1 Pedro 3:11 - Li Santil hu

¹¹ Joꞌcan nak checanabak xba̱nunquil li incꞌaꞌ us. Cheba̱nuhak ban li us, joꞌ naraj li Dios. Ut cheqꞌuehak e̱chꞌo̱l chi cua̱nc saꞌ tuktu̱quil usilal ut incꞌaꞌ chic texpletik.

Q'eqchi Bible

¹¹ chixjachaq rib' rik'in li ink'a' us ut chixb'aanuuq li us, chixsik'aq li tuqtuukil usilal ut chixtaaqehaq chi junelik.

1 Pedro 3:11 ပူးပေါင်းရင်းမြစ်များ

San Mateo 5:9

Us xak reheb li nequeꞌxtenkꞌa ras ri̱tzꞌin chi cua̱nc saꞌ tuktu̱quil usilal xban nak eb aꞌan ralal xcꞌajol li Dios teꞌyehekꞌ reheb.

Salmos 34:14

Me̱ba̱nu chic li ma̱usilal. Cheba̱nuhak ban li us ut cheqꞌuehak e̱chꞌo̱l chi cua̱nc saꞌ tuktu̱quil usilal.

Hebreos 12:14

Chexcua̱nk saꞌ tuktu̱quil usilal riqꞌuineb le̱ ras e̱ri̱tzꞌin. Chexcua̱nk saꞌ ti̱quilal ut saꞌ santilal, xban nak cui ma̱cꞌaꞌ e̱santilal ma̱ jokꞌe te̱ril ru li Dios.

Romanos 14:19

Joꞌcan nak chikaqꞌuehak kachꞌo̱l chi cua̱nc saꞌ tuktu̱quil usilal riqꞌuineb li kas ki̱tzꞌin. Ut chikatenkꞌa kib chi kibil kib re nak toqꞌui̱k saꞌ li kapa̱ba̱l.

Colosenses 3:15

Junajakex taxak saꞌ le̱ pa̱ba̱l xban nak sicꞌbil e̱ru xban li Dios. Chicua̱nk li tuktu̱quilal saꞌ le̱ chꞌo̱l li naxqꞌue li Cristo re nak texcua̱nk saꞌ xya̱lal. Ut junelic chebantioxi chiru li Dios li usilal xba̱nu e̱re.

Romanos 14:17

Lix cuanquilal li Dios incꞌaꞌ nakatau riqꞌuin cꞌaꞌru nakatzaca chi moco riqꞌuin li cꞌaꞌru nakucꞌ; natauman ban riqꞌuin li ti̱quilal, li tuktu̱quil usilal ut li sahil chꞌo̱lejil li naxqꞌue ke li Santil Musikꞌej.

Romanos 12:18

Li joꞌ qꞌuial texru̱k chixba̱nunquil, cheba̱nuhak re nak texcua̱nk saꞌ usilal riqꞌuineb le̱ ras e̱ri̱tzꞌin.

3 Juan 1:11

At inherma̱n, ma̱tzol a̱cuib riqꞌuin li incꞌaꞌ us. Aꞌ ban li us ta̱ba̱nu. Li ani naba̱nun re li us, aꞌan ralal xcꞌajol li Dios. Ut li ani naxba̱nu li incꞌaꞌ us, toj ma̱jiꞌ naxpa̱b li Dios.

Santiago 4:17

Li naxnau xba̱nunquil li us, ut incꞌaꞌ naxba̱nu, aꞌan ma̱c naxba̱nu.

Hebreos 13:16

Misach saꞌ e̱chꞌo̱l xba̱nunquil li usilal ut xtenkꞌanquil e̱rib che̱ribil e̱rib xban nak aꞌan jun li mayej nacuulac chiru li Dios.

1 Timoteo 6:18

Chaye reheb nak cheꞌxba̱nu li us. Chinumta̱k lix cha̱bilaleb. Cheꞌxnauhak sihi̱nc chi nabal ut chi anchaleb xchꞌo̱l.

