1 Pedro 4:7 - Li Santil hu

⁷ Li rosoꞌjic li ruchichꞌochꞌ ta̱se̱ba̱nk chak. Joꞌcan nak aj-ajak e̱ru, ut cheqꞌuehak e̱chꞌo̱l chi tijoc.

Q'eqchi Bible

⁷ Li roso'jik chixjunil li k'a'aq re ru nach' chik wank. Chiwanq b'i' eena'leb' ut aj'ajaq eeru chi tijok.

1 Pedro 4:7 ပူးပေါင်းရင်းမြစ်များ

1 Pedro 1:13

Xban nak yo̱quex chiroybeninquil le̱ kꞌajca̱munquil, chi-ajk ru le̱ cꞌaꞌux. Chicua̱nk chi tuktu le̱ chꞌo̱l. Ut chi anchal e̱chꞌo̱l cheroybeni li usilal li tixqꞌue e̱re li Jesucristo nak tixcꞌutbesi cuiꞌchic rib.

1 Pedro 5:8

Chicua̱nk e̱naꞌleb re xcolbal e̱rib chiru laj tza xban nak laj tza yo̱ chixsicꞌbal ani ta̱ra̱le. Laj tza aꞌan chanchan li cakcoj ca̱mc re xban xtzꞌocajic ut yo̱ chixsutinquil rib yalak bar re xsicꞌbal ani tixcamsi re tixtiu.

2 Timoteo 4:5

Aꞌut la̱at, Timoteo, chaqꞌuehak retal chi us li cꞌaꞌru ta̱ba̱nu. Chacuyak xnumsinquil li raylal ut chajultica̱k resil li santil evangelio ut chaba̱nuhak la̱ cꞌanjel chi tzꞌakal.

San Lucas 21:34

Chenauhak xcolbal e̱rib. Me̱qꞌue e̱rib chi a̱le̱c riqꞌuin li numcuaꞌac ut li cala̱c, chi moco riqꞌuin xcꞌoxlanquil chanru te̱numsi li cutan junju̱nk. Ma̱re anchal ta̱cuulak xkꞌehil li cutan aꞌan chi ma̱cꞌaꞌ saꞌ e̱chꞌo̱l.

Hebreos 10:25

Cuanqueb li incꞌaꞌ nequeꞌxic saꞌ li chꞌutubaj ib. Abanan incꞌaꞌ takaba̱nu joꞌ nequeꞌxba̱nu eb aꞌan. Junelic ban takachꞌutub kib re xlokꞌoninquil li Dios. Chikaqꞌue xcacuub li kachꞌo̱l chi kibil kib. Tento takaba̱nu aꞌan xban nak chi se̱b tol-e̱lk li Jesucristo.

Colosenses 4:2

Me̱canab tijoc. Chextijok chi anchal e̱chꞌo̱l ut junelic chexbantioxi̱nk chiru li Dios.

Tito 2:12

Lix nimal ruxta̱n li Dios naxcꞌut chiku nak li Dios naraj nak takacanab xba̱nunquil li ma̱usilal. Chikacanab xba̱nunquil li incꞌaꞌ us li naxrahi ru li kachꞌo̱l. Saꞌ xya̱lal ban chikanumsihak li cutan saꞌ li ruchichꞌochꞌ aꞌin. Tocua̱nk saꞌ ti̱quilal riqꞌuineb li kas ki̱tzꞌin ut chikaba̱nuhak taxak li naraj li Dios.

Ezequiel 7:6

Anakcuan xex-osoꞌ. Xchal le̱ rosoꞌjic. Ac xcuulac xkꞌehil nak tex-osokꞌ.

Romanos 12:12

Chisahokꞌ saꞌ e̱chꞌo̱l xban nak cuan cꞌaꞌru nequeroybeni. Checuyak li raylal li nachal saꞌ e̱be̱n. Ut junelic chextijok.

Filipenses 4:5

Junelic chexcua̱nk saꞌ tu̱lanil re nak chixjunileb teꞌxqꞌue retal le̱ cha̱bilal. Ut chijulticokꞌ ajcuiꞌ e̱re nak chi se̱b ta̱cha̱lk li Ka̱cuaꞌ.

San Lucas 22:46

Ut li Jesús quixye reheb: —¿Cꞌaꞌut nak yo̱quex chi cua̱rc? Cuaclinkex ut tijonkex re nak incꞌaꞌ te̱qꞌue e̱rib chi a̱le̱c, chan reheb.

Apocalipsis 16:15

Ut la̱in quicuabi nak li Ka̱cuaꞌ quixye: —La̱in tincha̱lk chi ma̱cꞌaꞌ saꞌ xchꞌo̱leb li tenamit joꞌ nak nachal laj e̱lkꞌ. Us xak re li ani nayoꞌlec re cuoybeninquil ut incꞌaꞌ nachꞌinan xchꞌo̱l saꞌ xpa̱ba̱l. Aꞌan incꞌaꞌ ta̱xuta̱na̱k chicuu nak tincꞌulu̱nk xban nak ti̱c xchꞌo̱l, chan.

