1 Pedro 2:6 - Li Santil hu

⁶ Tzꞌi̱banbil retalil saꞌ li Santil Hu li quixye li Dios chirix li Cristo nak quixye chi joꞌcaꞌin: La̱in xinsicꞌ ru li Colonel joꞌ nak laj tzꞌac naxsicꞌ ru li cha̱bil pec chokꞌ xxeꞌ li cab. Xinsicꞌ ru chokꞌ xxeꞌ le̱ pa̱ba̱l. Li ani ta̱pa̱ba̱nk re incꞌaꞌ ta̱chꞌina̱nk xchꞌo̱l. (Isa. 28:16)

Q'eqchi Bible

⁶ Xb'aan naq tz'iib'anb'il sa' li Santil Hu: “K'ehomaq reetal, aran Sión tink'e jun li pek re rub'elankil li kab'l: a'an sik'b'il ru ut q'axal loq'. Li taapaab'anq re ink'a' taab'alaq'iiq”.

1 Pedro 2:6 ပူးပေါင်းရင်းမြစ်များ

Isaías 28:16

Joꞌcan nak li Ka̱cuaꞌ Dios quixye chi joꞌcaꞌin: —Qꞌuehomak retal. La̱in xinsicꞌ ru jun li pec kꞌaxal lokꞌ ut xinqꞌue aran Sión chokꞌ xxuc li cab re nak cau ta̱cana̱k. Ut li ani tixcꞌojob xchꞌo̱l riqꞌuin incꞌaꞌ ta̱chꞌina̱nk xchꞌo̱l.

1 Pedro 2:4

Cha̱lkex riqꞌuin li Cristo, li yoꞌyo chi junelic. Eb li cristian queꞌxtzꞌekta̱na li Jesucristo li kꞌaxal lokꞌ li sicꞌbil ru xban li Dios chixqꞌuebal kayuꞌam. Li Jesucristo xakabanbil xban li Dios chi cꞌanjelac joꞌ jun nimla pec kꞌaxal cha̱bil li na-oc chokꞌ xxeꞌ li cab.

Efesios 2:20

La̱o aj pa̱banel chanchano li rochoch li Dios. Chanchano li pec li na-oc saꞌ xbe̱n li cimiento. Ut li cimiento, aꞌaneb li apóstol ut li profeta. Abanan li tzꞌakal xakxo cuiꞌ li cab, aꞌan li Jesucristo.

Zacarías 10:4

Saꞌ xya̱nkeb li tenamit Judá ta̱e̱lk chak jun li kꞌaxal nim xcuanquil, joꞌ li pec li naqꞌueheꞌ saꞌ xxuc li cab. Aꞌan chanchan li cheꞌ li nacu̱tun re junak li muheba̱l. Ut chanchan ajcuiꞌ li tzimaj re pletic. Ut aꞌan li ta̱takla̱nk saꞌ xbe̱n chixjunil li ruchichꞌochꞌ.

San Marcos 12:10

¿Ma incꞌaꞌ xeril saꞌ li Santil Hu li naxye chi joꞌcaꞌin? Li pec li queꞌxtzꞌekta̱na laj cablanel, aꞌan li kꞌaxal lokꞌ li quiqꞌueman chokꞌ xxuc li cab.

Romanos 10:11

Joꞌcaꞌin tzꞌi̱banbil saꞌ li Santil Hu: Li ani ta̱pa̱ba̱nk re aꞌan, incꞌaꞌ ta̱rahokꞌ xchꞌo̱l mokon xban nak tixcꞌul li cꞌaꞌru yechiꞌinbil re xban li Dios. (Isa. 28:16)

Isaías 50:7

Li Ka̱cuaꞌ Dios aꞌan li natenkꞌan cue. Joꞌcan nak incꞌaꞌ ra nacuecꞌa nak niquineꞌxhob. La̱in xakxo̱quin chi cau joꞌ jun li sako̱nac. La̱in ninnau nak incꞌaꞌ xuta̱nal tine̱lk mokon.