Gálatas 6:10

Joꞌcan ut chikaba̱nuhak usilal reheb chixjunileb li kas ki̱tzꞌin nak toj naru xba̱nunquil, ut kꞌaxal cuiꞌchic takaba̱nu reheb li kech aj pa̱banelil.

Gálatas 5:22

Abanan li cꞌaꞌru naxqꞌue li Santil Musikꞌej saꞌ li kayuꞌam, aꞌan li rahoc, sahil chꞌo̱lejil, tuktu̱quil usilal, cuyuc, cha̱bilal, usilal, ti̱quil chꞌo̱lej,

Romanos 8:6

Cui caꞌaj cuiꞌ li naxrahi ru li kachꞌo̱l nakacꞌoxla, aꞌan naxcꞌam chak li ca̱mc saꞌ kabe̱n. Cui nakaqꞌue kachꞌo̱l chixba̱nunquil li naraj li Santil Musikꞌej, aꞌan naxqꞌue ke li kayuꞌam chi junelic ut naxqꞌue ajcuiꞌ ke li tuktu̱quil usilal.

Romanos 7:21

Aꞌan aꞌin li nincꞌul: Nak nacuaj raj xba̱nunquil li us, aꞌ chic li incꞌaꞌ us li ninba̱nu.

Romanos 5:1

Joꞌcan ut nak ti̱cobresinbil chic li kachꞌo̱l chiru li Dios xban li kapa̱ba̱l, ut cuanco chic saꞌ usilal riqꞌuin li Dios xban li Ka̱cuaꞌ Jesucristo.

San Juan 17:15

Incꞌaꞌ yo̱quin chixtzꞌa̱manquil cha̱cuu nak ta̱cuisiheb lin tzolom saꞌ ruchichꞌochꞌ. Caꞌaj cuiꞌ yo̱quin chixtzꞌa̱manquil cha̱cuu nak ta̱coleb chiru laj tza.

San Mateo 6:13

Ut moa̱qꞌue taxak chi a̱le̱c. Choa̱col ban chiru li incꞌaꞌ us. A̱cue li nimajcual cuanquil, li lokꞌoni̱c ut li lokꞌal chi junelic kꞌe cutan. Joꞌcan taxak.

San Mateo 5:45

Cui te̱ba̱nu chi joꞌcan, la̱exak ralal xcꞌajol le̱ Yucuaꞌ cuan saꞌ choxa. Aꞌan naqꞌuehoc chak li sakꞌe saꞌ xbe̱neb li useb xnaꞌleb joꞌ ajcuiꞌ li incꞌaꞌ useb xnaꞌleb. Ut aꞌan ajcuiꞌ naqꞌuehoc chak li hab saꞌ xbe̱neb li ti̱queb xchꞌo̱l joꞌ ajcuiꞌ li incꞌaꞌ ti̱queb xchꞌo̱l.

Salmos 37:27

Canabomak xba̱nunquil li incꞌaꞌ us. Cheba̱nuhak ban li us. Ut ta̱cua̱nk jun e̱naꞌaj re texcua̱nk cuiꞌ chi junelic.

Romanos 7:19

La̱in nacuaj raj xba̱nunquil li us, aban incꞌaꞌ ninba̱nu. Aꞌ chic li ma̱usilal ninba̱nu, li incꞌaꞌ raj nacuaj xba̱nunquil.

San Lucas 6:35

Joꞌcan ut nak cherahakeb li ani xicꞌ nequeꞌiloc e̱re. Cheba̱nuhak usilal reheb. Ut cheqꞌuehak chi toꞌ re li cꞌaꞌru tixpatzꞌ e̱re chi incꞌaꞌ te̱roybeni re̱kaj. Cui te̱ba̱nu aꞌan, kꞌaxal nim le̱ kꞌajca̱munquil li ta̱qꞌuehekꞌ e̱re ut la̱exak li ralal xcꞌajol li nimajcual Dios. Aꞌan kꞌaxal nim xcuyum saꞌ xbe̱neb li incꞌaꞌ useb xnaꞌleb li incꞌaꞌ nequeꞌxnau bantioxi̱nc.

