1 Reyes 1:34 - Li Santil hu

³⁴ Nak ac cua̱nkex aran, li profeta Natán ut laj Sadoc laj tij teꞌxqꞌue li aceite saꞌ xjolom laj Salomón ut teꞌxxakab chokꞌ xreyeb laj Israel. Te̱ya̱basi li trompeta ut te̱ye, “¡Chicua̱nk taxak xyuꞌam li karey Salomón!” chaꞌkex.

Q'eqchi Bible

³⁴ ut aran li walal taayule'q cho'q awab'ej re Israel xb'aan laj Sadok laj tij ut laj Natán li propeet. Toja' naq teeyaab'asi li xukub' ut teeye: «Nimanb'ilaq li awab'ej Salomón!», cha'qex.

1 Reyes 1:34 ပူးပေါင်းရင်းမြစ်များ

1 Reyes 1:25

Anakcuan laj Adonías xco̱ ut xmayeja nabaleb li bo̱yx, li carner ut li cuacax toj sa̱j, li ni̱nkeb xtibeleb. Xbokeb la̱ cualal, ut laj Joab li nataklan saꞌ xbe̱neb li soldados, ut laj Abiatar laj tij. Anakcuan yo̱queb chi ninkꞌei̱c rochben ut yo̱queb chixjapbal reheb chixyebal, “Chicua̱nk taxak xyuꞌam laj Adonías li karey,” chanqueb.

2 Samuel 15:10

Abanan, saꞌ ajcuiꞌ li cutan aꞌan laj Absalón quixtakla xyebal reheb chixjunileb li cuanqueb Israel: —Nak te̱rabi xya̱b li trompetas, te̱jap e̱re chixyebal “Laj Absalón quixakaba̱c chokꞌ rey aran Hebrón,” chaꞌkex.—

1 Samuel 10:1

Ut laj Samuel quixchap jun li chꞌina botella li aceite. Quixhoy saꞌ xjolom laj Saúl. Quirutzꞌ ru ut quixye re: —Li Ka̱cuaꞌ xsicꞌ a̱cuu re tattakla̱nk saꞌ xbe̱n li tenamit Israel.

2 Reyes 11:12

Nak cuanqueb saꞌ xnaꞌajeb li soldado, laj Joiada quirisi chak laj Joás li ralal li rey Ocozías. Quixqꞌue li corona saꞌ xjolom retalil nak xeꞌxxakab chokꞌ rey. Ut quixqꞌue saꞌ rukꞌ li hu li tzꞌi̱banbil cuiꞌ li chakꞌrab. Quixqꞌue li aceite saꞌ xjolom ut queꞌxxakab chokꞌ xreyeb. Queꞌxpokꞌpokꞌi li rukꞌeb ut queꞌxjap re chixyebal: —¡Najt taxak chicua̱nk li karey! chanqueb.

2 Reyes 9:13

Saꞌ junpa̱t queꞌxcꞌam chak lix tꞌicreb li rech solda̱dil ut queꞌxhel saꞌ li gradas re nak laj Jehú ta̱xakli̱k saꞌ xbe̱n ut queꞌxya̱basiheb lix trompeta ut queꞌxjap reheb chixyebal: —Laj Jehú, aꞌan li karey, chanqueb.

2 Reyes 9:3

Nak ac cua̱nk xjunes ta̱qꞌue li aceite saꞌ xjolom ut ta̱ye re, “Joꞌcaꞌin xye li Ka̱cuaꞌ: Anakcuan xatinxakab chokꞌ xreyeb laj Israel,” chan. Nak acak xaqꞌue li aceite saꞌ xjolom, ta̱te li puerta ut tat-e̱lk saꞌ junpa̱t. Matbay aran, chan laj Eliseo.

1 Reyes 19:16

Ta̱qꞌue li aceite saꞌ xjolom laj Jehú ralal laj Nimsi re ta̱xakab chokꞌ rey aran Israel. Ut joꞌcan ajcuiꞌ laj Eliseo li ralal laj Safat li cuan aran Abel-mehola. Ta̱qꞌue li aceite saꞌ xjolom re ta̱xakab chokꞌ profeta chokꞌ a̱cue̱kaj la̱at.

2 Samuel 5:3

Joꞌcan nak chixjunileb li nequeꞌtaklan saꞌ xya̱nkeb laj Israel queꞌcuulac riqꞌuin li rey David aran Hebrón. Laj David quixba̱nu jun li contrato riqꞌuineb saꞌ xcꞌabaꞌ li Ka̱cuaꞌ. Ut queꞌxqꞌue li aceite saꞌ xjolom ut queꞌxxakab chokꞌ xreyeb laj Israel.

1 Samuel 16:3

Nak tatcuulak Belén, ta̱ye re laj Isaí nak ta̱xic cha̱cuix nak ta̱qꞌue li mayej. La̱in tincꞌut cha̱cuu cꞌaꞌru ta̱ba̱nu. Li ani tinye a̱cue la̱in, ta̱qꞌue li aceite saꞌ xjolom retalil nak aꞌan ta̱oc chokꞌ rey, chan li Dios.

