1 Pedro 2:9 - Li Santil hu

⁹ La̱ex sicꞌbil e̱ru xban li Dios. Sicꞌbil e̱ru chi cꞌanjelac chiru li Dios joꞌ nak nequeꞌcꞌanjelac laj tij. La̱ex lix tenamit li Dios ut santobresinbilex. La̱ex chic ralal xcꞌajol li Dios. Sicꞌbil e̱ru chixyebal resil lix nimal xcuanquilal li Dios. Li Dios quexrisi saꞌ xkꞌojyi̱nal ru li ma̱c ut anakcuan cuanquex chic saꞌ xcutan xsaken.

Q'eqchi Bible

⁹ A'ut laa'ex sik'b'il eeru cho'q loq'laj iyaj, laa'ex aj tij sa' xk'anjel li nimajwal Rey, santil tenamitex; laa'ex jun tenamit b'oqb'il chi ok sa' li reechanihom li Yos re naq teepuktesi li xninqal ru xb'aanuhom Li kib'oqok chaq eere chi xkanab'ankil li aak'ab' re ok sa' li xchaq'alil ru saqenk.

1 Pedro 2:9 ပူးပေါင်းရင်းမြစ်များ

Deuteronomio 7:6

Te̱ba̱nu chi joꞌcan xban nak la̱ex jun xsantil tenamit li Ka̱cuaꞌ le̱ Dios. Li Ka̱cuaꞌ le̱ Dios quisicꞌoc e̱ru saꞌ xya̱nkeb chixjunileb li cuanqueb saꞌ ruchichꞌochꞌ re nak la̱exak lix tenamit. Ut kꞌaxal lokꞌex chiru li Dios.

Apocalipsis 1:6

Aꞌan naqꞌuehoc kacuanquil re tocꞌanjelak chokꞌ aj tij chiru li Acuabej Dios. Lokꞌoninbil taxak li Jesucristo. Nimanbilak taxak ru ut aꞌan taxak chicua̱nk xcuanquil saꞌ xbe̱n chixjunil chi junelic kꞌe cutan. Joꞌcan taxak.

Apocalipsis 5:10

Xaqꞌueheb xcuanquil chi cꞌanjelac chiru li kaDios joꞌ aj tij, ut ta̱qꞌueheb ajcuiꞌ chi takla̱nc saꞌ ruchichꞌochꞌ.

Isaías 61:6

Eb li tenamit teꞌxye nak la̱ex aj tij ut aj cꞌanjel chiru li Ka̱cuaꞌ. La̱ex textzꞌako̱nk riqꞌuin lix biomaleb li jalan tenamit ut e̱re chic lix lokꞌaleb.

2 Timoteo 1:9

Aꞌan quicoloc ke ut quixsicꞌ chak ku re nak tocꞌanjelak saꞌ ti̱quilal. Ma̱cuaꞌ xban kayehom kaba̱nuhom nak quixsicꞌ ku. Yal xban li rusilal ban, xban nak joꞌcan quiraj. Saꞌ xcꞌabaꞌ li Jesucristo nak quiruxta̱na ku, xban nak ac joꞌcan chak saꞌ xchꞌo̱l junxilaj nak toj ma̱jiꞌ quixyi̱b li ruchichꞌochꞌ.

Deuteronomio 14:2

La̱ex jun santil tenamit chiru li Ka̱cuaꞌ le̱ Dios. Saꞌ xya̱nkeb chixjunileb li xni̱nkal ru tenamit li cuanqueb saꞌ ruchichꞌochꞌ li Dios quixsicꞌ e̱ru ut la̱ex li tenamit li kꞌaxal lokꞌ saꞌ xya̱nkeb li jun chꞌol chic.

1 Pedro 2:5

Ut la̱ex chanchanex li cocꞌ pec li na-oc saꞌ li tzꞌac. Xban li rusilal li Jesucristo, naru texcꞌanjelak chiru li Dios joꞌ eb laj tij li nequeꞌmayejac chiru li Dios. Li mayej li kꞌaxal lokꞌ, aꞌan nak te̱kꞌaxtesi e̱rib saꞌ rukꞌ li Dios. Ut le̱ mayej nacꞌuleꞌ xban li Dios saꞌ xcꞌabaꞌ li Jesucristo.

