1 Pedro 2:4 - Li Santil hu

⁴ Cha̱lkex riqꞌuin li Cristo, li yoꞌyo chi junelic. Eb li cristian queꞌxtzꞌekta̱na li Jesucristo li kꞌaxal lokꞌ li sicꞌbil ru xban li Dios chixqꞌuebal kayuꞌam. Li Jesucristo xakabanbil xban li Dios chi cꞌanjelac joꞌ jun nimla pec kꞌaxal cha̱bil li na-oc chokꞌ xxeꞌ li cab.

Q'eqchi Bible

⁴ Jilonqex chi xk'atq li Qaawa', a'an li yo'yookil pek tz'eqtaananb'il xb'aaneb' li winq, ab'an sik'b'il ru ut loq' chiru li Yos.

1 Pedro 2:4 ပူးပေါင်းရင်းမြစ်များ

1 Pedro 2:7

Kꞌaxal lokꞌ li Cristo chokꞌ e̱re la̱ex li ac xexpa̱ban. Abanan chokꞌ reheb li ma̱jiꞌ nequeꞌpa̱ban, ma̱cꞌaꞌ na-oc cuiꞌ. Tzꞌi̱banbil retalil saꞌ li Santil Hu chi joꞌcaꞌin: Li pec li quitzꞌekta̱na̱c xbaneb laj cablanel, aꞌan li pec li kꞌaxal cha̱bil li quiqꞌueheꞌ chokꞌ xxuc li cab. (Sal. 118:22)

Isaías 28:16

Joꞌcan nak li Ka̱cuaꞌ Dios quixye chi joꞌcaꞌin: —Qꞌuehomak retal. La̱in xinsicꞌ ru jun li pec kꞌaxal lokꞌ ut xinqꞌue aran Sión chokꞌ xxuc li cab re nak cau ta̱cana̱k. Ut li ani tixcꞌojob xchꞌo̱l riqꞌuin incꞌaꞌ ta̱chꞌina̱nk xchꞌo̱l.

Colosenses 3:4

Caꞌaj cuiꞌ riqꞌuin li Jesucristo cuan kayuꞌam. Ut nak tol-e̱lk cuiꞌchic li Jesucristo tixcꞌutbesi nak la̱o li ralal xcꞌajol, ut totzꞌako̱nk riqꞌuin lix lokꞌal.

Zacarías 3:9

La̱in xinqꞌue jun li pec chiru laj Josué. Li pec aꞌan cuan cuukub pere̱l ru. La̱in tintzꞌi̱ba jun li retalil chiru. Ut chiru jun cutan tincuisi lix ma̱queb li cuanqueb saꞌ ruchichꞌochꞌ.

Daniel 2:34

Nak yo̱cat chirilbal li jalam u̱ch, jun li pec qui-el saꞌ li u̱l chi ma̱ ani quicutuc re. Ut li pec toj chiru li rok li jalam u̱ch coxnak ut quimuchꞌeꞌ li rok xban.

Isaías 42:1

Quixye li Ka̱cuaꞌ: —Aꞌan aꞌin laj cꞌanjel chicuu, li sicꞌbil ru inban. La̱in nintenkꞌan re ut sa saꞌ inchꞌo̱l riqꞌuin. Tinqꞌue lin musikꞌ re ut aꞌan ta̱rakok a̱tin saꞌ ti̱quilal saꞌ xbe̱neb li xni̱nkal ru tenamit.

2 Pedro 1:4

Saꞌ xcꞌabaꞌ lix nimal xlokꞌal ut xcuanquilal li Dios quixyechiꞌi kama̱tan kꞌaxal lokꞌ ut nim xcuanquil. Li Dios quixyechiꞌi ke lix cuanquilal re toe̱lk saꞌ li ma̱usilal li cuan saꞌ ruchichꞌochꞌ ut quixyechiꞌi ajcuiꞌ ke lix cuanquilal re nak takacanab xrahinquil ru li ma̱c, ut re ajcuiꞌ nak totzꞌako̱nk riqꞌuin lix ti̱quilal li Dios.

