1 Pedro 3:3 - Li Santil hu

³ Mixic e̱chꞌo̱l riqꞌuin xtikibanquil e̱rib. Me̱sicꞌ le̱ chꞌinaꞌusal yal riqꞌuin xcha̱bilal le̱ rakꞌ. Li tzꞌakal chꞌinaꞌusal ma̱cuaꞌ riqꞌuin xyi̱banquil le̱ rismal chi kꞌaxal chꞌinaꞌus chi moco riqꞌuin rocsinquil li oro.

Q'eqchi Bible

³ Moko cherix ta chiwanq li xsahob' eeru, jo' rik'in xt'e'b'al leerismal chi chaab'il, rik'in roksinkil li oor malaj ut rik'in leetiqib'ankil.

1 Pedro 3:3 ပူးပေါင်းရင်းမြစ်များ

Romanos 12:2

Me̱ba̱nu chic joꞌ nequeꞌxba̱nu li toj ma̱jiꞌ nequeꞌpa̱ban. Kꞌaxtesihomak ban e̱rib rubel rok rukꞌ li Dios re nak aꞌan tix-acꞌobresi le̱ chꞌo̱l ut le̱ cꞌaꞌux, ut te̱nau chic li cꞌaꞌru naraj li Dios. Chexcua̱nk saꞌ cha̱bilal, ut chi tzꞌakalak re ru le̱ yuꞌam re nak sahak xchꞌo̱l li Dios e̱riqꞌuin.

Isaías 61:10

Cꞌajoꞌ xsahil saꞌ xchꞌo̱leb laj Jerusalén xban li cꞌaꞌru quixba̱nu li Ka̱cuaꞌ. Xcoleb ut xqꞌueheb xti̱quilal xchꞌo̱leb. Chanchan jun li cui̱nk xtikib rib chi us re ta̱sumla̱k ut chanchan li ixk li naxtikib rib chi cha̱bil nak ta̱xic chi sumla̱c.

Jeremías 4:30

La̱ex aj Jerusalén, raylal ta̱cha̱lk saꞌ e̱be̱n. ¿Cꞌaꞌut nak nequetikib e̱rib riqꞌuin li caki akꞌ? ¿Cꞌaꞌut nak nequerocsi li oro chokꞌ xsahob e̱ru? ¿Cꞌaꞌut nak nequebon li xnakꞌ e̱ru? Ma̱cꞌaꞌ rajbal nak nequeyi̱b e̱rib chi chꞌinaꞌus. Eb li queꞌrahoc e̱re xextzꞌekta̱na ut teꞌraj e̱camsinquil.

Jeremías 2:32

¿Ma naxtzꞌekta̱na ta biꞌ lix kꞌol junak li sa̱j ixk? ¿Ma naxtzꞌekta̱na ta biꞌ lix sahob ru junak li tukꞌ ixk li oc re chi sumla̱c? Abanan, la̱ex lin tenamit junxil nequex-oc chintzꞌekta̱nanquil.

Isaías 52:1

Chi-ajk e̱ru la̱ex li cuanquex Sión. Cacuubresihomak e̱chꞌo̱l. Qꞌuehomak le̱ cha̱bil akꞌ che̱rix xban nak eb li incꞌaꞌ useb xnaꞌleb li ma̱jiꞌ nequeꞌxcꞌul li circuncisión, incꞌaꞌ chic teꞌoc saꞌ li santil tenamit Jerusalén.

Éxodo 33:4

Nak queꞌrabi nak li Dios quia̱tinac riqꞌuin cacuil a̱tin, queꞌrahoꞌ xchꞌo̱leb li tenamit. Ut incꞌaꞌ chic queꞌrocsi lix sahob ru li rakꞌeb.

Génesis 24:53

Tojoꞌnak quixkꞌaxtesi nabal lix ma̱tan lix Rebeca. Quixqꞌue li rakꞌ, quixqꞌue lix plata joꞌ ajcuiꞌ lix oro. Lix naꞌ ut li ras lix Rebeca queꞌxcꞌul ajcuiꞌ nabal lix ma̱tan terto xtzꞌak.

Génesis 24:47

Ut la̱in xinpatzꞌ re, “¿Ani la̱ yucuaꞌ?” Ut aꞌan xye cue, “La̱in lix rabin laj Betuel. Lin yucuaꞌ, aꞌan li ralal laj Nacor riqꞌuin lix Milca,” chan. La̱in xinqꞌue re lix sahob ru li ruꞌuj. Ut xinqꞌue ajcuiꞌ lix sahob ru lix cux rukꞌ.

