1 Pedro 3:9 - Li Santil hu

⁹ Nak teꞌxba̱nu ma̱usilal e̱re, incꞌaꞌ te̱sume ru riqꞌuin ma̱usilal. Nak texhobekꞌ, me̱sume ru riqꞌuin hoboc. Cheba̱nuhak ban usilal reheb li nequeꞌba̱nun ma̱usilal e̱re. La̱ex bokbilex chak xban li Dios re nak te̱re̱chani le̱ rosobtesinquil.

Q'eqchi Bible

⁹ Mex'eeqajunk maa'usilal rik'in maa'usilal, chi moko hob'e'k rik'in hob'ok; chex'usilaatinanq b'an, xb'aan naq a'an a'in b'oqb'ilex wi' chaq: re naq teereechani leerosob'tesinkil.

1 Pedro 3:9 ပူးပေါင်းရင်းမြစ်များ

Romanos 12:17

Cui na-ux raylal e̱re, me̱qꞌue re̱kaj riqꞌuin raylal. Cheqꞌuehak ban e̱chꞌo̱l chixba̱nunquil li cꞌaꞌru us, li nanauman nak aꞌan li tzꞌakal cha̱bil.

Proverbios 20:22

Ma̱ jun sut te̱cꞌoxla xqꞌuebal re̱kaj li raylal na-ux e̱re. Canabomak ban saꞌ rukꞌ li Ka̱cuaꞌ ut aꞌan ta̱tenkꞌa̱nk e̱re.

Romanos 12:14

Chetzꞌa̱ma rusilal li Dios saꞌ xbe̱neb li xicꞌ nequeꞌiloc e̱re. Me̱tzꞌa̱ma raylal saꞌ xbe̱neb.

1 Ts 5:15

Cheqꞌuehak retal nak ma̱ ani junak saꞌ e̱ya̱nk chixqꞌue re̱kaj li ma̱usilal qui-ux re riqꞌuin ma̱usilal. Cheba̱nuhak ban chi junelic li cꞌaꞌru us che̱ribil e̱rib ut riqꞌuin chixjunileb.

San Mateo 5:44

Abanan la̱in tinye e̱re, cherahak li xicꞌ na-iloc e̱re. Chetzꞌa̱ma usilal saꞌ xbe̱neb li nequeꞌhoboc e̱re. Cheba̱nuhak li us reheb li xicꞌ nequeꞌiloc e̱re ut chextijok chirix li nequeꞌba̱nun ma̱usilal e̱re ut nequeꞌrahobtesin e̱re.

Efesios 4:32

Cha̱bilakex che̱ribil e̱rib. Cheruxta̱na e̱ru chi ribil e̱rib. Ut checuyak e̱ma̱c chi ribil e̱rib joꞌ nak li Dios quixcuy e̱ma̱c saꞌ xcꞌabaꞌ li Cristo.

San Mateo 5:39

Abanan la̱in tinye e̱re: Me̱sume ma̱usilal riqꞌuin ma̱usilal. Cui junak tixqꞌue junak rukꞌ saꞌ a̱cuu, qꞌue cuiꞌchic chixsacꞌ li jun pacꞌal.

Proverbios 17:13

Junelic cua̱nk li ma̱usilal saꞌ lix jun cablal li ani naxba̱nu ma̱usilal re li naba̱nun usilal re.

1 Pedro 5:10

La̱ex te̱cꞌul li raylal. Cuyomak cuan caꞌchꞌinak xban nak chi se̱b ajcuiꞌ nocoxtenkꞌa li Dios. Aꞌan ta̱tzꞌakobresi̱nk e̱ru. Aꞌan ta̱tenkꞌa̱nk e̱re re nak incꞌaꞌ ta̱chꞌina̱nk e̱chꞌo̱l. Tixqꞌue ban xcacuil e̱chꞌo̱l. Li Dios, li naqꞌuehoc ke li usilal, aꞌan quibokoc ke chi tzꞌako̱nc riqꞌuin lix nimal xlokꞌal saꞌ choxa kochben li Cristo.

Romanos 8:28

Li Dios naxsukꞌisi chokꞌ usilal chixjunil li cꞌaꞌak re ru nequeꞌxcꞌul li nequeꞌrahoc re li Dios, aꞌ li bokbileb chixba̱nunquil li cꞌaꞌru naraj li Dios.

