1 Pedro 3:4 - Li Santil hu

⁴ Li tzꞌakal xchꞌinaꞌusal li junju̱nk, aꞌan lix ti̱quilal xchꞌo̱l ut lix tu̱lanil. Aꞌan incꞌaꞌ na-osoꞌ. Li ti̱quil chꞌo̱lej ut li tu̱lanil, aꞌaneb li kꞌaxal lokꞌ chiru li Dios.

Q'eqchi Bible

⁴ Chiwanq b'an leech'ina'usal sa' xchamal leech'ool, a' li wank sa' q'unil ut tuqtuukil ch'oolejil li ink'a' na'oso'k; a'an q'axal loq' chiru li Yos.

1 Pedro 3:4 ပူးပေါင်းရင်းမြစ်များ

Colosenses 3:12

Li Dios kꞌaxal nequexra ut quixsicꞌ e̱ru chokꞌ ralal xcꞌajol. Joꞌcan nak chexcua̱nk saꞌ ti̱quilal. Chetokꞌoba ruheb le̱ ras e̱ri̱tzꞌin ut chetenkꞌaheb. Me̱kꞌetkꞌeti e̱rib. Chexcua̱nk saꞌ tu̱lanil ut checuyak li raylal.

1 Samuel 16:7

Ut li Dios quixye re: —Ma̱cuaꞌ li riloba̱l ta̱qꞌue retal, chi moco lix najtil rok. Aꞌan ma̱cuaꞌ li sicꞌbil ru inban. La̱in ma̱cuaꞌ riqꞌuin li riloba̱l ninsicꞌ ruheb joꞌ nequeꞌxba̱nu li cui̱nk. Li cui̱nk naril chanru na-iloc junak. Abanan la̱in nacuil chanru lix naꞌleb, chan li Dios.

Romanos 2:29

Li tzꞌakal aj judío naxpa̱b chi tzꞌakal lix chakꞌrab li Dios. Ut li tzꞌakal circuncisión incꞌaꞌ nacꞌulman riqꞌuin xba̱nunquil li chakꞌrab. Aꞌan ban li naxba̱nu li Santil Musikꞌej saꞌ li ra̱m li junju̱nk. Ut lix lokꞌal laj pa̱banel incꞌaꞌ naqꞌueheꞌ xbaneb li cui̱nk. Li Dios ban naqꞌuehoc xlokꞌal.

San Mateo 11:29

Cꞌulumak li yugo li tinqꞌue saꞌ e̱be̱n ut tzolomak e̱rib cuiqꞌuin xban nak tu̱lanin ut kꞌun inchꞌo̱l ut te̱tau xcꞌojobanquil e̱chꞌo̱l,

Tito 3:2

Ut chaye ajcuiꞌ reheb nak incꞌaꞌ teꞌxyoꞌob a̱tin chirixeb li ras ri̱tzꞌin ut incꞌaꞌ teꞌcuechꞌi̱nk. Kꞌunakeb ban xchꞌo̱l ut cha̱bilakeb. Ut cheꞌcua̱nk saꞌ usilal riqꞌuineb chixjunileb li ras ri̱tzꞌin.

San Mateo 23:26

Ex mutzꞌ aj fariseo, chꞌajomak xbe̱n cua lix saꞌ le̱ secꞌ ut le̱ plato re nak chꞌajbilak ajcuiꞌ li rix.

Romanos 7:22

Nasahoꞌ saꞌ lin chꞌo̱l riqꞌuin lix chakꞌrab li Dios ut aꞌan li nacuaj xba̱nunquil.

2 Corintios 4:16

Joꞌcan nak incꞌaꞌ nachꞌinan kachꞌo̱l. Li katibel yo̱ chi lajc, yo̱ chi osocꞌ. Abanan li ka̱m acꞌobresinbil rajlal cutan xban li Dios.

1 Ts 4:11

Cheqꞌuehak e̱chꞌo̱l chi cua̱nc saꞌ xya̱lal. Me̱chꞌiꞌchꞌiꞌi li ani cuan cꞌaꞌru re. Chexcꞌanjelak re nak ta̱cua̱nk cꞌaꞌru e̱re re xnumsinquil li cutan junju̱nk joꞌ xexkatakla cuiꞌ.

Efesios 4:2

Checubsihak e̱rib ut chexcua̱nk saꞌ tu̱lanil ut cha̱bilakex. Checuyak e̱rib chi ribil e̱rib ut cherahak e̱rib chiribil e̱rib.

1 Pedro 3:15

Cheqꞌuehak ban xlokꞌal li Ka̱cuaꞌ Jesucristo chi anchal e̱chꞌo̱l ut chekꞌaxtesihak e̱rib saꞌ rukꞌ. Chenauhak xsumenquil li teꞌraj patzꞌoc e̱re chirix le̱ pa̱ba̱l. Ac cua̱nk saꞌ le̱ chꞌo̱l cꞌaꞌru te̱sumeheb cuiꞌ. Ut chesumehakeb saꞌ xya̱lal ut saꞌ tu̱lanil.