Génesis 24:22

Nak queꞌrakeꞌ chi ucꞌac eb li camellos, lix mo̱s laj Abraham quixkꞌaxtesi lix ma̱tan lix Rebeca. Quixqꞌue jun lix sahob ru li ruꞌuj tzꞌakal oro caꞌchꞌin chic ma̱ mero onza li ra̱lal ut quixqꞌue ajcuiꞌ cuib xsahob ru lix cux rukꞌ oro numenak ca̱hib onza li ra̱lal.

Salmos 45:9

Saꞌ la̱ palacio cuanqueb lix rabineb li reyes. Li reina cuan saꞌ la̱ nim ukꞌ ut lix sahob ru li rakꞌ, aꞌan li oro li tzꞌakal cha̱bil li nachal saꞌ li tenamit Ofir.

Éxodo 38:8

Riqꞌuin li lem bronce li quicꞌanjelac chiruheb li ixk li queꞌcꞌanjelac chire li oqueba̱l re li tabernáculo, queꞌxyi̱b jun li pila xnaꞌaj li haꞌ joꞌ ajcuiꞌ lix naꞌaj li teꞌxqꞌue cuiꞌ.

Éxodo 32:2

Ut laj Aarón quixye reheb: —Isihomakeb lix caꞌxic oro le̱ rixakil, le̱ ralal joꞌ eb ajcuiꞌ le̱ rabin ut cꞌamomak chak cue arin, chan.

Ezequiel 23:40

Queꞌxtakla xtakleb saꞌ najtil tenamit chixbokbaleb li cui̱nk. Ut eb li cuib chi ixk, li ri̱tzꞌineb rib, queꞌatin ut queꞌxbon li xnakꞌeb ru. Queꞌxtikib rib chi cha̱bil ut queꞌxqꞌue lix sahob ru.

Ester 5:1

Nak ac xnumeꞌ li oxib cutan, lix Ester quixtikib rib chi cha̱bil joꞌ xcꞌulub xban nak aꞌan li reina. Qui-oc saꞌ li rochoch li rey ut quixakli saꞌ li oqueba̱l re li naꞌajej chunchu cuiꞌ li rey saꞌ lix cꞌojariba̱l. Lix cꞌojariba̱l na-iloc bar cuan cuiꞌ li puerta.

Éxodo 35:22

Queꞌcuulac li cui̱nk joꞌ ajcuiꞌ li ixk ut queꞌxcꞌam lix mayejeb li joꞌ qꞌuial qui-ala saꞌ xchꞌo̱leb xqꞌuebal. Ut chi anchal xchꞌo̱leb queꞌxqꞌue lix kꞌoleb ut lix caꞌxiqueb ut lix matkꞌabeb joꞌ ajcuiꞌ li cadeneb li nequeꞌxqꞌue chi rukꞌeb joꞌ ajcuiꞌ li terto̱quil pec. Ut chixjunileb queꞌxmayeja chiru li Ka̱cuaꞌ li cꞌaꞌak re ru yi̱banbil riqꞌuin oro.

Éxodo 3:22

Chixjunileb li ixk aj Israel teꞌxtzꞌa̱ma li cꞌaꞌak re ru yi̱banbil riqꞌuin oro ut plata riqꞌuineb li rechcabal joꞌ ajcuiꞌ riqꞌuineb li ani teꞌhila̱nk riqꞌuineb. Teꞌxtzꞌa̱ma ajcuiꞌ li cha̱bil akꞌej ut te̱qꞌueheb chirixeb le̱ ralal e̱cꞌajol. Chi joꞌcaꞌin ta̱makꞌma̱nk lix biomaleb laj Egipto, chan li Dios.

2 Reyes 9:30

Chirix chic aꞌan laj Jehú quisukꞌi Jezreel ut lix Jezabel quirabi resil. Quixbon li ru ut quixyi̱b chi us li rismal ut quixxakab rib chi iloc saꞌ ventana.

1 Pedro 3:2

Ma̱re teꞌpa̱ba̱nk le̱ be̱lom nak teꞌxqꞌue retal nak neque-oxlokꞌiheb ut cha̱bil e̱naꞌleb.