1 Pedro 5:2 - Li Santil hu

² La̱ex laj cꞌamol be, tintzꞌa̱ma che̱ru nak te̱qꞌue e̱chꞌo̱l chirilbaleb li ralal xcꞌajol li Dios joꞌ nak laj ilol xul narileb lix xul chi anchal xchꞌo̱l. Te̱qꞌue e̱chꞌo̱l chixchꞌolaninquileb laj pa̱banel li kꞌaxtesinbil e̱re xban li Dios chi ma̱cuaꞌ minbil e̱ru. Te̱ba̱nu ban chi anchal e̱chꞌo̱l. Me̱ba̱nu yal xban xrahinquil ru le̱ tojbal. Cheba̱nu ban xban nak te̱raj cꞌanjelac chiru li Dios.

Q'eqchi Bible

² cheberesiheb' li xkarneer li Yos k'eeb'ileb' cheril ut chek'aak'aleheb' chi ink'a' yal minb'ilaq eeru, chi anchalaq b'an eech'ool jo' naraj li Yos; moko re ta xsik'b'al eetumin, sa' eech'ool b'an chi'alaaq;

1 Pedro 5:2 ပူးပေါင်းရင်းမြစ်များ

Tito 1:7

Li ani nacꞌamoc be chiruheb laj pa̱banel, li jun aꞌan aj cꞌanjel chiru li Dios. Joꞌcan nak tento nak ti̱cak xchꞌo̱l re nak ma̱ ani ta̱a̱tinak chirix. Moco kꞌetkꞌetak ta ut moco chꞌinpoꞌak ta, chi moco ta̱cala̱k, chi moco ta̱pletik. Ut ma̱cuaꞌak aj rahol ru biomal, chi moco tixsicꞌ xtumin riqꞌuin balakꞌic.

1 Timoteo 3:8

Ut joꞌcan ajcuiꞌ li nequeꞌcꞌanjelac saꞌ xya̱nkeb laj pa̱banel. Tento nak ti̱cakeb xchꞌo̱l. Ut li cꞌaꞌru teꞌxye teꞌxba̱nu, cheꞌxba̱nuhak ajcuiꞌ. Ma̱cuaꞌakeb aj calajenak. Ut incꞌaꞌ teꞌxsicꞌ xtumineb riqꞌuin balakꞌi̱nc.

Tito 3:1

Chajultica ajcuiꞌ chiruheb nak cheꞌpa̱ba̱nk chiru li acuabej. Ut cheꞌpa̱ba̱nk ajcuiꞌ chiruheb chixjunileb li cuanqueb saꞌ xcuanquil. Ut se̱bak xchꞌo̱leb chixba̱nunquil li cha̱bil cꞌanjel.

1 Timoteo 3:3

Laj cꞌamol be ma̱cuaꞌak aj calajenak ut ma̱cuaꞌak aj sicꞌol ple̱t. Ma̱cuaꞌak aj rahol ru tumin. Tu̱lanak ban ut cua̱nk saꞌ xya̱lal.

1 Corintios 9:7

Junak soldado, ¿ma incꞌaꞌ ta biꞌ tixcꞌul lix tojbal? Ut junak aj acuinel, ¿ma incꞌaꞌ ta biꞌ tixtzaca li ru li racui̱mk? Ut junak aj qꞌuiresinel cuacax, ¿ma incꞌaꞌ ta biꞌ ta̱rucꞌ re lix leche lix cuacax?

2 Pedro 2:3

Eb aꞌan aj ticꞌtiꞌeb. Caꞌaj cuiꞌ le̱ tumin nequeꞌraj. Xban xrahinquil ru li tumin nequeꞌbalakꞌic riqꞌuin ticꞌtiꞌ. Lix rahobtesinquileb aꞌan ac tenebanbil chak saꞌ xbe̱neb najter xban li Dios. Incꞌaꞌ chic ta̱ba̱yk. Cuulac ban re xcutanquil nak teꞌsachekꞌ ruheb.