2 Pedro 1:1

La̱in laj Simón Pedro. La̱in x-apóstol li Jesucristo ut nincꞌanjelac chiru. Nintzꞌi̱ba li hu aꞌin e̱riqꞌuin, la̱ex aj pa̱banel. Ac xetau lix chakꞌal ru li pa̱ba̱l joꞌ li kapa̱ba̱l la̱o. Li pa̱ba̱l aꞌin natauman riqꞌuin li Ka̱cuaꞌ Jesucristo laj Colol ke, li ti̱c xchꞌo̱l.

1 Pedro 1:19

Colbilex ban riqꞌuin xlokꞌlaj quiqꞌuel li Cristo. Li Cristo, aꞌan li quixmayeja rib chiru li Dios Acuabej joꞌ jun li carner namayeja̱c chi ma̱cꞌaꞌ re̱cꞌ ut chi ma̱cꞌaꞌ xpaltil.

1 Pedro 1:7

Tento nak ta̱yalekꞌ rix le̱ pa̱ba̱l re nak ta̱cꞌutu̱nk ma tzꞌakal re ru. Li pa̱ba̱l kꞌaxal cuiꞌchic lokꞌ chiru li oro li na-osoꞌ. Li oro nanumsi̱c saꞌ xam re rilbal ma cha̱bil. Joꞌcan ajcuiꞌ nak tento xyalbal rix le̱ pa̱ba̱l ma tzꞌakal re ru. Cui tzꞌakal re ru le̱ pa̱ba̱l, tex-oxlokꞌi̱k ut ta̱nima̱k e̱ru ut ta̱qꞌuehekꞌ e̱lokꞌal nak tixcꞌutbesi cuiꞌchic rib li Jesucristo.

Romanos 5:10

Nak toj aj ma̱co chak xicꞌ nakil li Dios. Aban li Dios xoxcꞌam saꞌ usilal riqꞌuin saꞌ xcꞌabaꞌ lix camic li Ralal. Ut anakcuan nakanau chic nak cuanco saꞌ usilal riqꞌuin li Dios ut colbilo xban nak li Cristo quicuacli cuiꞌchic chi yoꞌyo.

San Juan 14:19

Cuulac re xkꞌehil nak incꞌaꞌ chic teꞌril cuu li incꞌaꞌ nequeꞌpa̱ban cue. Abanan la̱ex te̱ril cuu. Ut xban nak yoꞌyo̱kin la̱in, yoꞌyo̱kex ajcuiꞌ la̱ex.

San Juan 14:6

Li Jesús quixye re: —La̱in aj cꞌamol be che̱ru. La̱in ninchꞌolob lix ya̱lal li Dios ut la̱in ninqꞌuehoc junelic yuꞌam. Ma̱ ani ta̱ru̱k ta̱oc riqꞌuin lin Yucuaꞌ cui incꞌaꞌ tinixpa̱b la̱in.

San Juan 6:57

Li yoꞌyo̱quil Dios, aꞌan li quitaklan chak cue. Joꞌ nak yoꞌyo chi junelic aꞌan, joꞌcan nak yoꞌyo̱quin ajcuiꞌ la̱in chi junelic. Joꞌcan ajcuiꞌ li ani naxtzaca lin tibel, li jun aꞌan ta̱cua̱nk xyuꞌam chi junelic saꞌ incꞌabaꞌ la̱in.

San Juan 6:37

Chixjunileb li tixkꞌaxtesi cue li Yucuaꞌbej, tineꞌxpa̱b. Ut li ani napa̱ban cue, la̱in incꞌaꞌ tintzꞌekta̱na.

San Juan 5:40

La̱ex incꞌaꞌ nequeraj xpa̱banquil nak la̱in ninqꞌuehoc e̱re le̱ yuꞌam chi junelic.

