1 Pedro 4:3 - Li Santil hu

³ Tzꞌakal taxak li ma̱c li xeba̱nu chak. Xeba̱nu joꞌ nequeꞌxba̱nu li incꞌaꞌ nequeꞌpa̱ban chiru li Dios. Junxil nasemsot le̱ chꞌo̱l riqꞌuin li joꞌ ma̱joꞌil naꞌleb. Xeba̱nu chak li cala̱c ut li ninkꞌei̱c. Xeba̱nu chak li numcuaꞌac num ucꞌac. Ut xeba̱nu ajcuiꞌ li tzꞌekbe̱talil aj naꞌleb. Xuta̱nal xeba̱nu chak junxil nak xenima chak ruheb li yi̱banbil dios.

Q'eqchi Bible

³ Ak naab'al li kutan xenumsi chaq chi xb'aanunkil li nawulak chiruheb' li ink'a' neke'paab'ank: xexwank sa' li jo'maajo'il na'leb', jo' li naxrahi li tz'ejwalej, rik'in num uk'ak num wa'ak, rik'in kalaak ut xloq'oninkileb' ru li yal k'oxlanb'il yos: a'an ink'a' naru xb'aanunkil.

1 Pedro 4:3 ပူးပေါင်းရင်းမြစ်များ

1 Corintios 6:11

Usta cuanqueb junju̱nk saꞌ e̱ya̱nk joꞌcan queꞌxba̱nu chak, abanan anakcuan cuybil sachbil chic lix ma̱queb. Santobresinbileb chic ut ti̱cobresinbileb chic lix chꞌo̱l saꞌ xcꞌabaꞌ li Ka̱cuaꞌ Jesucristo ut xban li Santil Musikꞌej.

Efesios 5:18

Mexcala chic xban nak napoꞌoc chꞌo̱lej. Chinujak ban le̱ chꞌo̱l riqꞌuin li Santil Musikꞌej.

1 Ts 4:5

Eb li incꞌaꞌ nequeꞌxnau ru li Dios, nequeꞌxba̱nu li yibru naꞌleb li nequeꞌxrahi ru xba̱nunquil. Me̱ba̱nu joꞌ nequeꞌxba̱nu eb aꞌan.

1 Pedro 1:14

Chex-abi̱nk chiru li Dios xban nak la̱ex ralal xcꞌajol. Me̱ba̱nu chic li nequerahi ru junxil nak toj ma̱jiꞌ nequenau lix ya̱lal.

Gálatas 5:21

socue̱nc, camsi̱nc ras ri̱tzꞌin, cala̱c, numcuaꞌac num ucꞌac, ut cꞌaꞌak chic re ru joꞌ eb aꞌin. Yo̱quin cuiꞌchic xyebal e̱re aꞌin, usta ac inyehom ajcuiꞌ e̱re, nak li nequeꞌba̱nun re li cꞌaꞌak re ru aꞌin incꞌaꞌ teꞌre̱chani lix nimajcual cuanquilal li Dios.

Gálatas 5:19

Cutan saken cꞌaꞌru li incꞌaꞌ us li nakarahi ru xba̱nunquil kajunes. Aꞌan eb aꞌin: muxuc caxa̱r, coꞌbe̱tac yumbe̱tac, ut li xuta̱nalil naꞌleb,

Ezequiel 45:9

Li nimajcual Dios quixye: —La̱ex li nequextaklan saꞌ xbe̱neb lin tenamit Israel, tzꞌakal li rahobtesi̱nc li xeba̱nu. Canabomak xba̱nunquil li ma̱usilal. Cheba̱nu ban li us ut chexcua̱nk saꞌ ti̱quilal. Canabomak xmakꞌbal lix chꞌochꞌeb lin tenamit, chan.

