1 Pedro 2:16 - Li Santil hu

¹⁶ Libre chic cua̱nkex. Abanan moco xban ta nak libre chic cua̱nkex nak tex-oc chixba̱nunquil li ma̱usilal. Cheqꞌuehak ban e̱chꞌo̱l chi cꞌanjelac chiru li Dios.

Q'eqchi Bible

¹⁶ Chexk'anjelaq jo'eb' li wankeb' chi ach'ab'anb'il, ut ink'a' jo'eb' li wankeb' chi ach'ab'anb'il re chik xb'aanunkil li maa'usilal; jo'kaqex b'an li xmoos li Yos.

1 Pedro 2:16 ပူးပေါင်းရင်းမြစ်များ

Gálatas 5:13

Ex inherma̱n, la̱ex sicꞌbil e̱ru re nak libre chic cua̱nkex. Abanan moco xban ta nak libre chic cuanquex nak tex-oc chixba̱nunquil li naxrahi ru le̱ chꞌo̱l. Chera ban e̱rib ut chetenkꞌa e̱rib chi ribil e̱rib.

Romanos 6:22

Anakcuan colbilex chic chiru li ma̱c ut kꞌaxtesinbilex chic chi cꞌanjelac chiru li Dios. Ut le̱ kꞌajca̱munquil aꞌan le̱ santobresinquil ut le̱ yuꞌam chi junelic.

1 Corintios 7:22

Li ani cuan rubel xcuanquil lix patrón nak quisiqꞌueꞌ ru xban li Ka̱cuaꞌ, li jun aꞌan libre chic cuan chiru li Dios. Ut li jun li incꞌaꞌ cuan rubel xcuanquil lix patrón nak quisiqꞌueꞌ ru, lokꞌbil chic xban li Cristo chi cꞌanjelac chiru.

Romanos 6:18

Anakcuan colbilex chic chiru li ma̱c. Ut xekꞌaxtesi e̱rib joꞌ aj cꞌanjel chiru li Dios chixba̱nunquil li ti̱quilal.

Gálatas 5:1

Ma̱cuaꞌo chic joꞌ li lokꞌbil mo̱s xban nak moco cuanco ta chic rubel xcuanquil li najter chakꞌrab. Libre ban chic cuanco xban nak li Cristo quicoloc ke chiru xcuanquil li najter chakꞌrab. Chexcua̱nk ut chi cau e̱chꞌo̱l saꞌ le̱ pa̱ba̱l ut me̱qꞌue chic e̱rib rubel xcuanquil li chakꞌrab.

Santiago 1:25

Lix chakꞌrab li Dios tzꞌakal re ru ut riqꞌuin xpa̱banquil aꞌan nakatau li kacolbal. Li ani naxqꞌue xchꞌo̱l chixtzolbal lix chakꞌrab li Dios incꞌaꞌ nasach saꞌ xchꞌo̱l li cꞌaꞌru naxtzol. Naxba̱nu ban li naxye. Ut osobtesinbil xban li Dios riqꞌuin li cꞌaꞌru naxba̱nu.

Santiago 2:12

Joꞌcan ut cheba̱nuhak li us ut chex-a̱tinak saꞌ xya̱lal xban nak anakcuan cuanquex chic rubel lix chakꞌrab li Cristo li naqꞌuehoc colba-ib.

Efesios 6:6

Moco toj yo̱keb ta che̱rilbal nak te̱ba̱nu le̱ cꞌanjel re nak sahak xchꞌo̱l le̱ patrón e̱riqꞌuin. Chexcꞌanjelak ban chiru le̱ patrón joꞌ nak yo̱kex chi cꞌanjelac chiru li Cristo. Chi anchal e̱chꞌo̱l cheba̱nuhak li naraj li Dios.

2 Pedro 2:19

Eb laj balakꞌ nequeꞌxye: Libre chic texcua̱nk, chanqueb. La̱ex chic yal e̱re cꞌaꞌru te̱ba̱nu, chanqueb. Ut incꞌaꞌ nequeꞌxqꞌue retal nak aꞌan eb li cꞌayinbileb chi cꞌanjelac chiru li ma̱c xban nak li ani toj nanumta li ma̱usilal saꞌ xbe̱n, toj cuan rubel xcuanquil li ma̱c.

Colosenses 3:24

Joꞌcan cheba̱nu xban nak la̱ex ac nequenau nak li Ka̱cuaꞌ Dios ta̱qꞌuehok le̱ kꞌajca̱munquil li yechiꞌinbil e̱re xban nak li Ka̱cuaꞌ Jesucristo, aꞌan li tzꞌakal patrón saꞌ e̱be̱n ut yo̱quex chi cꞌanjelac chiru.

San Mateo 23:13

Ra cha̱lel saꞌ e̱be̱n, la̱ex aj tzꞌi̱b ut la̱ex aj fariseo, ex aj caꞌ pacꞌal u. Incꞌaꞌ nequecꞌut lix ya̱lal chiruheb li tenamit ut nequeram chiruheb lix cuanquil li Dios. La̱ex incꞌaꞌ nequeraj xkꞌaxtesinquil e̱rib rubel xcuanquil li nimajcual Dios ut incꞌaꞌ ajcuiꞌ nequecanabeb chixkꞌaxtesinquileb rib li ani nequeꞌraj.

San Judas 1:4

Nintzꞌi̱ba li hu aꞌin xban nak cuanqueb aj balakꞌ queꞌxchꞌic rib saꞌ e̱ya̱nk chi mukmu. Eb aꞌan nequeꞌxye nak laj pa̱banel naru teꞌxba̱nu yalak cꞌaꞌru chi ma̱usilal ut xban li rusilal li kaDios, ma̱cꞌaꞌ teꞌxcꞌul. Nequeꞌxsach xcuanquil li Ka̱cuaꞌ Jesucristo, laj e̱chal ke. Eb aꞌan aj kꞌetoleb ra̱tin li Dios ut chalen chak junxil cutan ac xakabanbil chak li rakba a̱tin saꞌ xbe̱neb.

1 Ts 2:5

La̱ex nequenau nak ma̱ jun cua xoa̱tinac e̱riqꞌuin yal re e̱kꞌunbesinquil. Li Dios naxnau nak la̱o incꞌaꞌ xoa̱tinac e̱riqꞌuin yal xban nak cuan li cꞌaꞌru nakaj.

San Juan 15:22

Ma̱cꞌaꞌeb raj xma̱c cui ta la̱in incꞌaꞌ xincꞌulun ut cui ta incꞌaꞌ xinye reheb lix ya̱lal. Abanan ma̱cꞌaꞌ cꞌaꞌru teꞌxcol cuiꞌ ribeb xban nak cuanqueb xma̱c.