1 Pedro 4:6 - Li Santil hu

⁶ Aꞌan rajbal nak quichꞌoloba̱c xya̱lal chiruheb li tenamit. Quirakman a̱tin chirixeb ut eb aꞌan queꞌcam joꞌ nak telajeꞌca̱mk chixjunileb li cristian. Chixjunileb li queꞌpa̱ban chiru li Dios usta quilajeꞌcam, lix musikꞌeb yoꞌyo̱queb joꞌ nak yoꞌyo li Dios.

Q'eqchi Bible

⁶ A'in xyaalal naq kipuktesimank li Chaab'il Esilal chiruheb' ajwi' li kamenaq, re naq, us ta kiraqmank aatin sa' xb'eeneb' jo' neke'xk'ul chixjunil, ab'an yo'yooqeb' sa' musiq'ej jo' naq yo'yo li Yos.

1 Pedro 4:6 ပူးပေါင်းရင်းမြစ်များ

Romanos 8:2

Lix cuanquil li Santil Musikꞌej li naqꞌuehoc yuꞌam saꞌ xcꞌabaꞌ li Jesucristo, aꞌan nacoloc cue chiru lix cuanquil li ma̱c ut li ca̱mc.

1 Pedro 3:19

Co̱ ban chi a̱tinac riqꞌuineb li musikꞌej li cuanqueb chi tzꞌaptzꞌo.

Gálatas 5:25

Cui acꞌ chic li kayuꞌam qꞌuebil ke xban li Santil Musikꞌej, chikacanabak kib rubel xcuanquil re nak aꞌan chic ta̱beresi̱nk ke.

San Mateo 24:9

Tojoꞌnak texkꞌaxtesi̱k ut texrahobtesi̱k ut texcamsi̱k. Ut xicꞌ tex-ilekꞌ xbaneb chixjunileb li tenamit saꞌ incꞌabaꞌ la̱in.

Gálatas 2:19

Chanchan nak li najter chakꞌrab xqꞌuehoc cue chi ca̱mc xban nak aꞌan xcꞌutuc re chicuu nak la̱in aj ma̱c. Anakcuan camenakin chic chiru lix cuanquil li chakꞌrab re nak yoꞌyo̱kin rubel xcuanquil li Dios.

Apocalipsis 14:18

Ut jun chic li ángel qui-el cuan cuiꞌ li artal. Aꞌan li qui-iloc re li xam li naqꞌueman saꞌ xbe̱n li artal. Quia̱tinac riqꞌuin li ángel li cuan xkꞌesnal chꞌi̱chꞌ saꞌ rukꞌ ut quixye re chi cau xya̱b xcux: —Ta̱set chi cu̱t riqꞌuin la̱ kꞌesnal chꞌi̱chꞌ li ru li uva li cuanqueb saꞌ ruchichꞌochꞌ xban nak ac xkꞌanoꞌ, chan.

1 Pedro 1:12

Li cꞌaꞌru quixcꞌutbesi chak li Dios chiruheb li profeta junxil incꞌaꞌ ta̱cꞌulma̱nk nak toj cuanqueb aꞌan. Ta̱cꞌulma̱nk ban saꞌ li cutan nak cuanquex la̱ex. Eb li profeta queꞌxchꞌolob che̱ru lix ya̱lal aꞌin, li quicꞌuteꞌ chak chiruheb xban li Santil Musikꞌej li taklanbil chak xban li Dios. Ut eb li ángel queꞌraj ajcuiꞌ raj xtaubal ru chixjunil li cꞌaꞌak re ru aꞌin.

1 Pedro 3:18

Li Cristo quixcꞌul ajcuiꞌ li raylal chi ma̱cꞌaꞌ xma̱c. Aꞌan ti̱c xchꞌo̱l abanan quicamsi̱c re xtojbal rix lix ma̱queb li incꞌaꞌ useb xnaꞌleb. Jun sut ajcuiꞌ quicam ut riqꞌuin aꞌan quitzꞌakloc ru. Ut xban xcamic li Jesucristo, naru toxcol li Dios. Ya̱l nak queꞌxcamsi li Cristo. Abanan incꞌaꞌ quicam lix musikꞌ.