1 Pedro 4:5 - Li Santil hu

⁵ Aban mokon eb laj hobonel tento nak teꞌxkꞌaxtesi xcue̱nt chiru li Dios riqꞌuin li cꞌaꞌru quilajeꞌxba̱nu chak. Li Dios, aꞌan li ta̱rakok a̱tin saꞌ xbe̱neb li yoꞌyo̱queb joꞌ eb ajcuiꞌ li camenakeb.

Q'eqchi Bible

⁵ toxe'xq'axtesi li xyehom xb'aanuhomeb' chiru Li yo'oon wan chaq chi raqok aatin sa' xb'eeneb' li yo'yookeb' ut kamenaqeb'.

1 Pedro 4:5 ပူးပေါင်းရင်းမြစ်များ

Santiago 5:9

Ex herma̱n, me̱cuechꞌi e̱rib che̱ribil e̱rib re nak incꞌaꞌ ta̱rakekꞌ a̱tin saꞌ e̱be̱n. Li Jesucristo aꞌan laj rakol a̱tin ut chi se̱b ta̱cꞌulu̱nk cuiꞌchic.

Hechos 10:42

Ut coxtakla chixchꞌolobanquil xya̱lal ut chixjulticanquil chiruheb li tenamit nak aꞌan qꞌuebil xban li Dios chi rakoc a̱tin saꞌ xbe̱neb chixjunileb, li yoꞌyo̱queb joꞌ ajcuiꞌ li camenakeb.

2 Timoteo 4:1

Nintzꞌa̱ma cha̱cuu saꞌ xcꞌabaꞌ li Dios nak ta̱chꞌolob lix ya̱lal. Ut nintzꞌa̱ma ajcuiꞌ saꞌ xcꞌabaꞌ li Ka̱cuaꞌ Jesucristo, li ta̱rakok a̱tin saꞌ xbe̱neb li yoꞌyo̱queb ut li camenakeb nak ta̱cha̱lk cuiꞌchic riqꞌuin lix nimal xcuanquil.

Hechos 17:31

Li Dios ac xxakab jun li cutan re ta̱rakok a̱tin saꞌ xbe̱neb chixjunileb li cuanqueb saꞌ ruchichꞌochꞌ. Ut quixxakab li ani ta̱rakok a̱tin saꞌ ti̱quilal. Quixcꞌut chiku nak tzꞌakal ya̱l xban nak quixcuaclesi cuiꞌchic chi yoꞌyo saꞌ xya̱nkeb li camenak, chan laj Pablo.

San Mateo 12:36

La̱in tinye e̱re nak saꞌ xkꞌehil li rakba a̱tin li junju̱nk tixkꞌaxtesi xcue̱nt chirix chixjunil li joꞌ ma̱joꞌil aj a̱tin quixye.

San Lucas 16:2

Joꞌcan nak quixbok lix merto̱m ut quixye re: “¿Cꞌaꞌru xya̱lal li yo̱quin chirabinquil cha̱cuix? Ta̱kꞌaxtesi la̱ cue̱nt nak xatcuan chi cꞌanjelac xban nak incꞌaꞌ chic tatcana̱k chokꞌ inmerto̱m,” chan re.

Ezequiel 18:30

Ex aj Israel, la̱in tinrakok a̱tin saꞌ e̱be̱n che̱junju̱nkalex, aꞌ yal chanru le̱ yehom e̱ba̱nuhom. Jalomak e̱cꞌaꞌux ut canabomak xba̱nunquil li ma̱usilal li yo̱quex chixba̱nunquil. Me̱qꞌue e̱rib chi sachc xban le̱ ma̱c.

Eclesiastés 12:14

Li Dios ta̱rakok a̱tin saꞌ kabe̱n riqꞌuin chixjunil li cꞌaꞌru nakaba̱nu, usta chi mukmu nakaba̱nu. Ta̱rakok a̱tin saꞌ kabe̱n riqꞌuin chixjunil li nakaba̱nu, usta us, usta incꞌaꞌ us.

Salmos 1:6

Li Ka̱cuaꞌ Dios na-iloc reheb li ti̱queb xchꞌo̱l, ut li incꞌaꞌ useb xnaꞌleb teꞌsachekꞌ.

Romanos 14:9

Joꞌcan nak quicam li Jesucristo, ut quicuacli cuiꞌchic chi yoꞌyo re nak aꞌanak li Ka̱cuaꞌ reheb li yoꞌyo̱queb joꞌ eb ajcuiꞌ li camenakeb.