1 Pedro 3:7 - Li Santil hu

⁷ Ut la̱ex be̱lomej, chexcua̱nk saꞌ xya̱lal riqꞌuineb le̱ rixakil. Che-oxlokꞌiheb. La̱ex nequenau nak eb li ixk kꞌuneb xchꞌo̱l ut ma̱cꞌaꞌeb xmetzꞌe̱uheb joꞌeb li cui̱nk. La̱ex te̱cꞌul le̱ ma̱tan xban rusilal li Dios. Joꞌcan ajcuiꞌ eb li ixk, teꞌxcꞌul ajcuiꞌ lix ma̱taneb. Ut li ma̱tan li te̱cꞌul, aꞌan li yuꞌam chi junelic. Cui te̱ba̱nu aꞌin, ma̱cꞌaꞌ ta̱chꞌaꞌajqui̱nk e̱re nak textijok.

Q'eqchi Bible

⁷ Jo'kan ajwi' laa'ex b'eelomej, chexwanq sa' xyaalal rik'in leerixaqil, xb'aan naq q'axal q'uneb' chik xch'ool cheru laa'ex. Cheroxloq'iheb' xb'aan naq te'xmaatani li Yu'am, kama' ajwi' teereechani laa'ex. Wi teeb'aanu a'in, maak'a' k'aru taat'iloq eere sa' leetij.

1 Pedro 3:7 ပူးပေါင်းရင်းမြစ်များ

Colosenses 3:19

Ut la̱ex be̱lomej, cherahak le̱ rixakil ut mexjoskꞌoꞌ riqꞌuineb.

Efesios 5:33

Joꞌcan nak tinye cuiꞌchic e̱re nak li be̱lomej chixrahak li rixakil joꞌ nak naxra rib aꞌan. Ut li ixakilbej chix-oxlokꞌi lix be̱lom.

1 Corintios 7:3

Tento nak li cui̱nk ta̱cua̱nk riqꞌuin li rixakil ut li ixk ta̱cua̱nk riqꞌuin lix be̱lom joꞌ nequeꞌraj chi ribileb rib.

San Mateo 18:19

Tinye e̱re cui cuan cuibak saꞌ e̱ya̱nk teꞌxcꞌu̱b ru saꞌ cuibal chirix cꞌaꞌru teꞌtijok cuiꞌ, ut teꞌxtzꞌa̱ma chiru lin Yucuaꞌ cuan saꞌ choxa, li cꞌaꞌru teꞌxtzꞌa̱ma ta̱qꞌuehekꞌ reheb.

1 Ts 4:4

Eb laj pa̱banel tento nak teꞌsumla̱k saꞌ xya̱lal ut cheꞌxnauhak cua̱nc saꞌ ti̱quilal chi ribileb rib ut teꞌxqꞌue xlokꞌal chi ribileb rib.

Efesios 6:18

Ut yoꞌon cua̱nkex. Junelic chextijok joꞌ naxcꞌut che̱ru li Santil Musikꞌej. Junelic chextzꞌa̱ma̱nk chiru chi anchal e̱chꞌo̱l nak li Dios ta̱tenkꞌa̱nk e̱re. Ut chetzꞌa̱ma chiru nak tixtenkꞌaheb chixjunileb li ralal xcꞌajol li Dios.

Efesios 3:6

Li xya̱lal li naꞌleb li mukmu nak quicuan chak junxil, aꞌan aꞌin: nak la̱ex li ma̱cuaꞌex aj judío, textzꞌako̱nk li colba-ib li naxqꞌue li Dios kochben la̱o aj judío. La̱ex ralal xcꞌajolex ajcuiꞌ li Dios ut textzꞌako̱nk ajcuiꞌ riqꞌuin li yechiꞌinbil ke xban li Dios xban nak colbilex chic saꞌ xcꞌabaꞌ li Cristo.

Li xHu LAJ JOB 42:8

Anakcuan te̱cꞌam cuukub li toro ut cuukub li carner te̱lom ut texxic riqꞌuin laj Job, laj cꞌanjel chicuu re nak aꞌan ta̱mayejak saꞌ e̱cꞌabaꞌ la̱ex. Laj Job ta̱tijok che̱rix ut la̱in tincuabi lix tij. Ma̱cꞌaꞌ tinba̱nu e̱re usta e̱cꞌulub xtojbal rix le̱ ma̱c xban nak incꞌaꞌ xeye li ya̱l chicuix joꞌ xba̱nu laj Job, chan li Dios.

Tito 3:7

Joꞌcaꞌin quixba̱nu re nak ta̱ti̱cokꞌ li kachꞌo̱l xban xnimal rusilal li Dios ut take̱chani li junelic yuꞌam li yo̱co chiroybeninquil.

Efesios 4:30

Me̱ba̱nu chic li incꞌaꞌ us re nak incꞌaꞌ ta̱rahokꞌ xchꞌo̱l li Santil Musikꞌej e̱ban. Li Dios quixqꞌue e̱re li Santil Musikꞌej chokꞌ e̱retalil nak rehex chic aꞌan toj saꞌ li cutan nak tixtzꞌakobresi le̱ colbal.

Hebreos 1:14

Incꞌaꞌ quixye aꞌan reheb li ángel xban nak li ángel yal musikꞌejeb chi cꞌanjelac chiru li Dios. Li Dios nataklan chak reheb chixtenkꞌanquileb li teꞌe̱chani̱nk re li colba-ib.

1 Pedro 3:1

La̱ex ixakilbej chex-abi̱nk chiru le̱ be̱lom. Cui cuanqueb li be̱lomej li incꞌaꞌ nequeꞌxpa̱b li ra̱tin li Dios, aꞌan teꞌxqꞌue retal le̱ cha̱bilal ut teꞌxpa̱b ajcuiꞌ li Dios eb aꞌan. Kꞌaxal us xcꞌutbal li cha̱bilal chiru xchꞌolobanquil xya̱lal riqꞌuin a̱tin.