Isaías 42:1

Quixye li Ka̱cuaꞌ: —Aꞌan aꞌin laj cꞌanjel chicuu, li sicꞌbil ru inban. La̱in nintenkꞌan re ut sa saꞌ inchꞌo̱l riqꞌuin. Tinqꞌue lin musikꞌ re ut aꞌan ta̱rakok a̱tin saꞌ ti̱quilal saꞌ xbe̱neb li xni̱nkal ru tenamit.

2 Timoteo 3:16

Chixjunil li tzꞌi̱banbil saꞌ li Santil Hu, aꞌan musikꞌanbil xban li Dios ut nacꞌanjelac re xcꞌutbal chiku lix ya̱lal. Nacꞌanjelac re kakꞌusbal ut re xqꞌuebal kanaꞌleb ut naxcꞌut chiku chanru nak tocua̱nk saꞌ ti̱quilal.

San Juan 7:38

Xban nak joꞌcaꞌin tzꞌi̱banbil retalil saꞌ li Santil Hu: Chixjunileb li ani teꞌpa̱ba̱nk cue la̱in, li Santil Musikꞌej li naqꞌuehoc junelic yuꞌam ta̱cua̱nk riqꞌuineb. Chanchan jun li yuꞌam haꞌ li incꞌaꞌ na-osoꞌ.—

Isaías 54:4

Mexxucuac xban nak incꞌaꞌ texxuta̱na̱k. Incꞌaꞌ ta̱cꞌutekꞌ e̱xuta̱n. Ta̱sachk saꞌ e̱chꞌo̱l li xuta̱n li xecꞌul saꞌ e̱sa̱jilal. Incꞌaꞌ chic ta̱julticokꞌ e̱re li raylal li xecꞌul nak xexcanaba̱c xban li Dios. Chanchan nak la̱ex chic xma̱lcaꞌan.

San Lucas 23:35

Eb li tenamit xakxo̱queb aran chi iloc. Ut eb li nequeꞌtaklan saꞌ xbe̱neb li tenamit yo̱queb chixhobbal li Jesús ut queꞌxye: —Jalan chic quixcoleb. Cui ya̱l nak aꞌan li Cristo, li sicꞌbil ru xban li Dios, chixcolak rib xjunes, chanqueb.

San Mateo 12:18

Aꞌan aꞌin laj cꞌanjel chicuu, li sicꞌbil ru inban. Aꞌan ninra ut riqꞌuin aꞌan nasahoꞌ lin chꞌo̱l. Tinqꞌue re lin musikꞌ, ut aꞌan ta̱yehok resil li rakba a̱tin li cha̱lc re saꞌ xbe̱neb li tenamit.

Isaías 41:11

Chixjunileb li nequeꞌjoskꞌoꞌ e̱riqꞌuin teꞌcꞌutekꞌ xxuta̱n. Ut eb li nequeꞌxyal e̱tꞌanbal teꞌsachekꞌ xcuanquil ut teꞌsachekꞌ ruheb. Chanchan nak incꞌaꞌ queꞌcuan saꞌ ruchichꞌochꞌ.

Salmos 89:19

La̱at xacꞌutbesi jun li visión chiruheb la̱ tenamit ut xaye reheb: —La̱in xinqꞌue xcuanquil jun li cui̱nk cau rib. La̱in xinxakaban re chi takla̱nc saꞌ xbe̱n lin tenamit.

Salmos 40:14

Chacꞌut taxak xxuta̱neb ut chasach taxak ruheb li nequeꞌajoc incamsinquil. Cheꞌe̱lelik taxak chicuu chi sachso̱queb xnaꞌleb li nequeꞌraj xba̱nunquil ma̱usilal cue.

