqueba̱l.

Ezequiel 44:3

Caꞌaj cuiꞌ li rey naru ta̱oc aran ut ta̱cꞌojla̱k chi cuaꞌac chiru li Ka̱cuaꞌ. Ta̱oc saꞌ li oqueba̱l li cuan saꞌ li este ut aran ajcuiꞌ ta̱e̱lk, chan.

2 Crónicas 23:13

Quiril li rey xakxo chixcꞌatk li rokechal li templo li cuan saꞌ li oqueba̱l li nequeꞌxxakab cuiꞌ ribeb li rey. Laj Joás sutsu xbaneb li nequeꞌtaklan saꞌ xbe̱neb li soldados joꞌ eb ajcuiꞌ li nequeꞌxya̱basi li trompetas. Eb li tenamit yo̱queb chixjapbal reheb xban xsahil xchꞌo̱leb ut yo̱queb chixya̱basinquil li trompetas. Eb laj bichanel yo̱queb chixchꞌeꞌbaleb lix cuajb ut yo̱queb chi cꞌamoc be chixlokꞌoninquil li Dios. Lix Atalía quixpej li rakꞌ ut quixjap re chixyebal: —¡Xineꞌxbalakꞌi! chan.

2 Crónicas 9:4

Ut quixqꞌue ajcuiꞌ retalil li tzacae̱mk li queꞌxtzaca joꞌ ajcuiꞌ lix naꞌajeb li nequeꞌcꞌanjelac chiru laj Salomón. Quixqꞌue ajcuiꞌ retal li rakꞌeb li nequeꞌtaklan, joꞌ ajcuiꞌ li rakꞌeb li nequeꞌcꞌanjelac. Ut quixqꞌue ajcuiꞌ retal li cꞌatbil mayej li naxqꞌue saꞌ lix templo li Ka̱cuaꞌ. Riqꞌuin chixjunil li quiril, quisach xchꞌo̱l.

1 Crónicas 9:18

Chalen ut anakcuan queꞌcꞌacꞌalen re li oqueba̱l li quinumeꞌ cuiꞌ li rey, li quicuan saꞌ li este.

2 Reyes 16:18

Ut quirisi ajcuiꞌ lix naꞌaj lix cꞌojariba̱l li rey ut quixtzꞌap li oqueba̱l re li templo li qui-oc cuiꞌ li rey. Quixba̱nu chi joꞌcan re nak ta̱sahokꞌ saꞌ xchꞌo̱l lix reyeb laj Asiria.

Josué 5:1

Chixjunileb lix reyeb laj amorreo li cuanqueb jun pacꞌal li nimaꞌ Jordán saꞌ li oeste, ut chixjunileb lix reyeb laj cananeo li cuanqueb chi nachꞌ riqꞌuin li palau Mediterráneo queꞌrabi resil nak li Ka̱cuaꞌ quixchakihobresi li nimaꞌ li joꞌ nimal teꞌnumekꞌ cuiꞌ re nak teꞌnumekꞌ jun pacꞌal eb laj Israel. Cꞌajoꞌ nak queꞌxucuac ut incꞌaꞌ chic cauheb xchꞌo̱l chi pletic riqꞌuineb.

San Lucas 18:10

—Cuib li cui̱nk co̱eb saꞌ li templo chi tijoc. Li jun, aꞌan aj fariseo. Ut li jun chic aj titzꞌol toj.

1 Reyes 10:4

Li reina re Sabá quixqꞌue retal nak laj Salomón cuan xnaꞌleb ut quixqꞌue ajcuiꞌ retal li palacio li quixyi̱b.

1 Reyes 10:6

Ut li reina quixye re li rey Salomón: —Tzꞌakal ya̱l li quicuabi resil saꞌ lin tenamit nak nabal li cꞌaꞌru a̱cue ut kꞌaxal cuiꞌchic cuan a̱naꞌleb.