1 Pedro 2:1 - Li Santil hu

¹ Xban nak acꞌ chic le̱ yuꞌam, cherisihak saꞌ le̱ chꞌo̱l chixjunil li ma̱usilal. Mexbalakꞌic chic. Te̱canab li caꞌ pacꞌal u. Mexcakalin chic ut te̱canab ajcuiꞌ li yoꞌoba̱nc a̱tin.

Q'eqchi Bible

¹ Jo'kan utan, tz'eqtaanahomaq chixjunil li maa'usilal, chixjunil li b'alaq'il, ka'pak'al uhil, kaqalink ut chixjunil li majewank.

1 Pedro 2:1 ပူးပေါင်းရင်းမြစ်များ

Efesios 4:31

Isihomak saꞌ le̱ chꞌo̱l chi junaj cua li cꞌahi̱nc, li joskꞌil, ut li poꞌoc ib. Joꞌcan ajcuiꞌ li choki̱nc ib ut li majecua̱nc. Checanabak chi junaj cua chixjunil li ma̱usilal.

Santiago 1:21

Joꞌcan ut nak checanabak xba̱nunquil li cꞌaꞌru incꞌaꞌ us ut chixjunil li ma̱usilal. Ut checꞌulak saꞌ xya̱lal li ra̱tin li Dios li qꞌuebil e̱re. Chicana̱k saꞌ e̱chꞌo̱l xban nak li ra̱tin cuan xcuanquil re e̱colbal.

Santiago 4:11

Ex inherma̱n, me̱cuechꞌi rix le̱ rech aj pa̱banelil xban nak ani naxcuechꞌi rix li rech aj pa̱banelil naxcuechꞌi ajcuiꞌ rix lix chakꞌrab li Dios ut naxqꞌue rib chokꞌ aj rakol a̱tin. Li kacꞌanjel ma̱cuaꞌ re xcuechꞌbal rix li chakꞌrab; re ban xpa̱banquil.

1 Pedro 3:10

Joꞌcaꞌin naxye saꞌ li Santil Hu: Li ani ta̱raj cua̱nc chi sa saꞌ xchꞌo̱l re tixnumsiheb li cutan saꞌ xya̱lal, incꞌaꞌ ta̱a̱tinak riqꞌuin yibru a̱tin chi moco ta̱ticꞌtiꞌik.

1 Pedro 4:4

Aꞌut anakcuan eb li ma̱jiꞌ nequeꞌpa̱ban nequeꞌsach xchꞌo̱leb che̱rilbal. Nequeꞌxqꞌue retal nak ma̱cuaꞌex chic jun saꞌ xya̱nkeb chixba̱nunquil li ma̱usilal. Ut xban aꞌan nequexhobeꞌ.

1 Pedro 4:2

Ut jarub cutan chic toj yoꞌyo̱kex cheba̱nuhak li cꞌaꞌru naraj li Dios, ut incꞌaꞌ chic yo̱kex chixba̱nunquil li cꞌaꞌru querahi chak ru junxil.

Santiago 5:9

Ex herma̱n, me̱cuechꞌi e̱rib che̱ribil e̱rib re nak incꞌaꞌ ta̱rakekꞌ a̱tin saꞌ e̱be̱n. Li Jesucristo aꞌan laj rakol a̱tin ut chi se̱b ta̱cꞌulu̱nk cuiꞌchic.

Hebreos 12:1

Numtajenak xqꞌuialeb laj pa̱banel li queꞌcuan chak najter. Kaqꞌuehak retal chanru lix pa̱ba̱leb. Chanru nak queꞌpa̱ban chak aꞌan, joꞌcan ajcuiꞌ takaba̱nu la̱o. Cui junak naraj a̱linac, narisi chixjunil li naa̱lobresin re ut naxyal xkꞌe chi a̱linac. Joꞌcan ajcuiꞌ takaba̱nu la̱o. Takacanab chixjunil li cꞌaꞌak re ru nachꞌiꞌchꞌiꞌin ke saꞌ li kapa̱ba̱l ut takacanab ajcuiꞌ li ma̱c li nachapoc ke. Chikacuyak taxak li cꞌaꞌak re ru tento xcuybal re nak takaba̱nu joꞌ naraj li Dios.