1 Timoteo 2:2

Chextijok chirixeb li rey ut chixjunileb li cuanqueb saꞌ xcuanquil re nak cua̱nko saꞌ xya̱lal ut tuktu̱k kachꞌo̱l. Ut ma̱cꞌaꞌ taxak ta̱chꞌiꞌchꞌiꞌi̱nk ke saꞌ li kapa̱ba̱l ut ti̱cak taxak li kachꞌo̱l.

San Lucas 11:40

La̱ex ma̱cꞌaꞌ e̱naꞌleb. ¿Ma incꞌaꞌ nequenau nak li ani quiyoꞌobtesin re li rix, aꞌan ajcuiꞌ li quiyoꞌobtesin re lix saꞌ?

Isaías 61:1

Lix musikꞌ li nimajcual Dios cuan cuiqꞌuin. Li Dios quixsicꞌ cuu ut quinixtakla chixyebal li cha̱bil esil reheb li rahobtesinbileb. Quinixtakla chixtenkꞌanquileb li cuanqueb saꞌ raylal. Quinixtakla chixcolbaleb li cuanqueb chi pre̱xil joꞌqueb ajcuiꞌ li cuanqueb saꞌ tzꞌalam.

Isaías 57:15

Quixye ajcuiꞌ li santil Dios li nim xcuanquil ut yoꞌyo chi junelic: —La̱in nincuan saꞌ jun li Santil Naꞌajej li cuan takecꞌ. Ut nincuan ajcuiꞌ riqꞌuineb li tu̱laneb ut eb li nequeꞌxcubsi ribeb. La̱in ninqꞌue xcacuilal xchꞌo̱leb li nequeꞌxcubsi ribeb ut ninqꞌue ajcuiꞌ xcacuilal xchꞌo̱leb li nequeꞌyotꞌeꞌ xchꞌo̱l.

Salmos 25:9

Naxberesiheb li tu̱laneb ut naxcꞌut lix ya̱lal chiruheb. Aꞌan naxcꞌut chiruheb li cꞌaꞌru naraj teꞌxba̱nu.

Santiago 1:21

Joꞌcan ut nak checanabak xba̱nunquil li cꞌaꞌru incꞌaꞌ us ut chixjunil li ma̱usilal. Ut checꞌulak saꞌ xya̱lal li ra̱tin li Dios li qꞌuebil e̱re. Chicana̱k saꞌ e̱chꞌo̱l xban nak li ra̱tin cuan xcuanquil re e̱colbal.

2 Timoteo 2:25

Ut saꞌ tu̱lanil chixchꞌolobak xya̱lal reheb li nequeꞌcuechꞌin rix lix ya̱lal. Ma̱re chan nak li Dios ta̱tenkꞌa̱nk reheb chixyotꞌbal xchꞌo̱leb, chixjalbal xcꞌaꞌuxeb re teꞌxnau ru li ya̱l.

2 Ts 3:12

Saꞌ xcꞌabaꞌ li Ka̱cuaꞌ Jesucristo, ninye reheb li incꞌaꞌ nequeꞌraj trabajic nak tento teꞌtrabajik saꞌ xya̱lal re nak ta̱cua̱nk cꞌaꞌru reheb re xnumsinquil li cutan junju̱nk.

San Mateo 5:5

Us xak reheb li tu̱laneb xban nak eb aꞌan teꞌe̱chani̱nk re li naꞌajej li yechiꞌinbil reheb xban li Dios.

Isaías 29:19

Ut eb li tu̱laneb teꞌsahokꞌ cuiꞌchic xchꞌo̱l riqꞌuin li Ka̱cuaꞌ. Eb li nebaꞌ teꞌsahokꞌ xchꞌo̱l riqꞌuin li Ka̱cuaꞌ lix Dios Santo laj Israel.

Salmos 149:4

Li Ka̱cuaꞌ sa saꞌ xchꞌo̱l riqꞌuineb lix tenamit ut naxqꞌueheb xlokꞌal li tu̱laneb.

Salmos 147:6

Li Ka̱cuaꞌ naxqꞌue xlokꞌal li ma̱cꞌaꞌeb xlokꞌal ut narisi chi junaj cua lix cuanquileb li incꞌaꞌ useb xnaꞌleb.

Romanos 6:6

Nakanau nak li kanajter naꞌleb quiqꞌueheꞌ chiru cruz rochben li Cristo. Naraj naxye nak quisacheꞌ xcuanquil li kanajter naꞌleb nak quicam li Cristo. Ut anakcuan incꞌaꞌ chic cuanco rubel xcuanquil li ma̱c joꞌ nak xocuan chak junxil nak xkacꞌanjela chak ru li ma̱c.