San Juan 5:26

Li Yucuaꞌbej cuan xcuanquil chi qꞌuehoc junelic yuꞌam ut aꞌan ajcuiꞌ quiqꞌuehoc cue la̱in li Cꞌajolbej lin cuanquil chi qꞌuehoc junelic yuꞌam.

San Mateo 21:42

Li Jesús quixpatzꞌ reheb: —¿Ma incꞌaꞌ xeril saꞌ li Santil Hu li naxye chi joꞌcaꞌin? Li pec li queꞌxtzꞌekta̱na laj cablanel, aꞌan li kꞌaxal lokꞌ, li quiqꞌueman chokꞌ xxuc li cab. Li Ka̱cuaꞌ, aꞌan quixqꞌue xlokꞌal li pec. Ut aꞌan xsachba chꞌo̱lej chokꞌ ke la̱o. (Sal. 118:22-23)

San Mateo 12:18

Aꞌan aꞌin laj cꞌanjel chicuu, li sicꞌbil ru inban. Aꞌan ninra ut riqꞌuin aꞌan nasahoꞌ lin chꞌo̱l. Tinqꞌue re lin musikꞌ, ut aꞌan ta̱yehok resil li rakba a̱tin li cha̱lc re saꞌ xbe̱neb li tenamit.

San Mateo 11:28

Joꞌcan ut cha̱lkex cuiqꞌuin che̱junilex li lublu̱quex ut li tacuajenakex ut la̱in texinqꞌue chi hila̱nc.

Zacarías 4:7

Usta joꞌ xnimal jun li tzu̱l li chꞌaꞌajquilal li ta̱cha̱lk, abanan laj Zorobabel tixcuy xnumsinquil chixjunil li ta̱cha̱lk saꞌ xbe̱n toj tixchoy xyi̱banquil li templo. Ut nak ta̱qꞌuema̱nk li pec re xchoybal li cꞌanjel chixjunileb teꞌxjap re chixyebal: ¡Cꞌajoꞌ xlokꞌal! ¡Bantiox re li Ka̱cuaꞌ!—

Daniel 2:45

La̱at xacuil chanru nak li pec qui-el saꞌ li u̱l chi ma̱ ani xcutuc re. Xacuil ajcuiꞌ chanru nak quimuchꞌeꞌ li jalam u̱ch yi̱banbil riqꞌuin hierro, bronce, saklun, plata ut oro. At rey, li nimajcual Dios yo̱ chixyebal a̱cue cꞌaꞌru ta̱cꞌulma̱nk saꞌ eb li cutan cha̱lel. La̱in xinye a̱cue cꞌaꞌru la̱ matcꞌ ut xinye ajcuiꞌ a̱cue cꞌaꞌru lix ya̱lal, chan laj Daniel.

Isaías 55:3

Cha̱lkex cuiqꞌuin. Cherabihak li cꞌaꞌru ninye. Cheba̱nuhak li cꞌaꞌru ninye ut ta̱cua̱nk e̱yuꞌam chi junelic. La̱in tinba̱nu jun li contrato e̱riqꞌuin. Texcuosobtesi chi junelic joꞌ xinyechiꞌi re laj David junxil.

Jeremías 3:22

La̱ex cualal incꞌajol li xekꞌetkꞌeti e̱rib, jalomak e̱cꞌaꞌux. La̱in texinqꞌuirtesi, chan li Ka̱cuaꞌ. Ut eb laj Israel queꞌxye: —La̱o tosukꞌi̱k a̱cuiqꞌuin xban nak la̱at li Ka̱cuaꞌ. La̱at li kaDios.

1 Corintios 3:11

Tixqꞌue retal chanru lix cꞌanjel xban nak ac qꞌuebil lix cimiento li cab. Ut ma̱ ani naru tixqꞌue junak chic li cimiento chiru li ac qꞌuebil. Ut aꞌan li Ka̱cuaꞌ Jesucristo.