San Lucas 6:9

Li Jesús quixye reheb: —Cuan cꞌaꞌru nacuaj xpatzꞌbal e̱re. ¿Cꞌaꞌru us xba̱nunquil saꞌ li hiloba̱l cutan? ¿Ma naru xba̱nunquil li us malaj li incꞌaꞌ us? ¿Ma us xcolbal xyuꞌam junak malaj xsachbal? chan reheb.

San Lucas 1:79

Ut tixcutanobresi xcꞌaꞌuxeb li cuanqueb saꞌ xkꞌojyi̱nal ru li ma̱c, li ca̱mqueb re saꞌ li ma̱usilal. Ut aꞌan ta̱beresi̱nk ke saꞌ li tuktu̱quilal, chan laj Zacarías.

San Marcos 14:7

Li nebaꞌ junelic cuanqueb saꞌ e̱ya̱nk. Yalak jokꞌe naru te̱tenkꞌaheb. Abanan la̱in moco cua̱nkin ta junelic e̱riqꞌuin.

Proverbios 16:17

Li cꞌaꞌru nequeꞌxba̱nu li ti̱queb xchꞌo̱l, aꞌan xcanabanquil li ma̱usilal. Ut nequeꞌxqꞌue retal chi us li cꞌaꞌru nequeꞌxba̱nu re nak teꞌxcol rix lix yuꞌameb.

Proverbios 16:6

Riqꞌuin xba̱nunquil li ya̱l ut li cha̱bilal naru nacuyeꞌ li ma̱c. Ut riqꞌuin xqꞌuebal xlokꞌal li Ka̱cuaꞌ naru xcanabanquil li ma̱usilal.

Proverbios 3:7

Me̱cꞌoxla nak kꞌaxal cuan e̱naꞌleb e̱junes e̱rib. Chexucua̱k ban ru li Ka̱cuaꞌ ut canabomak xba̱nunquil li incꞌaꞌ us.

Salmos 125:4

At nimajcual Dios, chaba̱nu usilal reheb li nequeꞌxba̱nu li us. Chacuosobtesiheb li nequeꞌcuan saꞌ ti̱quilal.

Li xHu LAJ JOB 28:28

Ut quixye reheb li cristian, “Li ani cuan xnaꞌleb, aꞌan li nacꞌanjelac chicuu chi tzꞌakal. Ut li ani se̱b xchꞌo̱l, aꞌan li naxcanab xba̱nunquil li ma̱usilal,” chan li Dios.—

Li xHu LAJ JOB 2:3

Ut li Ka̱cuaꞌ Dios quixye re laj tza: —¿Ma incꞌaꞌ nacacuil laj Job laj cꞌanjel chicuu? Ma̱ ani chic junak cui̱nk joꞌ aꞌan saꞌ ruchichꞌochꞌ. Aꞌan tzꞌakal re ru lix yuꞌam ut ti̱c xchꞌo̱l. Aꞌan naxxucua cuu ut incꞌaꞌ naxba̱nu ma̱usilal. Usta la̱at xaye cue nak tincanab chixcꞌulbal li raylal re chi ma̱cꞌaꞌ rajbal, abanan laj Job toj cuan saꞌ ti̱quilal ut toj cau xchꞌo̱l cuiqꞌuin, chan li Dios.

Li xHu LAJ JOB 1:1

Quicuan jun li cui̱nk aj Job xcꞌabaꞌ saꞌ li naꞌajej Uz. Li cui̱nk aꞌin tzꞌakal re ru lix yuꞌam ut ti̱c xchꞌo̱l. Naxxucua ru li Dios ut incꞌaꞌ naxba̱nu li ma̱usilal.

1 Pedro 3:12

Li Ka̱cuaꞌ Dios narileb li ti̱queb xchꞌo̱l. Ut junelic narabiheb nak nequeꞌtijoc. Abanan yo̱ xjoskꞌil li Ka̱cuaꞌ saꞌ xbe̱neb li nequeꞌba̱nun re li ma̱usilal. (Sal. 34:12-16)

Jueces 11:14

Ut laj Jefté quixtakla cuiꞌchic xyebal re lix reyeb laj Amón: