1 Pedro 5:9 - Li Santil hu

⁹ Me̱qꞌue e̱rib chi a̱le̱c xban laj tza. Cauhak ban e̱chꞌo̱l saꞌ le̱ pa̱ba̱l. Michꞌinan e̱chꞌo̱l nak ta̱cha̱lk junak raylal saꞌ e̱be̱n. Nequenau nak ma̱cuaꞌ caꞌaj cuiꞌ la̱ex yo̱quex chi cꞌuluc raylal. Joꞌcan ajcuiꞌ nequeꞌxcꞌul le̱ rech aj pa̱banelil yalak bar jun sut saꞌ ruchichꞌochꞌ.

Q'eqchi Bible

⁹ Cheramaq chiru ut kawaq eech'ool sa' leepaab'aal, rik'in xnawb'al naq leeras eeriitz'in li wankatqeb' sa' ruuchich'och', a' ajwi' li rahilal a'in yookeb' chi xkuyb'al.

1 Pedro 5:9 ပူးပေါင်းရင်းမြစ်များ

Santiago 4:7

Joꞌcan nak chekꞌaxtesihak e̱rib re li Dios. Chexnumta̱k saꞌ xbe̱n laj tza ut aꞌan ta̱e̱lelik che̱ru.

Hechos 14:22

Yo̱queb chixqꞌuebal xcacuil xchꞌo̱leb laj pa̱banel. Queꞌxye reheb nak teꞌxpa̱b li Ka̱cuaꞌ chi anchaleb xchꞌo̱l ut incꞌaꞌ teꞌxcanab xpa̱banquil. Queꞌxye reheb nak tento teꞌxcuy xnumsinquil li raylal re nak teꞌoc saꞌ lix nimajcual cuanquilal li Dios.

1 Pedro 2:21

Li Dios naraj nak te̱ba̱nu joꞌ quixba̱nu li Cristo. Li Cristo quixcꞌul li raylal saꞌ e̱cꞌabaꞌ la̱ex. Aꞌan quicꞌamoc be che̱ru re nak la̱ex te̱cuy ajcuiꞌ xnumsinquil li raylal.

1 Corintios 10:13

Moco jalan ta chic li a̱le̱c nequecꞌul la̱ex chiru li nequeꞌxcꞌul chixjunileb. Abanan li Dios ti̱c xchꞌo̱l. Aꞌan incꞌaꞌ nocoxcanab chi a̱le̱c cui incꞌaꞌ takacuy xnumsinquil. Aꞌan ban natenkꞌan ke chixcuybal xnumsinquil.

2 Timoteo 3:12

Ut ya̱l ajcuiꞌ nak teꞌrahobtesi̱k li joꞌ qꞌuialeb li teꞌraj cua̱nc saꞌ ti̱quilal saꞌ xcꞌabaꞌ li Jesucristo.

Efesios 6:16

Chirix chixjunil aꞌin chicua̱nk ajcuiꞌ le̱ pa̱ba̱l. Ut aꞌan ta̱cꞌanjelak e̱re joꞌ le̱ ramleb chꞌi̱chꞌ. Le̱ pa̱ba̱l ta̱cꞌanjelak re xcolbal e̱rib chiru laj tza nak tixyal e̱ra̱lenquil. Riqꞌuin aꞌin ta̱ru̱k te̱chup xxamlel lix tzimaj laj tza.

1 Pedro 3:14

Abanan cui cuan junak ta̱rahobtesi̱nk e̱re xban nak yo̱quex chixba̱nunquil li usilal, osobtesinbilex xban li Dios. Me̱xucuaheb ru li teꞌrahobtesi̱nk e̱re ut mi-oc e̱cꞌaꞌux xbaneb.

Hebreos 11:33

Nak queꞌpletic riqꞌuin li jalanil tenamit, xban nak cuanqueb xpa̱ba̱l, queꞌre̱chani. Saꞌ xya̱lal queꞌtaklan ut xban lix pa̱ba̱leb queꞌxcꞌul li quiyechiꞌi̱c reheb xban li Dios. Cuan li queꞌqꞌueheꞌ saꞌ xya̱nkeb li cakcoj re teꞌtiꞌekꞌ, aban ma̱cꞌaꞌ queꞌux re xbaneb li cakcoj.

1 Timoteo 6:12

Yal a̱kꞌe chi qꞌui̱c saꞌ la̱ pa̱ba̱l ut qꞌue a̱chꞌo̱l chire̱chaninquil li junelic yuꞌam, li bokbilat cuiꞌ xban li Dios. La̱at xaye ut xacꞌutbesi chi tzꞌakal la̱ pa̱ba̱l chiruheb nabal.

