1 Pedro 4:18 - Li Santil hu

¹⁸ Joꞌcaꞌin tzꞌi̱banbil chak retalil saꞌ li Santil Hu: Cui li ti̱c xchꞌo̱l elajic ta̱colekꞌ, ¿ma tojaꞌ ta chic junak laj ma̱c incꞌaꞌ elajic ta̱colekꞌ? (Prov. 11:31)

Q'eqchi Bible

¹⁸ Wi chi ra chi sa taakole'q li tiik xch'ool, k'aru taakanaaq wi' li ink'a' napaab'ank jo'wi' laj maak?

1 Pedro 4:18 ပူးပေါင်းရင်းမြစ်များ

Proverbios 11:31

Relic chi ya̱l nak li ti̱queb xchꞌo̱l nequeꞌxcꞌul lix kꞌajca̱munquil arin saꞌ ruchichꞌochꞌ. ¿Ma tojaꞌ ta chic eb laj ma̱c ut eb li incꞌaꞌ useb xnaꞌleb incꞌaꞌ teꞌxcꞌul xtojbal lix ma̱queb?

Ezequiel 18:24

Abanan cui junak ti̱c xchꞌo̱l tixjal xnaꞌleb ut tixba̱nu li ma̱usilal li nequeꞌxba̱nu li incꞌaꞌ useb xnaꞌleb, li jun aꞌan ta̱ca̱mk. Ut incꞌaꞌ tixcꞌul xkꞌajca̱munquil li us li quixba̱nu junxil. Ta̱ca̱mk xban li ma̱c li quixba̱nu ut xban nak quixkꞌetkꞌeti rib.

San Lucas 23:31

Cui joꞌcaꞌin teꞌxba̱nu cuiqꞌuin la̱in li chanchanin jun to̱n chi cheꞌ rax rax ru, ¿cꞌaꞌru incꞌaꞌ teꞌxba̱nu e̱re la̱ex li chanchanex chaki cheꞌ? chan li Jesús.

San Judas 1:15

Ta̱cha̱lk chi rakoc a̱tin saꞌ xbe̱neb chixjunil ut chixchꞌolobanquil lix ma̱queb riqꞌuin lix yehom xba̱nuhomeb joꞌ eb ajcuiꞌ riqꞌuin li xicꞌ aj a̱tin xyehomeb chirix li Ka̱cuaꞌ, chan laj Enoc.

1 Corintios 10:12

Joꞌcan nak li ani narecꞌa nak cau xchꞌo̱l saꞌ lix pa̱ba̱l chixqꞌuehak retal lix yuꞌam re nak incꞌaꞌ ta̱oc chi ma̱cobc.

Romanos 1:18

Li Dios yo̱ chak xjoskꞌil toj saꞌ choxa saꞌ xbe̱neb laj ma̱c. Riqꞌuin lix ma̱usilaleb nequeꞌxtzꞌekta̱na lix ya̱lal ut nequeꞌxmuk ajcuiꞌ chiruheb li ras ri̱tzꞌin.

Hechos 14:22

Yo̱queb chixqꞌuebal xcacuil xchꞌo̱leb laj pa̱banel. Queꞌxye reheb nak teꞌxpa̱b li Ka̱cuaꞌ chi anchaleb xchꞌo̱l ut incꞌaꞌ teꞌxcanab xpa̱banquil. Queꞌxye reheb nak tento teꞌxcuy xnumsinquil li raylal re nak teꞌoc saꞌ lix nimajcual cuanquilal li Dios.

2 Pedro 3:7

Li choxa ut li ruchichꞌochꞌ li cuanqueb anakcuan, cuanqueb saꞌ xnaꞌaj yal riqꞌuin ra̱tin li Dios. Yo̱queb chiroybeninquil nak teꞌcꞌatekꞌ xban li xam saꞌ xkꞌehil li rakba a̱tin nak teꞌsachekꞌ li incꞌaꞌ useb xnaꞌleb.

1 Pedro 5:8

Chicua̱nk e̱naꞌleb re xcolbal e̱rib chiru laj tza xban nak laj tza yo̱ chixsicꞌbal ani ta̱ra̱le. Laj tza aꞌan chanchan li cakcoj ca̱mc re xban xtzꞌocajic ut yo̱ chixsutinquil rib yalak bar re xsicꞌbal ani tixcamsi re tixtiu.

