1 Reyes 10:3 - Li Santil hu

³ Li rey Salomón quixsume chixjunil li cꞌaꞌru quixpatzꞌ li reina. Ut ma̱ jun li patzꞌoc incꞌaꞌ ta quixsume.

Q'eqchi Bible

³ Ut laj Salomón kixsume chixjunil li xpatz'om: maak'a' junaq patz'om ink'a' ta kixsume.

1 Reyes 10:3 ပူးပေါင်းရင်းမြစ်များ

Colosenses 2:3

Riqꞌuin li Cristo naru nakatau li kanaꞌleb xban nak caꞌaj cuiꞌ riqꞌuin li Cristo cuan li tzꞌakal ya̱l ut aꞌan naxnau chixjunil.

1 Corintios 1:30

Yal xban rusilal li Dios nak junajex chic riqꞌuin li Jesucristo. Li Jesucristo quixakaba̱c xban li Dios re xqꞌuebal kanaꞌleb. Quixakaba̱c chixti̱cobresinquil li kachꞌo̱l chiru li Dios ut chikasantobresinquil. Ut saꞌ xcꞌabaꞌ li Cristo cuybil sachbil li kama̱c.

San Juan 7:17

—Li ani ta̱ajok xba̱nunquil li cꞌaꞌru naraj li Dios, aꞌan tixnau ma re li Dios li tijleb li yo̱quin chixcꞌutbal malaj ut yal incꞌaꞌux injunes.

San Mateo 13:11

Li Jesús quichakꞌoc ut quixye reheb: —Qꞌuebil e̱re la̱ex re nak te̱nau xya̱lal li mukmu̱quil naꞌleb chirix lix nimajcual cuanquilal li Dios. Aban eb aꞌan incꞌaꞌ qꞌuebil reheb re teꞌxnau li naꞌleb aꞌan.

Isaías 42:16

Abanan la̱in tinberesiheb li mutzꞌ saꞌ eb li be li ma̱ jun sut xeꞌnumeꞌ cuiꞌ. Saꞌ eb li be li incꞌaꞌ xeꞌxnau la̱in tinberesiheb. Tinsukꞌisi li kꞌojyi̱n chokꞌ cutan chiruheb ut tinti̱cobresi li be chiruheb. Chixjunil li cꞌaꞌak re ru aꞌin tinba̱nu. Incꞌaꞌ tintzꞌekta̱naheb.

Proverbios 13:20

Li ani naxcꞌam rib riqꞌuineb li cuanqueb xnaꞌleb ta̱cua̱nk xnaꞌleb. Ut li ani tixcꞌam rib riqꞌuineb li ma̱cꞌaꞌeb xnaꞌleb ta̱sachk.

2 Crónicas 9:2

Li rey Salomón quixsume chixjunil li cꞌaꞌru quixpatzꞌ li reina. Ut ma̱ jun li patzꞌoc incꞌaꞌ ta quixsume.

1 Reyes 10:1

Li reina li cuan aran Sabá quirabi resil nak kꞌaxal cuan xnaꞌleb laj Salomón xban nak naxqꞌue xlokꞌal li Dios. Joꞌcan nak co̱ aran Jerusalén chi patzꞌoc riqꞌuin re rilbal ma tixsume tana li patzꞌoc li kꞌaxal chꞌaꞌaj xsumenquil.

1 Reyes 3:12

Joꞌcan nak la̱in tinqꞌue a̱cue li cꞌaꞌru xatzꞌa̱ma. Kꞌaxal nabal la̱ naꞌleb tinqꞌue. Ma̱ ani junak ta̱cua̱nk xnaꞌleb joꞌ la̱ naꞌleb la̱at. Chi moco anakcuan chi moco mokon ta̱cua̱nk junak joꞌ la̱at.

2 Samuel 14:20

Laj Joab xba̱nu chixjunil aꞌin re a̱tenkꞌanquil. Aꞌan naraj nak ta̱yi̱ba̱k ru li chꞌaꞌajquilal aꞌin. At rey, la̱at cuan a̱naꞌleb joꞌ jun x-ángel li Dios. La̱at nacanau chixjunil li na-uxman saꞌ ruchichꞌochꞌ, chan.

2 Samuel 14:17

La̱in ninnau nak li cꞌaꞌru tina̱sume cuiꞌ tixcꞌojob inchꞌo̱l. La̱at chanchanat lix ángel li Ka̱cuaꞌ. Nacanau xqꞌuebal retal cꞌaꞌru li us ut cꞌaꞌru li incꞌaꞌ us. Aꞌ taxak li Ka̱cuaꞌ la̱ Dios chicua̱nk a̱cuiqꞌuin, chan li ixk.

1 Reyes 10:2

Joꞌcan nak co̱ Jerusalén riqꞌuin laj Salomón rochbeneb nabal aj cꞌanjel chiru. Ut nabaleb li camellos li yo̱queb chi i̱ka̱nc re li cꞌaꞌru quixcꞌam. Nabal li sununquil ban quixcꞌam ut nabal li oro. Ut quixcꞌam ajcuiꞌ li terto̱quil pec. Nak quicuulac riqꞌuin laj Salomón quixye re li joꞌ qꞌuial li cuan saꞌ xchꞌo̱l nak tixye.

1 Reyes 10:4

Li reina re Sabá quixqꞌue retal nak laj Salomón cuan xnaꞌleb ut quixqꞌue ajcuiꞌ retal li palacio li quixyi̱b.