1 Pedro 4:12 - Li Santil hu

¹² Ex inherma̱n, misach e̱chꞌo̱l nak ta̱cha̱lk li ra xi̱cꞌ saꞌ e̱be̱n. Chanchan li xam nak nachal saꞌ e̱be̱n re xyalbal rix le̱ pa̱ba̱l. Me̱cꞌoxla nak caꞌaj cuiꞌ la̱ex yo̱quex chi cꞌuluc re.

Q'eqchi Bible

¹² Ex was wiitz'in raarookex inb'aan, misachk eech'ool rik'in li xam xlochmank sa' eeyanq re eeyalb'al, jo' ta raj wi' li maajun wa eerilom.

1 Pedro 4:12 ပူးပေါင်းရင်းမြစ်များ

2 Timoteo 3:12

Ut ya̱l ajcuiꞌ nak teꞌrahobtesi̱k li joꞌ qꞌuialeb li teꞌraj cua̱nc saꞌ ti̱quilal saꞌ xcꞌabaꞌ li Jesucristo.

1 Pedro 5:9

Me̱qꞌue e̱rib chi a̱le̱c xban laj tza. Cauhak ban e̱chꞌo̱l saꞌ le̱ pa̱ba̱l. Michꞌinan e̱chꞌo̱l nak ta̱cha̱lk junak raylal saꞌ e̱be̱n. Nequenau nak ma̱cuaꞌ caꞌaj cuiꞌ la̱ex yo̱quex chi cꞌuluc raylal. Joꞌcan ajcuiꞌ nequeꞌxcꞌul le̱ rech aj pa̱banelil yalak bar jun sut saꞌ ruchichꞌochꞌ.

Daniel 11:35

Ut cuanqueb ajcuiꞌ saꞌ xya̱nkeb li nequeꞌqꞌuehoc naꞌleb saꞌ li tenamit teꞌcamsi̱k. Ta̱cꞌulma̱nk chi joꞌcan yal re xtenkꞌanquileb li jun chꞌol chic ut re ajcuiꞌ nak ta̱cꞌutu̱nk li ani tzꞌakal ti̱c xchꞌo̱l saꞌ xya̱nkeb re nak tzꞌakalakeb re ru nak ta̱cuulak xkꞌehil nak ta̱rakekꞌ li raylal li yo̱queb chixcꞌulbal joꞌ yebil chak xban li Dios.

1 Corintios 10:13

Moco jalan ta chic li a̱le̱c nequecꞌul la̱ex chiru li nequeꞌxcꞌul chixjunileb. Abanan li Dios ti̱c xchꞌo̱l. Aꞌan incꞌaꞌ nocoxcanab chi a̱le̱c cui incꞌaꞌ takacuy xnumsinquil. Aꞌan ban natenkꞌan ke chixcuybal xnumsinquil.

1 Corintios 3:13

Lix cꞌanjel li junju̱nk ta̱cꞌutu̱nk nak tol-e̱lk cuiꞌchic li Ka̱cuaꞌ Jesucristo chi rakoc a̱tin. Chanchan nak ta̱numsi̱k saꞌ xam lix cꞌanjel naxba̱nu re rilbal ma ta̱osokꞌ malaj incꞌaꞌ.

1 Pedro 4:4

Aꞌut anakcuan eb li ma̱jiꞌ nequeꞌpa̱ban nequeꞌsach xchꞌo̱leb che̱rilbal. Nequeꞌxqꞌue retal nak ma̱cuaꞌex chic jun saꞌ xya̱nkeb chixba̱nunquil li ma̱usilal. Ut xban aꞌan nequexhobeꞌ.

Isaías 28:21

Li Ka̱cuaꞌ tixba̱nu joꞌ quixba̱nu saꞌ li tzu̱l Perazim ut saꞌ li ru takꞌa Gabaón. Tixba̱nu li incꞌaꞌ quixba̱nu junxil. Tixba̱nu chi tzꞌakal re ru.

Eclesiastés 5:8

Misach e̱chꞌo̱l chirilbal nak saꞌ junak tenamit yo̱k xba̱nunquil raylal reheb li nebaꞌ. Nabal raylal nequeꞌxba̱nu ut incꞌaꞌ nequeꞌrakoc a̱tin saꞌ ti̱quilal xban nak li cuan saꞌ xcuanquil taklanbil xban li nim xcuanquil chiru aꞌan. Ut li jun, li nim xcuanquil, taklanbil ajcuiꞌ xban jun chic kꞌaxal nim xcuanquil.

1 Pedro 2:11

Ex inherma̱n, raro̱quex inban. La̱ex yal numelex arin saꞌ ruchichꞌochꞌ. La̱in nintzꞌa̱ma che̱ru nak me̱ba̱nu chic li ma̱usilal li queba̱nu chak junxil xban nak aꞌan caꞌaj cuiꞌ xpoꞌbal ru le̱ cꞌaꞌux naxba̱nu.