San Judas 1:4

Nintzꞌi̱ba li hu aꞌin xban nak cuanqueb aj balakꞌ queꞌxchꞌic rib saꞌ e̱ya̱nk chi mukmu. Eb aꞌan nequeꞌxye nak laj pa̱banel naru teꞌxba̱nu yalak cꞌaꞌru chi ma̱usilal ut xban li rusilal li kaDios, ma̱cꞌaꞌ teꞌxcꞌul. Nequeꞌxsach xcuanquil li Ka̱cuaꞌ Jesucristo, laj e̱chal ke. Eb aꞌan aj kꞌetoleb ra̱tin li Dios ut chalen chak junxil cutan ac xakabanbil chak li rakba a̱tin saꞌ xbe̱neb.

Hechos 17:30

Li Dios incꞌaꞌ quixqꞌue saꞌ xbe̱neb li tenamit lix ma̱queb saꞌ eb li cutan nak incꞌaꞌ queꞌxtau ru lix ya̱lal. Abanan anakcuan naxjultica chiruheb chixjunileb li tenamit nak teꞌxyotꞌ xchꞌo̱l teꞌxjal xcꞌaꞌux.

Ezequiel 44:6

Joꞌcaꞌin xye li nimajcual Dios reheb laj Israel li nequeꞌxkꞌetkꞌeti ribeb: —Tzꞌakal li ma̱usilal xeba̱nu, la̱ex li ralal xcꞌajol laj Israel. Incꞌaꞌ chic tincuy e̱ma̱c.

Isaías 28:7

Eb li profeta ut eb laj tij yo̱queb chi cala̱c ut nequeꞌtacloc. Cꞌajoꞌ li vino ut li haꞌ li nacaltesin queꞌrucꞌ toj retal queꞌxsach xnaꞌleb. Eb li profeta incꞌaꞌ chic nequeꞌxtau ru li visión li naxcꞌut chiruheb li Ka̱cuaꞌ. Ut eb laj tij incꞌaꞌ chic nequeꞌru xqꞌuebal xnaꞌlebeb li tenamit.

Tito 3:3

La̱o junxil incꞌaꞌ us li kanaꞌleb nak xocuan chak. Xkakꞌet ra̱tin li Dios ut incꞌaꞌ xo-abin chiruheb li cuanqueb xcuanquil. Xkaqꞌue kib chi balakꞌi̱c. Xkaba̱nu chak li ma̱usilal li naxrahi ru li kachꞌo̱l. Xkanumsi li cutan xba̱nunquil li ma̱usilal. Xocakalin ut xicꞌ nakil kib chi kibil kib.

2 Corintios 12:21

Nincꞌoxla nak tincuulak e̱riqꞌuin, te̱cꞌut inxuta̱n chiru li Dios xban li cꞌaꞌru yo̱quex chixba̱nunquil. Ma̱re tinya̱bak chirixeb li queꞌxba̱nu li incꞌaꞌ us ut toj ma̱jiꞌ nequeꞌxyotꞌ xchꞌo̱l ut toj ma̱jiꞌ xeꞌxjal xcꞌaꞌux riqꞌuin li ma̱usilal li queꞌxba̱nu joꞌ li muxuc caxa̱r, li coꞌbe̱tac yumbe̱tac ut li cꞌaꞌak chic ru chi ma̱usilal.

1 Corintios 12:2

Nak toj ma̱jiꞌ nequexpa̱ban chak queqꞌue chak xcuanquil li yi̱banbil dios li incꞌaꞌ nequeꞌa̱tinac ut queqꞌue e̱rib chi balakꞌi̱c riqꞌuin xpa̱banquileb.

Romanos 13:13

Xban nak cuanco chic saꞌ xcutan saken li Jesucristo, chocua̱nk saꞌ xya̱lal joꞌ junak tzꞌakal aj pa̱banel. Incꞌaꞌ chic toma̱cobk riqꞌuin li cala̱c, chi moco riqꞌuin li numcuaꞌac num ucꞌac, chi moco riqꞌuin muxuc caxa̱r, chi moco riqꞌuin coꞌbe̱tac yumbe̱tac, chi moco riqꞌuin li cꞌaꞌak chic re ru chi ma̱usilalil. Ut incꞌaꞌ chic topletik chi moco tocakcali̱nk.

