1 Pedro 2:18 - Li Santil hu

¹⁸ Ex aj cꞌanjel chex-abi̱nk chiruheb le̱ patrón ut che-oxlokꞌiheb. Moco caꞌaj cuiꞌ ta chiruheb li tu̱laneb. Chex-abi̱nk ban ajcuiꞌ chiruheb li joskꞌ aj patrón.

Q'eqchi Bible

¹⁸ Ex aj k'anjel, chexpaab'anq chiruheb' laj eechal eere ut chek'ehaqeb' sa' xnaq' eeru: moko ka'aj ta wi' eb' li chaab'il ut q'uneb' xch'ool, jo'eb' aj b'an wi' li josq'eb'.

1 Pedro 2:18 ပူးပေါင်းရင်းမြစ်များ

Proverbios 3:32

Li Ka̱cuaꞌ xicꞌ narileb li nequeꞌxba̱nu li incꞌaꞌ us, ut cuan chi sum a̱tin riqꞌuineb li cuanqueb saꞌ ti̱quilal.

Santiago 3:17

Li ani qꞌuebileb xnaꞌleb xban li Dios, tzꞌakal re ru lix yuꞌameb. Cuanqueb saꞌ usilal, cha̱bileb ut tu̱laneb. Nequeꞌuxta̱nan u, nequeꞌxba̱nu li us, ut incꞌaꞌ nequeꞌbalakꞌin. Junelic ya̱l nequeꞌa̱tinac.

Gálatas 5:22

Abanan li cꞌaꞌru naxqꞌue li Santil Musikꞌej saꞌ li kayuꞌam, aꞌan li rahoc, sahil chꞌo̱lejil, tuktu̱quil usilal, cuyuc, cha̱bilal, usilal, ti̱quil chꞌo̱lej,

Proverbios 8:13

Li ani naxxucua ru li Dios, xicꞌ naril li ma̱usilal. La̱in xicꞌ nacuil li kꞌetkꞌetil ut li nimobresi̱nc ib ut li ticꞌtiꞌic.

Salmos 101:4

Incꞌaꞌ tincꞌoxla li incꞌaꞌ us chi moco tinba̱nu li ma̱usilal li nequeꞌxba̱nu eb aꞌan.

Tito 3:2

Ut chaye ajcuiꞌ reheb nak incꞌaꞌ teꞌxyoꞌob a̱tin chirixeb li ras ri̱tzꞌin ut incꞌaꞌ teꞌcuechꞌi̱nk. Kꞌunakeb ban xchꞌo̱l ut cha̱bilakeb. Ut cheꞌcua̱nk saꞌ usilal riqꞌuineb chixjunileb li ras ri̱tzꞌin.

2 Corintios 10:1

Anakcuan cuan cꞌaꞌak re ru nacuaj xyebal e̱re chirixeb li nequeꞌa̱tinac chicuix. Cuan li nequeꞌyehoc chi joꞌcaꞌin: Laj Pablo tu̱lan nak cuan e̱riqꞌuin; abanan nak ma̱ ani saꞌ e̱ya̱nk jalan chic lix naꞌleb ut nak natzꞌi̱bac chak e̱riqꞌuin, kꞌaxal cau naa̱tinac, chanqueb chicuix. Ut la̱in nintzꞌa̱ma che̱ru nak chexcꞌoxlak bayak chirix li Jesucristo. Aꞌan tu̱lan ut kꞌun xchꞌo̱l.

Proverbios 11:20

Li Ka̱cuaꞌ Dios xicꞌ narileb li incꞌaꞌ useb xnaꞌleb. Aꞌut li nequeꞌxba̱nu li us sa xchꞌo̱l riqꞌuineb.

Proverbios 10:32

Eb li ti̱queb xchꞌo̱l nequeꞌxnau a̱tinac riqꞌuin cha̱bil a̱tin. Abanan eb li nequeꞌxba̱nu li ma̱usilal junes yibru a̱tin nequeꞌa̱tinac.