2 Pedro 3:16

Chirix aꞌin quixtzꞌi̱ba laj Pablo saꞌ chixjunil lix hu. Cuan li cꞌaꞌak re ru saꞌ lix hu chꞌaꞌaj xtaubal ru. Ut li ma̱cꞌaꞌeb xnaꞌleb ut li junpa̱t nequeꞌchꞌinan xchꞌo̱l saꞌ lix pa̱ba̱leb nequeꞌxpoꞌ lix ya̱lal. Joꞌcan ajcuiꞌ nequeꞌxba̱nu riqꞌuin chixjunil li ra̱tin li Dios. Xban nak nequeꞌxkꞌet ra̱tin li Dios, joꞌcan nak teꞌosokꞌ.

2 Pedro 1:20

Chetauhak xya̱lal aꞌin xbe̱n cua: li a̱tin quilajeꞌxtzꞌi̱ba li profeta saꞌ li Santil Hu incꞌaꞌ naru yalak ani ta̱jalok re xjunes.

Efesios 1:4

Nak toj ma̱jiꞌ naxyi̱b chak li ruchichꞌochꞌ li Dios, ac sicꞌbil chak ku xban saꞌ xcꞌabaꞌ li Jesucristo, re nak ti̱cak li kayuꞌam ut ma̱cꞌaꞌak chic kama̱c.

Hechos 1:16

—Ex inherma̱n, tento nak ta̱uxma̱nk li tzꞌi̱banbil saꞌ li Santil Hu li quicꞌuteꞌ chiru li rey David xban li Santil Musikꞌej chirix laj Judas li quikꞌaxtesin re li Jesús reheb li queꞌchapoc re.

Daniel 10:21

Ma̱ ani natenkꞌan cue, caꞌaj cuiꞌ li ángel Miguel li na-iloc reheb laj Israel. La̱in tincꞌutbesi cha̱cuu li cꞌaꞌru tzꞌi̱banbil saꞌ li hu re li ya̱l.

Génesis 49:24

Ut ta̱cuy chak xcolbal a̱cuib saꞌ rukꞌ eb aꞌan. Li Ka̱cuaꞌ Dios xqꞌuehoc xcacuilal a̱cuok a̱cuukꞌ. Bantiox re li Ka̱cuaꞌ Dios li naqꞌuehoc re lin metzꞌe̱u. Bantiox re li Ka̱cuaꞌ Dios li na-iloc ke joꞌ naxba̱nu junak laj ilol queto̱mk. Li Ka̱cuaꞌ Dios, aꞌan joꞌ jun sako̱nac ut ma̱ ani naru natꞌanoc re. Ut aꞌan naxqꞌue li kacuanquilal.

Isaías 46:13

La̱in chi se̱b texincol. Cuulac re xkꞌehil nak texcolekꞌ. Chi se̱b tinnumta̱k saꞌ xbe̱neb li xicꞌ nequeꞌiloc cue. La̱in tincolok re Sión ut la̱in tinqꞌue xlokꞌaleb laj Israel.—

San Lucas 20:17

Li Jesús quirileb ut quixye reheb: —¿Cꞌaꞌru naraj naxye aꞌin li tzꞌi̱banbil saꞌ li Santil Hu, li queꞌxye li profeta chicuix? Li pec li queꞌxtzꞌekta̱na laj cablanel, aꞌan li kꞌaxal lokꞌ li quiqꞌueheꞌ chokꞌ xxuc li cab. (Sal. 118:22)

1 Pedro 2:8

Ut tzꞌi̱banbil ajcuiꞌ saꞌ li Santil Hu chi joꞌcaꞌin: Aꞌan ut li pec li queꞌxtich cuiꞌ li rokeb. Aꞌan li pec li natꞌanoc. (Isa. 8:14-15) Li cristian li nequeꞌxtich rokeb chiru, aꞌaneb laj kꞌetol ra̱tin li Dios. Ac chꞌolchꞌo nak teꞌxcꞌul lix tojbal lix ma̱c xban nak nequeꞌxtzꞌekta̱na li Cristo.