1 Pedro 5:3 - Li Santil hu

³ Me̱taklaheb saꞌ joskꞌil li kꞌaxtesinbileb e̱re. Te̱taklaheb ban saꞌ xya̱lal. Cha̱bilakex chiruheb re nak teꞌril le̱ cha̱bilal.

Q'eqchi Bible

³ ink'a' texnumtaaq sa' xb'eeneb' li k'eeb'ileb' cheril, rik'in b'an xk'amb'al li chaab'il b'e chiruheb' li karneer.

1 Pedro 5:3 ပူးပေါင်းရင်းမြစ်များ

2 Ts 3:9

Moco xban ta nak ma̱cuaꞌ ta kacꞌulub xcꞌulbal katenkꞌanquil nak xkaba̱nu aꞌan. Xkaba̱nu chi joꞌcan yal re nak te̱tzol e̱rib kiqꞌuin.

Filipenses 3:17

Ex inherma̱n, junajak taxak le̱ chꞌo̱l chixba̱nunquil li ninba̱nu la̱in. La̱in yo̱quin chi cꞌamoc be che̱ru saꞌ li ti̱quilal. Ut chetzolak ajcuiꞌ e̱rib riqꞌuineb li nequeꞌxba̱nu joꞌ ninba̱nu la̱in.

Ezequiel 34:4

Incꞌaꞌ quetenkꞌaheb li incꞌaꞌ cauheb rib, chi moco quebaneb li yaj, chi moco quelan ru lix tochꞌolaleb. Ut incꞌaꞌ quesukꞌisiheb li queꞌel saꞌ lix naꞌajeb chi moco quesicꞌ li queꞌsacheꞌ. Cau quextaklan saꞌ xbe̱neb ut saꞌ joskꞌil.

2 Corintios 1:24

Moco yo̱co ta xminbal e̱ru saꞌ le̱ pa̱ba̱l. Ac cau e̱chꞌo̱l saꞌ le̱ pa̱ba̱l. Yo̱co ban che̱tenkꞌanquil re nak sahak e̱chꞌo̱l saꞌ le̱ pa̱ba̱l.

Tito 2:7

Ut riqꞌuin chixjunil li cꞌaꞌak re ru ta̱ba̱nu, la̱at tatcꞌamok be chiruheb saꞌ ti̱quilal. Chi anchalak a̱chꞌo̱l ut cha̱bilak la̱ yuꞌam nak ta̱cꞌut lix ya̱lal chiruheb.

1 Timoteo 4:12

Ut la̱at, at Timoteo, chatcua̱nk saꞌ xya̱lal ut chat-a̱tinak saꞌ xya̱lal. Charaheb la̱ cuas a̱cui̱tzꞌin. Cauhak taxak a̱chꞌo̱l saꞌ la̱ pa̱ba̱l ut ti̱cak taxak la̱ yuꞌam. Joꞌcan taxak ta̱ba̱nu re nak ma̱ ani chitzꞌekta̱na̱nk a̱cue xban la̱ sa̱jilal. Cheꞌxtzol ban ribeb a̱cuiqꞌuin xban nak yo̱kat chixcꞌambaleb xbe saꞌ ti̱quilal.

Hechos 20:28

Joꞌcan nak ilomak e̱rib chi us la̱ex ut ilomakeb laj pa̱banel li xeꞌqꞌueheꞌ cheril xban li Santil Musikꞌej, li quixlokꞌeb riqꞌuin lix lokꞌlaj quiqꞌuel. Cherilak laj pa̱banel joꞌ nak naril chi us lix carner li pastor.

Filipenses 4:9

Ut chixjunil li cꞌaꞌru xinye e̱re ut li cꞌaꞌru xinba̱nu che̱ru, aꞌan ajcuiꞌ te̱ba̱nu la̱ex. Chetzol e̱rib cuiqꞌuin ut cheba̱nu joꞌ ninba̱nu la̱in. Ut li Ka̱cuaꞌ Dios li naqꞌuehoc tuktu̱quil usilal ta̱cua̱nk e̱riqꞌuin.

2 Corintios 4:5

Incꞌaꞌ yo̱co chixchꞌolobanquil che̱ru nak la̱o toe̱pa̱b. Yo̱co ban chixchꞌolobanquil xya̱lal nak li Jesucristo aꞌan li Ka̱cuaꞌ. Ut la̱o yal aj cꞌanjelo che̱ru saꞌ xcꞌabaꞌ li Jesucristo.