Romanos 5:8

Aꞌut li Dios naxcꞌutbesi chiku nak kꞌaxal nocoxra xban nak toj aj ma̱co chak nak quicam li Cristo saꞌ kacꞌabaꞌ.

Zacarías 13:9

Ut li joꞌ qꞌuial chic teꞌcana̱k, chanchan numsinbil saꞌ xam tinba̱nu reheb nak tinyal rixeb, joꞌ nak nanumsi̱c li plata ut li oro saꞌ li xam. Eb aꞌan teꞌxya̱ba incꞌabaꞌ ut la̱in tinsumeheb ut tinye reheb: La̱ex lin tenamit. Ut eb aꞌan teꞌxye, “Li Ka̱cuaꞌ, aꞌan li kaDios,” chaꞌkeb.

Jeremías 25:29

La̱in oc cue chixtaklanquil li raylal saꞌ e̱be̱n la̱ex li cuanquex Jerusalén, li nequeꞌxcꞌabaꞌin incꞌabaꞌ. ¿Ma texcolekꞌ ta biꞌ la̱ex chiru li raylal li tintakla saꞌ e̱be̱n? ¿Ma incꞌaꞌ ta biꞌ te̱toj rix le̱ ma̱c? La̱in tintakla li raylal saꞌ xbe̱neb chixjunileb li cuanqueb saꞌ ruchichꞌochꞌ, chan li Ka̱cuaꞌ li nimajcual Dios.

Hebreos 4:1

Li Dios toj yo̱ ajcuiꞌ chixyechiꞌinquil li oc chi hila̱nc saꞌ li cha̱bil naꞌajej. Abanan chikaba̱nu cue̱nt re nak ma̱ jun taxak saꞌ kaya̱nk incꞌaꞌ ta̱oc saꞌ li hiloba̱l aꞌan.

Romanos 5:6

La̱o incꞌaꞌ naru nakacol kib yal kajunes. Abanan quicuulac xkꞌehil nak quicam li Ka̱cuaꞌ Jesucristo re kacolbal la̱o aj ma̱c.

Génesis 13:13

Eb li cristian li cuanqueb aran saꞌ li tenamit Sodoma numtajenak xma̱queb chiru li Ka̱cuaꞌ Dios.

Hechos 27:24

Li ángel xye cue, “Matxucuac, at Pablo, xban nak tento nak tatcuulak riqꞌuin li acuabej César. Xban xnimal rusilal li Ka̱cuaꞌ, ma̱ jun reheb li cuanqueb a̱cuochben teꞌca̱mk,” chan cue.

San Lucas 15:1

Nabaleb laj titzꞌol toj ut eb laj ma̱c queꞌcuulac chirabinquil li cꞌaꞌru yo̱ chixyebal li Jesús.

1 Samuel 15:18

Ut li Ka̱cuaꞌ catxtakla chi pletic riqꞌuineb laj Amalec. Ut quixye a̱cue nak tento ta̱sacheb ru chixjunileb xban nak aj ma̱queb.

Hechos 27:31

Laj Pablo quixye re li capitán ut reheb ajcuiꞌ li soldado: —Cui incꞌaꞌ nequeꞌcana eb aꞌin saꞌ li jucub, la̱ex incꞌaꞌ ta̱ru̱k texcolekꞌ, chan.

1 Timoteo 1:9

Joꞌcan nak nacuaj nak te̱qꞌue retal nak li chakꞌrab moco qꞌuebil ta reheb li ti̱queb xchꞌo̱l. Reheb ban li incꞌaꞌ nequeꞌabin ut li nequeꞌkꞌetoc re li chakꞌrab. Reheb ajcuiꞌ li incꞌaꞌ useb xnaꞌleb ut eb laj ma̱c. Reheb ajcuiꞌ li incꞌaꞌ nequeꞌpa̱ban re li Dios chi moco cuanqueb junak xpa̱ba̱leb. Ut reheb ajcuiꞌ laj camsinel ut li nequeꞌxcamsi xnaꞌ xyucuaꞌeb.

Santiago 5:6

La̱ex quexrakoc a̱tin saꞌ xbe̱neb li ti̱queb xchꞌo̱l ut quecamsiheb. Ut eb aꞌan ma̱cꞌaꞌ queꞌxba̱nu e̱re.