1 Pedro 3:7

Ut la̱ex be̱lomej, chexcua̱nk saꞌ xya̱lal riqꞌuineb le̱ rixakil. Che-oxlokꞌiheb. La̱ex nequenau nak eb li ixk kꞌuneb xchꞌo̱l ut ma̱cꞌaꞌeb xmetzꞌe̱uheb joꞌeb li cui̱nk. La̱ex te̱cꞌul le̱ ma̱tan xban rusilal li Dios. Joꞌcan ajcuiꞌ eb li ixk, teꞌxcꞌul ajcuiꞌ lix ma̱taneb. Ut li ma̱tan li te̱cꞌul, aꞌan li yuꞌam chi junelic. Cui te̱ba̱nu aꞌin, ma̱cꞌaꞌ ta̱chꞌaꞌajqui̱nk e̱re nak textijok.

Efesios 6:18

Ut yoꞌon cua̱nkex. Junelic chextijok joꞌ naxcꞌut che̱ru li Santil Musikꞌej. Junelic chextzꞌa̱ma̱nk chiru chi anchal e̱chꞌo̱l nak li Dios ta̱tenkꞌa̱nk e̱re. Ut chetzꞌa̱ma chiru nak tixtenkꞌaheb chixjunileb li ralal xcꞌajol li Dios.

1 Corintios 15:24

Ut chirix chic aꞌan acaꞌ chic li rosoꞌjic li ruchichꞌochꞌ ut li Cristo tixsacheb xcuanquil chixjunileb li nequeꞌtaklan saꞌ ruchichꞌochꞌ ut tixsach ajcuiꞌ xcuanquileb li musikꞌej. Ut chirix aꞌan li Cristo tixkꞌaxtesi lix cuanquil saꞌ rukꞌ li Dios Acuabej.

1 Corintios 7:29

Ex inherma̱n, li bar cuan nacuaj xyebal, aꞌan aꞌin: Yo̱queb chi numecꞌ li cutan saꞌ junpa̱t. Joꞌcan nak la̱ex li cuan e̱rixakil ma̱cuaꞌ caꞌaj cuiꞌ le̱ rixakil te̱cꞌoxla. Cheqꞌuehak ban e̱chꞌo̱l chi cꞌanjelac chiru li Ka̱cuaꞌ.

San Mateo 24:42

Joꞌcan nak yoꞌon cua̱nkex xban nak incꞌaꞌ nequenau jokꞌe ho̱nal toline̱lk la̱in li Ka̱cuaꞌ.

Jeremías 5:31

Eb li profeta ticꞌtiꞌ nequeꞌxye. Ut eb laj tij nequeꞌxba̱nu joꞌ nequeꞌraj eb li profeta. Ut eb lin tenamit joꞌcan queꞌcuulac chiru. Abanan ¿cꞌaꞌru teꞌxba̱nu nak ta̱cuulak xkꞌehil li rakba a̱tin? chan li Ka̱cuaꞌ.

San Lucas 21:36

Joꞌcan ut yoꞌon cua̱nkex ut junelic chextijok re nak cauhak e̱chꞌo̱l chixcuybal xnumsinquil li raylal li ta̱cha̱lk saꞌ e̱be̱n, ut re nak ta̱ru̱k texcuulak cuiqꞌuin la̱in li Cꞌajolbej, chan li Jesús.

San Mateo 25:13

Joꞌcan nak la̱in ninye e̱re: Yoꞌon cua̱nkex xban nak incꞌaꞌ nequenau li cutan chi moco li ho̱nal jokꞌe toline̱lk la̱in li Cꞌajolbej.

Eclesiastés 7:2

Kꞌaxal us nak toxic chi yoꞌlec camenak chiru nak toxic chi ninkꞌei̱c. Li ani toj yoꞌyo, tento nak cua̱nk saꞌ xchꞌo̱l lix camic xban nak aꞌan li rosoꞌjic li junju̱nk.

Génesis 6:13

Joꞌcan nak quixye re laj Noé: —Tinsach ruheb chixjunil li cristian xban nak xnumta li ma̱c xeꞌxba̱nu. La̱in tinsach ru li ruchichꞌochꞌ chi junaj cua, chan li Dios.

Hebreos 9:26

Cui ta quixmayeja rib nabal sut, nabal sut raj quicam chalen saꞌ xticlajic li ruchichꞌochꞌ. Aban incꞌaꞌ quixba̱nu chi joꞌcan. Li Jesucristo quicꞌulun re xrakbal li xbe̱n contrato ut jun sut ajcuiꞌ quixmayeja rib. Ut riqꞌuin aꞌan cuan xcuybal li ma̱c.

Génesis 19:35

Saꞌ li kꞌojyi̱n aꞌan queꞌxcaltesi cuiꞌchic lix yucuaꞌeb. Ut li i̱tzꞌinbej co̱ chi cua̱rc riqꞌuin. Abanan lix yucuaꞌ incꞌaꞌ quixqꞌue retal nak quicuan riqꞌuin lix rabin xban lix calajic.