1 Corintios 11:11

Chiru li Ka̱cuaꞌ ma̱ jun cuan xcuanquil chi moco li cui̱nk chi moco li ixk xban nak juntakꞌe̱teb chiru li Dios.

Miqueas 7:14

At Ka̱cuaꞌ, chacuil taxak la̱ tenamit riqꞌuin la̱ cuanquil, li ac sicꞌbileb ru a̱ban. Ut chaqꞌue taxak li cꞌaꞌruheb re joꞌ nak li cha̱bil aj ilol xul narileb chi us lix carner ut naxqꞌueheb chi cua̱nc saꞌ li tzu̱l cuan cuiꞌ li cha̱bil pachꞌayaꞌ. Chaqꞌueheb cuiꞌchic la̱ cualal a̱cꞌajol chi cua̱nc saꞌ li naꞌajej Basán ut Galaad joꞌ nak queꞌcuan junxil.

Salmos 74:2

Chijulticokꞌ a̱cue li kaxeꞌto̱nil yucuaꞌ li xacoleb najter nak cuanqueb aran Egipto. La̱at xacoleb chiruheb li yo̱queb chi rahobtesi̱nc reheb re nak ta̱cꞌameb cuiꞌchic saꞌ li naꞌajej li xayechiꞌi reheb. Chijulticokꞌ a̱cue li tzu̱l Sión li nacatcuan cuiꞌ.

Salmos 33:12

Us xak re li tenamit li naqꞌuehoc xlokꞌal li Dios. Us xak re li tenamit aꞌan xban nak queꞌsiqꞌueꞌ ru xban li Dios chokꞌ ralal xcꞌajol.

1 Pedro 2:9

La̱ex sicꞌbil e̱ru xban li Dios. Sicꞌbil e̱ru chi cꞌanjelac chiru li Dios joꞌ nak nequeꞌcꞌanjelac laj tij. La̱ex lix tenamit li Dios ut santobresinbilex. La̱ex chic ralal xcꞌajol li Dios. Sicꞌbil e̱ru chixyebal resil lix nimal xcuanquilal li Dios. Li Dios quexrisi saꞌ xkꞌojyi̱nal ru li ma̱c ut anakcuan cuanquex chic saꞌ xcutan xsaken.

Deuteronomio 32:9

La̱ex li ralal xcꞌajol laj Jacob, la̱ex lix tenamit li Ka̱cuaꞌ.

1 Corintios 3:9

La̱o kech aj cꞌanjelil kib chiru li Dios. Ut la̱ex chanchanex li chꞌochꞌ li nakacꞌanjela ru. Ut li Dios aꞌan laj e̱chal re li chꞌochꞌ. Ut chanchanex ajcuiꞌ jun li cab yo̱co chixyi̱banquil ut li Dios, aꞌan laj e̱chal re li cab aꞌan.

1 Corintios 3:5

¿Ani ta biꞌ laj Apolos? Ut, ¿anihin ta biꞌ la̱in? La̱o yal aj cꞌanjelo chiru li Ka̱cuaꞌ. Xkachꞌolob xya̱lal che̱ru nak xepa̱b li Ka̱cuaꞌ. Ut chi kacabichalo nococꞌanjelac joꞌ taklanbilo cuiꞌ xban li Ka̱cuaꞌ.

Números 18:7

Abanan caꞌaj cuiꞌ la̱at ut eb la̱ cualal ta̱ru̱k teꞌcꞌanjelak chokꞌ aj tij chiru li artal ut saꞌ li Lokꞌlaj Santil Naꞌajej. La̱in quinxakaban e̱re la̱ex chi cꞌanjelac chokꞌ aj tij. Cui junak jalan ta̱oc chixba̱nunquil li cꞌanjel qꞌuebil e̱re saꞌ li Santil Naꞌajej, li jun aꞌan ta̱camsi̱k.

San Juan 13:15

La̱in xincꞌut che̱ru chanru te̱ba̱nu. Joꞌcan nak cheba̱nu joꞌ xinba̱nu la̱in.

1 Ts 1:7

Joꞌcan nak la̱ex chic aj cꞌamol be chiruheb chixjunileb laj pa̱banel li cuanqueb saꞌ li naꞌajej Macedonia ut Acaya.