Tito 2:14

Aꞌan quixkꞌaxtesi rib chi ca̱mc saꞌ kacꞌabaꞌ la̱o re nak tocolekꞌ chiru li ma̱usilal. Quixba̱nu aꞌan re xti̱cobresinquil li kachꞌo̱l ut re nak chikaqꞌuehak kachꞌo̱l chixba̱nunquil li us.

Deuteronomio 10:15

Li Ka̱cuaꞌ Dios quixsicꞌ ruheb le̱ xeꞌto̱nil yucuaꞌ ut quixraheb. Ut quixsicꞌ ajcuiꞌ e̱ru la̱ex xban nak la̱ex li ralal xcꞌajoleb aꞌan. La̱ex li quixsicꞌ e̱ru saꞌ xya̱nkeb chixjunileb li tenamit, joꞌ yo̱quex chirilbal anakcuan.

Isaías 26:2

Tehomak li oqueba̱l re li tenamit re teꞌoc li tenamit li ti̱queb xchꞌo̱l. Teꞌoc li tenamit li nequeꞌxba̱nu li us.

Hechos 26:18

Chanchan nak ta̱teo̱nk li xnakꞌ ruheb nak ta̱chꞌolob lix ya̱lal chiruheb. Chanchan nak teꞌe̱lk saꞌ li kꞌojyi̱n ut teꞌoc saꞌ cutan nak teꞌxtau ru lix ya̱lal. Teꞌe̱lk rubel xcuanquil laj tza ut teꞌoc rubel xcuanquil li Dios. Riqꞌuin inpa̱banquil la̱in, ta̱cuyekꞌ ta̱sachekꞌ lix ma̱queb, ut ta̱cua̱nk xnaꞌajeb saꞌ xya̱nkeb li sicꞌbileb ru xban li Dios,” chan cue li Ka̱cuaꞌ.

Apocalipsis 20:6

Us xak reheb li teꞌtzꞌako̱nk saꞌ li xbe̱n cuaclijiqueb li camenak chi yoꞌyo. Aꞌaneb li ralal xcꞌajol li Dios. Ut lix cab li ca̱mc, ma̱cꞌaꞌak chic xcuanquil saꞌ xbe̱neb. Aꞌanakeb chic li teꞌcꞌanjelak chiru li Dios ut chiru li Cristo chokꞌ aj tij. Ut teꞌcua̱nk xcuanquileb rochben li Cristo chiru jun mil chihab.

Salmos 33:12

Us xak re li tenamit li naqꞌuehoc xlokꞌal li Dios. Us xak re li tenamit aꞌan xban nak queꞌsiqꞌueꞌ ru xban li Dios chokꞌ ralal xcꞌajol.

San Mateo 5:16

Joꞌcan ajcuiꞌ la̱ex. La̱ex lix cutan saken li ruchichꞌochꞌ. Chicꞌutu̱nk biꞌ le̱ cha̱bilal chiruheb le̱ ras e̱ri̱tzꞌin re nak eb aꞌan teꞌxqꞌue retal li us nequeba̱nu ut teꞌxqꞌue xlokꞌal le̱ Yucuaꞌ li cuan saꞌ choxa.

Deuteronomio 4:20

Abanan la̱ex sicꞌbil e̱ru xban li Ka̱cuaꞌ. Aꞌan qui-isin chak e̱re saꞌ li naꞌajej Egipto, li chanchan tikcual xam xban li raylal li quecꞌul. Quexrisi chak re nak texcua̱nk chokꞌ xtenamit. Ut relic chi ya̱l nak la̱ex chic lix tenamit anakcuan.

Colosenses 1:13

Li Dios corisi rubel xcuanquil laj tza ut coxkꞌaxtesi rubel xcuanquil li Cꞌajolbej li kꞌaxal raro xban li Dios.

1 Corintios 3:17

Li rochoch li Dios aꞌan santo. Cui ani naxtiquib li jachoc ib saꞌ e̱ya̱nk, li jun aꞌan yo̱ chixjucꞌbal rochoch li Dios xban nak la̱ex aj pa̱banel rochochex chic li Dios. Ut li Dios tixsach li ani naxtiquib xjachbal ruheb laj pa̱banel.

Hechos 20:28

Joꞌcan nak ilomak e̱rib chi us la̱ex ut ilomakeb laj pa̱banel li xeꞌqꞌueheꞌ cheril xban li Santil Musikꞌej, li quixlokꞌeb riqꞌuin lix lokꞌlaj quiqꞌuel. Cherilak laj pa̱banel joꞌ nak naril chi us lix carner li pastor.

