1 Pedro 5:12 - Li Santil hu

¹² Laj Silvano, aꞌan jun tzꞌakal aj pa̱banel. Aꞌan ta̱cꞌamok re li hu aꞌin xintzꞌi̱ba chokꞌ e̱re. Moco qꞌui ta li a̱tin xintzꞌi̱ba e̱re. Riqꞌuin li a̱tin aꞌin yo̱quin chixqꞌuebal e̱naꞌleb. Xinchꞌolob xya̱lal che̱ru chanru li rusilal li Dios. Aꞌin taxak chiqꞌuehok xcacuil e̱chꞌo̱l.

Q'eqchi Bible

¹² Laj Silvano xinxtenq'a chi xtz'iib'ankil li wib' oxib' chi aatin a'in; laa'in nink'oxla naq a'an jun was wiitz'in tiik xch'ool. Xintz'iib'ak eerik'in re xk'eeb'al eena'leb' jo' ajwi' re xch'olob'ankil cheru naq relik chi yaal naq a'an tz'aqal li xrahom li Yos. K'ehomaq eech'ool chi wank sa' li xrahom chi junelik.

1 Pedro 5:12 ပူးပေါင်းရင်းမြစ်များ

Hebreos 13:22

Ex herma̱n, nintzꞌa̱ma jun usilal che̱ru. Checuyak rabinquil li cua̱tin re xchꞌolobanquil e̱naꞌleb. Moco qꞌui ta li a̱tin xintzꞌi̱ba saꞌ li hu aꞌin.

Hechos 11:23

Nak quicuulac laj Bernabé quixqꞌue retal nak li Dios yo̱ chirosobtesinquileb laj pa̱banel li cuanqueb aran. Quixqꞌue xcacuilal xchꞌo̱leb ut quixye ajcuiꞌ reheb nak cheꞌxqꞌuehak xchꞌo̱leb chixpa̱banquil li Ka̱cuaꞌ.

2 Corintios 1:19

Li Jesucristo li Ralal li Dios ma̱ jun sut quixye us cui aꞌan naxnau nak incꞌaꞌ tixba̱nu. Aꞌan junelic ya̱l li cꞌaꞌru naxye. Ut la̱in cuochbeneb laj Silvano ut laj Timoteo nakachꞌolob xya̱lal li Cristo che̱ru la̱ex.

1 Corintios 15:1

Anakcuan ex inherma̱n, tinchꞌolob cuiꞌchic che̱ru li resil li colba-ib. Li resil aꞌan, aꞌan li ac xinye e̱re ut xecꞌu̱luban saꞌ e̱chꞌo̱l ut riqꞌuin aꞌan cau chic e̱chꞌo̱l saꞌ le̱ pa̱ba̱l.

Hechos 20:24

Abanan la̱in ma̱cꞌaꞌ ninxucua, chi moco ninra lin yuꞌam chokꞌ cue injunes. Abanan nacuaj nak tinchoy lin cꞌanjel chi sa saꞌ inchꞌo̱l. Ut ninnau nak taklanbilin xban li Ka̱cuaꞌ Jesús chixyebal resil li evangelio li quixqꞌue li Dios xban li rusilal.

2 Ts 1:1

La̱in laj Pablo. Cuochben laj Silvano ut laj Timoteo nak yo̱co chixtzꞌi̱banquil li hu aꞌin e̱riqꞌuin la̱ex laj pa̱banel li cuanquex aran Tesalónica. La̱ex rehex chic li Dios li kaYucuaꞌ ut rehex chic li Ka̱cuaꞌ Jesucristo.

1 Ts 1:1

La̱in laj Pablo. Cuochben laj Silvano ut laj Timoteo. Yo̱co chi tzꞌi̱bac e̱riqꞌuin la̱ex laj pa̱banel li cuanquex aran Tesalónica. La̱ex rehex chic li Yucuaꞌbej Dios ut li Ka̱cuaꞌ Jesucristo. Aꞌ taxak li usilal ut li tuktu̱quilal chicua̱nk e̱riqꞌuin, li naxqꞌue li Dios li kaYucuaꞌ ut li Ka̱cuaꞌ Jesucristo.

San Judas 1:3

Ex inherma̱n, anchal inchꞌo̱l nak yo̱quin chixcꞌoxlanquil tzꞌi̱bac e̱riqꞌuin chirix li kacolbal saꞌ comonil. Aban xinqꞌue retal nak ta̱ajma̱nk ru nak tintzꞌi̱bak e̱riqꞌuin re xtzꞌa̱manquil che̱ru nak te̱yal e̱kꞌe chixcolbal rix le̱ pa̱ba̱l. Aꞌan li junaj chi pa̱ba̱l kꞌaxtesinbil chak ke xban li Dios.

3 Juan 1:12

Chixjunileb nequeꞌxye nak cha̱bil li herma̱n Demetrio. Ut relic chi ya̱l nak lix yuꞌam nacꞌutuc re lix cha̱bilal. Joꞌcan ajcuiꞌ nakaye la̱o. Ut la̱at nacanau nak li nakaye la̱o aꞌan ya̱l.

