1 Pedro 5:7 - Li Santil hu

⁷ Checanabak saꞌ rukꞌ li Dios chixjunil li cꞌaꞌak re ru yo̱ e̱cꞌaꞌux chirix xban nak li Dios naxqꞌue xchꞌo̱l che̱rix la̱ex.

Q'eqchi Bible

⁷ Q'axtesihomaq sa' ruq' li Yos chixjunil li k'a'uxl wi' eech'ool, xb'aan naq A'an na'ilok eere.

1 Pedro 5:7 ပူးပေါင်းရင်းမြစ်များ

Salmos 55:22

Chacanabak saꞌ rukꞌ li Dios chixjunil li raylal nacacꞌul ut aꞌan ta̱tenkꞌa̱nk a̱cue. Li Dios incꞌaꞌ naxcanab li ti̱c xchꞌo̱l xjunes saꞌ li raylal.

Filipenses 4:6

Ma̱cꞌaꞌ cꞌaꞌak re ru yo̱k cuiꞌ e̱cꞌaꞌux. Cheye ban re li Ka̱cuaꞌ cꞌaꞌru le̱ chꞌaꞌajquilal. Ut junelic nak textijok ut nak textzꞌa̱ma̱nk chiru li Ka̱cuaꞌ, chexbantioxi̱nk ajcuiꞌ chiru li Dios.

Salmos 37:5

Junelic chekꞌaxtesi e̱rib re li Ka̱cuaꞌ ut cauhak e̱chꞌo̱l riqꞌuin. Ut aꞌan ta̱tenkꞌa̱nk e̱re.

Salmos 34:15

Li Ka̱cuaꞌ aꞌan naril li cꞌaꞌru nequeꞌxcꞌul li ti̱queb xchꞌo̱l ut naxtenkꞌaheb. Aꞌan narabi nak nequeꞌxtzꞌa̱ma xtenkꞌanquil chiru.

San Lucas 12:22

Ut li Jesús quixye reheb lix tzolom: —Mixic e̱chꞌo̱l chixcꞌoxlanquil chanru nak te̱numsi li cutan junju̱nk, chi moco riqꞌuin li cꞌaꞌru te̱tzaca chi moco riqꞌuin lix tikibanquil e̱rib.

1 Samuel 30:6

Cꞌajoꞌ lix cꞌaꞌux laj David xban nak eb li cuanqueb rochben queꞌxye nak teꞌxcut chi pec laj David xban xrahil xchꞌo̱leb. Abanan li Ka̱cuaꞌ quixqꞌue xcacuilal xchꞌo̱l laj David.

San Marcos 4:38

Li Jesús cuan chi ixbej saꞌ li jucub ut yo̱ chi cua̱rc saꞌ xbe̱n jun lix soc xjolom. Eb lix tzolom queꞌrajsi ut queꞌxye re: —At tzolonel, ajsi a̱cuu. ¿Ma incꞌaꞌ nacacuil nak osocꞌ ke? chanqueb.

San Juan 10:13

Li tojbil mo̱s nae̱lelic xban nak yal mo̱s. Aꞌan incꞌaꞌ naxqꞌue xchꞌo̱l chixcolbaleb li carner.

Salmos 40:17

La̱in ma̱cꞌaꞌ chic inmetzꞌe̱u xban li raylal. Rahobtesinbilin, at Ka̱cuaꞌ. Abanan la̱at incꞌaꞌ xina̱canab injunes. La̱at inDios, la̱at aj Colol cue. China̱tenkꞌa taxak chi junpa̱t, at Ka̱cuaꞌ. Chase̱ba taxak a̱cuib chintenkꞌanquil.

Proverbios 16:3

Canab saꞌ rukꞌ li Dios chixjunil li cꞌaꞌru nacacꞌoxla xba̱nunquil. Ut aꞌan ta̱tenkꞌa̱nk a̱cue re nak us tat-e̱lk riqꞌuin li cꞌaꞌru ta̱ba̱nu.

San Mateo 6:27

¿Ani e̱re la̱ex ta̱ru̱k tixtik ru lix yuꞌam usta naxic xchꞌo̱l xcꞌoxlanquil?

San Mateo 6:28

¿Cꞌaꞌut nak naxic e̱chꞌo̱l chi cꞌoxlac chirix le̱ rakꞌ? Qꞌuehomak retaleb li utzꞌuꞌuj saꞌ pim chanru nak nequeꞌqꞌui chi incꞌaꞌ nequeꞌcꞌanjelac chi moco nequeꞌquemoc.

San Mateo 6:31

Joꞌcan ut nak moco yo̱kex ta chixyebal: ¿Cꞌaꞌru takatzaca anakcuan? chi moco, ¿cꞌaꞌru takatikib cuiꞌ kib?

San Lucas 12:26

Cui incꞌaꞌ nequexru xba̱nunquil li cꞌaꞌak re ru aꞌin, ¿cꞌaꞌut nak nequetacuasi e̱rib chixcꞌoxlanquil?