Isaías 66:21

Ut cuanqueb saꞌ xya̱nkeb li tinsicꞌ ruheb re teꞌcꞌanjelak chokꞌ aj tij ut chokꞌ aj levita.

Isaías 42:16

Abanan la̱in tinberesiheb li mutzꞌ saꞌ eb li be li ma̱ jun sut xeꞌnumeꞌ cuiꞌ. Saꞌ eb li be li incꞌaꞌ xeꞌxnau la̱in tinberesiheb. Tinsukꞌisi li kꞌojyi̱n chokꞌ cutan chiruheb ut tinti̱cobresi li be chiruheb. Chixjunil li cꞌaꞌak re ru aꞌin tinba̱nu. Incꞌaꞌ tintzꞌekta̱naheb.

Isaías 41:8

Abanan la̱ex aj Israel, la̱ex li texcꞌanjelak chicuu. La̱ex li ralalex xcꞌajol laj Jacob li sicꞌbil ru inban. La̱ex ralalex cꞌajol laj Abraham li ninra.

Isaías 9:2

Li tenamit chanchan saꞌ kꞌojyi̱n cuanqueb xban li ma̱c ut xban nak incꞌaꞌ nequeꞌxtau xya̱lal. Abanan quicutanobresi̱c lix naꞌlebeb. Ac tenebanbil raj li ca̱mc saꞌ xbe̱neb, abanan quicꞌulun laj Colol reheb.

Filipenses 3:14

Ninyal inkꞌe chire̱chaninquil lin ma̱tan joꞌ nak naxyal xkꞌe junak chi a̱linac re ta̱re̱chani lix kꞌajca̱munquil. Abanan li tincue̱chani la̱in, aꞌan li junelic yuꞌam li naxyechiꞌi li Dios reheb li nequeꞌpa̱ban re li Jesucristo.

Isaías 44:1

—Cherabihak la̱ex aj Israel ralal xcꞌajolex laj Jacob laj cꞌanjel chicuu. La̱ex li sicꞌbil e̱ru inban.

San Mateo 4:16

li tenamit chanchan li cuanqueb saꞌ kꞌojyi̱n xban nak incꞌaꞌ nequeꞌxnau lix ya̱lal. Chanchan quicutanoꞌ nak queꞌril nak queꞌxtau li colba-ib. Chanchan nak cuanqueb saꞌ jun naꞌajej re ca̱mc xban lix ma̱queb nak quicuulac li cutan saꞌ xya̱nkeb. (Isa. 9:1-2)

1 Pedro 1:2

Ac najter kꞌe cutan qui-ala chak saꞌ xchꞌo̱l li Dios Acuabej nak la̱exak li sicꞌbil e̱ru xban. Santobresinbilakex chic xban li Santil Musikꞌej re nak tex-abi̱nk ut texpa̱ba̱nk chiru li Jesucristo. Cuybilak chic le̱ ma̱c xban xquiqꞌuel li Jesucristo. Ut chicua̱nk taxak chi nabal li rusilal li Dios e̱riqꞌuin ut li tuktu̱quilal saꞌ e̱ya̱nk.

San Lucas 1:79

Ut tixcutanobresi xcꞌaꞌuxeb li cuanqueb saꞌ xkꞌojyi̱nal ru li ma̱c, li ca̱mqueb re saꞌ li ma̱usilal. Ut aꞌan ta̱beresi̱nk ke saꞌ li tuktu̱quilal, chan laj Zacarías.

Salmos 106:5

La̱in tincuaj nak tina̱cuosobtesi nak ta̱cuosobtesiheb la̱ tenamit li sicꞌbileb ru a̱ban. Ut nacuaj ajcuiꞌ nak tintzꞌako̱nk riqꞌuin li sahil chꞌo̱lej li ta̱qꞌue reheb la̱ tenamit. La̱in tincuaj ajcuiꞌ xcꞌulbal li lokꞌal li ta̱qꞌue reheb aꞌan.

Romanos 9:24

La̱o sicꞌbil ku xban li Dios. Cuan sicꞌbileb chak ru saꞌ xya̱nkeb laj judío ut cuan sicꞌbileb chak ru saꞌ xya̱nkeb li ma̱cuaꞌeb aj judío.

Hechos 26:28

Li rey Agripa quichakꞌoc ut quixye re: —Riqꞌuin li cꞌaꞌru xaye xakꞌunobresin inchꞌo̱l. Caꞌchꞌin chic ma̱ xinpa̱ban a̱ban, chan.