San Lucas 16:15

Ut li Jesús quixye reheb: —La̱ex nequeti̱cobresi e̱chꞌo̱l e̱junes chiruheb li tenamit. Abanan li Dios naxnau chanru le̱ naꞌleb. Li cꞌaꞌru kꞌaxal lokꞌ chiruheb li cui̱nk saꞌ ruchichꞌochꞌ, aꞌan tzꞌekta̱nanbil xban li Dios.

Salmos 51:6

La̱at nacuulac cha̱cuu li ti̱quil chꞌo̱lej ut nacacutanobresi lin cꞌaꞌux.

Salmos 45:13

Cꞌajoꞌ xchꞌinaꞌusal li reina li ta̱sumla̱k riqꞌuin li rey. Xrabin jun chic li rey. Junes oro lix sahob ru li rakꞌ.

1 Pedro 1:23

La̱ex yoꞌlajenakex chic xcaꞌ cua chi acꞌ chic le̱ yuꞌam. Li yuꞌam aꞌin ma̱cuaꞌ xqꞌuehom le̱ naꞌ e̱yucuaꞌ. Li yuꞌam aꞌan na-osoꞌ. Abanan li acꞌ yuꞌam natauman riqꞌuin xpa̱banquil ra̱tin li Dios. Yoꞌyo ut cuan chi junelic.

Colosenses 3:3

Lix ma̱usilal li ruchichꞌochꞌ ma̱cꞌaꞌ chic xcuanquil saꞌ e̱be̱n. Chanchan camenakex chiru. Ac colbilex chic chiru li ma̱usilal xban nak junajex chic riqꞌuin li Cristo, ut li Cristo junaj riqꞌuin li Dios.

Gálatas 5:23

tu̱lanil ut cuyuc ib. Ma̱cꞌaꞌ junak chakꞌrab naxye nak incꞌaꞌ us xba̱nunquil aꞌin.

Salmos 131:2

Relic chi ya̱l la̱in cuanquin saꞌ xya̱lal ut cꞌojcꞌo inchꞌo̱l. Chanchanin jun li cꞌulaꞌal toj xrakeꞌ chi tuꞌuc ut cꞌojcꞌo chic xchꞌo̱l.

2 Corintios 10:1

Anakcuan cuan cꞌaꞌak re ru nacuaj xyebal e̱re chirixeb li nequeꞌa̱tinac chicuix. Cuan li nequeꞌyehoc chi joꞌcaꞌin: Laj Pablo tu̱lan nak cuan e̱riqꞌuin; abanan nak ma̱ ani saꞌ e̱ya̱nk jalan chic lix naꞌleb ut nak natzꞌi̱bac chak e̱riqꞌuin, kꞌaxal cau naa̱tinac, chanqueb chicuix. Ut la̱in nintzꞌa̱ma che̱ru nak chexcꞌoxlak bayak chirix li Jesucristo. Aꞌan tu̱lan ut kꞌun xchꞌo̱l.

San Mateo 21:5

Ye reheb li tenamit aj Sión: —Cueꞌ chak le̱ Rey xchal e̱riqꞌuin. Tu̱lan ut cꞌojcꞌo chak chirix jun li bu̱r. Chirix jun chꞌina ral bu̱r xcomon li nequeꞌi̱kan yo̱ chak chi cha̱lc.— (Zac. 9:9; Isa. 62:11)

Isaías 11:4

Ta̱rakok ban a̱tin riqꞌuin ti̱quilal saꞌ xbe̱neb li nebaꞌ ut ta̱oque̱nk chirix li tenkꞌa̱c teꞌraj. Riqꞌuin li a̱tin na-el chi xtzꞌu̱mal re tixqꞌueheb chixtojbal xma̱queb li nequeꞌrahobtesin ut tixteneb ca̱mc saꞌ xbe̱neb li nequeꞌba̱nun ma̱usilal.

Jeremías 51:59

Saꞌ li xca̱ chihab roquic chokꞌ xreyeb laj Israel laj Sedequías, nak li profeta Jeremías quia̱tinac riqꞌuin laj Seraías, li ralal laj Nerías, ut li ri laj Maasías. Laj Seraías quirochbeni li rey Sedequías nak co̱ Babilonia. Aꞌan li na-iloc re li rey.

Romanos 1:23

Incꞌaꞌ nequeꞌxlokꞌoni li yoꞌyo̱quil Dios. Aꞌ chic lix jalam u̱ch li cui̱nk li nacam, aꞌan chic nequeꞌxlokꞌoni. Ut lix jalam u̱ch li xul nequeꞌxqꞌue chokꞌ xdioseb joꞌ li xul li nequeꞌrupupic ut li xul li nequeꞌbe̱c, joꞌqueb ajcuiꞌ li nequeꞌxjucuqui rib chiru chꞌochꞌ.