1 Timoteo 3:11

Joꞌcan ajcuiꞌ li rixakileb li nequeꞌcꞌanjelac saꞌ xya̱nkeb laj pa̱banel. Cha̱bilakeb lix naꞌleb. Ma̱cuaꞌakeb aj molol a̱tin. Ma̱cuaꞌakeb aj calajenak. Ti̱cakeb ban xchꞌo̱l ut ti̱cakeb lix cꞌaꞌux riqꞌuin chixjunil.

Salmos 34:13

Cui joꞌcan te̱raj, cheqꞌuehak retal li cꞌaꞌru te̱ye. Mex-a̱tinac chi yalak chaꞌak re ru chi moco texticꞌtiꞌik.

1 Pedro 2:22

Li Cristo ma̱cꞌaꞌ xma̱c. Ut ma̱ jun sut quibalakꞌin.

Tito 2:3

Ut chaqꞌueheb ajcuiꞌ xnaꞌlebeb li che̱quel ixk. Chicꞌutu̱nk lix lokꞌaleb riqꞌuin lix ti̱quilal xchꞌo̱leb. Incꞌaꞌ teꞌxyoꞌob a̱tin chirixeb li ras ri̱tzꞌin ut incꞌaꞌ teꞌcala̱k. Aꞌanakeb ban chic aj cꞌamol be saꞌ li ti̱quilal.

Salmos 32:2

Us xak re li ani incꞌaꞌ nabalakꞌic, li nayeheꞌ re xban li Dios nak ma̱cꞌaꞌ xma̱c.

1 Corintios 14:20

Ex inherma̱n, chanchanakex li cꞌulaꞌal xban nak eb li cꞌulaꞌal incꞌaꞌ nequeꞌxba̱nu li ma̱usilal. Abanan mexcꞌoxlac joꞌ nequeꞌcꞌoxlac li cocꞌal. Tzꞌakalak ban re ru le̱ cꞌaꞌux xban nak moco cocꞌalex ta chic.

Romanos 1:29

Numtajenakeb xyibal ru lix naꞌlebeb ut lix ma̱usilaleb. Aj yumbe̱teb ut aj coꞌbe̱teb. Nequeꞌxra ru li cꞌaꞌru cuan reheb li ras ri̱tzꞌin ut kꞌaxal joskꞌeb. Numtajenakeb chi aj cakal, aj camsihomeb ras ri̱tzꞌin, aj ple̱teb, aj balakꞌeb ut aj molol a̱tineb.

San Lucas 6:42

¿Chanru nak ta̱ye re la̱ cuas a̱cui̱tzꞌin, “Cuisihak li cꞌaj cheꞌ saꞌ xnakꞌ a̱cuu”, nak toj cuan li tzꞌamba saꞌ xnakꞌ a̱cuu la̱at? At aj caꞌ pacꞌal u, xbe̱n cua isi li tzꞌamba cuan saꞌ li xnakꞌ a̱cuu la̱at, re nak tat-ilok chi tzꞌakal re risinquil li cꞌaj cheꞌ cuan saꞌ xnakꞌ ru la̱ cuas a̱cui̱tzꞌin.

San Mateo 23:28

Joꞌcan ajcuiꞌ la̱ex. Relic chi ya̱l nak cha̱bil nequexcꞌutun chiruheb li tenamit. Abanan le̱ chꞌo̱l nujenak chi ma̱usilal ut la̱ex aj caꞌ pacꞌal u.

