1 Pedro 2:23 - Li Santil hu

²³ Nak quihobeꞌ li Cristo, incꞌaꞌ quixsume ru. Ut nak yo̱ chixcꞌulbal li raylal, ma̱cꞌaꞌ quixye. Incꞌaꞌ quixmajecuaheb. Quixkꞌaxtesi ban rib saꞌ rukꞌ li Dios, li narakoc a̱tin saꞌ ti̱quilal.

Q'eqchi Bible

²³ Naq kihob'e'k, ink'a' kisumenk rik'in hob'ok; naq kirahob'tesiik, ink'a' kimajewank, kixq'axtesi b'an rib' sa' ruq' Li naraqok aatin sa' tiikilal.

1 Pedro 2:23 ပူးပေါင်းရင်းမြစ်များ

Isaías 53:7

Kꞌaxal ra queꞌxba̱nu re, abanan quixcubsi rib chiruheb ut quixcuy chixjunil. Ma̱ jun a̱tin quixye reheb. Chanchan li chꞌina carner oc re chi camsi̱c. Chanchan li carner oqueb re chirisinquil li rix. Ma̱ jun a̱tin quixye.

1 Pedro 4:19

La̱ex li yo̱quex chi xcꞌulbal li raylal joꞌ naraj li Dios, cheqꞌuehak taxak e̱chꞌo̱l chixba̱nunquil li cha̱bilal. Chekꞌaxtesihak e̱rib saꞌ rukꞌ li Dios. Aꞌan li quiyoꞌobtesin ke ut ma̱ jokꞌe ta̱paltok chiku.

Hebreos 12:3

Cheqꞌuehak retal chanru nak quixcuy li rahobtesi̱c li Jesucristo xbaneb laj ma̱c. Joꞌcan ajcuiꞌ la̱ex. Checuyak li ra xi̱cꞌ ut incꞌaꞌ chichꞌina̱nk e̱chꞌo̱l saꞌ le̱ pa̱ba̱l.

Salmos 37:5

Junelic chekꞌaxtesi e̱rib re li Ka̱cuaꞌ ut cauhak e̱chꞌo̱l riqꞌuin. Ut aꞌan ta̱tenkꞌa̱nk e̱re.

Hechos 4:29

Ut anakcuan, at Ka̱cuaꞌ, chaqꞌue taxak retal li kaseꞌbesinquil yo̱queb, ut choa̱tenkꞌa la̱o aj cꞌanjel cha̱cuu re nak takaye la̱ cuesilal chi cau kachꞌo̱l.

2 Timoteo 4:8

Anakcuan caꞌaj chic lin ma̱tan nacuoybeni li naqꞌueheꞌ reheb li ti̱queb xchꞌo̱l. Li Ka̱cuaꞌ li narakoc a̱tin saꞌ ti̱quilal, aꞌan ta̱qꞌuehok cue saꞌ li cutan nak tol-e̱lk cuiꞌchic. Ut moco caꞌaj cuiꞌ ta cue la̱in tixqꞌue. Tixqꞌue aj ban cuiꞌ reheb chixjunileb li yo̱keb chi oybeni̱nc re lix cꞌulunic chi anchaleb xchꞌo̱l.

2 Timoteo 1:12

Joꞌcan nak nincuy chixjunil li raylal ut incꞌaꞌ ninxuta̱nac xban nak cꞌojcꞌo inchꞌo̱l riqꞌuin li Ka̱cuaꞌ. Aꞌan li ninpa̱b ut xinkꞌaxtesi cuib saꞌ rukꞌ. Ninnau nak aꞌan ta̱tenkꞌa̱nk cue tojaꞌ yal nak ta̱cꞌulu̱nk cuiꞌchic li Jesucristo.

San Lucas 23:46

Quia̱tinac li Jesús chi cau xya̱b xcux ut quixye: —At inYucuaꞌ, saꞌ a̱cuukꞌ tinkꞌaxtesi lin musikꞌ, chan. Nak quixye aꞌan, qui-el xchꞌo̱l.

Salmos 31:5

Saꞌ a̱cuukꞌ tinkꞌaxtesi lin yuꞌam. Ninnau nak la̱at niquina̱col, at Ka̱cuaꞌ. La̱at li tzꞌakal Dios.

Salmos 10:14

La̱at nacacuil li ma̱usilal nequeꞌxba̱nu ut la̱at ajcuiꞌ tatqꞌuehok reheb chixtojbaleb xma̱c. Li nequeꞌcꞌuluc raylal nequeꞌxkꞌaxtesi rib saꞌ a̱cuukꞌ ut la̱at nacattenkꞌan reheb.

Apocalipsis 19:11

Ut teto li choxa nak quicuil. Quicuil jun li cacua̱y sak rix. Ut lix cꞌabaꞌ li cꞌojcꞌo chirix li cacua̱y, aꞌan “Tzꞌakal Dios” ut “Ti̱c Xchꞌo̱l”, xban nak aꞌan saꞌ ti̱quilal ta̱rakok a̱tin ut saꞌ ti̱quilal ta̱pletik.