2 Reyes 11:14

Quiril li rey xakxo chixcꞌatk li rokechal li templo li cuan saꞌ li oqueba̱l joꞌ cꞌaynakeb chixba̱nunquil li rey. Laj Joás sutsu xbaneb li nequeꞌtaklan saꞌ xbe̱neb li soldado joꞌ eb ajcuiꞌ li nequeꞌxya̱basi li trompeta. Eb li tenamit yo̱queb chixjapbal reheb xban xsahil xchꞌo̱leb ut yo̱queb chixya̱basinquil li trompeta. Lix Atalía quixpej li rakꞌ ut quixjap re chixyebal: —¡Xineꞌxbalakꞌi! chan.

Hechos 10:38

Ac e̱rabiom resil li Jesucristo aj Nazaret. Li Dios quixqꞌue li Santil Musikꞌej re, ut quixqꞌue xcuanquil. Aꞌan quibe̱c yalak bar chixba̱nunquil li usilal ut chixqꞌuirtesinquileb li tacuasinbileb xban laj tza xban nak li Dios cuan riqꞌuin.

Isaías 45:1

Li Ka̱cuaꞌ quixsicꞌ ru li rey Ciro chi numta̱c saꞌ xbe̱neb li xni̱nkal ru tenamit ut chixcubsinquil xcuanquileb li rey. Li Ka̱cuaꞌ tixtenkꞌa ut tixte li oqueba̱l chiru. Ma̱ ani ta̱ramok chiru. Aꞌan aꞌin li quixye li Ka̱cuaꞌ re li rey Ciro:

Salmos 89:36

Junelic cua̱nk li ralal xcꞌajol ut junelic cua̱nkeb xcuanquil chokꞌ rey joꞌ najtil ta̱cua̱nk li sakꞌe saꞌ xbe̱n li ruchichꞌochꞌ.

Salmos 89:20

Xinsicꞌ ru laj David laj cꞌanjel chicuu ut xinqꞌue li aceite saꞌ xjolom retalil nak la̱in xinxakaban re chokꞌ rey.

Salmos 45:7

La̱at nacara li ti̱quilal ut xicꞌ nacacuil li ma̱usilal. Joꞌcan nak quisiqꞌueꞌ a̱cuu xban li Ka̱cuaꞌ la̱ Dios. Ut kꞌaxal cuiꞌchic nabal li sahil chꞌo̱lej li quixqꞌue a̱cue la̱at chiruheb li quilajeꞌcuan chokꞌ rey.

2 Crónicas 23:11

Nak cuanqueb saꞌ xnaꞌajeb li soldado, laj Joiada ut eb li ralal queꞌrisi chak laj Joás li ralal laj Ocozías. Queꞌxqꞌue li corona saꞌ xjolom. Ut queꞌxqꞌue saꞌ rukꞌ li hu li tzꞌi̱banbil cuiꞌ li chakꞌrab. Queꞌxqꞌue li aceite saꞌ xjolom ut queꞌxxakab chokꞌ xreyeb. Ut queꞌxjap reheb chixyebal: —¡Chicua̱nk taxak xyuꞌam li karey! chanqueb.

2 Reyes 9:6

Quicuacli ut laj Jehú ut queꞌoc saꞌ cab xjuneseb. Ut li profeta quixqꞌue li aceite saꞌ xjolom ut quixye re: —Joꞌcaꞌin xye li Ka̱cuaꞌ li nequeꞌxlokꞌoni eb laj Israel, “Anakcuan xatinxakab chokꞌ xreyeb lin tenamit Israel.

2 Samuel 2:4

Chirix chic aꞌan queꞌcuulac li cui̱nk li nequeꞌcꞌamoc be saꞌ xya̱nkeb laj Judá ut aran queꞌxxakab laj David chokꞌ xreyeb laj Judá. Ut queꞌxye re nak eb li cuanqueb Jabes li cuan saꞌ xcue̱nt Galaad, aꞌaneb li queꞌmukuc re laj Saúl.

1 Samuel 10:24

Laj Samuel quixye reheb li tenamit: —Aꞌan aꞌin li quixsicꞌ ru li Ka̱cuaꞌ. Ma̱ ani naru xjuntakꞌe̱tanquil riqꞌuin li cui̱nk aꞌin, chan. Ut eb li tenamit queꞌxjap re chi saheb saꞌ xchꞌo̱l ut queꞌxye: —Najt taxak chicua̱nk li karey, chanqueb.

1 Reyes 1:35

Nak acak xexakab chokꞌ rey, texcha̱lk chirix laj Salomón nak ta̱cha̱lk cuiꞌchic arin chi cꞌojla̱c saꞌ lin cꞌojariba̱l ut aꞌan chic ta̱oc chokꞌ rey xban nak aꞌan li sicꞌbil ru inban ta̱oc chokꞌ xreyeb laj Israel ut eb laj Judá, chan.

1 Reyes 1:39

Nak queꞌcuulac aran laj Sadoc laj tij quixchap li xucub li cuan aceite chi saꞌ li cuan saꞌ li tabernáculo. Quixqꞌue li aceite saꞌ xjolom laj Salomón, ut quixkꞌaxtesi saꞌ rukꞌ li Dios re ta̱oc chokꞌ rey. Chirix aꞌan queꞌxya̱basi lix xucub li carner. Ut chixjunileb li tenamit queꞌxjap reheb chixyebal: —Chicua̱nk taxak xyuꞌam li karey Salomón, chanqueb.