Hebreos 12:15

Chetenkꞌa e̱rib che̱ribil e̱rib saꞌ le̱ pa̱ba̱l re nak ma̱ jun e̱re ta̱tzꞌekta̱na̱nk li rusilal li Dios. Cheba̱nu cue̱nt re nak incꞌaꞌ te̱yoꞌob li cꞌahi̱nc ib saꞌ e̱ya̱nk. Cui joꞌcan te̱ba̱nu naru naniman ru li chꞌaꞌajquilal ut ma̱re nabaleb teꞌxic cuiꞌchic saꞌ li ma̱c xban aꞌan.

Ezequiel 34:31

La̱ex aj Israel, la̱ex lin carner. La̱in ninchꞌolanin e̱re. La̱ex lin tenamit ut la̱in le̱ Dios, chan li nimajcual Dios.

Tito 1:11

Eb aꞌan tento xkꞌusbaleb re nak teꞌxcanab li balakꞌi̱nc. Yo̱queb xpoꞌbal xchꞌo̱leb li ju̱nk cabal riqꞌuin xcꞌutbal li moco ya̱l ta. Riqꞌuin balakꞌi̱nc nequeꞌxtau lix tumineb.

San Lucas 12:32

Mexxucuac ex cualal incꞌajol. Usta incꞌaꞌ qꞌuihex, abanan le̱ yucuaꞌ cuan saꞌ choxa cꞌojcꞌo xchꞌo̱l chixqꞌuebal e̱re lix nimajcual cuanquilal.

Malaquías 1:10

Li Ka̱cuaꞌ li nimajcual Dios quixye: —Us raj cuan ta junak e̱re tixtzꞌap raj xpuertil lin templo re nak ma̱ ani chic ta̱oc aran chixtzꞌabbal li xam saꞌ xbe̱n lin artal chi ma̱cꞌaꞌ rajbal. La̱in incꞌaꞌ sa saꞌ inchꞌo̱l e̱riqꞌuin ut incꞌaꞌ chic tincꞌul li nequemayeja chicuu.

Zacarías 11:17

Raylal cha̱lel saꞌ xbe̱n laj ilol xul li ma̱cꞌaꞌ na-oc cuiꞌ xban nak quixtzꞌekta̱na lin carner. Chanchan nak tinyocꞌ lix nim ukꞌ ut tinsach lix nakꞌ ru nak tincuisi lix cuanquil. Ta̱cana̱k chi ma̱cꞌaꞌ chic xcuanquil chi junaj cua ut chi ma̱cꞌaꞌ chic xnaꞌleb, chan li Ka̱cuaꞌ.

Miqueas 7:14

At Ka̱cuaꞌ, chacuil taxak la̱ tenamit riqꞌuin la̱ cuanquil, li ac sicꞌbileb ru a̱ban. Ut chaqꞌue taxak li cꞌaꞌruheb re joꞌ nak li cha̱bil aj ilol xul narileb chi us lix carner ut naxqꞌueheb chi cua̱nc saꞌ li tzu̱l cuan cuiꞌ li cha̱bil pachꞌayaꞌ. Chaqꞌueheb cuiꞌchic la̱ cualal a̱cꞌajol chi cua̱nc saꞌ li naꞌajej Basán ut Galaad joꞌ nak queꞌcuan junxil.

Miqueas 5:4

Ut li Acuabej li ta̱yoꞌla̱k, aꞌan chic xakxo̱k xcuanquil saꞌ xbe̱n lix tenamit ut aꞌan ajcuiꞌ ta̱ilok reheb riqꞌuin lix nimajcual xcuanquilal li Dios. Aꞌan ta̱takla̱nk saꞌ xbe̱neb saꞌ xcꞌabaꞌ li nimajcual Dios. Ut li ralal xcꞌajol cauhakeb xchꞌo̱l riqꞌuin xban nak kꞌaxal nim xcuanquil saꞌ xbe̱n chixjunil li ruchichꞌochꞌ.