1 Pedro 4:11

Cui ani cuan xma̱tan chi a̱tinac, chixyehak ra̱tin li Dios. Cui ani naraj cꞌanjelac, chi cꞌanjelac aꞌ yal chanru lix cacuilal qꞌuebil re xban li Dios. Riqꞌuin chixjunil li cꞌaꞌak re ru ta̱uxma̱nk, nimanbilak taxak xcꞌabaꞌ li Dios saꞌ xcꞌabaꞌ li Jesucristo. Aꞌan laj e̱chal re li nimajcual cuanquilal ut lokꞌoninbilak taxak chi junelic kꞌe cutan. Joꞌcan taxak.

Efesios 1:6

Joꞌcan nak chikalokꞌonihak ru li Dios xban nak yal chi ma̱tan quiruxta̱na ku nak quixtakla chak li Ralal li kꞌaxal raro xban.

Salmos 73:15

At Ka̱cuaꞌ, cui ta la̱in xincꞌoxla xba̱nunquil joꞌ nequeꞌxba̱nu eb aꞌan, la̱in xinbalakꞌiheb raj la̱ cualal a̱cꞌajol.

Salmos 22:30

Eb li cualal incꞌajol teꞌxlokꞌoni li Ka̱cuaꞌ ut junelic teꞌxserakꞌi resil chiruheb li ralal xcꞌajoleb li teꞌcua̱nk mokon.

Efesios 1:14

Li Santil Musikꞌej quiqꞌueheꞌ ke chokꞌ retalil nak takacꞌul chixjunil li yechiꞌinbil ke xban li Dios ut ta̱tzꞌaklok ru li kacolbal. Joꞌcan nak lokꞌoninbilak ru riqꞌuin lix nimal xcuanquilal.

San Juan 17:19

Saꞌ xcꞌabaꞌ eb aꞌan xinkꞌaxtesi cuib la̱in chixba̱nunquil li cꞌaꞌru xaye cue. Ut saꞌ xcꞌabaꞌ li ya̱l li xinye eb aꞌan teꞌxkꞌaxtesi ajcuiꞌ ribeb chixba̱nunquil li cꞌaꞌru nacacuaj.

Efesios 3:21

Lokꞌoninbil taxak li Dios anakcuan ut chi junelic kꞌe cutan kaban la̱o aj pa̱banel xban nak junajo chic riqꞌuin li Cristo. Joꞌcan taxak.

1 Samuel 12:22

Saꞌ xcꞌabaꞌ lix lokꞌal, li Ka̱cuaꞌ incꞌaꞌ textzꞌekta̱na, xban nak aꞌan naraj nak la̱exak lix tenamit.

Salmos 118:27

Li Ka̱cuaꞌ, aꞌan li nimajcual Dios. Ut aꞌan li nacutanobresin re li kacꞌaꞌux. Chikalokꞌonihak li Ka̱cuaꞌ ut chikaqꞌue li kamayej saꞌ lix artal.

Salmos 135:4

Li Dios quixsicꞌ ru laj Jacob re nak li ralal xcꞌajol aꞌan teꞌcana̱k chokꞌ xtenamit. Joꞌcan nak eb laj Israel, aꞌaneb lix tenamit li Ka̱cuaꞌ, ut raro̱queb xban.

Isaías 62:12

“Santil Tenamit” ta̱yehekꞌ reheb laj Israel ut ta̱yehekꞌ ajcuiꞌ reheb “Colbileb xban li Ka̱cuaꞌ”. Ut li tenamit Jerusalén tixcꞌabaꞌi “Li tenamit li raro, li incꞌaꞌ chic tzꞌekta̱nanbil”.—

Malaquías 3:17

Li nimajcual Dios quixye: —Saꞌ li cutan nak tinchꞌutub ruheb lin tenamit, kꞌaxal lokꞌakeb chicuu. Joꞌ jun yucuaꞌbej naril xtokꞌoba̱l ru li ralal li nacꞌanjelac chiru, joꞌcan ajcuiꞌ nak tincuil xtokꞌoba̱l ruheb lin tenamit la̱in.

Deuteronomio 18:2

Ma̱cꞌaꞌ teꞌxcꞌul rochbeneb li ras ri̱tzꞌin xban nak lix ma̱taneb aꞌan, aꞌan li cꞌanjelac chiru li Ka̱cuaꞌ.