1 Reyes 1:8 - Li Santil hu

⁸ Abanan laj Sadoc laj tij ut laj Benaía li ralal laj Joiada incꞌaꞌ queꞌoquen chirix laj Adonías. Ut li profeta Natán ut laj Simei ut laj Rei incꞌaꞌ queꞌoquen chirix. Joꞌcaneb ajcuiꞌ lix soldado laj David, li kꞌaxal cha̱bileb.

Q'eqchi Bible

⁸ Ab'an laj Sadok laj tij, laj Benaías, ralal laj Johadá, laj Natán li propeet, laj Semehí, ramiiw laj David, ut eb' laj puub' ink'a' ke'okenk chirix laj Adonías.

1 Reyes 1:8 ပူးပေါင်းရင်းမြစ်များ

1 Reyes 4:18

Laj Simei li ralal laj Ela quicꞌanjelac saꞌ lix naꞌajeb li ralal xcꞌajol laj Benjamín.

2 Samuel 20:25

Laj Seva, aꞌan laj tzꞌi̱b. Ut laj Sadoc ut laj Abiatar, aꞌaneb laj tij.

Zacarías 12:13

Ut joꞌcan ajcuiꞌ teꞌxba̱nu li ralal xcꞌajol laj Leví, joꞌqueb ajcuiꞌ li ixakilbej. Ut joꞌcan ajcuiꞌ teꞌxba̱nu li ralal xcꞌajol laj Simei joꞌqueb ajcuiꞌ li ixakilbej.

Ezequiel 44:15

Eb laj levita, li ralal xcꞌajol laj Sadoc, aꞌaneb li queꞌcꞌanjelac chicuu nak eb li jun chꞌol chic laj Israel quineꞌxtzꞌekta̱na. Aꞌaneb li teꞌcꞌanjelak chicuu chokꞌ aj tij. Teꞌxmayeja chicuu li xe̱b ut lix quiqꞌuel li xul, chan li nimajcual Dios.

1 Reyes 2:35

Ut li rey Salomón quixqꞌue laj Benaía li ralal laj Joiada chi takla̱nc saꞌ xbe̱neb li soldados chokꞌ re̱kaj laj Joab. Ut quixqꞌue laj Sadoc laj tij chi cꞌanjelac chokꞌ re̱kaj laj Abiatar.

1 Reyes 1:26

Abanan laj Adonías incꞌaꞌ xinixbok la̱in. Ut incꞌaꞌ xbok laj Sadoc laj tij, chi moco laj Benaía li ralal laj Joiada. Ut incꞌaꞌ ajcuiꞌ xbok laj Salomón la̱ cualal.

1 Reyes 1:32

Li rey David quixye reheb: —Bokomakeb chak laj Sadoc laj tij, ut li profeta Natán joꞌ ajcuiꞌ laj Benaía li ralal laj Joiada, chan. Ut eb aꞌan queꞌcuulac riqꞌuin li rey.

1 Reyes 1:38

Queꞌco̱eb laj Sadoc laj tij rochbeneb li profeta Natán ut laj Benaía li ralal laj Joiada, joꞌqueb ajcuiꞌ laj cereteo ut eb laj peleteo. Queꞌxqꞌue laj Salomón chirix li mu̱l li nabe̱c cuiꞌ li rey David. Queꞌxcꞌam saꞌ li naꞌajej cuan cuiꞌ li yuꞌam haꞌ Gihón.

1 Crónicas 16:39

Laj Sadoc rochbeneb li rech aj tijul, aꞌaneb li queꞌxakaba̱c chi cꞌamoc be chi lokꞌoni̱nc saꞌ lix tabernáculo li Dios li cuan aran Gabaón saꞌ jun li naꞌajej najt xteram.

2 Samuel 12:25

Li Ka̱cuaꞌ quixye re li profeta Natán nak tixqꞌue aj Jedidías chokꞌ xcꞌabaꞌ xban nak li cꞌabaꞌej aꞌan naraj naxye “Raro xban li Ka̱cuaꞌ”.

2 Samuel 20:23

Laj Joab quicana chi takla̱nc saꞌ xbe̱neb chixjunileb lix soldados aj Israel. Ut laj Benaía li ralal laj Joiada quicana chi takla̱nc saꞌ xbe̱neb laj cereteo ut eb laj peleteo.