San Marcos 7:22

Ut saꞌ xcꞌaꞌux ajcuiꞌ nachal li elkꞌac, lix rahinquil ru cꞌaꞌru re ras ri̱tzꞌin, li ma̱usilal, li balakꞌi̱nc, li xba̱nunquil li xuta̱nalil naꞌleb, li cakali̱nc, li majecua̱nc, li kꞌetkꞌetil, ut lix majelil naꞌleb.

Jeremías 16:18

Nak toj ma̱jiꞌ nequeꞌsukꞌi saꞌ lix naꞌajeb, la̱in tinqꞌueheb chixtojbal lix ma̱usilaleb. Caꞌ sut xqꞌuial li raylal li tinqꞌue saꞌ xbe̱neb re xtojbal rix li ma̱c queꞌxba̱nu nak queꞌxmux ru lin naꞌaj riqꞌuin xlokꞌoninquil li yi̱banbil dios. Saꞌ chixjunil li naꞌajej li quinqꞌue reheb queꞌxqꞌue li yi̱banbil dios li xicꞌ nacuil, chan li Dios.

Isaías 65:4

Nequeꞌxnumsi li kꞌojyi̱n saꞌ xnaꞌajeb li camenak ut saꞌ eb li naꞌajej li cuanqueb chi mukmu. Nequeꞌxtiu xtibel li a̱k ut nequeꞌrucꞌ li xyaꞌal li tib li incꞌaꞌ raj teꞌxtzaca.

Isaías 5:11

Raylal cha̱lel saꞌ e̱be̱n la̱ex li nequexcuacli toj ekꞌela ut nequexxic chi cala̱c toj retal nequex-oc kꞌojyi̱n chi cala̱c.

2 Crónicas 15:8

Ut quicacuuc xchꞌo̱l li rey Asa nak quirabi li cꞌaꞌru quixye li profeta Azarías li ralal laj Obed. Quirisi chixjunileb li jalam u̱ch saꞌ li naꞌajej Judá joꞌ ajcuiꞌ saꞌ lix naꞌajeb li ralal xcꞌajol laj Benjamín, joꞌ ajcuiꞌ saꞌ eb li tenamit li quire̱chani saꞌ li naꞌajej li tzu̱l ru li cuan saꞌ lix naꞌajeb li ralal xcꞌajol laj Efraín. Ut quixyi̱b cuiꞌchic li artal li cuan saꞌ li neba̱l chiru lix templo li Dios.

1 Reyes 21:26

Kꞌaxal yibru li quixba̱nu laj Acab nak quixlokꞌoniheb li yi̱banbil dios joꞌ queꞌxba̱nu eb laj amorreo li queꞌisi̱c xban li Ka̱cuaꞌ saꞌ lix tenamiteb laj Israel.

2 Samuel 13:28

Laj Absalón quixye reheb lix mo̱s: —Qꞌuehomak retal nak ta̱cala̱k chi us laj Amnón. Nak tinye e̱re, te̱camsi. Mexcꞌoxlac chixcamsinquil xban nak la̱in yo̱quin chi takla̱nc e̱re. Cacuubresihomak e̱chꞌo̱l chixba̱nunquil li ninye e̱re, chan.

Jeremías 16:11

Ut la̱at ta̱ye reheb, “Li Ka̱cuaꞌ tixba̱nu e̱re chi joꞌcan xban nak eb le̱ xeꞌto̱nil yucuaꞌ queꞌxcanab xlokꞌoninquil li Ka̱cuaꞌ ut queꞌxlokꞌoniheb li jalanil dios ut queꞌcꞌanjelac chiruheb. Queꞌxtzꞌekta̱na li Ka̱cuaꞌ ut incꞌaꞌ queꞌxba̱nu li cꞌaꞌru naxye saꞌ lix chakꞌrab.