1 Pedro 3:2 - Li Santil hu

² Ma̱re teꞌpa̱ba̱nk le̱ be̱lom nak teꞌxqꞌue retal nak neque-oxlokꞌiheb ut cha̱bil e̱naꞌleb.

Q'eqchi Bible

² rik'in xk'eeb'al reetal li xchaab'ilal leeyu'am, k'ajo'aq xtuulanil leech'ool.

1 Pedro 3:2 ပူးပေါင်းရင်းမြစ်များ

1 Pedro 2:12

Cha̱bilak taxak le̱ naꞌleb chiruheb li ma̱jiꞌ nequeꞌpa̱ban. Usta yo̱keb chixyebal nak incꞌaꞌ us le̱ naꞌleb, aban cui te̱ba̱nu li us, teꞌxqꞌue retal ut teꞌxnima xlokꞌal li Dios nak ta̱cuulak xkꞌehil li rakba a̱tin.

1 Pedro 1:15

Aban ti̱cak taxak le̱ chꞌo̱l ut cha̱bilak taxak le̱ yehom e̱ba̱nuhom xban nak ti̱c xchꞌo̱l li Dios li quisicꞌoc e̱ru chokꞌ ralal xcꞌajol.

Filipenses 1:27

Li kꞌaxal lokꞌ xba̱nunquil, aꞌan aꞌin: Chexcua̱nk saꞌ xya̱lal riqꞌuineb le̱ ras e̱ri̱tzꞌin joꞌ e̱cꞌulub xban nak la̱ex ac xepa̱b li Jesucristo. Usta cuanquin e̱riqꞌuin, usta ma̱ anihin, nacuaj rabinquil resil nak cau e̱chꞌo̱l saꞌ le̱ pa̱ba̱l. Ut nacuaj ajcuiꞌ rabinquil nak junaj le̱ chꞌo̱l ut junaj e̱cꞌaꞌux chixyebal resil li colba-ib saꞌ xcꞌabaꞌ li Jesucristo.

2 Pedro 3:11

Xban nak chixjunil li cꞌaꞌak re ru telajeꞌosokꞌ, joꞌcan nak chikaqꞌue kachꞌo̱l chi cua̱nc saꞌ li ti̱quilal. Chikacꞌoxlahak li Ka̱cuaꞌ Dios.

Efesios 5:33

Joꞌcan nak tinye cuiꞌchic e̱re nak li be̱lomej chixrahak li rixakil joꞌ nak naxra rib aꞌan. Ut li ixakilbej chix-oxlokꞌi lix be̱lom.

Colosenses 3:22

Ex aj cꞌanjel, junelic chexpa̱ba̱nk chiruheb le̱ patrón. Chanru nak nequexcꞌanjelac nak yo̱ che̱rilbal le̱ patrón, joꞌcan ajcuiꞌ texcꞌanjelak nak incꞌaꞌ yo̱ che̱rilbal. Mexcꞌanjelac re xnimobresinquil e̱rib. Chexcꞌanjelak ban chi anchal le̱ chꞌo̱l xban nak la̱ex nequera li Ka̱cuaꞌ Dios.

Filipenses 3:20

Abanan la̱o nococꞌoxlac chirix li cuan saꞌ choxa xban nak la̱o reho chic li tzꞌakal Dios ut yo̱co chiroybeninquil nak tol-e̱lk cuiꞌchic li Ka̱cuaꞌ Jesucristo laj Colol ke.

Efesios 6:5

Ex aj cꞌanjel, chex-abi̱nk chiruheb le̱ patrón arin saꞌ ruchichꞌochꞌ. Chexcꞌanjelak chiruheb chi anchal e̱chꞌo̱l ut saꞌ xya̱lal joꞌ nak nequexcꞌanjelac chiru li Cristo.

1 Timoteo 4:12

Ut la̱at, at Timoteo, chatcua̱nk saꞌ xya̱lal ut chat-a̱tinak saꞌ xya̱lal. Charaheb la̱ cuas a̱cui̱tzꞌin. Cauhak taxak a̱chꞌo̱l saꞌ la̱ pa̱ba̱l ut ti̱cak taxak la̱ yuꞌam. Joꞌcan taxak ta̱ba̱nu re nak ma̱ ani chitzꞌekta̱na̱nk a̱cue xban la̱ sa̱jilal. Cheꞌxtzol ban ribeb a̱cuiqꞌuin xban nak yo̱kat chixcꞌambaleb xbe saꞌ ti̱quilal.

1 Pedro 3:1

La̱ex ixakilbej chex-abi̱nk chiru le̱ be̱lom. Cui cuanqueb li be̱lomej li incꞌaꞌ nequeꞌxpa̱b li ra̱tin li Dios, aꞌan teꞌxqꞌue retal le̱ cha̱bilal ut teꞌxpa̱b ajcuiꞌ li Dios eb aꞌan. Kꞌaxal us xcꞌutbal li cha̱bilal chiru xchꞌolobanquil xya̱lal riqꞌuin a̱tin.

1 Pedro 3:3

Mixic e̱chꞌo̱l riqꞌuin xtikibanquil e̱rib. Me̱sicꞌ le̱ chꞌinaꞌusal yal riqꞌuin xcha̱bilal le̱ rakꞌ. Li tzꞌakal chꞌinaꞌusal ma̱cuaꞌ riqꞌuin xyi̱banquil le̱ rismal chi kꞌaxal chꞌinaꞌus chi moco riqꞌuin rocsinquil li oro.