Miqueas 3:11

Eb laj rakol a̱tin nequeꞌtumina̱c ruheb nak nequeꞌrakoc a̱tin. Ut eb laj tij tojbileb nak nequeꞌxcꞌut li chakꞌrab chiruheb li tenamit. Ut eb li profeta nequeꞌyehoc ra̱tin profeta re nak teꞌxcꞌul lix tumineb. Ut chixjunileb nequeꞌxcꞌojob xchꞌo̱l chixyebal: —Li Ka̱cuaꞌ cuan kiqꞌuin. La̱o ma̱cꞌaꞌ raylal takacꞌul, chanqueb.

Ezequiel 34:23

La̱in tinqꞌue aj ilol reheb. La̱in tinqꞌue laj David laj cꞌanjel chicuu chi iloc reheb ut aꞌan tixchꞌolaniheb.

Jeremías 13:17

Abanan cui incꞌaꞌ nequex-abin chiru, la̱in tinya̱bak chi mukmu xban le̱ kꞌetkꞌetil. Cau tinya̱bak toj retal nak ta̱tꞌuluk li xyaꞌal cuu xban nak lix tenamit li Dios teꞌchapekꞌ ut teꞌcꞌamekꞌ xbaneb li jalan tenamit.

Jeremías 6:13

Chixjunileb nequeꞌxrahi ru li biomal, joꞌ eb li toj sa̱jeb, joꞌ ajcuiꞌ li ac che̱queb. Eb li profeta ut eb laj tij aj balakꞌeb.

Isaías 63:11

Ut eb li tenamit queꞌjulticoꞌ re chanru nak queꞌcuan junxil nak laj Moisés laj cꞌanjel chiru li Dios quicꞌamoc be chiruheb. Ut queꞌxye: —¿Ma ma̱cuaꞌ ta biꞌ li Dios li quitenkꞌan reheb li tenamit chi numecꞌ jun pacꞌal li palau rochbeneb li nacꞌamoc be chiruheb? ¿Ma ma̱cuaꞌ ta biꞌ li Dios quicꞌamoc be chiruheb riqꞌuin lix Santil Musikꞌ?

Isaías 56:11

Chanchaneb li tzꞌiꞌ li junes cuaꞌac nequeꞌraj ut incꞌaꞌ nacꞌojla xchꞌo̱leb. Chanchaneb laj ilol xul li incꞌaꞌ nequeꞌxtau xya̱lal. Chixjunileb nequeꞌxba̱nu li cꞌaꞌru nequeꞌraj ut junes li cꞌaꞌru us chokꞌ reheb nequeꞌxcꞌoxla.

Isaías 40:11

Li Ka̱cuaꞌ ta̱rileb li ralal xcꞌajol chi cha̱bil joꞌ nak li pastor narileb lix carner. Tixchꞌutubeb lix cocꞌ carner ut tixcꞌam saꞌ xbe̱n xtel. Ut saꞌ tu̱lanil tixberesiheb lix naꞌeb li cocꞌ carner.

Isaías 6:8

Ut quicuabi lix ya̱b xcux li Ka̱cuaꞌ yo̱ chak chixyebal: —¿Ani tintakla? ¿Ut ani ta̱xic chokꞌ ku̱chil? chan li Ka̱cuaꞌ. Ut la̱in quinchakꞌoc ut quinye, —Cueꞌquin la̱in. Taklahin la̱in, chanquin re.

Cantares 1:8

La̱at li kꞌaxal chꞌinaꞌusat saꞌ xya̱nkeb chixjunileb li ixk. Cui incꞌaꞌ nacanau li naꞌajej li nincꞌameb cuiꞌ lin queto̱mk, ta̱qꞌue retal bar xeꞌnumeꞌ cuiꞌ li queto̱mk ut ta̱qꞌueheb la̱ chiba̱t nachꞌ riqꞌuineb lix muheba̱leb laj ilol queto̱mk.