San Mateo 7:5

At aj caꞌ pacꞌal u, xbe̱n cua isi li tzꞌamba cuan saꞌ li xnakꞌ a̱cuu, tojoꞌnak tat-ilok chi tzꞌakal re risinquil li cꞌaj cheꞌ cuan saꞌ xnakꞌ ru la̱ cuas a̱cui̱tzꞌin.

Salmos 37:1

Mixic e̱chꞌo̱l chixcꞌoxlanquil li cꞌaꞌru nequeꞌxba̱nu li incꞌaꞌ useb xnaꞌleb ut incꞌaꞌ te̱cakaliheb riqꞌuin li cꞌaꞌru cuan reheb.

2 Corintios 12:20

Nincꞌoxla nak tincuulak e̱riqꞌuin ma̱re incꞌaꞌ sahak e̱chꞌo̱l cuiqꞌuin, ut la̱in ma̱re incꞌaꞌ sahak inchꞌo̱l e̱riqꞌuin xban nak toj cuan li cꞌaꞌak re ru incꞌaꞌ us saꞌ e̱ya̱nk. Ma̱re toj cuan li pletic ut li cakali̱nc saꞌ e̱ya̱nk ut ma̱re toj cuan li joskꞌil ut li nimobresi̱nc ib, malaj ut li kꞌaba̱nc ut li xicꞌ iloc ut ma̱re toj cuan li kꞌetkꞌetil e̱riqꞌuin malaj ut li poꞌoj ib.

Proverbios 24:1

Me̱ra ru li ma̱usilal li nequeꞌxba̱nu li incꞌaꞌ useb xnaꞌleb. Ut me̱rahi ru cua̱nc saꞌ xya̱nkeb.

Proverbios 3:31

Me̱cakaliheb li nequeꞌxba̱nu ma̱usilal, chi moco chetzol e̱re li cꞌaꞌru nequeꞌxba̱nu.

Apocalipsis 14:5

Incꞌaꞌ queꞌticꞌtiꞌic. Chiru li Dios ma̱cꞌaꞌ xma̱queb.

1 Pedro 2:16

Libre chic cua̱nkex. Abanan moco xban ta nak libre chic cua̱nkex nak tex-oc chixba̱nunquil li ma̱usilal. Cheqꞌuehak ban e̱chꞌo̱l chi cꞌanjelac chiru li Dios.

Santiago 4:5

Cuan xya̱lal nak tzꞌi̱banbil chi joꞌcaꞌin saꞌ li Santil Hu: Li Santil Musikꞌej li quixqꞌue li Dios chi cua̱nc kiqꞌuin, aꞌan kꞌaxal nocoxra ut aꞌan naraj nak caꞌaj cuiꞌ li Dios takalokꞌoni.

Santiago 3:14

Cui toj cuan li cꞌahi̱nc ut li cakali̱nc e̱riqꞌuin, me̱nimobresi e̱rib chixyebal nak cuan e̱naꞌleb. Riqꞌuin xba̱nunquil aꞌan yo̱quex chi ticꞌtiꞌic ut xmukbal lix ya̱lal.

1 Ts 2:3

Moco yo̱co ta chixbalakꞌinquil kib. Tzꞌakal ya̱l ban li yo̱co xyebal e̱re. Moco cuan ta junak kacꞌaꞌux incꞌaꞌ us saꞌ e̱be̱n, chi moco yo̱co ta che̱balakꞌinquil.

1 Corintios 5:8

Joꞌcan nak chikacanabak li najter naꞌleb li naqꞌuehoc ke chi ma̱cobc. Li najter naꞌleb aꞌan chanchan lix chꞌamal li caxlan cua. Ut la̱o chanchanako li xkꞌemal li caxlan cua ma̱cꞌaꞌ xchꞌamal. Naraj naxye nak ti̱cak chic li kachꞌo̱l ut tzꞌakal re ru li kayuꞌam.