2 Pedro 2:15

Nak nequeꞌxcanab li ti̱quilal, nequeꞌxic chi joꞌ ma̱joꞌ. Nequeꞌxba̱nu joꞌ quixba̱nu laj Balaam li ralal laj Beor. Laj Balaam quiraj xtaubal xtumin riqꞌuin xba̱nunquil li ma̱usilal.

2 Pedro 1:12

Joꞌcan nak incꞌaꞌ tincanab xjulticanquil e̱re li naꞌleb aꞌin, usta ac chꞌolchꞌo che̱ru lix ya̱lal ut cau chic e̱chꞌo̱l saꞌ le̱ pa̱ba̱l.

Colosenses 4:9

Ta̱xic ajcuiꞌ li kaherma̱n Onésimo rochben. Aꞌan e̱rech tenamitil. Aꞌan ti̱c xchꞌo̱l ut raro kaban. Ut aꞌaneb teꞌyehok resil e̱re li cꞌaꞌru yo̱co chixcꞌulbal arin.

Colosenses 4:7

Li hermano Tíquico raro kaban ut cha̱bil aj cꞌanjel chiru li Dios cuochben la̱in. Aꞌan ta̱yehok resil e̱re chanru cuanquin arin.

Colosenses 1:7

Lix ya̱lal aꞌan quichꞌoloba̱c che̱ru xban laj Epafras. Aꞌan kochben chi cꞌanjelac chiru li Cristo ut raro kaban. Aꞌan jun cha̱bil aj cꞌanjel che̱ru saꞌ xcꞌabaꞌ li Jesucristo.

Efesios 6:21

Nincꞌoxla nak te̱raj te̱nau chanru cuanquin ut cꞌaꞌru yo̱quin chixba̱nunquil. Joꞌcan nak yo̱quin chixtaklanquil laj Tíquico e̱riqꞌuin. Aꞌan jun li herma̱n kꞌaxal raro kaban, ut cha̱bil aj cꞌanjel chiru li Dios. Aꞌan tixye e̱re chanru cuanquin.

Efesios 3:3

Li Dios, aꞌan quicꞌutuc re chicuu li naꞌleb aꞌan, li mukmu nak quicuan chak junxil. Ac xintzꞌi̱ba caꞌchꞌin resil e̱re chirix li naꞌleb aꞌin.

2 Corintios 1:24

Moco yo̱co ta xminbal e̱ru saꞌ le̱ pa̱ba̱l. Ac cau e̱chꞌo̱l saꞌ le̱ pa̱ba̱l. Yo̱co ban che̱tenkꞌanquil re nak sahak e̱chꞌo̱l saꞌ le̱ pa̱ba̱l.

Romanos 5:2

Xban nak nakapa̱b li Jesucristo nakacꞌul lix nimal rusilal li Dios. Joꞌcan nak cau kachꞌo̱l saꞌ li kapa̱ba̱l. Ut nasahoꞌ kachꞌo̱l xban nak nakanau nak totzꞌako̱nk ajcuiꞌ saꞌ lix nimal xlokꞌal li Dios.

San Juan 21:21

Nak laj Pedro quiril aꞌan, quixpatzꞌ re li Jesús: —Ut li cui̱nk aꞌan, Ka̱cuaꞌ, ¿ma tixcꞌul joꞌ tincꞌul la̱in? chan.

Hechos 15:22

Eb li apóstol, ut eb laj cꞌamol be rochbeneb chixjunileb laj pa̱banel queꞌxsicꞌ ruheb li teꞌxtakla Antioquía chirixeb laj Pablo ut laj Bernabé. Ut queꞌxsiqꞌueb ru laj Silas ut laj Judas, aj Barsabás nequeꞌxye ajcuiꞌ re. Eb li cui̱nk aꞌin qꞌuebileb xcuanquil xbaneb li rech aj pa̱banelil.

1 Pedro 1:13

Xban nak yo̱quex chiroybeninquil le̱ kꞌajca̱munquil, chi-ajk ru le̱ cꞌaꞌux. Chicua̱nk chi tuktu le̱ chꞌo̱l. Ut chi anchal e̱chꞌo̱l cheroybeni li usilal li tixqꞌue e̱re li Jesucristo nak tixcꞌutbesi cuiꞌchic rib.

1 Pedro 4:10

Chikajunilo jalan jala̱nk li cꞌaꞌru ta̱ru̱k takaba̱nu. Ac kama̱tan kama̱tan qꞌuebil ke chikaju̱nkal xban li Dios. Tento nak takatenkꞌa li kas ki̱tzꞌin riqꞌuin li cꞌaꞌru nocoru chixba̱nunquil re nak incꞌaꞌ ta̱cana̱k chi ma̱cꞌaꞌ rajbal li ma̱tan qꞌuebil ke xban li Dios.