Filemón 1:14

Abanan incꞌaꞌ nacuaj xminbal a̱cuu chixba̱nunquil li usilal aꞌin. Nacuaj ban nak ta̱ba̱nu aꞌan chi anchal a̱chꞌo̱l. Joꞌcan nak ma̱cꞌaꞌ xinba̱nu chi incꞌaꞌ ta ta̱nau la̱at.

Tito 2:14

Aꞌan quixkꞌaxtesi rib chi ca̱mc saꞌ kacꞌabaꞌ la̱o re nak tocolekꞌ chiru li ma̱usilal. Quixba̱nu aꞌan re xti̱cobresinquil li kachꞌo̱l ut re nak chikaqꞌuehak kachꞌo̱l chixba̱nunquil li us.

Romanos 1:15

Joꞌcan nak nacuaj tinchꞌolob xya̱lal li colba-ib che̱ru la̱ex li cuanquex Roma.

Hechos 21:13

Abanan laj Pablo quichakꞌoc ut quixye ke: —¿Cꞌaꞌut nak yo̱quex chi ya̱bac ut chixqꞌuebal xrahil inchꞌo̱l? La̱in cau inchꞌo̱l, moco caꞌaj cuiꞌ ta re tinbaqꞌuekꞌ. Re aj ban cuiꞌ nak tincamsi̱k aran Jerusalén saꞌ xcꞌabaꞌ li Ka̱cuaꞌ Jesús, chan.

Jeremías 13:20

Ilomak ut qꞌuehomak retal li yo̱queb chi cha̱lc saꞌ li norte. ¿Bar cuanqueb li chꞌinaꞌusil tenamit li queꞌkꞌaxtesi̱c saꞌ e̱rukꞌ re te̱rileb?—

Jeremías 8:10

Joꞌcan nak la̱in tinqꞌueheb li rixakil reheb jalan cui̱nk. Ut lix naꞌajeb li racui̱mk tinqꞌue reheb li teꞌchapok re lix tenamiteb xban nak junes lix biomal nequeꞌxcꞌoxla li cuanqueb xcuanquil joꞌ eb ajcuiꞌ li ma̱cꞌaꞌeb xcuanquil. Eb li profeta ut eb laj tij nequeꞌbalakꞌic.

Números 18:7

Abanan caꞌaj cuiꞌ la̱at ut eb la̱ cualal ta̱ru̱k teꞌcꞌanjelak chokꞌ aj tij chiru li artal ut saꞌ li Lokꞌlaj Santil Naꞌajej. La̱in quinxakaban e̱re la̱ex chi cꞌanjelac chokꞌ aj tij. Cui junak jalan ta̱oc chixba̱nunquil li cꞌanjel qꞌuebil e̱re saꞌ li Santil Naꞌajej, li jun aꞌan ta̱camsi̱k.

Hechos 20:29

La̱in ninnau nak tine̱lk saꞌ e̱ya̱nk, chanchanakeb laj xoj nak teꞌcha̱lk li jalaneb xnaꞌleb chixpoꞌbal ru le̱ pa̱ba̱l. Eb aꞌan incꞌaꞌ teꞌril xtokꞌoba̱l e̱ru.

2 Reyes 12:6

Nak ac yo̱ chic oxib xcaꞌcꞌa̱l chihab roquic laj Joás chokꞌ rey, toj ma̱jiꞌ ajcuiꞌ queꞌxyi̱b chi us li templo eb laj tij.

Ezequiel 46:24

Ut li cui̱nk quixye cue: —Aꞌaneb aꞌin li naꞌajej li teꞌcꞌu̱ba̱nk cuiꞌ li nequeꞌcꞌanjelac saꞌ li templo. Arin teꞌxchik li mayej li nequeꞌxqꞌue eb li tenamit, chan.