San Juan 1:47

Li Jesús quiril nak laj Natanael yo̱ chak chi cha̱lc riqꞌuin ut quixye: —Cueꞌ chak jun cui̱nk tzꞌakal aj Israel. Cha̱bil xnaꞌleb. Aꞌan incꞌaꞌ nabalakꞌic, chan li Jesús.

San Lucas 11:44

Ra cha̱lel saꞌ e̱be̱n la̱ex aj tzolol chakꞌrab ut la̱ex aj fariseo xban nak incꞌaꞌ us le̱ naꞌleb. La̱ex aj caꞌ pacꞌal u. Chanchanex li mukleba̱l li incꞌaꞌ nacꞌutun. Yalak ani nanumeꞌ saꞌ xbe̱n xban nak incꞌaꞌ nequeꞌxnau cꞌaꞌru cuan aran, chan.

Isaías 30:22

La̱ex incꞌaꞌ chic te̱raj le̱ yi̱banbil dios li qꞌuebil plata ut oro chirixeb. Te̱tzꞌekta̱naheb joꞌ li mul. Ut te̱ye: —Incꞌaꞌ chic nakaj rilbaleb, chaꞌakex.

Proverbios 24:19

Mexjoskꞌoꞌ xbaneb li incꞌaꞌ useb xnaꞌleb ut me̱rahi ru li ma̱usilal li nequeꞌxba̱nu.

Proverbios 14:30

Li ani ma̱cꞌaꞌ naxcꞌoxla sa cuan lix yuꞌam ut cuan xcacuilal. Abanan li ani nacakalin incꞌaꞌ nacuan chi sa saꞌ xchꞌo̱l. Ut naxqꞌue ajcuiꞌ xyajel lix tibel.

Li xHu LAJ JOB 36:13

Eb li incꞌaꞌ nequeꞌxcꞌoxla li Dios, cꞌajoꞌ nak nequeꞌjoskꞌoꞌ. Usta yo̱queb chi cꞌuluc raylal, abanan incꞌaꞌ nequeꞌxtzꞌa̱ma xtenkꞌanquil chiru li Dios.

San Lucas 12:1

Nak yo̱queb chi chꞌutla̱c li qꞌuila mil chi tenamit, yo̱queb chixtiquisinquil ribeb. Li Jesús qui-oc chi a̱tinac riqꞌuineb lix tzolom xbe̱n cua ut quixye: —Me̱ba̱nu joꞌ nequeꞌxba̱nu laj fariseo. Aꞌaneb aj caꞌ pacꞌal u.

San Marcos 12:15

Li Jesús naxnau nak aj caꞌpacꞌaleb. Quixye reheb: —¿Cꞌaꞌut nak nequeraj xyalbal cuix? Cꞌamomak chak li tumin. Cuilak, chan reheb.

San Mateo 24:51

Ut ta̱cꞌajtesi̱k ru ut ta̱qꞌuehekꞌ saꞌ xya̱nkeb laj caꞌ pacꞌal u. Ut aran ta̱cua̱nk li ya̱bac ut li cꞌuxuxi̱nc ruch e.

San Mateo 15:7

La̱ex aj caꞌ pacꞌal u. Ya̱l ajcuiꞌ li quixye li profeta Isaías che̱rix la̱ex nak quixtzꞌi̱ba li cꞌaꞌru quiyeheꞌ re xban li Dios nak quixye:

Isaías 2:20

Nak ta̱cꞌulma̱nk aꞌin, eb li cristian teꞌxcut chi najt lix dioseb yi̱banbil riqꞌuin plata ut oro. Teꞌxcut chiruheb li chꞌo ut li tzꞌu̱m xicꞌ lix dioseb li queꞌxyi̱b eb aꞌan re teꞌxlokꞌoni.

Salmos 73:3

Xincakaliheb xban nak xinqꞌue retal nak us na-el chiruheb li cꞌaꞌru nequeꞌxba̱nu.