1 Pedro 3:9

Nak teꞌxba̱nu ma̱usilal e̱re, incꞌaꞌ te̱sume ru riqꞌuin ma̱usilal. Nak texhobekꞌ, me̱sume ru riqꞌuin hoboc. Cheba̱nuhak ban usilal reheb li nequeꞌba̱nun ma̱usilal e̱re. La̱ex bokbilex chak xban li Dios re nak te̱re̱chani le̱ rosobtesinquil.

2 Ts 1:5

Xban nak nequecuy xnumsinquil li raylal nacꞌutun nak li Dios yo̱ che̱tenkꞌanquil. Li Dios ta̱rakok a̱tin saꞌ ti̱quilal. Tento nak te̱cuy li raylal re nak li Dios tixye nak e̱cꞌulub oc saꞌ lix nimajcual cuanquilal ut saꞌ xcꞌabaꞌ ajcuiꞌ aꞌan nak yo̱quex chixcꞌulbal li raylal.

Efesios 6:9

Joꞌcan ajcuiꞌ la̱ex patrón, joꞌ nak laj cꞌanjel nacꞌanjelac chi anchal xchꞌo̱l che̱ru, joꞌcan ajcuiꞌ nak la̱ex te̱taklaheb saꞌ xya̱lal. Canabomak xtaklanquileb saꞌ joskꞌil. Nequenau nak la̱ex cuan e̱patrón saꞌ choxa joꞌ ajcuiꞌ eb aꞌan. Li patrón, aꞌan li Ka̱cuaꞌ Dios ut aꞌan moco jun ta sa ta̱ril ut jun ta xicꞌ ta̱ril.

Romanos 2:5

Aban la̱at cau a̱chꞌo̱l. Joꞌcan nak incꞌaꞌ nacayotꞌ a̱chꞌo̱l incꞌaꞌ nacajal a̱cꞌaꞌux. Ut riqꞌuin aꞌan yo̱cat chixbokbal xjoskꞌil li Dios saꞌ a̱be̱n. Toxa̱cuil xjoskꞌil nak ta̱cuulak xkꞌehil nak li Dios ta̱rakok a̱tin saꞌ ti̱quilal.

Hechos 17:31

Li Dios ac xxakab jun li cutan re ta̱rakok a̱tin saꞌ xbe̱neb chixjunileb li cuanqueb saꞌ ruchichꞌochꞌ. Ut quixxakab li ani ta̱rakok a̱tin saꞌ ti̱quilal. Quixcꞌut chiku nak tzꞌakal ya̱l xban nak quixcuaclesi cuiꞌchic chi yoꞌyo saꞌ xya̱nkeb li camenak, chan laj Pablo.

Hechos 9:1

Nak yo̱ chi cꞌulma̱nc aꞌin, laj Saulo toj yo̱ chixrahobtesinquileb li nequeꞌpa̱ban re li Ka̱cuaꞌ ut yo̱ chixyebal nak toj tixcamsiheb. Joꞌcan nak co̱ riqꞌuin li xyucuaꞌil aj tij.

San Lucas 23:9

Nabal li cꞌaꞌak re ru quilajxpatzꞌ re ut li Jesús chi ti̱c incꞌaꞌ quichakꞌoc.

Salmos 96:13

Chixjunileb ta teꞌsahokꞌ saꞌ xchꞌo̱l nak ta̱cha̱lk li Ka̱cuaꞌ chi rakoc a̱tin saꞌ xbe̱neb li cuanqueb saꞌ ruchichꞌochꞌ xban nak aꞌan ta̱rakok a̱tin saꞌ xya̱lal ut saꞌ ti̱quilal.

Salmos 7:11

Li Dios narakoc a̱tin saꞌ ti̱quilal. Ut junelic narakoc a̱tin saꞌ xbe̱n laj ma̱c.

Génesis 18:25

Incꞌaꞌ naru ta̱sacheb ru li ti̱queb xchꞌo̱l joꞌ ta̱ba̱nu riqꞌuineb li incꞌaꞌ ti̱queb xchꞌo̱l. Ninnau nak la̱at incꞌaꞌ ta̱ba̱nu aꞌan xban nak la̱at nacatrakoc a̱tin saꞌ xya̱lal saꞌ xbe̱neb chixjunileb li cuanqueb saꞌ ruchichꞌochꞌ, chan laj Abraham.

Hechos 7:59

Nak yo̱queb chixcutbal chi pec, laj Esteban yo̱ chi tijoc ut quixye: —At Ka̱cuaꞌ Jesús, cꞌul lin musikꞌ.—

San Lucas 23:41

Relic chi ya̱l nak la̱o kacꞌulub xcꞌulbal li raylal aꞌin xban nak la̱o cuan kama̱c. Abanan li cui̱nk aꞌin ma̱cꞌaꞌ junak ma̱c xba̱nu, chan re.