1 Ts 3:3

Incꞌaꞌ nakaj nak ta̱chꞌina̱k e̱chꞌo̱l xban li raylal aꞌin. La̱ex nequenau nak takacꞌul li raylal.

Efesios 4:27

Moco yal xban ta le̱ joskꞌil nak te̱qꞌue e̱rib chi a̱le̱c xban laj tza.

Apocalipsis 6:11

Queꞌqꞌueheꞌ xsaki akꞌeb. Ut queꞌyeheꞌ reheb nak teꞌhila̱nk ut teꞌroybeni jarubak cutan chic toj ta̱tzꞌaklok xqꞌuialeb li rech aj cꞌanjelil li toj teꞌcamsi̱k joꞌ nak queꞌcamsi̱c eb aꞌan.

1 Pedro 4:13

Chisahokꞌ ban saꞌ e̱chꞌo̱l nak yo̱quex chi cꞌuluc raylal joꞌ quixcꞌul li Cristo xban nak yo̱quex chi tzꞌako̱nc riqꞌuin li raylal li quixcꞌul aꞌan. Ta̱cuulak xkꞌehil nak li Jesucristo tixcꞌutbesi lix nimal xlokꞌal ut la̱ex kꞌaxal cuiꞌchic ta̱sahokꞌ saꞌ e̱chꞌo̱l.

1 Pedro 1:6

Usta te̱cꞌul nabal pa̱y ru li raylal re xyalbal rix le̱ pa̱ba̱l saꞌ ruchichꞌochꞌ aꞌin, chisahokꞌ saꞌ le̱ chꞌo̱l xban nak ac colbilex chic.

Colosenses 2:5

Usta ma̱ anihin chak saꞌ e̱ya̱nk, abanan junelic nequexincꞌoxla. Nasahoꞌ saꞌ inchꞌo̱l chirabinquil nak junaj le̱ chꞌo̱l ut cuanquex saꞌ ti̱quilal. Nasahoꞌ ajcuiꞌ saꞌ inchꞌo̱l chirabinquil nak anchal e̱chꞌo̱l nak nequepa̱b li Cristo.

San Juan 16:33

Xinye e̱re li cꞌaꞌak re ru aꞌin re nak texcua̱nk cuiqꞌuin ut ta̱cua̱nk e̱riqꞌuin li tuktu̱quilal. Saꞌ li ruchichꞌochꞌ te̱cꞌul li raylal. Abanan cacuubresihomak le̱ chꞌo̱l xban nak la̱in ac xinnumta saꞌ xbe̱n li nataklan saꞌ ruchichꞌochꞌ, chan li Jesús reheb lix tzolom.

Apocalipsis 7:14

Ut la̱in quinchakꞌoc ut quinye re: —Ka̱cuaꞌ, la̱at nacatnaꞌoc re.— Ut aꞌan quixye cue: —Aꞌaneb aꞌin li xeꞌcuyuc chak xnumsinquil li nimla raylal xeꞌxcꞌul. Aꞌaneb li cuybil sachbil lix ma̱queb xban nak quihoyeꞌ xquiqꞌuel li Jun li chanchan carner nak quicam saꞌ xcꞌabaꞌeb.

San Lucas 22:32

Abanan la̱in xintijoc cha̱cuix re nak incꞌaꞌ ta̱canab la̱ pa̱ba̱l. Ut nak tatsukꞌi̱k cuiꞌchic cuiqꞌuin, ta̱qꞌue xcacuilal xchꞌo̱leb la̱ cuech aj pa̱banelil, chan li Jesús.

Apocalipsis 1:9

La̱in laj Juan, le̱ rech aj pa̱banelil. La̱in xintzꞌakon ajcuiꞌ riqꞌuin xcuybal li raylal saꞌ xcꞌabaꞌ li Jesucristo e̱rochben la̱ex li sicꞌbil e̱ru xban li Ka̱cuaꞌ. La̱in cuanquin arin saꞌ li naꞌajej Patmos li sutsu riqꞌuin haꞌ xban nak xinchꞌolob xya̱lal li ra̱tin li Dios ut xinye resil li Jesucristo.

2 Timoteo 4:7

Xinyal inkꞌe chixba̱nunquil li cha̱bil cꞌanjel. Xinqꞌue inchꞌo̱l chixba̱nunquil chi tzꞌakal li tenebanbil saꞌ inbe̱n xba̱nunquil ut chi anchal inchꞌo̱l xinpa̱ban.

Hebreos 12:8

Cui li Dios incꞌaꞌ nequextij joꞌ nak naxtijeb chixjunileb li ralal xcꞌajol, aꞌan naraj naxye nak la̱ex ma̱cuaꞌex tzꞌakal ralal xcꞌajol. Ut li Dios ma̱cuaꞌ ajcuiꞌ tzꞌakal e̱yucuaꞌ.