1 Reyes 1:5 - Li Santil hu

⁵ Laj Adonías, li ralal li rey li quicuan riqꞌuin lix Haguit, quixkꞌetkꞌeti rib ut quixye: —La̱in tin-oc chokꞌ rey, chan. Joꞌcan nak quixcauresiheb lix carruaje ut lix cacua̱y ut quixsicꞌ ruheb laje̱b roxcꞌa̱l (50) li cui̱nk re teꞌoque̱nk chirix.

Q'eqchi Bible

⁵ Toja' naq laj Adonías, xyum lix Jakit, kixq'etq'eti rib' ut kixye: “Laa'in tinkanaaq cho'q awab'ej”, chan. Jo'kan naq kixsik' xb'eleb'aal ch'iich', xkawaay ut lajeeb' roxk'aal chi winq li te'ochb'eeninq re.

1 Reyes 1:5 ပူးပေါင်းရင်းမြစ်များ

2 Samuel 15:1

Mokon chic laj Absalón quicuan jun lix carruaje quelonbil xbaneb lix cacua̱y. Ut cuanqueb ajcuiꞌ mero ciento (50) li cui̱nk li queꞌoquen chirix.

2 Samuel 3:4

Li xca̱, aꞌan laj Adonías. Lix naꞌ, aꞌan lix Haguit. Ut li roꞌ, aꞌan laj Sefatías. Lix naꞌ, aꞌan lix Abital.

San Lucas 18:14

La̱in ninye e̱re nak laj titzꞌol toj, aꞌan li quisukꞌi saꞌ rochoch chi ti̱cobresinbil chic lix chꞌo̱l. Ut laj fariseo incꞌaꞌ, xban nak li ani naxnimobresi rib, aꞌan ta̱cubsi̱k xcuanquil. Ut li ani naxcubsi rib, aꞌan ta̱qꞌuehekꞌ xcuanquil, chan li Jesús.

San Lucas 14:11

Joꞌcan nak chixjunileb li nequeꞌxnimobresi ribeb, ta̱cubsi̱k xcuanquileb. Ut chixjunileb li nequeꞌxcubsi ribeb, eb aꞌan teꞌqꞌuehekꞌ xcuanquil, chan li Jesús.

Isaías 2:7

Cꞌajoꞌ li plata ut li oro cuan saꞌ lix tenamiteb. Nabal li cꞌaꞌak re ru terto xtzꞌak cuan riqꞌuineb. Nabaleb lix cacua̱y ut kꞌaxal cuiꞌchic nabal lix carruajeb.

Proverbios 18:12

Li ani naxnimobresi rib xjunes naxsach rib. Ut li ani naxcubsi rib naqꞌueheꞌ xlokꞌal.

Proverbios 16:18

Li ani naxkꞌetkꞌeti rib ta̱osokꞌ. Ut li ani naxnimobresi rib ta̱cubsi̱k xcuanquil.

1 Crónicas 29:1

Chirix aꞌan li rey David quia̱tinac riqꞌuineb chixjunileb li chꞌutchꞌu̱queb aran. Quixye reheb: —Laj Salomón li cualal, li sicꞌbil ru xban li Dios, aꞌan toj sa̱j ut li cꞌanjel kꞌaxal nim xban nak li templo li tixyi̱b moco re cui̱nk ta. Re ban li nimajcual Dios.

1 Crónicas 28:5

Li Dios xqꞌue cue nabaleb li cualal. Ut saꞌ xya̱nkeb aꞌan quixsicꞌ ru laj Salomón re nak aꞌan chic ta̱oc chokꞌ xreyeb laj Israel lix tenamit li Dios.

1 Reyes 2:24

Saꞌ xcꞌabaꞌ li yoꞌyo̱quil Dios li quixakaban cue chokꞌ rey chokꞌ re̱kaj lin yucuaꞌ, li Dios li quiqꞌuehoc re li cuanquil saꞌ inbe̱n ut saꞌ xbe̱neb li cualal incꞌajol, la̱in ninye nak laj Adonías ta̱camsi̱k chiru ajcuiꞌ li cutan aꞌin, chan.

1 Reyes 1:11

Laj Natán quia̱tinac riqꞌuin lix Betsabé lix naꞌ laj Salomón ut quixye re: —¿Ma xacuabi nak laj Adonías lix yum lix Haguit quixxakab rib chokꞌ rey chi incꞌaꞌ naxnau li rey David?

Éxodo 9:17

Abanan la̱at riqꞌuin chixjunil aꞌin, toj yo̱cat chixnimobresinquil a̱cuib saꞌ xbe̱neb lin tenamit ut incꞌaꞌ nacacanabeb chi xic.

1 Crónicas 3:2

Li rox, aꞌan laj Absalón. Lix naꞌ, aꞌan lix Maaca lix rabin laj Talmai li quicuan chokꞌ rey aran Gesur. Li xca̱, aꞌan laj Adonías. Lix naꞌ laj Adonías, aꞌan lix Haguit.

Jueces 9:2

—Nintzꞌa̱ma che̱ru nak te̱patzꞌ reheb chixjunileb li cuanqueb Siquem cꞌaꞌru li kꞌaxal us chokꞌ reheb. ¿Ma us nak li laje̱b xca̱cꞌa̱l (70) chi ralal laj Jerobaal teꞌtakla̱nk saꞌ xbe̱neb? ¿Malaj ut us nak jun ajcuiꞌ ta̱takla̱nk saꞌ xbe̱neb? Chijulticokꞌ e̱re nak la̱in le̱ comon, chan.

1 Reyes 1:4

Li xkaꞌal aꞌan cꞌajoꞌ xchꞌinaꞌusal. Aꞌan qui-iloc re li rey ut quicꞌanjelac chiru. Abanan li rey incꞌaꞌ quicuan riqꞌuin.

1 Reyes 2:15

Laj Adonías quixye re: —La̱at nacanau nak la̱in raj xin-oc chokꞌ rey. Chixjunileb li tenamit Israel xeꞌraj raj nak la̱in xin-oc chokꞌ rey. Abanan aꞌ chic li cui̱tzꞌin quixakaba̱c chokꞌ rey xban nak joꞌcan quiraj li Ka̱cuaꞌ saꞌ xbe̱n.

1 Reyes 2:13

Laj Adonías lix yum lix Haguit co̱ chirilbal lix Betsabé lix naꞌ laj Salomón. Lix Betsabé quixye re: —¿Ma saꞌ usilal xatchal chicuilbal? chan. Ut laj Adonías quixye re: —Saꞌ usilal xinchal cha̱cuilbal, chan re.