San Mateo 25:34

Ut la̱in li Rey tinye reheb li cuanqueb saꞌ lin nim: “Osobtesinbilex xban lin Yucuaꞌ. E̱chanihomak li nimajcual cuanquilal cauresinbil chokꞌ e̱re chalen chak saꞌ xticlajic li ruchichꞌochꞌ.

Hebreos 6:14

Quixye re: Relic chi ya̱l tatcuosobtesi ut tinqꞌue chi qꞌuia̱nc la̱ cualal a̱cꞌajol. (Gén. 22:16-17)

San Lucas 18:18

Jun li cui̱nk nim xcuanquil saꞌ xya̱nkeb laj judío quia̱tinac riqꞌuin li Jesús ut quixye re: —At cha̱bil tzolonel, ¿cꞌaꞌru ta̱ru̱k tinba̱nu re nak tincue̱chani li yuꞌam chi junelic? chan.

San Lucas 10:25

Jun aj tzolol chakꞌrab quixye re li Jesús yal re xyalbal rix: —At tzolonel: ¿Cꞌaꞌru us tinba̱nu re nak tincue̱chani li junelic yuꞌam? chan.

San Mateo 19:29

Li ani naxcanab rochoch, ras ri̱tzꞌin, xnaꞌ xyucuaꞌ, rixakil, ralal xcꞌajol, malaj xchꞌochꞌ saꞌ incꞌabaꞌ la̱in, li jun aꞌan kꞌaxal cuiꞌchic nabal li tixcꞌul chiru li quixcanab ut ta̱re̱chani li junelic yuꞌam.

Romanos 8:30

Najter chak kꞌe cutan li Dios ac cuan saꞌ xchꞌo̱l ani li sicꞌbileb ru xban, ut li sicꞌbileb ru aꞌan li quixbokeb; ut li quixbokeb, quixti̱cobresi lix chꞌo̱leb ut naxqꞌueheb ajcuiꞌ xlokꞌal.

San Marcos 10:17

Nak ac xic re li Jesús saꞌ jalan chic naꞌajej, quichal jun li cui̱nk saꞌ a̱nil, colxcuikꞌib rib chiru ut quixye re: —At cha̱bil tzolonel, ¿cꞌaꞌru ta̱ru̱k tinba̱nu re nak tincue̱chani li yuꞌam chi junelic?—

Génesis 42:25

Ut quixtakla xbutꞌbal li trigo saꞌ eb lix coxtal. Ut saꞌ li junju̱nk chi coxtal quixkꞌajsi li tumin li queꞌxtoj cuiꞌ li trigo. Ut quixqꞌueheb ajcuiꞌ xtzacae̱mk re nak teꞌcuaꞌak saꞌ be. Joꞌcan quixba̱nu reheb.

1 Samuel 26:11

Li Ka̱cuaꞌ Dios taxak chitenkꞌa̱nk cue re nak incꞌaꞌ tinba̱nu raylal re li sicꞌbil ru xban li Dios. Anakcuan takacꞌam chikix lix la̱ns li cuan saꞌ xjolom ut takacꞌam ajcuiꞌ lix su li cuan haꞌ chi saꞌ, chan laj David.

Proverbios 28:10

Li ani nequeꞌqꞌuehoc reheb li ti̱queb xchꞌo̱l chi tꞌanecꞌ, aꞌaneb ajcuiꞌ teꞌtꞌanekꞌ saꞌ lix raꞌaleb. Abanan eb li ti̱queb xchꞌo̱l, eb aꞌan teꞌxcꞌul lix kꞌajca̱munquileb.

Gálatas 3:14

Li Jesucristo quixtoj rix li kama̱c nak quicam chiru li cruz re nak saꞌ xcꞌabaꞌ aꞌan li ma̱cuaꞌeb aj judío teꞌxcꞌul li rosobtesinquil riqꞌuin li Dios joꞌ li quixcꞌul laj Abraham ut re ajcuiꞌ nak riqꞌuin xpa̱banquil li Jesucristo takacꞌul li Santil Musikꞌej li quiyechiꞌi̱c ke xban li Dios.

Hebreos 12:17

La̱ex nequenau nak mokon quixrahi raj cuiꞌchic xcꞌulbal li rosobtesinquil laj Esaú riqꞌuin lix yucuaꞌ. Abanan incꞌaꞌ chic quiru xban nak ac quixtzꞌekta̱na. Ta̱ya̱bak nak quixtzꞌa̱ma cuiꞌchic, aban incꞌaꞌ chic quiru. Ma̱cꞌaꞌ chic xjalenquil.